華安餐廳

Open Now

Now Closed

牛頭角係典型嘅工廠區👨🏻‍🔧🛠幾乎無商場咁濟(最近都要行去APM/德福)🛍，就連餐廳都唔算多～而最近比我發現到間👇🏻茶記☕華安餐廳！佢就喺定富街嗰邊(牛頭角站B4出口直行)，前後左右都係車行🚘，所以呢間應該都係佢地嘅「飯堂」之一😆👆🏻睇門面嘅餐牌都知開咗幾耐下😹👇🏻左右兩邊係廚師同人氣推介👍🏻不過想嚟食嘅記住留意時間，因為佢開到下午三點～👇🏻餐廳入面乾乾淨淨，有齊酒精搓手液同隔板👍🏻👆🏻附近打工仔可以打電話落order😹有九折！👆🏻早餐，當茶餐咁食都得👇🏻👇🏻只不過茶餐貴啲咁解😹有大路嘅湯粉炒麵、西式早餐等等～而11點後就會有午餐～👇🏻👆🏻主要有飯🥘，亦都會有通粉、三文治嗰啲🥪咖哩飯、梅菜扣肉、印式椒鹽豬扒、鮮油多都係佢地嘅招牌😻👇🏻呢次就先試咗🐷古法梅菜扣肉飯🍚呢個係華安系列，包埋熱飲☕👆🏻佢個賣相已經好吸引😹好少見到用砵仔裝住！啱晒打卡😹梅菜鋪滿面，甜甜地，食落爽口唔會一pat～而扣肉有五大舊🐷👇🏻 份量嚟講其實算多啦～而且蒸得幾淋幾軟熟，肥肉部分唔太油，瘦肉部分唔會柴👍🏻配埋梅菜就甜甜鹹鹹咁，好開胃😆食完一定滿足～雖然梅菜扣肉真係好邪惡，但間唔中食下都唔錯啊！呢個男仔食就夠，女仔

去開附近攞野又咁啱食飯時間見到呢間門面有懷舊感既茶記所以入去試下,午飯時間坐滿人現場環境超級嘈！睇飱牌期間坐隔離圓枱班港女傾計超大聲,粗口橫飛…影響唔到帶住head Phone 既我嘅叫左個，（雜扒飱）+（凍奶茶）樓面啊姐問要乜汁：白汁/黑椒汁/咖喱汁揀 就要左咖喱汁之後玩電話等食,過左陣飱到先試左小小 碗咖喱汁入口得鹹味無咖喱既香味連辣味都無…好懷疑呢碗係咪咖喱汁嚟…D扒腌到夠曬入味,杯凍奶茶唔錯原來間野扣肉先係招牌野早知食個扣肉不過條唔自己揀曲街無得喊……

又有同事介紹話呢間茶餐廳好好味雖然就遠咗少少要行兩條街不過佢哋講咗價錢，性價比都唔錯，所以遠啲就遠啲啦同事推介話呢度嘅包汁撈粗係非常好味但係因為我呢個飯桶，所以我見佢有一個咕嚕肉飯，忍唔住叫咗呢個而貓貓同事就試咗個包汁撈粗最衰唔記得影相不過佢分咗一個魚片頭俾我試😱嘩真係好好食呀我好後悔叫左咕嚕肉飯個咕嚕肉入邊嗰啲唔似係平時食開嘅豬肉佢有啲似齋鋪嗰啲肉嘅質地，怪怪的雖然味道都唔差不過真心唔推介另外亦有同事食排骨飯，冇乜驚喜，亦都唔失望，好似平時酒樓食嗰啲咁樣😏

A good restaurant for local food eats, I’m a regular there. My favourite local hk style cafe in the area (4/5)1) Taste: have a selection of tasty food including Indonesian pork egg rice, secret sauce beef brisket rice/noodles, steamed eggs, fried fish with corn sauce. Can’t really name something that I don’t like, very solid offerings for the price (5/5)2) Decor: quite packed during peak hours, a bit cramped (3/5)3) service: what you would expect from a local hk style cafe, but the waiters are n

