城寨風味 (Moved) New Location

呢間私房菜之前都食過幾次，耐無幫襯今日我哋一家人又黎喇今次黎無訂位，好彩有位咋，黎到都幾多人, 座位坐了八至九成啦。座位比較窄，油煙抽氣一般。我地望了望餐牌就點了以下菜式係好惹味，雜菇有炸過但偏鹹呢碟算係成餐飯我最喜歡的一道菜，層皮香脆可口味道唔錯，份量都唔算少唔錯冬瓜一絲絲的，呢個反而唔會好鹹專登叫蒸雞好似冇咁熱氣味道整體唔錯用料靚蝦米魚仔夠曬多，但係真係好鹹總結: 有鑊氣！用料靚，但食物普遍偏鹹，餸白飯白粥就OK嘅。樓底比較低所以覺得好嘈。服務方面都OK，人手足夠。價錢方面都唔算平。下次來唯有叫佢地落少D鹽，因為我地平時都吃得清淡

聽聞食物有風味，約了三五知己去食晚飯，坐下來一打開餐牌，一看之後啤酒一枝收費要$36起步，已經心知道不妙，到餸菜來了可以話一般過一般，但價錢就唔係一般收費，以食物質素來說係十分貴價，仲有茶介每位要收$15之後仲要有加一！總結差！差差

一年一度的父親節，又要找地方吃飯。九龍城選擇多，母親節吃了新城，這次㨂間環境好一點的，最後決定城寨風味。訂枱時預訂了幾道特別的菜式。海蜇溏心皮蛋薑皮蛋超流心，未吃已看到垂涎慾滴。放入口淡淡的，吞下後口裡卻遺下久久不散的皮蛋香，叫人回味不已。待一會後，吃一塊薑，醃得不太甜，沾了皮蛋的流心，跟薑幾夾，又可以享受一會皮蛋香。手拍小黃瓜雖然青瓜新鮮爽脆，真有手拍的口感，但醬汁偏淡，不夠醋酸。七味黃金豆腐滑溜軟身的豆腐，包著一層薄薄的炸粉，椒鹽味不太鹹又夠惹味，辣醬可有可無。不是粟米提早預訂了這道砌成粟米的炸魚，賣相充滿創意。幾鬆脆的炸粉沾上橙味的醬汁都幾夾，可是炸粉很厚，魚肉很少，幾乎沒有吃到魚的口感和味道，有點失望。奇妙墨魚卷以這價錢，沒想到是如此普通。墨魚丸的軟腍版，味道可以，淋滿酸酸的奇妙醬反而把鮮味蓋過。鳳舞手撕雞要預訂的菜式之一，都值得一試。一大盤地上枱，砌成一隻雞的模樣，幾搞笑。雞肉嫩滑，有難得的鮮雞味，雞皮爽脆，沾滿芝麻更加香。菜甫蠔仔煎蛋前一晚吃完心夜來潮的蠔烙，有比較之下，對這個煎蛋幾滿意。表面乾身，但切開中間很濕潤，蠔仔不會太細，尚算有鮮味。北京片皮鴨要預訂的一道，竟是這晚

黎到九龍城，唔食泰國菜食中菜真係第一次....上左openrice睇左D食評決定一試...真係估唔到咁好食！當然價錢都幾吸睛下啦三個人叫左五餸兩翅一花膠都係埋單七百幾，估唔到....都唔算太貴菜螃蟹依面，唔好睇佢白濛濛咁，其實好夠味！成間鋪食物同環境都好舒服！下次再去九龍城一定會再去食....本身去到門口見到一個人都無，重諗緊入唔入去好....原來要上一層既，上到去見到好多中式既擺設...好多car位，坐得相當舒服....

每次去九龍城都係食泰菜，朋友話食過呢間唔錯，反正今次聚會又無人食過，就book位試試！可能係星期六，訂枱都要分時段，就選擇八點半。雖然地方唔係大，但裝修都頗有特色，如果少人坐卡位，應該仲正！食物方面:城寨石鍋魚翅、花膠、海參，$62一個都算合理，而魚翅同花膠好味，海參就似海參扒時蔬咁！脆皮香豬(例): 幾好食又幾貴七味黃金豆腐: 外皮唔係脆，但又好好味湖南老乾媽爆雞煲: 正常，無咩特別花枝炸小棠菜: 外脆、花枝又彈口，好味菜甫蠔仔煎蛋: 似食普通菜甫蛋咁金柱鄉下仔炒銀芽: 爽口又夠香啫嗜通菜煲: 好多菜，抵食又好味餐廳環境一般，因地方細，自然迫啲。價錢唔算平民，但整體食物有特色又好味，係食中菜的一個好選擇！

九龍城通常都係食泰國菜但今次同朋友慶祝生日而佢又有有左bb又唔係得太辣唯有食中菜啦有乳豬 有魚有雞有粉絲鍋有菜真係好好味同埋好抵食雖然上菜有d慢 不過態度良好 值得再去架

