華記車仔麵 (Closed)

今天在上環開餐,吃過了煲仔飯，但卻有點意猶未盡，胃納尚有 Quota ，本想去車仔麵店溝一溝貨，可是見午餐時間緊迫，決定不去，辦妥手頭上的工作再作打算。下班後，還是想著去吃一碗車仔麵，就去了公司附近的華記車仔麵補數。還記得去年八月到過華記，當時在下還不知道原來總店在青衣，後來在下看過電視節目介紹，加上今次重遊舊地，才知道有「風雷辣椒醬」，並由哥哥秘製的。今次所點的車仔餸，與上次有點不同，上次點了魚蛋腸仔及墨魚丸配米粉；今次再次點來魚蛋，其他的還有貢丸香紅腸，配油麵及豆醬。其實今次再點魚蛋，主要看看魚蛋是否依然的粉，今次吃到到的卻沒有粉，有點彈牙，而貢丸就較為腍及質感較散，沒有吃過的那麼結實；紅腸就沒有甚麼特別，與平時吃開的沒有太大分別：仍然是結實的紅色皮煙靭，內裡也較嚼勁；至於油麵都算唔錯，沒有挑剔之處。其實今次的用餐經驗，較上次好了一點，至少魚蛋沒有這麼的粉，但味道仍然只刃一般而言。至於豆漿，其實是外來貨色，也沒有特別的豆味，而且豆漿味道也較簿弱，豆香欠奉。然而開餐時間在下午六時多，服務沒有甚麼特別好與壞，只是有工作而做吧。

星期三晏晝,薯片妹行完葵廣買完衫換季,餓餓地就走落去球場果面睇下有乜好野食,有間好搶眼大紅招牌既車仔麵,門面咁靚,又話有大地魚湯底,就走入去試下啦!店店內環境似茶餐廳格局,當時三時半左右,連本人在內只有三個客人,奇怪,這可是下午茶時間呀?一坐低,就發現枱面有殘漬,可能係伙計無抹乾淨卦........睇黎衛生情況真係要改善下!薯片妹點左豬腸,蘿蔔,,豬手,生麵等左一陣就黎喇!急不及待放入口,生麵應該係爽口彈牙,但腍到只食左兩口,而大地魚清湯,顏色清徹,試一口就感覺到有好濃重既味精,而且偏咸,但一Ｄ都食唔出有大地魚味,可惜!!!!!!蘿蔔一口咬落去,不腍不透帶白蕊,而且有渣,更沒有清甜的味道,相反倒是有一點苦,好唔掂呀!期間發現上漏豬腸,結果唔補好過補,豬腸肥膏含量高,口感霉爛而且唔夠熱只係微暖,一入口即傳黎怪異味,薯片妹即刻夾走,食左一舊之後,即使唔再食口中仍帶有濃烈既「餘香」講到甚麼擒拿豬手,炆得唔夠入味,帶有濃重雪味,硬到要用手才能撕開,難道擒拿手係指食豬手既客人?再咬一口,好肉酸呀!!!!!舊豬手有毛既,,,,,,,,,,,,,,,,,,,,睇黎只不過係過份吹噓黎吸引客人吧,但畢竟

待應態度一向不是最重視的一環。但葵芳呢間車仔麵食物品真係唔得，牛腩碎濕濕且亳不入味、豬皮豬紅如用淡鹽水温泡了事、魚蛋無味等等......連一般車仔麵嘅合格水平亦不到。最離譜係，可以淥唔熟(散)麵條/ 米粉，呢件事係處理粉麵的基本大忌！淨係掛住吹水唔落少少心意煮嘢，真係不知所謂。

本人是位澳洲留學生，難得又辛苦過完一年返到香港放暑假第一時間就當然揸車四圍搵d令人懷念嘅小食啦，中茶,煎釀三寶,魚肉,碗仔翅,砵仔糕等，當然仲有至地道嘅車仔麵啦！今日揸車係附近藥房買嘢，咁啱停正係呢間鋪門口，就諗起去讀書之前去過青衣華記食過兩次，超正，見佢個招牌係華記車仔麵（青衣）心諗呢d真係緣份，咁都比我撞正，於是買完嘢之後就入左去坐底食返碗麵回味一下。不過好奇怪呢間店鋪無咩客人，本人初時都唔為意就坐左係卡位，之後店員問我食咩，我就即刻點左個「天使雞翼」，店員話冇，跟住我就轉點「魔鬼雞翼」，點知都無，而且店員既態度仲唔係幾好，只係答我冇，我反問佢仲有d咩招牌菜，佢就叫我自己睇餐牌！（其實係咪應該同客人講一聲唔好意思冇呢樣食物然後再介紹下呢？）。於是我就隨便點左碗牛腩麵，跟住店員都話無只係話牛腩係小食$12一份，呢個時候我真係如莫名其妙，於是我就同店員講睇下餐牌先。我拎起張點心紙剔左個$9伊麵,$6魚蛋,$6咖哩牛栢葉,$6蘿蔔,$12牛腩,$12炸雞翼,$2再加咖哩汁。當我食嘅時候覺得d伊麵淋到唔似伊麵,魚蛋好粉無魚香味,咖哩牛栢䈎切到好幼，份量好小又老火，蘿蔔淋到一夾即斷，仲要好咸

