牛霸王

Open Now

Now Closed

位於觀塘的日本料理餐廳，鄰近地鐵站的工廈，木系柔和風格，環境舒適恬靜。最矚目主打莫過於每日限量供應的招牌手打和牛漢堡，其他還有叉燒、雞扒、牛肉等等的料理菜式。招牌手打和牛漢堡蘭王蛋飯醬汁：秘製漢堡汁配料：日式泡菜醬汁分別有三款，秘製漢堡汁、白味噌汁及日式咖喱汁選擇。配搭有兩款，日式泡菜或芥辣酸瓜。和牛厚厚一大塊，外皮微微焦香，肉質彈牙，啖啖肉，完全沒有筋腱位，咬下去肉汁滿溢，充滿淡淡的牛脂香味。中間是白蘿蔔蓉、泡菜，很清新。配上日本蘭王蛋，輕輕戳一戳，橙黃色的蛋液隨即流出，蛋汁及醬汁拌著飯吃，醬汁酸酸甜甜，十分下飯、開胃，而且減低整體膩感。底層的是日本珍珠米，口感。

已二刷嘅餐廳！🥹😎👌🏻初頭見到價錢有少少卻步，但食過一次就會有第二次！點解咁講？因為佢個汁同埋成個肉+小菜個口味好match！上次食唔到和牛漢堡個嗰因為賣晒，今次早到，所以有得食～真係好值得食！🫶🏻🫶🏻🫶🏻今次搭配係咖哩+酸菜+桃茶，好清新而且因為有酸菜所以開胃，飯唔係太多啱啱好，清晒盤嘅～上次有食到佢嘅小食！先18蚊嘅雞皮餃子，外脆內軟，好抵食！！！（但上次就唔記得影相）個環境好舒服，唔係繁忙時間都可以坐耐啲，服務都好好～～

上星期中秋節收早同同事去試下觀塘區嘅新嘢食唔到挽肉之米就打算試呢間主打漢堡套餐睇相片都幾吸引我地點咗二款主打漢堡你話唔好味又唔係但唔好抱太大希望漢堡好鬆散外面煎得唔夠香無咩肉汁整體過於普通一試無妨嘅

觀塘美食多係人都知，各式各類嘅都有，而工廈更有唔少小店值得留意👍🏻@wagyu_donburi 主打手打和牛漢堡蘭王蛋丼飯橙黃色蘭王令視覺度倍升⬆️漢堡肉質軟嫩味濃，爆汁漢堡嘅油脂肉香滲入飽滿米飯入面可選配搭日式泡菜/ 芥辣酸瓜，易入口亦減低膩感三款醬汁可選擇：分別秘製漢堡汁、白味噌汁及日式咖喱汁今次點選咖哩汁🍛絕對唔會出錯嘅拌飯良伴😋手打和牛漢堡扒丼飯 $128唐揚魷魚咀 $18自製蝦芝士春卷 $18

之前見過有人介紹呢個手打和牛漢堡扒飯就心心眼，今晚就有機會去觀塘呢個工業大廈食下。餐廳個氛圍好有日本感覺，仲不停播住日文歌，好似置身於日本咁。雞皮餃子 $58有五舊，個外皮好香脆，呢個小食真係好邪惡。手打和牛漢堡蘭王蛋飯 $128由上而下，面頭有一隻生的蘭王蛋，跟著係白蘿蔔蓉，再黎就係我揀左的芥辣青瓜醬，然後係主角手打和牛漢堡扒，最底層係珍珠米，個汁我揀左白麵豉汁，和牛漢堡扒好有肉汁，同佢做到好有口感，幾有彈性，芥辣青瓜醬完全做到一個清新平衡，中和左和牛個油膩感覺，配合埋個幾清爽的白麵豉汁食，個飯就好快俾我KO左。🥰🥰咖喱照燒雞扒飯 $78雞扒整得好香，雞皮煎到少少香脆，配菜嘅薯仔份量都幾多，咖哩汁帶點辣，幾好送飯。蜂蜜綠茶 加$5少少甜，幾好飲。白桃烏龍 加$15呢個係一壺以熱茶形式上，職員話仲可以加熱水，飲入口好舒服，有淡淡白桃味。總括而言，呢間係性價比好高的小店。

