點.魚 (Closed)

於中環收工後跟朋友吃飯，這裡有一間吃酸菜魚的小店。招牌酸菜魚選了小辣所以入口無難度，以整條盧魚上桌，魚被炸過配上酸菜魚特別有口感。酸菜湯底很均衡，不會偏咸亦不會偏酸。材料特多，老實說這個二人餐的份量即使三個女仔吃都夠飽。裡面更有星班魚片啖啖肉而且很滑。另外選了川味口水雞，不算太辣而且雞肉份量很多而且都算滑，油脂不多。刀削麵很彈牙尖椒四川皮蛋很香很有口感，朋友很喜歡吃。芥末鼠耳爽口很開胃。小食就有香辣蝦多士及麻辣小餡餅，前者香口惹味，後者麻辣混入豬肉的餅餡剛好不會搶味。冷泡蜜香鳳凰烏龍及冷泡桂花烏龍，前者帶有桂花香味及甜味，後者則烏龍味較濃，配酸辣食物就是最佳了。最後甜品有四川冰粉及芒果凍布甸，前者爽滑配上酸紅梅很過癮，後者則有點像在吃楊枝甘露。整個二人晚餐由頭盤到甜品及飲品都很滿足。

鍾意食川菜嘅朋友唔好錯過呢間點魚尤其鍾意食酸菜魚水煮魚嘅我對我來講真係一個福音 🤩🤩因為平時食開川菜價錢都比較貴 要食到平民化又好食有水準嘅真係好難四川酸菜系列裏面有好食嘅酸菜魚朋友點左老壇酸菜魚同青花椒酸菜魚主食方面可以揀白飯、米線或者刀削麵另外都會跟兩款配菜 朋友食得清淡鍾意食娃娃菜同響鈴 我都揀咗薯仔同豆腐兩個湯都好正 特別鍾意食花椒 麻香十足一啖湯一啖米線一啖魚 簡直係極級享受而且啲餸菜都好吸湯味 感覺好似打緊邊爐不得不提就係碗裏面仲有兩款開胃前菜包括有麻辣燒賣、蓮藕仲有辣嘅冬菇包😋飲品點左青檸梳打同埋桂花烏龍茶兩者都超解渴 青檸梳打更加喺係澳洲入口最後仲有甜品就係四川冰粉 甜甜地有紅莓口味清新唔太甜 略嫌唔夠黑糖 不過絕對有解辣嘅功能👍🏻👍🏻

聽聞呢度有一間餐廳新開主打酸菜魚麵，雞湯面等等，於中環返工嘅我來講有新野食點可以唔去試吓呢！今次我同朋友叫咗一個藥膳雞湯麵同埋一個酸菜魚麵，仲加咗佢哋嘅小食包括菜苗蝦餃同埋麻辣燒買。兩樣野都係set跟埋雖然魚面有少少辣但係好夠香，切得住正宗酸菜魚，係一個好新奇嘅配搭！雞湯方面，感覺好清淡健康，唔鍾意食濃、太重口味嘅朋友可以選擇食呢個藥膳雞湯麵。我哋仲試埋佢個甜品包括一個薑汁布丁同埋四川嘅冰粉，兩樣野都係平時比較少食嘅甜品，味道清新又係適合夏天食，呢間野己有新鮮感推薦大家去試吓！

Sichuan food have always got me🌶.中環有新開嘅川菜，佢哋嘅型式比較適合small party of 2-4👥，每樣嘅份量唔會太大，可以每樣試少少，就算小人都可以試多幾樣唔同嘅嘢食，不過佢哋嘅辣就唔算好辣，適合香港人食.佢哋就算夜晚都有點心食，有椒鹽麻辣燒賣，上面仲有花椒汁吱落去，食落本身唔係好辣，但係啲麻辣喺aftertaste嗰陣先出嚟，夠晒過癮🤩，平時食點心我都已經好鍾意食香菇包，而佢哋嘅香菇包🍄仲要係麻辣餡，好味.除咗點心，仲有多款麻辣小食，我就叫咗尖椒四川皮蛋🥚、酸菜枝竹同藤椒萵筍.去到主角，就叫左青藤椒酸菜牛🥩，平時成日都食酸菜魚，牛就比較少食，另外牛同酸菜味道都啱，個酸湯幾好飲，強烈建議另外叫多個米線或者刀削麵🍜.甜品就叫咗解辣嘅四川冰粉，同埋紅豆3.6牛乳奶凍🥛

