火山燒 (Closed)

踏入十一月，天氣漸涼，秋風陣陣，於是我們選擇了這間以石板烤肉聞名的「火山燒」。除了石板烤肉外，還有三種主食可供選擇，包括：丼物、蛋包飯和義大利麵。每一款主食均可以升級套餐（餐湯、芝士焗青口、沙律、飲品，四選三）。而我們叫了頂級高腰西冷、泡菜五花腩肉蛋包飯、車打芝士玉子燒小食。首先上桌的是石燒牛，我們叫了200g份量，大概有一個拳頭的大小。店員教我們將牛每邊煎15秒，將肉汁鎖住，之後便可以將牛切件再因應自己的需要燒至適合的熟度。西冷肉質鮮嫩，有咬口又不痴牙，肉汁飽滿，蘸上燒汁或甜酸醬，更加美味。然後來的是玉子燒。芝士、燒汁和沙律醬的調味與微甜的雞蛋十分配搭。鋪上木魚碎和海苔，為玉子燒增添多一份口感，「愛蛋之人」一定不可以錯過！另一個主食是泡菜五花腩肉蛋包飯。舖在白飯上的滑蛋捲了旋風的形狀，外相十分吸引。而五花腩肉配上韓式泡菜的醬汁，非常惹味，很適合拌著飯一起吃。伴隨著套餐的有除了餐湯和芝士焗青口還有兩杯特色飲品。我選了芒果梳打，一粒粒香甜的芒果配上梳打水，非常清新。而朋友選了海鹽奶蓋烏龍，奶蓋十分香濃，配搭炭培烏龍茶，清爽而不膩。

好耐無經過荃灣廣場呢邊廣場對面條街d食店好多唔同晒呢間「火山燒」出面棟咗個餐牌見到有熱石燒肉近期又真係唔知點解有好多餐廳主打熱石上面燒舊肉所以我又要湊下熱鬧！間鋪細細間，主打四人枱，又有兩人卡位坐底點餐後，職員就送上一次性圍裙俾我，防止牛肉油脂彈污糟件衫，感覺又多咗儀式感🟠安格斯封門柳200g配珍珠飯（跟麵豉湯）下午茶抵好多，$88有200g平過夜晚$40，仲要係跟埋餐件牛肉圓圓一舊，連埋熱石上油份加埋熱力，油花四濺，彈下彈下，好治癒封門柳係靚牛肉，仲要厚厚一件，倍覺彈牙多汁配埋濃味燒汁、泰式辣醬，剩返撈飯食，成碗飯KO晒🟠極品豬肋骨燒汁焗飯（跟忌廉湯）骨肉分離，好易咬，肉本身有醃過，夠味珍珠米，有炒底，飯上鋪滿芝士再焗🟠炭焙烏龍茶玫瑰海鹽奶蓋（跟餐加$12)以為炭焙加烏龍茶，茶味應該幾濃飲落又唔係喎，反而淡淡地🟠彩虹棉花糖焦糖朱古力(跟餐加$12)見到個名咁長就知多搞作加埋係一個「甜」字嗜甜人仕會好like

今日同朋友收工食飯，經開荃灣本來打算食吉列牛但見到太多人排緊，就睇下附近有冇其他野食，經過火山燒門口，望左陣餐牌見到正正常常，又見到裝修都算是是正正就入左去食。我叫左個封門柳300g，朋友叫左個牛舌石鍋飯，落單後3分鐘就上菜，心諗咁有效率咁快手，拿拿聲試下，個牛都叫正正常常，食落冇乜味，但個賣相都呃到人，但把刀就唔夠利，切得好辛苦。同朋友大家交換試食下，朋友比個兩舊牛舌我試，遞比我既時候苦笑左兩下，已經心感不妙，一食落去，喂，好似擦膠咁，咬極都咬唔開，最後大家死頂食埋佢，廢時浪費。值得一提係餐廳裝修同員工態度都尚算正常，追求食物質素既可以skip。