觀塘出左名好多寶藏美食😎 今次就等小編帶大家去食聽講係漢堡扒界嘅天花板嘅手打牛肉漢堡飯🌪️一黎就點左招牌 手打和牛漢堡蘭王蛋丼飯💥首先漢堡扒就採用澳洲和牛 肉質軟嫩 口感多汁且滋味細膩 油脂香及牛嘅肉香配上日本米飯🍚 粒粒飽滿😋 簡直媲美挽肉與米 每個丼飯都會配上日本蘭王蛋🥚 顏色橙黃橙紅 視覺效果好味甘甜 幼滑的蛋漿更可減低和牛的膩感🥓 手打芝士安格斯漢堡扒丼飯💥安格斯漢堡肉質上更分明 肉感更加出 同和牛有兩種唔同口感同食法 中間更夾有少量芝士🧀 唔會膩之餘更增加層次感 每款丼飯更可選擇唔同醬汁🧂-秘製漢堡汁 比較濃郁可口-白味噌汁 相對上比較淡而滑口-日式咖喱汁 唔辣偏日本咖喱甜跟餐更會附上日本泡菜或芥辣酸瓜 兩款都唔辣爽口每個星期更有兩款特定小食 今次就係一口芝士同墨魚咀🦑

6點幾到餐廳，唔洗等位！入到去餐廳，個裝修令人好舒服.. 感覺可以坐係度hea 都唔會覺得好有壓迫感..叫左手打和牛漢堡🐂蘭王蛋🍳丼飯和牛漢堡唔會好hea 咁用現成漢堡….和牛油脂香，肥瘦👍🏻生熟程度處理得好恰當，食落充滿牛肉香，配上最愛嘅蘭王蛋🤤撈飯一流！最唔估到中間竟然有泡菜，配搭新奇！另推照燒雞扒沙律👍🏻👍🏻👍🏻呢個少surprise，雞扒處理得好好，夠入味之餘唔會煮到好老，夠滑！套餐另加$18 有小食！另外叫多個雞皮餃子試試，唔會太油膩，配啤酒應該一流🤩P.S. 值得一讚，服務態度好好❣️

最近喺觀塘工廈發掘到一間超好味嘅餐廳！招牌手打和牛蘭王蛋飯 $128丼飯可以自己揀汁同埋配菜，我哋選擇咗秘製漢堡汁同埋芥辣酸瓜，整體味道非常夾。漢堡汁甜甜地，酸瓜酸酸地好開胃。手打和牛漢堡扒超juicy，切開漢堡扒嘅時候見到入邊仲有少許粉嫩，火侯控制得剛好。佢嘅飯用咗日本嘅珍珠米去煮，撈埋橙紅色嘅蘭王蛋一齊食真係食多幾碗都冇問題，大推呢個飯！濃茄野菌燉牛肋肉飯 $93番茄x牛肉呢個組合真係食極都唔會厭！牛肋肉有頗多塊，每塊都燉到非常軟淋，仲索曬啲番茄汁，撈飯食真係一流～甘栗紫薯餅 $18甘栗紫薯餅外皮香脆，食落非常軟糯同埋甜甜地，切開裡面甘栗蓉同紫薯蓉各一半。一口芝士 $58一口芝士有七粒，面頭灑上咗七味粉調味。

A Japanese-style canteen located in Kwun Tong Industrial Building. Although the appearance is a bit simple, once you walk in, you can feel the strong Japanese flavor.The decoration is simple and makes people feel like they are in a traditional Japanese restaurant. The atmosphere is relaxed and comfortable, which is very suitable for dining with friends.Hand-baked Wagyu beef burger steak rice bowlThis dish uses secret burger sauce to make the hamburger steak richer in flavor, and paired with the