有一日同事話威靈頓街開咗間食酸菜魚，小西就擇日揀星期五好西日去食！點知呢一餐破壞咗我TGIF Mood。食完要去Don Don Don Donki買野食安撫心靈同個肚☹️3大唔推薦原因:~酸菜魚竟然用呢啲薯仔~上菜個下小西見到個薯係驚嚇咗下，心諗係咪我井底之蛙。放入口個下個反應係: Fxxk! 浸到爛曬，變咗薯泥！佢都係乖乖做返鋸扒個薯菜啦.....~極度膚淺的湯~唔好比佢個外表呃咗。個湯放入口真係難飲到喊。我究竟飲緊咩？佢係一個用水溝出黎既鹹湯。酸味？金拱門個漢堡包個酸瓜仲酸過佢。辣味？(利申:小西係食開三哥三酸中辣)呢碗中辣等於5小辣.....總括黎講個湯係無靈魂！~得個樣既燒賣~小西係燒賣關注群組會員！呢粒燒賣佢一上台我即刻擠個辣油再放入口....嘩！硬到呢.....粒燒賣究竟係蒸過龍定係擺好耐。媽啊！我分唔到！至於個辣油就只能夠話好有中學小食部回憶: 阿姨 燒賣辣油！~回憶兒時藥水~如果大家想回憶細個睇醫生個粉紅色藥水味，可以叫下呢個冰粉。首先個冰粉放入口已經無解辣feel，無舒服既感覺，再加埋個藥水味就真係一絕！最後，小西只能話呢間餐廳不可一不可再

今日出開中環，見到有間食四川野嘅新餐廳，門面裝修都幾靚，於是入去試吓。佢地晚餐有套餐，我地叫咗1 set 2人餐試吓，呢個2人餐都幾多野食。麻辣小餡餅，外層炸得好酥脆，雖然係炸，但唔太油膩，幾特別，好味。酸菜支竹，呢個係涼拌，甜甜酸酸，好開胃。尖椒四川皮蛋，呢款好有四川特色，唔係普通皮蛋，係金皮蛋，個醬汁辣得黎好香。招牌酸菜魚，條魚係炸咗之後先放湯再煮，所以食落仲有香脆口感，魚肉好厚身，都幾大條，個湯酸酸辣辣好惹味，仲有唔炒配菜喺入面，有我最愛嘅薯粉，煙煙韌韌，吸晒湯嘅味道，正。麻香豆腐血旺，豬紅好入味，豆腐吸晒d麻辣香味，唔錯。芒果涷布丁，呢個甜品勁多芒果肉，非常足料，唔太甜。四川冰粉，食落非常冰涼，d冰粉好滑，唔太甜，好味。

先試左前菜拍青瓜跟尖椒皮蛋青瓜明顯無拍過，得甜味唔咸唔酸、味道古怪。尖椒皮蛋無尖椒，得d甜味既紅椒，再配點燒賣咁既甜豉油。皮蛋係流心既、不過咸蛋咁既味⋯又真係幾新式 驚喜十足⋯不過到主菜仲驚喜！酸菜魚竟然無酸味亦都無咩酸菜。係底既個刀削麵就煮得林左少少🤏似煮耐左既烏冬麵，無左刀削麵應有好煙韌個口感、好失望。另外毛血旺就都夠哂味，但食落似豬紅多過鴨血🧐個蔥幾香，豆腐幾有咬口。唔可以話好好食但比較上正常。最尾賣單仲要收多錢，要食既建議望多眼check下單。總括而言如果想食正宗川菜可以唔洗試🥵都算係我食過最唔好食嘅川菜

早排同朋友行驚中環嘅時候見到新開左一間主打川菜嘅餐廳，餐廳主打酸菜魚😜環境感覺非常清新，同朋友係平日晚上時間嚟都坐滿人，味道都唔錯，值得大家一試😋_芥末鼠耳 $26餐廳有提供多款前菜選擇，今次揀嘅呢款雲耳使用芥末作調味，雲耳口感爽口，加咗芥末後更開胃清新😍_🌶招牌水煮牛 $128水煮牛肉能夠選擇辣度，今次小編同朋友就揀咗小辣，水煮牛肉分量充足，非常入味帶有麻香，另外加咗粉絲、豆卜等等吸味配料更惹味_🍆孜然蒜香茄子 $68鍾意食茄子嘅朋友仔一定要試吓，非常香口孜然味重，食落去唔會太油膩_四川冰粉$28芒果凍布甸 $28 餐廳有提供多款特色甜品，解辣嘅冰粉加咗紅糖同奇亞籽清新解膩，十分推介😊芒果布甸口感順滑，味道不會太甜_冷泡蜜香鳳皇烏龍$30冷泡桂花烏龍 $30檸檬青檸梳打 $38經店員嘅推介試咗佢哋嘅冷泡茶，小編個人比較喜愛桂花烏龍，味道較為清新重桂花香，另外一款青檸梳打酸甜開胃

第一次嚟呢間食，環境好舒服，亦都唔難搵。叫餐可以用QR code，今次我叫咗一個藥膳雞湯面，一個酸菜魚麵，麻辣燒賣，同埋菜苗蝦餃。酸辣魚午市套餐既set，真係好正，雖然佢有少少辣，但真心好正。藥膳雞湯識落好清淡，感覺好健康，如果鍾意食清淡口味既話，可以試吓。佢個甜品都好唔錯，叫咗一個薑汁布甸，同埋四川冰粉，味道好有特色， 10分推介。擺碟好靚，同埋上餐時間都幾快，員工亦好友善，價格亦唔會太貴。有機會要去試下啦！