平日返工分秒必爭, 中午飯通常都係食就近劣食餐廳飽肚就繼續做野. 剛巧星期五工作唔忙碌, 就帶埋同事去左經常滿坐既華安餐廳試下.一行三人特意晏少少一點鐘先過去, 希望無咁多人, 點知門口早已企左7-8個人等位. 女樓面在門口熱情招呼, 又羅埋餐牌比我地睇先下單. 菜式其實好普通, 未食過既同事唔明白點解咁多人排隊.等左20分鐘終於可以入座, 3個大男人坐4人枱有點兒迫, 用餐空間只算剛剛足夠. 在門口點餐後都擔心會漏單, 結果不消一會餐點準確無誤送上, 抵讚.黑椒汁煎蛋炸雞脾飯平常茶記的頹飯變成美食, 黑椒汁材料豐富, 香辣又帶濃郁黑椒香味, 煎蛋亦蛋味濃郁, 蛋白煎得開脆可口, 主角的炸雞脾有點過火, 但外皮不失香脆, 雞脾肉亦甜美多汁梅菜扣肉飯同事以前在中國地區工作, 對食物味道, 食材新鮮都有高要求, 但他對這味尋常的梅菜扣肉飯讚不絕口, 梅菜咸鮮 扣肉肥瘦適中有肉香.咖喱豬排飯同樣是平凡的菜名但高質素的食物, 豬排用薄炸醬炸過, 金黃色已經十分吸引, 咖喱汁也不是茶記hea汁, 材料豐富 香料十足, 貼近印度咖喱的味道.用親民的價錢在美食沙漠牛頭角能有高質素的午餐, 怪不得客人

華安是我間中便會光顧的一間茶記。這間細小而簡陋的小店，只有早午市，下午四時便關門。早餐和午飯時間，經常滿座，大部分食客，來自對面九龍灣工商廈的打工一族。如果要我用幾個字去形容華安，我會說：這裏是「食肉獸」的飯堂，完全符合了「少菜多肉」的原則！幸而，這裏的食物做得肥而不膩，因此即使我不是個「食肉獸」，也喜歡間中來開飯。今次集合了幾次吃的午飯套餐，綜合寫篇食評。1.豉椒排骨蒸飯套餐（$36）今日終於試到華安的招牌食品之一：豉椒排骨蒸飯，果然有驚喜。難怪這款飯很快便售罄，來過數次也吃不到，今日午市剛開便到，才吃到新鮮熱辣的招牌盅頭飯。一上桌，香氣盈腔，排骨份量有十件之多，質地不太肥，故油份不多，不似一般食肆的盅頭排骨飯，吃到最底全是肥油。排骨是肉質是煙韌爽口，肉汁四溢，很有嚼勁。特別之處，是蒸飯的質地稍乾，因此粒粒分明，加上特別調配的豉油，令我吃起來，有點眼前一亮的感覺。2.華安雜扒煎蛋飯套餐（$50）雜扒飯不在餐牌上，只寫在黑板，是全店最貴的套餐。雜扒的內容頗豐富，有雞扒、豬扒、牛脷、香腸、煎蛋和配菜，汁料可選咖哩、黑椒、粟米或茄汁。我揀了咖哩，這裏的咖哩汁由多種蔬菜烹調而成，味道較辛辣，

今次是第一次來華安吃午飯，只因原定去的那間小店，已經歲晚收爐，所以要行「B計劃」。一直也想來這裏吃午餐，但時間總不配合。我喜歡吃椒鹽豬扒，見到華安賣的是「印式椒鹽豬扒煎蛋飯」($44)，想看看與中式的有何分別？而「印式」又是甚麼？印度式還是印尼式？帶著一連串的問題，我終於與這碟飯見面了。飯面有隻煎得靚靚的太陽蛋，流心的蛋汁澎湃欲滴，伴隨著豉油汁，像是蛋黃哥攤在飯面上。三件炸得金黃而薄豬扒壓在椰菜絲上，已經用刀在豬扒骨部以下數處切開，方便客人進食。吃進口，有很重的咖哩味，濃香但不辣，不及中式椒鹽豬扒那麼惹味，但混和了蛋汁和豉油吃，又是另一番風味。華安的食物，總能給我驚喜。看來又要定個時間，來試吃午餐的其他款式了，因見到同檯食客的蒸飯，甚為吸引！

