Vivi restaurant

Open Now

Now Closed

今日新一年開始了可能尋晚倒數得太夜今日中午先出門都唔知去邊度地方好所以諗住去沙田嗰邊行一行回顧下因為我哋嗰度都有好多回憶咁可能去得太晏我哋下晝差唔多2點半鐘去到田園閣俾我哋搵到呢一間餐廳非常之抵價錢都唔貴份量都幾多款式選擇特別多！食得超飽咁我同朋友就分別揀咗三個下午茶餐🥗愛爾蘭煙三文魚烏麻沙律有餐包同湯同甜品飲品就加咗杯薑茶🍟第二份就係章魚燒配薯條餐包同埋湯飲品紅棗茶🥩第三份紐西蘭PS草飼西冷配黑松露醬跟薯菜，跟餐包同埋湯飲品嘅紅棗茶味道唔錯！份量十足！性價比超高👍📍 Vivi restaurant 沙田沙田圍路9-11號田園閣地下C號舖

住沙田的朋友約我去一間性價比高的西餐廳晚飯，依時赴約，去到係滿座的，證明有吸引力，大概等十分鐘就有位先點了三個小食，首先有爆炒咖哩辣蜆 ，上菜時已散發陣陣咖哩香味，青紅椒絲洋蔥伴新鮮蜆肉，非常開胃，跟住有薯蓉焗蒜蓉牛油帶子 ，是另一款香味，薯蓉伴帶子夾住牛油香，都幾滋味，但最吸引我嘅，係碎蛋煙三文魚黑松露法包，四樣材料配合得好好，碎蛋醬尤其做得黏口香滑，食得津津有味，三款小食，夾埋只不過百二蚊左右，各有特色 朋友點了威露頓牛柳配黑松露燒汁，先上餐湯雜菜湯，非常足料，不多久主菜就上碟，這是酥皮包著牛柳烤焗，少啲功夫都唔得，酥皮做得香口鬆化而不油膩，夾著肉汁豐富而肉質嫩滑的牛柳一口一口的吃，的確係唔錯嘅享受 我就點咗美國安格斯牛柳配黑椒汁，最喜歡濃稠的忌廉湯，是我餐湯的首選。不是鐵板上菜，選擇五成熟的烹煮，非常適合我的口味，既保持肉汁，入口更鮮嫩，牛柳選料新鮮肉味香濃，黑椒汁煮得夠香，很調和的配合 朋友選了香芒鮮椰乳，一杯幼滑果香的特飲，我則選了熱潤喉冰糖雪梨，的確是潤肺潤喉，飲完溫暖舒適。食得咁豐富，兩人共四百幾蚊，朋友的介紹真好

今天與朋友經過沙田圍，見到一間很特別的西餐廳便入內試下。主菜：美國安格斯牛柳配黑椒汁，牛柳質嫩爽口，肉汁四溢。慢煮雞胸配蒜味芝士焗波士頓龍蝦。雞胸很嫩滑龍蝦很鮮甜，薯菜的薯條是粗身更有口感和脆口。小食：薯蓉焗蒜蓉牛油帶子，帶子很新鮮配蒜蓉很惹味。水牛城雞翼，雞翼配合酸酸甜甜的醬汁很開胃。甜品：抹茶芝士蛋糕，抹茶味很香濃。伯爵茶芝士蛋糕，伯爵茶味與芝士配搭得恰到好處很香甜。飲品：紅豆冰，紅豆是大大的原粒紅豆。還有配羅宋湯和蒜蓉包。真的很豐富和滿足。

知道呢間餐廳新開一星期，阿仔又想吃卡邦尼意粉，特意前來一試。 好多餐廳都有卡邦尼意粉，但每間餐廳的味道非常不同。 呢間餐廳煙肉夠多，白汁非常creamy，正正係我喜歡的那種口味，覺得不錯。另外點了一個酥皮牛柳，確實有點驚喜，牛柳非常大件，但係 肉質非常軟淋，容易入口。薯條亦都幾好味。另外我哋亦都點了一個豬手，個豬手外皮非常脆口，好難得，呢個價錢絕對超值。 其實佢每碟嘢都好大碟，份量 十分充足，嚟緊一定會多啲幫襯！