約咗老公去荃灣廣場行街，大霸街出名多食店，一於先去搵食😎😎發現有間熱石燒，仲可以叫羊架😍😍係老公至愛，即刻趁時間尚早入去坐低嘆個晚餐先去濕平！😃😃我見到餐牌嘅蛋包飯旋得好靚，所以揀咗蛋包飯，最後嚟到果然有個旋風，靚😌😌仲有好多紫菜絲，每啖飯都好香☺️☺️咖哩係唔辣嘅日式咖哩，啱哂我🥰🥰哩個熱石羊架真係十級推薦，自己決定要幾熟，個羊架好靚，香嫩有肉汁，外面烤到香口🤩🤩老公勁滿意😍😍配左兩款醬汁，最欣賞佢配嘅酸蘿蔔，解肉嘅油膩感一流😎😎

服務態度麻麻，d位坐得迫，我兩個人入去，拎住兩袋野，見有個卡位，問佢可唔可以坐卡位，佢就話得番一張卡位，唔比我地坐。之後 10分鐘後有對情侶入黎，安排坐搭枱位，之後一陣就安排佢地坐卡位，明明就有二人搭枱位，又話留張大枱，咁你唔係留比4人，點解唔比我坐？做法係咪應該一視同人？另外間野好大煙，因為佢地有咩石燒牛扒，會整到間野好煙，但我見佢3部冷氣開得一部，成間野好煙，好焗，坐又迫，都成20人開1部冷氣？食物方面就話日本邊到邊到，食落去就好一般。叫左個咩漢堡扒蛋包飯，話話北海道牛，完全無牛味，d飯就有d硬，珍珠米，但係硬，唔知係咪冷飯。另一個就豬肋骨，都係茶記水準。一般。價錢唔係平，兩個人都成250，但茶記水準或以下。唔會再食。依個價錢出面大把好野食。

平時行過呢間成日都要排長龍，咁啱今日唔使點等，就同朋友入嚟食個鐵板晚餐😋。之前試過300c火山燒，今次就試下金標和牛肩胛肉68度溫泉蛋珍珠米丼，而友人第一次嚟，所以就試下個招牌極黑安格斯肋腰背。我地將其中一個轉做餐，餐入面嘅串燒好好食，燒汁好香，串燒肉都好肥，而餐湯入面既忌廉湯就非常香滑😋😋。友人個安格斯牛令人非常驚喜，有點筋性帶點嚼勁，建議唔好切得太薄，咁樣會更加有口感。值得一提既係個鐵板keep住好熱唔使換，全程食得好暢順，慢慢食唔使同個鐵板鬥快😌👍🏽而我個珍珠丼d米就非常香同埋飽滿，牛肉個位都好香但係我都比較鍾意食安格斯燒牛多啲（隔離飯香嘛🤣）總括而言，都係一間非常高質又抵食嘅石燒肉，有機會一定會再嚟試其他款！

今日同老公去荃灣撐枱腳，去咗火山燒食石板燒、同石鍋煲我地order左紐西蘭厚切羊架、野菜海鮮石鍋煲烏冬（地獄湯底），仲加咗$29升級套餐，內有餐湯、沙律、飲品餐湯可以選擇麵豉湯或忌廉湯，而沙律係有胡麻沙律內有綠色蟹籽紐西蘭羊架，用熱石板盛載，再配一碗白飯，羊架肉質鮮美，沒有羶味，好Juicy 賣相吸引直至食完羊架，熱石板依然仲好熱野菜海鮮石鍋（配地獄湯底），入邊有好多海鮮，有大頭蝦、青口、扇貝、蜆、日本魚蛋、金菇，配烏冬～大頭蝦非常新鮮，烏冬亦十分嫩滑，地獄湯底夠辣，但沒有遮蓋海鮮嘅鮮味～烏冬夠滑巨峰提子梳打～好飲，入邊有幾粒提子荔枝茉莉烏龍茶，味道唔錯，有荔枝果肉整體來說，配合服務及價錢，下次可以再encore