機緣巧合下到訪過青衣涌美老屋村的華記小食店, 憑那次經驗我亦都從不同渠道略略知道華記小食店的背後故事 。積怨已久的兄弟倆, 自父親死後勢成水火, 卻困在同一屋簷下, 維持著父親命名的車仔麵招牌。 就是這個原因, 哥哥終於要衝出青衣風雷辣椒醬事實上, 這辣椒油帶層次, 入口先是豐盈辣椒香傳出, 慢慢地才會有辣味滲出來, 辣度並非一觸即爆, 爆到失去味覺那種 自家煮製的基本車仔餸比較少款, 都只有豬腸、豬紅、豬皮、蘿蔔；腸仔、丸類、火腿、煙肉等凍肉舖貨就賣得比較多 (齋睇, 吸引力削了不少 )蘿蔔、豬腸、咖喱牛柏葉、豬皮配金醬油撈粗麵 ... 蘿蔔帶金黃色, 味道有微微咖喱香料味, 蘿蔔清甜, 多汁, 無渣 豬腸煮得腍而帶質感, 脂香豐腴, 並且有甜甜肉桂味道 咖喱牛柏葉就非常唔掂, 只在白灼牛柏葉上淋咖喱汁就是咖喱牛柏葉 牛柏葉量少兼切得幼條 腍是腍但無味道嘛 咖喱汁只得辣, 而且咖喱粉未煮溶, 食到粒粒, 過份 豬皮煮得爽口入味, 味道亦帶咖喱香 粗麵有少許梘水味, 不過都可接受, 食落爽口, 撈麵的金醬油可能落得唔夠多, 撈後都只有少許醬油甜味。

話說同朋友講起青衣某間車仔麵好好味啦😛咁我地係葵芳，行行下朋友話入黎呢間到試下，咁咪試下囉！我就例牌：羅白，豬紅，豬腸，跟米粉！朋友想叫個牛腩麺，點知店員話冇喎😓要淨叫小食$12一份喎😱咁好啦！咪叫個餐$30三餸再另叫份牛腩囉！一食舊牛腩😱嘩！冇味又吾淋😫小d牙力都吾得呀！奉勸長者吾好食~羅白：一般，只得本身羅白清甜味道，有渣！😟豬紅：冇特別豬腸：一股怪味，同白灼冇分別我朋友叫果三樣餸都係現成野：芝士腸，蟹子丸，金菇，所以冇食評可言。最後總結：難食😠，比起青衣同荃灣某車仔麵，還好食得多😋心信一次貨仔，已經足夠😡吾好意思！因難食關係，冇影到相~

當日朝早去過青衣老店~~夜晚就去食葵芳呢間~~點解水準爭咁遠ga...d牛腩好韌...炸豬排較厚~但炸得唔鬆化...車仔麵普通la~係得個冬菇做得ok~如果平時拎黎填飽個肚都ok ge~~但同青衣老店ge水準真爭勁遠lor~因為大失所望...所以無影相...

雖然現時米線是非常流利，很多朋友同事都會建議去食米線，不過對此從來沒有好感，我更喜歡的，始終是港式車仔麵。獨自吃午餐，茶餐廳以外的好選擇，正是車仔麵，是日又來了葵芳的一間。揀了三個餸，連凍飲，盛惠三十個大洋。明明要了腩汁，但吃不出其蹤影，湯底無厘味道的；豬皮並不爽口，還好是沒有怪味；豬腸偏韌，須得花點牙力去咀嚼；最好的要數到蘿蔔了，清甜腍身無渣，吃得過。飲埋杯凍檸茶，夠鐘離開了。

一天心血來潮想吃車仔麵, 一點鐘左右去到, 非常旺場, 但返檯很快, 幾分鐘就有位,點了個三餸麵, 豬紅大腸冬菇配粗麵, 咖哩汁。麵先到,咖哩汁頗香濃, 不算辣, 麵是變不出花樣普通的粗麵, 但軟硬適中。配料份量不少, 豬紅ok, 不會「一夾就散」, 大腸夠入味, 最討好是冬菇, 細細粒但夠厚身也很入味, 很不錯。環境尚可, 食物普遍算是中上, 價錢可算是超值, 真是一個開心大發現,午飯多了一個好去處 