朋友話我知中環開咗間新嘅川菜舖頭，裝修都幾靚。咁就搵咗日收工去試吓，間舖頭叫做點.魚。頭先叫咗幾款唔同嘅前菜，分別係涼拌手指青瓜（$23 ），紅油大豆芽（$23）同埋川味口水雞（$38）。前菜方面全部都喺水準之上，我尤其鍾意個大豆芽菜同埋口水雞。大豆芽菜好爽口而且好開胃。另一個口水雞雖然話前菜，但係個份量都唔少，而且啲口水雞好惹味，送飯一流。餐廳有幾款招牌菜，分別係水煮牛、酸菜魚、辣子雞等等嘅出名川菜。唔知點解今日突然間好想食酸菜魚（$168）。酸菜魚係成條魚咁樣上，首先魚肉係炸過嘅但係一啲都唔覺得佢油膩，其實好驚喺其他地方食川菜好油食完個胃好唔舒服，但係呢一間舖就冇👍講返個酸菜魚先，入面好足料有好多款唔同嘅配菜，分別係蘿蔔、豆卜、大豆芽菜等等而且魚嘅份量都好多，夠晒三至四個人食。另外我覺得個辣到俾佢描述嘅冇咁辣，所以如果食得辣嘅可以試吓中辣甚至係大辣。同埋唔可以錯過喺餐廳自製冷泡茶，分別有四款，而今日就叫咗冷泡蜜桃烏龍茶同埋冷泡蜜香鳳凰烏龍。每款分別都係$30 。冷泡茶個樽好靚，而且每款茶都有佢獨特嘅香氣。啱晒食辣姐嗰陣時飲可以清下辣。另一方面要讚一讚喺呢度嘅服務態度十分之好，侍應非

今日收工行過威靈頓街見到呢間新開嘅餐廳，鋪面裝修簡潔，俾人一種好溫暖嘅感覺。最重要嘅係呢度係食我喜歡嘅川菜。涼菜我哋揀咗個滕椒萵筍，上菜嘅時候已經見到佢嘅顏色好翠綠，食落嘅時候真係好爽脆，少少麻麻辣辣帶點點甜，好好味。然後我哋仲揀咗兩個小菜，一個係椒鹽豆腐。我本人本身對豆製品好一般，但係佢呢度嘅椒鹽豆腐令我食唔停口。因為佢啲椒鹽分布均勻，好香口。最驚喜嘅係佢嘅炸粉做到好薄，但係中間嘅豆腐係山水豆腐花咁滑。另一個小菜係香辣蝦多士，唔係好食到佢嘅辣不過就食到佢好香好脆。咬開仲唔會成口油，中間有啲蝦蓉涵，好彈牙。然後就係今晚嘅主菜，招牌酸菜魚。佢呢個酸菜魚嘅賣相簡直不得了，有成條魚係中間。酸菜魚裏面已經有少少薯粉同埋一啲索晒堂嘅豆卜，雖然佢個湯底同出邊嗰啲有啲唔同，佢係偏向酸味重啲。但係佢啲魚肉仲食到魚嘅鮮甜味，完全唔會比個湯底蓋過咗。最後仲有一個主食係螞蟻上樹，佢係用又新嘅薯粉炒，每一條都好入味，甜甜地唔會太辣，啲肉操又好香，我自己覺得好好味。飲品方面我哋試咗佢哋嘅冷泡茶，分別係桂花烏龍同埋蜜桃烏龍。佢哋嘅茶係無糖嘅，但係就飲到好香嘅蜜桃味同桂花味，飲完之後絕對可以解辣解膩。最後點少得甜品

近排中環開咗間有得食藥膳湯麵同酸菜魚嘅餐廳😋每碗麵價錢由$60至$86不等 除咗預設嘅餸 仲可以免費自選兩款餸 性價比中等 勝在會送埋涼菜————————————————————————🐕 涼菜（免費）🐕⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯蒜蓉青瓜爽脆清新最特別係個香菇包🤣饅頭般嘅外皮內裏我估係麻辣杏鮑菇餡辣度唔勁 只係微微嘅刺激感食落有啲似辣嘅叉燒包不過啲叉燒就變做爽脆嘅杏飽菇粒為成個包增添口感雖然特別 但個人麻麻🤣🤣————————————————————————🐕 鮮蝦春卷+白菜豬肉餃藥膳養生湯刀削麵🐕（自選餸：娃娃菜+炸豆皮）⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯湯底充斥住紅棗同杞子嘅甜味飲落清甜解膩 帶有藥材香鐘意佢嘅刀削麵😋麵條厚身 煙靭有咬口😋😋😋鮮蝦春卷不過不失似係炸過泰式魚餅混入脆口嘅荀只係略厭表面有啲油膩白菜豬肉餃則不太推 比較細粒白菜得嗰寥寥數條 比較似急涷餃子😣😣炸豆皮其實係響鈴🤣🤣————————————————————————🐕 老壇酸菜魚米線🐕（自選餸：薯仔+金菇）⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯我會話佢個味似係正宗嘅酸菜魚值得一讚係表面唔會好