火山燒已經食過幾次！第一次係食晚餐要排幾十分鐘先有位 第二次係食午餐 今日已經係唔記得第幾次食了(ᐡ•͈ ·̫ •͈ᐡ ) 好鐘意佢地一個餐一個價錢又有湯又有主菜又有餐飲！今日去左食下午茶餐叫左芝士吉列豬扒配手打烏冬 全部都上得好快～忌廉湯一如既往咁好正常都好飲 我最鐘意係個手打烏冬(*ﾟ▽ﾟ)ﾉ 每一啖烏冬都好滑 同埋佢係用扁身烏冬which is my favourite♡ 另外想提一提烏冬內既粟米都好好食好甜 食緊都仲有hehe 細食既我最後都食曬成個餐所有野飽到晚餐都食得好少……服務方面下午茶時段無咩人一去到就可以直入～侍應哥哥好好態度 烏冬到左因為張枱唔夠位佢慢慢幫我執好張枱放齊所有食物！另外佢都好貼心會主動問我要唔要七味粉ദ്ദി^._.^) 推薦大家！

行完aeon係附近搵食,比火山燒吸引,店舖光猛門口有餐牌,岩食就入座🙂大約7點都開始人多了!其他同類型食肆,清一色只有石板燒牛/豬/雞,但火山燒除了石板燒牛外,仲提供飯&意粉,選擇非常多,價錢亦親民阿媽叫左200g美國頂級高腰西冷,跟一碗白飯,而我要左金標和牛肩胛肉溫泉蛋丼,建議+$29跟餐,真係非常划算,可以沙律/湯/串燒/飲品 四選三,只係飲品已經值回票價,我兩份餐都加左🙂忌廉湯望落有少少稀,但飲落唔錯,唔會水汪汪,似係自己煲,沙律新鮮正常,另外牛扒有醃蘿蔔,好食沾醬上面帶甜,下面帶辣牛扒大件厚身,石板夠熱,足夠食到最後都唔會凍,高腰西冷肉質較淋身,不錯厚身,份量足夠輪到我既金標和牛肩胛肉溫泉蛋丼,溫泉蛋時間岩岩好,蛋黃好香撈匀飯一齊食,正!牛已經切好一片片,份量唔少,牛肉處理得非常好,粉紅色未熟晒!牛味好重,有咬口但唔係咬唔開果隻!!好豐富無得去日本,叫個章魚燒過下口癮,脆身入面有章魚粒,唔錯,共6粒$29 4選3可以揀餐牌上所有飲品,非常划算,彩虹棉花糖特濃朱古力,真係好濃味,唔會太甜阿媽飲炭培烏龍茶玫瑰海鹽奶蓋,唔甜,茶味濃,佢話好飲最後不得不讚店員好有禮貌 一定會再過黎食!

同朋友喺荃灣西行街， 見到呢間石燒牛好似好吸引我哋兩個都有跟套餐好抵食， 只係加29蚊就可以四款選三款，我同朋友都揀咗飲品加濃湯加串燒啲串燒啖啖肉，加埋啲汁好惹味主菜到喇，鐵板上枱之前，店員會畀塊不織布，類似口水肩嘅嘢你， 好細心， 係為咗避免彈啲汁上你件衫度雖然我哋只係叫200g， 不過都好夠食， 塊鐵板一路咋咋聲， 我哋就一路切塊西冷， 幾好玩我哋另一個主菜就係照燒雞扒咖哩蛋包飯，啲蛋滑捋捋， 配埋啲咖哩汁真係好餸飯，啲照燒雞扒都好嫩滑， 而且份量都好夠食

荃灣區商場林立，多條天橋連接，但其實地鋪都收埋唔少餐廳，尤其是大壩街唷 😬 今次假日lunch來到，最後揀左尼間好日式裝修既黃店，仲要有得食之前好熱門既石板燒牛，俾個Tips大家，午市來食會抵食好多‼️😏 ⁡🐻食後感‼️⁡✨「SRF金標和牛肩胛肉眼200g配日本珍珠飯」$98 黎尼度一定要試佢地300°C火山燒 🌋 食過唔同餐廳既石燒牛，真係keep到耐都咁熱既溫度，牛動肩胛肉份量唔少，石燒令佢有外微脆內juicy既口感，🐻同男友都覺得正 🤤👍🏻⁡✨「吉列流心芝士豚柳手打湯烏冬」$65對於流心芝士，🐻是沒有抵抗力，所以決定一試，可惜既係，佢地既豚柳較薄，而且芝士唔算好流心，湯烏冬正常，整個感覺都是普通 🙈 ⁡另外一提，lunch set 會有湯同飲品，可惜無論麵豉湯定忌廉湯都太稀，檸茶奶茶都唔太飲到茶味，希望可以繼續努力💪🏻⁡