觀塘工廠區雖然多以工業大廈為主，但卻隱藏著不少特色餐廳。今晚和朋友來到一間日式餐廳，用餐環境舒適，充滿日式簡約風格。餐廳需要提前訂坐，人氣相當旺。【招牌手打和牛漢堡蘭王蛋飯】每日限量供應，份量剛好，讓人食指大動。手打漢堡扒外層煎得微焦，內裡保留了澳洲和牛的鮮嫩多汁，搭配上秘製的漢堡汁，味道濃郁而不過鹹。再加上橙黃橙紅蘭王蛋生雞蛋拌飯，飯粒吸收了蛋液的香氣和漢堡汁的精華，媲美挽肉X米。【自家製橘子厚切吉列雞扒配溫泉蛋飯】吉列雞扒外皮金黃酥脆，橘子的清香和吉列的酥香互相呼應，配上溫泉蛋，為雞扒增添滑嫩口感。【甘栗紫薯餅】外皮香脆，內裡鬆軟，紫薯和甘栗的甜味很夾。【吉列蠔黑松露醬】濃郁馥郁，將蠔的鮮味提升至另一層次。【雞皮餃子】外皮炸得香脆，內裡餡料鮮美多肉汁。

### 牛霸王 觀塘 食評位於觀塘的牛霸王，以其精緻的和牛料理和創新的日式風味而受到食客的青睞。這次我特意來到這裡，品嚐了幾道招牌菜。#### 手打和牛漢堡扒丼飯 ($148.0)首先點的是手打和牛漢堡扒丼飯，這道菜每日限量，讓我倍感期待。上桌後，漢堡扒的外觀誘人，散發著濃郁的香氣。漢堡扒的質地非常鮮嫩，肉汁豐富，搭配上秘製漢堡汁的香味，讓每一口都充滿了滿足感。丼飯的米飯煮得恰到好處，粒粒分明，吸收了漢堡汁的精華，讓整道菜的口感更加豐富。上面有籣王蛋，蛋味濃郁，伴飯好吃。此外，中間的日式泡菜也增添了整道菜的層次感，微酸的味道與漢堡扒的香濃形成了絕妙的對比，讓人感受到清新與美味的完美搭配。這道漢堡扒丼飯的分量相當可觀，絕對能讓人吃得飽滿。#### 日式牛肉薯餅（1pcs）接下來，我嘗試了日式牛肉薯餅。這道小食外表金黃酥脆，咬下去時能感受到內裡軟嫩的牛肉餡，口感層次分明。薯餅的味道清新，搭配牛肉的鮮香，讓人一口接一口。這是完美的開胃小食，為接下來的主菜做好鋪墊。#### 蘭王滑蛋吉列豬扒飯 ($88.0)接著是蘭王滑蛋吉列豬扒飯。這道菜的豬扒經過精心炸製，外皮酥脆，內裡則是鮮嫩多汁。滑蛋的

觀塘工廈餐廳牛霸王，主打日本蘭王蛋漢堡丼飯，招牌菜每日限量供應，當晚8點半左右已經賣完，想試嘅話就要早啲到！招牌手打和牛漢堡蘭王蛋飯 $128蘭王蛋黃、蘿蔔蓉、芥辣酸瓜、手打和牛漢堡扒、日本珍珠米，一層層咁疊上去，賣相極吸引！主角之一和牛漢堡油香怡人，口感軟綿！另一主角蘭王蛋黃呈鮮艷嘅橙色，濃郁美味！自選嘅芥辣酸瓜，有wasabi嘅提鮮功能，但一啲都唔攻鼻！醬汁揀咗帶適量咸香嘅白味噌汁，入口幼滑！手打芝士安格斯漢堡蘭王蛋飯 $118安格斯漢堡扒中間包住半溶嘅芝士，食落特別滋味！日式泡菜帶來清爽嘅感覺！秘制漢堡汁有濃濃嘅牛香，用嚟撈飯真係一流！日式和風沙律 ＋$18｜甘栗紫薯餅 ＋$18｜罐裝汽水 ＋$5餐廳不設加一服務費，亦可以用超優惠價加購是日小食同埋飲品，都幾抵玩！