一個昔日的味道，今天可以再嚐到。話雖如此，今天的味道，也許未及當年小時候的味道。在下很久很久以前吃過車仔麵，但是一別已經是久遠的年代，今年以來，在下合共嚐試過好幾次的車仔麵，吃過車仔麵，是想重拾以往昔日的味道。當在下第一次到華記車仔麵，一心只想尋找那失落已遺忘的車仔麵味道，可是當第一次吃過有牛腩汁湯的車仔麵後，在下也不敢再試這裡的牛腩湯了，原因就是因為用了八角，掩蓋了牛腩的清香味道，因此近這兩次不會再試牛腩湯了。今天午餐與友人在同區用餐，晚上到這間車仔麵用膳，是因為在下還未覺得肚餓，因此才到這車仔麵吃麵。由於在下第一次在這裡吃車仔麵，牛腩湯被八角搶走了清味和清香味道後，已經不再叫這湯了，反而要了一個大地魚清湯的車仔麵，與友人的湯底一樣，友人要了一個豬紅，菜餃和通菜幼麵的車仔麵，而在下要了墨魚丸，香腸和魚蛋米粉的車仔麵。在下沒有問友人的車仔麵是否好吃，反而在下覺得魚蛋很粉，沒有魚味，在下覺得不夠彈牙，也不較爽口，完全好像在吃一個很粉的丸子，而墨魚丸呢，很實很硬，不像在吃墨魚似的，也沒有墨魚味道。至於湯底，在下只覺得是清湯一碗，好像沒有大地魚的魚味，有點失落的感覺。上次食牛腩湯底，今次吃大

今次同上次吾同求其一餐就算,而係想再試清楚. 今日同樣都係工作關係路徑,約下午兩點,同上次一樣都係無咩客人,只有三個. 今次可以慢慢諗食咩. 拎起點餸紙一睇. 原來大部分ge都係現成貨,所以一律吾揀,就只點自家制ge, 要左沙爹牛肉, 豬腸, 豬皮, 禽拿豬手, 跟凍奶茶 total $41, 本想要牛腩, 可惜同上次一樣都係無....吾知點解!沙爹牛肉: 沙爹味不足, 鬆肉粉放得太多有點(妹)同太諗ge感覺,完全無牛肉ge質感豬腸: 應該係用新鮮ge,可惜白而無味, 雖然2經去除臭腥味,但係完全無滷水ge香味,就似白烚!份量亦偏少.只有五少件,口感似(趙) 毛巾豬皮: 呢個都ge有口感都算ok, but比較偏咸禽拿豬手: 南乳味過重,如果鐘意食重口味ge人士會接受到,可惜帶有濃重ge雪味湯底: 淡左少少,就好似煲好左個湯plus水咁樣食完之後,感覺味精太重,偏咸,香味吾夠!!

久仰青衣華記車仔麵大名,遺憾地仍未到青衣光顧過,反而離開葵芳區後得知她在區內開分店,是否有點時不與我呢?某週末重臨熟悉的葵芳區,是日午餐不用多想就是華記車仔麵,就算是分店也要一試。如茶餐廳裝修的華記分店,在車仔麵店而言座位是算得舒適的,卡座長桌組合皆有,自己就幸運地獨佔一卡座,只是卡座實在比較窄,厚身如我剛好將空位填滿,就算夾不穩餸菜也不會直接跌到地下的。拿起點菜紙劃圈圈,阿姐熱情地走來幫忙並熱心推介店內馳名食品,免我太傷腦筋,同時也推介我吃包飲品的車仔麵餐,這位阿姐的服務實在可取得高分。+$2的凍檸茶先到,其實速度已比一般茶記2分鐘上桌的慢得多,只因車仔麵比其來得更慢,相對才是早到。顏色有點深的茶底沒有什麼討好紅茶味,檸檬也沒有很清香的水準,幸好還夠冰凍,在那悶熱翳焗的中午也算得是透心涼飲品,畢竟以車仔麵起家的食店也不能對這些茶記飲品類有太高要求。從開放式廚房看到,這店用上黑白淡奶而不是雜嘜,還有一罐吉x利朱古力粉,用料也很認真,只是紅茶底未做得很好,可以再研究一下從而改善。習慣選米粉作車仔麵底,看到有撈腸粉後又改變主意,撈腸粉的食味特別一點嘛!!一碗如車仔麵的撈腸粉送來,份量看似不