一大班人食飯 最好食中菜 易分黎食今次試左九龍城呢間城寨風味環境舒適 坐得好鬆菠蘿古魯肉食中菜必點 岩岩炸起 甜甜酸酸 好開謂粉絲煲份量夠大碟 好多菜味道又夠餐廳推介的炸雞味邊幾好 辣辣地幾野味但有幾粒唔熟師傅炒米份量超大 夠六七個人食味道夠 有蛋有菜有火腿炸豬頸肉個皮厚左小小但豬頸肉夠爽帶子炸菇帶子夠彈牙 但菇太重油味七味豆腐成餐飯最鐘意呢個外脆內軟 又夠味 豆腐好嫩滑牛展夠凍又無乜根 做前菜幾好海哲夠凍 夠爽口但份量較少

今晚帶爸爸黎呢度慶祝生日，佢眼見呢度既裝修古色古香，好有老香港情懷，就話其實呢度係九龍城寨一個由居民獨立自治既圍城，以前黃賭毒既地方，但係我就話宜家已經係搵食既好地方，除左係泰菜集中地，仲係其他特式美食鬥爭插旗之地。而呢間中菜館係位於南角道，外牆掛滿晒紅燈籠，容易辨認。Menu呢度既特式主打係需要提早預訂架，因為限量供應。由於我一早book定位，就梗係會預訂埋d特式野比爸爸啦。鳳舞手撕雞 $418呢個手撕雞淨係個賣相都有心思啦，雞有雞味，雞皮滑，雞肉嫩，而且芝麻香，正即燒脆皮香豬（例）$148呢個燒豬肥瘦均勻，表面有光澤，而且皮脆，肉幼嫩香滑，味道一流城寨石鍋海參 $62呢個海參上枱個時仲'咋咋'聲，證明佢夠新鮮滾熱辣，仲原條海參上，而且佢質感夠厚，好有口感，味道都唔錯不是粟米 $338查實呢條係魚黎既，不過佢好有創意咁將佢搞到好似粟米咁，食落好似食緊西檸雞既魚版菜甫蠔仔煎蛋 $98佢係平時食開既菜甫煎蛋同蠔餅既混合體，比蠔餅更有咬口，但係比菜甫煎蛋更有鮮味，而且火喉arm arm好，個蛋心仲係滑架，正啫啫芥蘭煲 $98呢個就不過不失，芥蘭都算係新鮮，食落唔苦澀

今日本應好開心咁同朋友食飯，但被隔離枱搞到整晚都享受唔到。先唔講成兩個鐘飯都好似用喇叭聽緊盧海彭試咪咁，因為始終食肆係公眾地方，有時傾得興起都會較為大聲，我體諒。但無論點都好，都忍受唔到全程都食二手煙！！！如果我地坐露天位置，我無得埋怨。但我地係坐室內！！！須知道室內食煙係犯法，我地已經好禮貌咁請求佢地可唔可以唔好食煙，但換嚟嘅答案係“我地無食呀”。但啲煙係枱下不斷飄上嚟，真係無恥無極限。最不滿係店員完全無過問， 持住佢地係地係熟客，同店員相熟，默許佢地繼續食煙。最最最火係我地起身走嘅時候，班食客仲要大聲兼輕挑地話“可以拎出嚟食煙lu”我真係唔明點解佢地明明犯法，都仲可以咁理氣直壯！我只能埋怨自己唔係熟客，或都唔知路去左club。食物普普通通，較多味精，價錢偏貴（嗰條不是粟米成400蚊但好腥）在此奉勸唔係熟客、有老人和小朋友嘅都唔好嚟呢度。

朋友介紹了很多次。 終於有時間來試下。 見到左右兩枱都叫乳鴿。 又叫一只食下。真係唔錯， 啲肉好滑， 又入味，骨都想食埋。 但同樣係味部的乳豬就差得遠了。 脆是很脆， 但皮還皮，肉還肉甩哂的。 無咩口感。 之後來了個鄉下炒銀芽。 其實是芽菜仔炒粉絲加點江瑤柱。 當然，沒有江瑤柱就賣不起價啦！ 但本身啲芽菜都炒得幾乾身。 而且粉絲也爽口，不失為一碟好餸的。 最後來一個鮑魚雞粥。 雞件很多，足料。 但不知是不是小雲眼大睇過籠弓， 睇少個字。 應該係“仿”鮑魚囉！ 講埋個粥底， 好一般。 如果唔係好鍾意食粥的， 最好唔好點。