今天晚上來到火山燒食晚餐！每次黎度都大排長龍，今次避開晚飯時間，唔洗點等就入到去，非常期待！小店唔算大，但座位坐得好闊落。嗌左兩個Set再加$29 升級做套餐，4選3可以係串燒雞肉, 沙律, 飲品和濃湯。揀飲品的話，必叫棉花糖朱古力。彩虹棉花糖特濃朱古力賣相吸引，打卡一流，朱古力味濃，再加忌廉一齊飲，非常好飲。煎牛肉餅芝士咖哩蛋包飯香滑紐紋蛋好滑又不會太熟，全方位包圍珍珠米，配上日式咖喱，好有日本風味。芝士在牛肉上面，配搭唔錯，值得加分呀!木魚花冷豆腐凍冰冰既豆花上面有些少辣粉，再配上少量醬汁，非常可口。白酒海蜆意式雲吞台灣黑糖薑蜂蜜

今天天氣太好了，約了朋友出外跑步。途經荃灣廣場附近有一間食石燒的餐廳。剛好跑完步非常肚餓，你不話說便選擇了這間石燒牛肉店，我們快出點了兩款食物。聖安娜安格斯封門柳200g 配日本珍珠飯$88 - 封門柳放在石板上，將粉嫩的牛肉慢慢煎熟，濃濃的香氣及肉質入口鮮嫩軟稔，充滿濃郁牛肉味香。再配以一碗白飯，不消一刻就已經消滅了。吉列流心芝士豚柳咖喱蛋包飯 $65 -炒蛋非常之滑而且蛋香味濃，豚柳煎炸得香脆，加上木魚紫菜味道相當豐富有層次感。我們晚點了兩杯飲品炭焙烏龍茶玫瑰海鹽奶蓋$35 - 香濃烏龍茶味濃，鋪上滿滿的奶蓋芝士，芝士味道極濃郁，入口順滑。另外一杯凍檸檬茶 $16 - 茶味濃郁配以幾片新鮮檸檬，入口醒神。一餐豐富的午餐絕對超值。

每逢經過荃灣行街，都心思思要到火山燒幫襯，店內環境舒適很多卡位，而且裝修風格幾幾靚，食物好味又大份抵食。照燒雞扒咖喱蛋包飯 $78蛋包飯的炒蛋好滑，而且蛋香味濃，照燒雞扒煎得香脆幾大份，加上木魚紫菜，味道豐富。石燒 200g 美國頂級高腰西冷 $138之前試過肉眼扒，今次試下西冷，肉眼較有肉味，西冷就腍身啲，上次食牛肉質素都幾好，個人比較鍾意食西冷，200g 牛肉加上珍珠飯，食完非常飽。石燒上枱熱辣辣噴煙，自己切自己燒都幾好玩，+ $28 可以跟餐，特色飲品、沙律、湯、雞肉串燒四樣可以揀三樣，都幾抵。沙律之中還加上了綠色魚子，而飲品鮮芒果肉梳打，有粒粒芒果肉，感覺餐廳在準備食物上幾有心思。餐廳服務很好，8點晚市都有不少街坊幫襯，很受歡迎。

今日喺荃灣西呢邊返工，收工去咗荃灣廣場附近行街，見到隔離呢間火山燒有得食熱石燒牛，就即刻入去試吓先，除咗熱石燒牛之外，仲可以食蛋包飯、意粉或者其他小食選擇，飲品方面都好多特飲，而且價錢唔貴，只需要加$29就可以升級套餐，4選3，今次我就揀咗忌廉餐湯，如果唔鍾意飲忌廉可以揀麵豉湯，跟住燒汁雞串，同炭培烏龍茶玫瑰海鹽奶蓋，非常抵食👍🏻女仔份量其實叫200g牛都夠食，1855頂級美國高腰西冷，自己慢慢燒燒下，四面都可以自己燒到，肉質鮮嫩，香濃嘅牛肉味～和風野菜蟹籽沙律🥗蔬菜好新鮮，配搭醬汁同蟹籽好開胃，再飲埋奶蓋烏龍茶，正！