今日過咗沙田圍探朋友， 晚飯時間我哋就到樓下附近搵嘢食， 朋友鍾意鋸扒我哋就揀咗呢間vivi restaurant, 店員好快就幫我哋安排位置， 未開始食嘢我已經 好鍾意呢間餐廳， 因為佢哋每一個店員都好好禮貌好nice， 見到有客人有唔明白嘅地方都好細心解答笑容滿面， 呢一樣嘢真係好值得讚賞👍👍威靈頓牛柳配黑松露燒汁：牛柳嫩滑外層包住黃金酥皮， 中間仲夾著香濃嘅黑松露同蘑菇， 牛肉嘅鮮美與蘑菇嘅香氣， 帶來層次分明嘅味道。美國安格斯牛柳配黑椒汁：安格斯牛柳外層煎得蕉香， 內裏肉質鮮嫩， 肉汁豐富口感滑順， 咀爵時釋出濃濃嘅肉香， 配搭 黑椒汁味道恰到好處。墨西哥脆脆牛柳粒沙律配蜜糖芥末汁：牛柳粒經過煎炸很香口， 配搭新鮮沙律菜令整個菜式唔會好油膩， 好清新。 蜜糖芥末醬 甜中帶微辣 大大提升咗牛肉嘅風味。最後我哋叫咗生芝士蛋糕同抹茶芝士蛋糕，蛋糕唔會太甜仲有好香濃嘅芝士香味，令人回味。

今晚去咗📍沙田田園閣新開嘅Vivi Restaurant✨真係非常值得一試👏🏻👏🏻餐廳環境舒適，設計現代感十足，木質桌椅搭配柔和燈光，好適合朋友聚會或者情侶約會🥰🔹威露頓牛柳配黑松露燒汁牛柳嫩滑多汁，肉質鮮美，搭配黑松露燒汁，香氣撲鼻～而且黑松露獨特風味令整道菜更添奢華感，出色！ 🔹薯菜外脆內軟，薯條炸得金黃酥脆，搭配多款時蔬，健康又滋味。 🔹羅宋湯湯底濃郁，番茄味道鮮明，仲有唔少蔬菜，口感豐富，暖心又暖胃。🔹蒜蓉法包外脆內軟，搭配香濃蒜蓉醬，味道一流。🔹法蘭克原隻炸豬手配柚子胡椒酪豬手外皮炸得香脆，肉質軟腍，搭配柚子胡椒酪，散發陣陣清香，相當開胃。🔹黑松露溫泉蛋卡邦尼意粉非常濃郁，意粉煮得剛剛好，流心蛋配上濃厚奶油醬，口感滑溜，黑松露香氣再一次提升咗意粉嘅層次感。 🔹伯爵茶芝士蛋糕蛋糕質地綿密，茶香濃郁，甜而不膩。🔹咸檸檬七喜酸酸甜甜，帶來一絲清新感，夠晒解渴。🔹熱潤喉冰糖雪梨甜中帶清，潤喉又舒服，味道清新。Vivi restaurant✨📍沙田沙田圍路9-11號田園閣地下C號舖

Vivi restaurant (沙田)沙田沙田圍路9-11號田園閣地下C號舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐食物推介：大滿貫海鮮濃蝦湯飯(龍蝦半隻) $128，蝦汁海鮮焗寬條面 $85，紅豆冰 +$16，香芒鮮椰乳 +$16星期五晚首次幫襯Vivi，只見枱枱客接客，位位叫龍蝦餐或牛扒，可見餐廳頗受客人歡迎！😄😄😄大滿貫海鮮濃蝦湯飯(龍蝦半隻)：材料有凡納貝、珍珠帶子、蜆肉、青口、海蝦及龍蝦，可謂非常豐富！濃蝦湯飯色澤誘人，湯底是深橙色，散發著濃郁的海鮮香氣。米飯吸收了湯汁，呈現出豐富的色彩，而且很大碗，龍蝦勁多膏，開心到飛起！ 👍👍👍蝦汁海鮮焗寬條面：材料同樣有材料有凡納貝、珍珠帶子、蜆肉、青口及海蝦，焗寬條面呈金黃色，同樣份量十足，上面覆蓋著一層誘人的芝士，表面微微焦脆，鮮香的海鮮味道融入了焗面中，味道濃郁而豐富！😍😍😍紅豆冰：紅豆味道香甜，口感柔軟，入口冰涼滋味，非常解渴！😋😋😋香芒鮮椰乳：口感滑順，椰乳的香甜與芒果的果香完美融合，帶來濃郁的熱帶風味！❤️❤️❤️