電視劇城寨風雲令蝴蝶結姐姐心癢癢到九龍城走一轉於是男友帶姐到裝潢別樹一格的城寨風味晚飯，感受一下姐點了一客米蘭野菌焗帶子，香草味跟野菌的味道配搭得很好，香氣撲鼻更帶出帶子的鮮甜且肉質彈牙。男友則點了一客頭抽龍鬚炒麵炒麵炒得均勻及乾身，沒有多餘的油膩卻沾滿豉油的香氣，每條麵跟龍鬚(即是魷魚鬚)分得開，並沒有黏著一起最後一客是花枝炸小棠菜，這道菜十分喜歡炸皮包著由花枝及小棠菜混成的膠質，充滿口感亦帶點蔬菜的清新。

九龍城寨，很久以前是一個三不管、黃賭毒聚集之地，睇過城寨風雲都會略知一二，時至今日，這裡已變成泰菜的集中地，搖身一變成為餐廳們爭奇鬥味的美食地帶。除了泰菜以外，九龍城的美食亦越來越多元化，西餐、火鍋、粵菜、 川菜和甜品均百花齊放，這次來到一間中餐菜館，以城寨風味為招徠，讓客人感受一下九龍城的懷舊風味特色。餐館裝修得古色古香，門外掛著紅燈籠，大大個金漆招牌掛在入口上方，門口處還放了一個中式大鼓，謀殺了客人不少菲林，拾級而上，一股懷舊書香世代的風味撲面而來，灰色的青磚襯托著紅金木器枱櫈，有卡座亦有圓枱，中式木雕畫作加上不同的中國風陳設，還有仿紅燈籠的燈飾，金雕玉砌精心佈置，環境舒適，一磚一瓦滿滿是中國風。這店的菜式以粵菜為主，選擇繁多，冷盤、熱葷、湯羹、主食，還有馳名的即燒即製燒味，只是餐廳必食推介也 有十多項選擇，看圖識字，每款都賣相吸引，真的讓人難於抉擇。既然未決定點甚麼菜，就先點支啤酒爽一下，這店以雪得冰凍的傳統青花碗代杯，地道得來充滿著城寨江湖豪氣感覺。有酒又怎能沒有小食呢？遂先點了椒鹽金菇和七味黃金豆腐送送酒。椒鹽金菇，炸成條條分明，應是頗花功夫的製作，入口酥脆鬆化而不油膩，淡淡

幾年前來過後, 很久也沒有來了. 始終不是太方便.但這裡裝修依舊很有特色, 連菜式都很有特色!有些菜色要預訂, 我們4人預訂了兩款.鳳舞手撕雞- 賣相已經相當吸引, 這個是凍食的, 已去骨, 肉質非常軟, 配上白芝麻的香, 但尾部可能接觸到配菜就要些少橙味.另外一個 不是粟米- 這個不是粟米外表好像一條粟米, 但其實是魚來的, 外表炸得很香脆. 只是我們都覺得有點腥. 再叫了一個例牌乳豬, 肉質不會太肥, 乳豬皮非常脆.一個開胃前菜, 青瓜, 很辣但又很想吃.最後叫了一個飯魚米之香- 出奇地覺得很好食, 有很多蛋白, 還有紀子的甜味, 飯身不會太多水.水準仍然是很好, 很有特色的一間中菜, 以後會多來的!

之前黎九龍城多數都係食泰國嘢或者火鍋， 較為小食中式，今次見到城寨出面有個烤爐烤乳豬同埋燒鵝，想試一試。酸蘿蔔小食，酸酸地幾好味。叫咗兩個燉湯，一個係燉花膠、一個係燉海參，兩個都好膠質， 由於放咗喺石頭鍋裏面，熱辣辣，湯裏面都有一條青菜。炸龍躉骨腩， 香口不過肉唔算多，味道都可以。清炒銀牙，清清地，可以清下其他比較濃味嘅餸菜。見到店鋪門口嗰大燒爐，梗係要試下燒鵝啦，叫咗個例牌燒鵝，鵝肶好好用，小小肥。另外，燒鵝上面淋咗啲燒鵝汁，味道比較濃。

朋友介紹食中菜一定要黎城寨風味，所以放左工帶埋屋企人黎食！門口掛上紅燈籠的餐廳食飯，入面裝潢得古色古香。口水雞，雞滷得非常入味，食落新鮮嫩滑，雞上鋪滿辣椒，花生粒，蒜粒同蔥，令整個菜式非常香，辣方面就點到即止，雞食入口唔會話麻到痹哂，但整個口感非常過癮！👍🏻啫啫芥蘭煲，份量十足，芥蘭爽脆，無渣，上枱時真有啫啫聲，配上爆到勁有醎香味嘅肉粒，夠獲氣之外仲好惹味！石鍋鮑魚，鮑魚炆煮的火喉剛剛好，有咬口，鮑汁美味，最後餸飯一流😋鮮胡椒茄子，黎到真係嘩一聲，大大條茄子，切開發覺入面有魚，條魚好滑，個黑椒汁好香濃，估唔到茄子釀魚肉味道可以禁夾禁出色👍🏻食完經理更送上紅豆沙糖水，非常好客，糖水雖然係免費，但份量十足，正！