今早又來華安吃早餐，揀了早晨全餐($34)，因為份量夠，當食個brunch，午餐也可省去！試過幾次後，終於找到自己的最愛組合：雞扒餐肉配厚麥多、濃湯火腿通粉+熱奶茶。雞扒調得入味，炸得金黃但不算太油膩，配餐肉或炒蛋都很好，因昨天才食過炒蛋，故今日選了餐肉。為減低「邪惡感」，麥多士走了牛油，拍照時色澤上有牛油較漂亮，但走牛油味道仍然很好，因為送上時是新鮮熱辣的。湯粉方面，試過多種不同配搭，我還是喜歡濃湯通粉。配火腿則是第一次，簡簡單單，已很好味。如果作比較，我覺得比銅鑼灣喜喜、和筲箕灣百利的更好吃。大家都是濃湯做的通粉，這裏的湯底稍濃，賣相亦較細緻。今日那杯奶茶，亦調較得很好，完全迎合到我的口味，激讚！

今日又來食早餐，11時前$34，之後$44。點了茄牛湯通粉，是這裏的皇牌湯底之一。淡紅色的湯水有點怪異，亦較濃杰，可能是以忌廉雞湯加鮮茄煮吧。配料亦有薑絲，牛肉也有點鮮味，薄薄的不算韌，但亦不是用梳打粉醃到「軟滑」。不過老實講，試過勝香園的茄牛湯底後，其他的都覺得靠邊站！五選二的配搭，我揀了餐肉和炒蛋，仍然出色。那件麥包做的多士，烘得無得彈，小店的好處是即叫即做，多士上檯是新鮮熱辣的。再配上合口味的奶茶，正如這個餐的名稱：滋味！

來過幾次，都選食早晨全餐，因為內容豐富，且十分美味。雖然，這裏的熱門餐，是薑絲或鮮茄配肉類的粉麵。早晨全餐包括四款食物和飲品，可從ABCD款中各選一項，有牛油厚多士、扒類、一款餸和通粉。除了全餐外，還有數款套餐可以選擇。雞絲通粉用的忌廉濃湯，味道似以前的金寶雞湯，因為現在超市賣的忌廉雞湯，已經不是那種味道了！厚麥包做的多士烤得剛好，上檯時還微熱，賣相吸引，馬上趁熱配奶茶先食。魚柳和炒蛋，都做得很好，不會油淋淋。之前試過雞扒，覺得稍乾，下次會試豬扒。這個餐全日均有供應，分別在早餐是$34，上午11時後，則是$44。但要留意，營業時間只到下午四時。這裏經常有很多食客，坐得擠迫。但喜歡這裏食物的，大部份均是熟客，食完便走，不會在這裏看報紙歎茶，故流轉得算快。不想迫的，最好還是避開繁忙時間才來吧！

黎過幾次都仍然覺得依d既野食唔差，所以依日又黎encore.次次黎到都見到有人叫依道菜，但叫依道菜都需要勇氣，豁出去先得！依日我決定豁出去，叫左 - 梅菜扣肉飯！佢好特色咁用左個砵裝住d梅菜扣肉當中既梅菜又多又夠味扣肉都幾厚身，半肥瘦，比例岩岩好，有肉食之餘，又香又滑。佢既調味岩岩好，唔太咸，但又好入味。炆得又夠林，又入味，伴飯食一流所以我差不多食晒d飯更加肥既係，我叫埋何華田飲，有奶、有糖。依餐真係肥死了