華記車仔麵創業於1973年, 馳名大地魚清湯及秘製金醬油。 車仔麵餸料款式似乎是現成貨居多, 例如: 香腸、紅腸等腸類、煙肉、丸類、鳴門卷、午餐肉、蟹柳及獅子狗等, 但是也有自家炆煮的餸, 例如: 牛肚、豬腸、豬紅、豬皮、蘿蔔、雞翼尖等, 奇怪是看不到有牛腩、牛筋的踪影名叫擒拿豬手 $12有2隻, 豬手炆得唔夠腍, 用力齒開層皮, 都可嚐到味道已經入肉, 有些南乳味道。號稱「風雷辣椒油」, 辣不蓋香, 撈麵來吃...越流汗越起勁大地魚清湯車仔粗麵配 沙爹牛肉、豬皮、豬腸$29 (連凍飲)... 湯頭是非常清淡, 粗麵煮得偏腍, 沙爹牛肉「嗱」得不過份、豬皮粗糙, 質地較厚兼味道淡、豬腸有肥膏, 膏味豐腴, 煮得有嚼勁, 慢慢滲出肉桂的甜味。金醬油撈伊麵配 豬腸、豬紅、牛肚$31 (連凍飲)... 金醬油甜中帶豉香, 撈麵真一流, 伊麵煮得煙韌彈牙, 手勢好 牛肚及豬腸都有肉桂香味, 同樣夠嚼勁, 牛肚就多了份牛的燥味 豬紅結實飽滿, 嗦了不少甜甜地的滷水汁, 咬落煙韌, 睇得出在選料上是有用心店內冷氣強勁, 又有大電視睇, 唔想食車仔麵都可以有三文治、多士及扒飯等選擇。

中午獨個兒在葵芳舊區找吃的，偏偏街坊食肆是我最有興趣發掘的，儘管是新舊交雜，也能展現地區情懷！經過了華記門口，雨勢變得凌厲，門前的字眼吸引了我的視線，走回頭再認真細看。左手邊寫著是傳統大地魚湯底、右手邊是秘制咖喱汁，似乎是一家有賣點的車仔麵。可能是雨天關係，店內只有零星客人，姑且也試一試！進門時侍應小姐竟幫忙收妥我濕漉漉的傘子，對細心的服務感到意外！左及右兩旁是窄窄的卡座，中間多來一行的座位，典型茶餐廳的格局。裝修簇新，桌上的餐牌、醬油器皿等特別的清爽，很潔淨的感覺。主打是車仔麵，三餸粉麵連熱飲售$27元，凍飲加$2元。中午也設有幾款飯餐與港式早餐和下午茶餐車仔麵可直接在 Order 紙上自行選擇。湯底有大地魚清湯、雞汁、腩汁，另加 $2元可有自家製咖喱汁，門口寫上的秘制咖喱汁是也；12款麵種，某些要額外加錢；觀其餸料多是從供應商訂來貨的腸仔、丸類，和車仔麵最基本的豬皮、蘿蔔、魚蛋、豬腸等，似乎沒有太多的賣點。再細心留意一下，發現牆上貼有上醬鳳爪，同時餐牌右上方有每份$12元的熱賣推介，如炸翼尖、炸雲吞、擒拿豬手、牛根腩、麻辣牛肚、豬腸等。還發現有金醬油腸粉及金醬油撈麵，相信這些是較為

一直有光顧開青衣華記車仔麵,得知它在葵芳開咗分店,專誠搭幾個站地鐵過去試一試.地點比起青衣老店好找,就在葵涌運動場對面.假若時光倒留十年,回到我日日到街場打籃球的日子,一個禮拜應該會幫襯華記三次.小店裝修就是典型的茶餐廳格局,木卡位跟涼浸浸冷氣.勿小看這兩樣設備,對於坐慣露天座位的青衣華記的fans來說,冷氣卡位絕對是一個夢.食物種類比老店多,除了車仔麵之外,也兼賣碟頭飯.不過幫襯華記,當然是為了它的咖喱車仔麵而來.見到有兩餸下午茶餐,就點了來試試.茶餐包蘿蔔同牛腩兩個餸,由於想一次過試多啲嘢,就額外多加豬扒同魚蛋兩個餸.價錢一點也不便宜,兩餸茶餐本身是27蚊,貴是貴在加餸上面.一塊豬扒索價10蚊,魚蛋一份6蚊,連凍飲加2蚊這餐我一共吃了45蚊.比較奇怪的是,伊麵不用加錢,印象中華記的伊麵是比粗幼麵米粉貴1蚊還2蚊的,反正就是一定要加錢.但麵端上來就馬上明白不用加錢的原因--伊麵完全唔彈牙,質素大幅下降!這種情況在青衣也曾出現過,當時他們轉了另一牌子的伊麵,吃慣吃熟的我一入口就知唔同咗.後來直接向店方反映,才轉回舊牌子,現在新店用的,就是味道不好的那種伊麵.湯底和咖喱汁也有點出事,青衣