今天中午，我在沙田圍路的Vivi Restaurant享用午餐。這餐廳的環境和精緻的菜單而聞名。進入餐廳後，服務生快快地迎接我，立時給我QR code點菜，讓我感到賓至如歸。我點了意式小辣海鮮忌廉燴天使麵，這道菜色香味俱全，海鮮新鮮，醬汁濃郁，讓人一口接一口。接著，我享用了羅宋湯，湯底鮮美，正好平衡了主菜的濃厚口感。餐後，我品嚐了伯爵茶芝士蛋糕，蛋糕輕盈綿密，帶有淡淡的茶香，讓人回味無窮。最後，我點了一杯熱潤喉冰糖雪梨，清爽的口感讓我在香港近期寒冷的天氣中感到一絲溫暖。這次用餐的體驗非常愉快，菜品的質量和服務的水準都讓我印象深刻。Vivi Restaurant確實是一個值得推薦的地方，值得再來。

沙田圍新開嘅西餐廳，行平民風格，價格也非常親民。今日食過雜扒餐，簡直可以用「雜扒山」來形容，份量十足非常驚人。再睇下其他，小食由$38-$46。晚餐意粉和飯餐$72-$91，扒餐$88起有交易，晚餐還贈送餐湯和餐包，價錢方面來講真係好吸引。Vivi全盛雜扒餐 $145一上枱發現這道全盛什扒餐的份量相當驚人，包含豬扒、牛扒、羊扒及虎蝦，加上煙肉、薯仔、蘆筍、甘筍和菠蘿，還配送薯菜或飯，件件扒都大大件吾講得笑，簡直可以用「雜扒山」黎形容。味道方面每種肉類都有其獨特的風味，我最鍾意是羊扒，肉質鮮嫩，充滿油脂香味。晚餐還配送餐湯和餐包，餐湯可以選擇傳統的紅湯或白湯。加10元可選擇特飲。威露顿牛柳配黑松露燒汁 $138這道菜同樣秉承住餐廳嘅特色，就係份量十足。當然一分價錢一分貨，呢個價錢不可能要求食到文華東方嘅質素。不過，市面上比較少西餐廳做威靈頓牛柳，呢個價錢能夠食到威靈頓牛柳，已經十分夠誠意。晚餐還配送餐湯和餐包，餐湯可以選擇傳統的紅湯或白湯。牛油蒜片牛柳粒 $46作為小食嚟講，呢個價錢本身已經好難拒絕，估唔到份量同樣份量多到驚人，牛柳粒用鐵板上，熱辣辣噴晒煙。非常誘人。牛油的醇香與蒜香的搭

羅宋湯好濃，好好味！美國安格斯牛柳黑椒汁，個牛柳好厚，叫五成熟，有少少血汁，我覺得恰到好處，又香牛味，唔會好似出面啲扒咁，勁大陣鬆肉粉味！再配埋個朱古力，冬天飲真係正！性價比好高！

🐮威露頓牛柳配黑松露燒汁即叫即製，牛柳香嫩，會搭配薯條🍟，性價比高。🐤慢煮雞胸配蒜味芝士焗波士頓龍蝦（半隻）雞胸透過慢煮，鮮嫩不會柴，龍蝦用了蒜蓉芝士🧀烤，味道唔錯。🍝明太子白蜆珍珠带子燴寬條麵寬條麵口感豐富，吸收了香滑的白汁，白蜆同珍珠带子厚肉之餘，味道鮮甜。🔥鐵板唐揚墨魚咀熱辣辣鐵板上好特別，份量足，炸漿不會厚重，好食，墨魚咀卟卟脆。🥔薯蓉焗香草田螺薯蓉綿密，口感好香，加上香草田螺，搭配吸引。