前幾日lunch 前去洗手間，見到個同事，同個同事吹水，問佢去邊食。佢話去華安，好好食的！我見佢講得咁雀躍，攪到我都想去試下～我去OpenRice 到查，原來之前都有經過過，但就無食過。黎到門口勁多人，伙記話因為依日有個廚師放假，轉左人，所以等得耐左...我叫個常餐，食吉列豬扒、茄汁豆同餐肉。罐頭野唔評語了。塊吉列豬扒超大塊，又鬆脆,如果怕熱氣，點個沙律醬食又得😘米粉用左碟上，不過張枱又唔多位，都幾驚食得好論盡😜同事都係食米粉，不過佢覺得硬左d。最吸引都係個凍朱古力上而加 cream, 加左cream 既朱古力當然香d 滑d 啦！雖然好肥，不過我一向都認同大部分邪惡既食物都好食既😂😂

經常幫襯，食物味道不錯，但眼見越做越差，今日忍唔住要出聲！鑊撈煎蛋已經有好多次見到煎蛋面有「鑊撈」，見到已經唔開胃，但通常都會撥走就算。今日一打開⋯⋯好似鑊撈多到好似發霉咁，再反去後面仲嚴重！啃死竹籤肉餅好啦，諗住唔食蛋就算啦，然後同事食肉餅飯⋯⋯食食下咬到硬物，原來係一節竹籤！唔小心真係會啃友！回想⋯⋯華安剛開業時真係好有心，外賣包裝分得好好，堂食時亦見老闆及老闆娘要求嚴謹，質素真不錯。煎蛋vs炒蛋此餐廳的炒蛋以前香滑多汁，外賣時會另外分隔開，依家唔係多汁而係多水(似想加水扮滑蛋)，外賣時直接放湯麵內，整碗麵被「蛋水」弄得渾濁、糊糊域域，成pat 嘢咁要人放入口，所以依家我外賣都改為煎蛋，點知都中伏！鮮油多另外，餐廳亦有一味脂肪大挑戰嘅「鮮油多」，多士熱但鮮油凍，襯鮮油未溶時食，好好味，好過翠華，但外賣又係激死！本來外賣鮮油已經易溶，應學翠華一樣分開冰震住鮮油會好d。華安唔做多層功夫都算，包裝伙記仲要將鮮油多垂直放熱辣辣湯麵上，即鮮油只隔包裝紙袋，直接接觸湯麵兜！唔好話拎返公司嘅路程，諗都諗到不出10秒都會溶晒啦！最後變成牛油浸麵包！如果唔係幫襯開，完全想像唔到佢哋以前對包裝咁嚴謹⋯

下午茶時光26$ 咖哩牛腩加筋熱茶或咖啡主食咖哩牛腩兩大塊薯仔我 不吃薯仔為試味吃一小 口汁水香濃牛肉二三件筋也一兩粒淋淋地好色水熱檸檬紅茶合心水味道怡安非常鬆軟烘方包很久沒試這麼好味鮮焙油多Thanks人的生活有時候真的受環境氣候際遇所限定奇怪的今天因多坐一個巴士站在牛頭角下了車四處不熟悉越發⋯⋯刺激行不到三個店鋪路⋯⋯一個營業女孩叫我入華安下午茶華安好像唐伯虎被賣入華府媾女時改的書童名字見茶餐26$姑且奉命前往幾差都是二十六結果 滿意特別是1/ 香酥油多2/ 古色古香熱檸茶

記得有次經過這間茶餐聽，見到好多人在外面等位，想必食物應該不錯，所以今天決心一試~ 內裡佈置同一般茶餐廳一樣，沒有大分別。今次試了常餐 ，華安雞翼+炒蛋餐肉通粉，凍檸檬茶。常餐價錢42，凍飲加2，外賣再加2，這餐總共46元。個人覺得這個常餐不值這價錢，雞翼太乾，通粉厚粉，未至少多位說的彈牙，餐肉一看便知道煎了很久，久得外皮又乾又硬。多樣中，能讚的只有炒蛋，炒得很幼嫩，很滑。另外，如外賣，他們會將菜跟粉分別，他們角度可能係客人好，但是我覺得，蛋+2隻翼雞+1塊餐肉用一個盒裝起來，真的超浪費，其實沒有這個必要的。