王家沙 (Closed)

他們公司一定沒有培訓服務員，態度極之惡劣。 服務員一直愛理不理，態度傲慢， 真是一肚氣。 用餐環境很差， 位置擠迫， 令人感覺極之不舒服， 對這間餐廳極之失望，不建議朋友去這裏用餐 。

服務態度差，服務員態度愛理不理， 對這間店極其失望，未食已經一肚火， 一張小枱仔坐89人，仲同我講話ok，當然你有權話冇位要我等，但唔好當香港人係傻嘅。如果你冇心返工，你就唔好返工，如果你冇心做食市嘅，就唔好做。

今日同笨爸去又一城Shopping~逛到肚仔餓, 就去搵食😁今次揀選中菜-<<王家沙🌱>>兩個人點了一個麵+三款小食份量剛剛好王家沙擔擔麵明明點了辣, 但結果一d都唔辣...😞鎮江肴肉份量小了點...豬皮好爽~可惜肉質有點散...😞小籠包這個不錯呀！💕💕紅油抄手酸味辣味都好配合!一客大約有6粒~加了蒜泥可算是畫龍點睛💕評分: 五粒⭐最好食物⭐⭐⭐服務⭐⭐⭐環境⭐⭐⭐⭐(有小麻雀陪食)價錢⭐⭐⭐整體可以更好!

今天來這裡吃了豆瓣菠菜、生煎包、熏蛋、腌篤鮮、枝裝綠寶。綠寶是童年回憶，很開心😃菠菜、熏蛋調味不過不失，可是腌篤鮮的白菜全黃，十分失望。生煎包如常無驚喜，今天的肉味道好像不新鮮，放了很多化學調味似的。最差要算是服務。黑色西裝友（是supervisors？）落錯單、一堆侍應經過又唔收碟同refill茶（全場只有7枱客），佢地只係出現就算，廣東話不靈光、實在難溝通。總結間間王家沙質素每況愈下，但又要在方便及人流多的地段，生意角度不看好。放心、我唔會再食王家沙。

星期四晚就朋友放工，近近地去又一城晚飯，朋友想食上海菜，就王家沙啦， 可能宜家生意無以前咁好，以前有排等，宜家一上到去就有位子唔使等，又可能好彩啦。 前菜小碟慣例系一坐埋位就放低，唔岩食可以叫攞返走唔收錢，咁我地呢d計開數既，無謂浪費啦。 黎王家沙例牌一定會叫既系雞絲粉皮同小籠包，都保持到一貫水準啦，朋友話想食熏鴨蛋，就點黎試下，蛋黃流心，都幾香，唔錯，下次會再點。 唔使等位黎講，想試下上海野，都係唔錯既選擇！

周末去又一城，食晏時間間間食肆都排長龍，想食小籠包，咁就去排王家沙啦。兩個人都等左幾個字。兩個人叫左一個鍋貼、小籠包、紅燒大排麵同回鍋肉，另加兩杯菊花蜜。菊花蜜好好飲，清香解渴，$22一杯。鍋貼都好好食，底脆餡多，但$39得三隻，性價比甚低。小籠包都係穩打穩紮之選，皮唔算薄，但都叫多汁。紅燒大排麵有驚喜，大排即係豬扒，好鬆軟入味，唔會覺得油膩，比炸排好食。由於豬扒一大塊冇剪，兩份分有啲難咬，我地擺埋一邊先，有位女店員見到即刻問需唔需要幫手剪，好細心。我地講ok佢就拎較剪筷子過黎即席剪，讚！回鍋肉好多菜，冇咩肉，味覺都ok，但性價比都係偏低。臨走前隔離枱漏左把遮，上文提到嘅細心服務員見到又即刻追過去俾返個客，忍唔住睇睇佢名牌，呢位服務員叫wailin，真係好盡心！

鍾意吃上海，江浙菜系嘅朋友一定要黎王家沙，呢間絕對算江浙菜系中嘅品牌餐廳！我啲去咗王家沙位於又一城嘅分店，環境整潔，服務態度亦幾好。推薦佢啲嘅醉嘉美雞，蘇式鮮肉小籠包，紅油抄手，水煮原條桂魚同埋魚湯蒜子菜心。我個人非常鍾意醉嘉美雞，白嫩鮮美嘅雞肉浸泡係花雕酒，紹興酒，混合著蔥薑蒜八角等配料，實在令人欲罷不能。上海菜本身就以清淡養生為主，每道菜份量較少，但係非常精緻，加工製作專業，強烈推薦大家黎呢度品嚐！

星期日同家人去咗九龍塘王家沙食晚飯，細女叫了一個最鍾意食的三鮮湯年糕。湯年糕的餸頗為豐富，有蝦，雞肉，娃娃菜等，當然少不了有上海年糕。餸菜的份量OK，唯獨是上海年糕的份量超級少，數落可能不多於15塊，我們四人食，每人只可分到幾塊，＄72 一個的價錢，有啲過分😒希望餐廳注意及作出改善。