今日去咗觀塘買恤衫，見到APM食嚟食去都係嗰啲大牌子，所以諗住幫襯吓工業大廈的小店，我鍾意嚟成業工業大廈呢邊，因為門面非常之光鮮👍🏻一樓有一間食日本丼飯，上次食過非常足料，做埋晚餐，十分飽肚，小食亦都非常之日式，又多選擇，最緊要係性價比高，價錢一啲都唔貴。我今日星期六晚上叫咗個鰻魚飯，都只不過係$88 ，叫埋嘢飲都只不過係加$5 ，非常公道。鰻魚10分肥美，鰻魚醬汁同飯好夾，淡淡滿足，甜甜地，又有鰻魚的輕輕烤香。小食加配有好多選擇，我今次叫紫薯餅，入面粒粒紫薯，脆卜卜，入面又綿又甜。另一個小食是芝麻雞翼，炸得非常之香脆，入面保持住肉質，外脆內多汁。飲品方面，我叫咗柚子蜜，大大杯，中和返頭先食咗咁多煎炸嘢。

好有驚喜嘅日式料理🥰 食第二次都係咁好味，依度嘅牛肉好高質🍚手打和牛漢堡扒丼飯（秘製漢堡汁，日式泡菜）必點招牌菜😍 蘭王蛋太吸引了吧！外表微焦的和牛漢堡扒，咬下鮮嫩多汁，配合上秘製的漢堡汁，口感濃郁而不膩。搭配上爽脆可口的日式泡菜，增添了整個料理的層次感😋😋😋 日本米飯香味十足，好滿足！🍚京蔥厚切鰻魚飯 超大件鰻魚！！廚房推薦，厚切的鰻魚肥美多汁，搭配上京蔥獨有的清香，好夾🫶🏻 整個料理色香味俱全～🍠甘栗紫薯餅以紫薯為主料，奶香濃郁而不失清甜。將紫薯經過烘焙，形成香脆的外皮，內裡柔軟綿密😚😚🦪吉列蠔外層酥脆鬆化，內裡卻是鮮嫩多汁的生蠔，搭配上自製的醬料，非常美味🍵蜂蜜綠茶（凍）🍯柚子蜜

嚟到觀塘工廈必定要去試吓特色嘅餐廳，睇到網上興起日式牛扒漢堡飯，心心眼走出嚟，我咁鍾意食日本嘢嘅我就同朋友嚟試吓🤭✨招牌手打和牛漢堡蘭王蛋飯一定要必定招牌菜，我就揀選咗日式咖哩汁 ，仲有選擇白味噌汁同秘製漢堡汁先講嚟到台上果然比我吸引住😲底層用咗白飯，中間漢堡扒上面泡菜再加上特別用咗蘭王蛋黃喺上面 ，一層層顏色非常鮮艷😲最後配上蕃紅花做點綴，整碗層次感非常豐富😍蛋黃汁流下白飯吸收晒所有味道，咬一口日本飯好黏口，超好味🤩口感好豐富，咖喱可以夾到漢堡扒，重量級份量一碟真係食唔晒🙈✨濃茄野菌燉牛肋肉飯好香嘅蕃茄味道，味道非常之濃郁，蕃茄湯底再燉好牛肋條，特濃牛肉果然入味，而且肉質好腍，配上日本飯，黏口質感而且掛好湯底，一齊食夠滿足😊✨芝麻雞翼估唔到雞翼炸得好鬆脆，而且雞皮非常薄皮，灑上芝麻雞肉質非常Juicey😋✨牛肉薯餅打成薯蓉夾相牛肉風味，外面鬆脆內裏薯蓉好夠味，口感好軟腍 ，入口綿綿 😍✨柚子蜜柚子味酸酸甜甜，配上蜜糖好潤喉✨白桃烏龍茶白桃烏龍茶特別就係用咗熱壺沖上烏龍茶，少少甘香烏龍茶香好味甜，另一種風味😛