人多好辦事，一向大伙人幫襯，可叫多d餸菜， 未試過一人前。要小心選擇。突然發現餐紙上有股邪惡：鍋仔梅菜扣肉飯，張相又吸引喎！追加一份鍋貼。賣相的確吸引唉，結果，自我中伏。點解我會係王家沙叫梅菜扣肉飯。個人喜愛的梅菜扣肉，扣肉要肥瘦肉平均，入口即瀜，豉油汁帶梅菜香甜，食到梅菜粒的咬口感，送碗白飯就至正。（餐紙上相片明顯係白飯）但這個鍋仔飯，完全失去梅菜扣肉精髓。炒飯底，太咸了，冇梅菜香味，只有豉油味（唔係蒸完扣肉的豉油味喎！）梅菜冇香味。扣肉，好精瑩囉！請自己睇相，好似四隻白板咁（開槓）。鍋貼做型不錯，多汁，個醋汁都好味，但個皮底厚，咬落似餅乾。脆硬。環境真係有點熱，冷氣唔夠。服務員態度好過太古城分鋪。

難食到相都無影 淨係影咗海蟄海蟄頭係ok既 ... 爽 味夠其他，雄燒大排擔擔麵 湯稀， 無味，唔辣，d 豬扒無切 原塊上， 唔方便食。雪菜肉絲麵 淡到水浸咁。雪菜毛豆百葉 - ok既。小籠包 - 皮唔薄，肉陷唔係特別好食。麻麻。以單為證真係有食過 唔係亂寫PS: d staff個個做到無笑容 好攰咁。

我平時都很喜歡食上海野。很多年前去過另一間王家沙，覺得好好食。點知今次，真係好唔好食呀！我同朋友叫了蘿蔔絲酥餅，魚湯浸菜心，三絲粉皮同擔擔麵。蘿蔔絲酥餅好大件的，算係呢幾樣中最好味架喇，係油D。菜心煮到過晒時，變色了。三絲粉皮，無料到，粉就一大碟。最差係個麵，雖然我地叫唔辣，但都無理由無味架？麵就好大碗，又係無乜料既，真係唔想食！

The food is alright, and even the waiters are too. However, the hostess who's name rhymes with "Lively" needs to be fired. When the restaurant opened for dinner, I was the first one in line. However, she completely dismissed me and ignored my presence and only would interact with other customers. I am not a Hong Kong local, but this was extremely inappropriate behaviour. If she doesn't know how to speak English, she should NOT be working as a hostess in a mall like Festival Walk in Kowloon Tong.

位於九龍塘又一城G層的王家沙，主打上海菜，味道不錯，所以午膳時間有時需要等位。點了招牌蟹粉小籠包、海蜇蘿蔔絲、三絲粉皮。小籠包煮得十分出色，每粒包頂都有一小撮蟹粉助陣，皮薄又多湯汁，証明製包師傅的功力精湛而深厚。個人最愛是用筷子輕輕把小籠包頂夾起，用匙羹盛著，再咬破一小口表皮把湯倒到匙羹中，一口喝掉。另外的涼菜也做得不錯，只是略嫌吃完有些頸渴，粉皮這道菜中，麻醬味很香濃，多些人分享會更好因為一個人吃太多會有點膩。

今日一家三口晚上6點左右去又一城 G/F王家沙食晚飯，之前都去過其它地方的王家沙，但最差的就是呢間，首先入門口時侍應態度已麻麻地，當時已經唔多人，已經發覺佢地唔係太想做生意，到叫左食物後更加唔掂，我叫左四樣野，春卷，担担麵，小龍包，鍋仔梅菜扣肉飯，最正常就是春卷同担担麵，小龍包皮好硬，入面D湯好咸，睇得出放左好耐，唔係新鮮做，是賣唔出再蒸的，最差的是所謂新出的鍋仔梅菜扣肉飯，首自成個飯都是豉油，面頭件扣肉仲乾過金華火腿，而梅菜仲好苦，一般茶餐廳都好食過佢，我已經問侍應點解味道會係咁，佢答都無答我就話換比我，我問佢如果食材做法係咁我接受，佢一句都無解釋就換比我，驚我嘈同投訴佢咁，到個飯再來過後，味道都是一樣，於是我同老婆講求其食左 D 飯算數就埋單走人，我同佢講以後一定唔會再來呢間幫襯 ! 點解今時今日仲有呢 D 咁差的食物館可以生存到㗎 !

同一地點，幾年之前，試過一次，味道奇差，服務不周，近哩幾年，絶無光顧。今日偶然，重遊舊地，心𥚃想著，人誰無過，經過幾年，或有改進，一試無妨。六半入座，五分鐘后，已經點菜。再五分鐘，五樣餸菜，全部送上。上菜速度，佢係第一，可惜味道，恕我直言，上次好差，今次仲差！XX姥姥，XX婆婆，好食過佢，絶不誇張。有兩個菜，一定要講。蟹粉湯包，味道奇鯹，詢問侍應，佢話係鯹，正常不過，叫我不如，多加薑絲，蓋過鯹味。到擔擔麵，毫無味道，麵條好長，撓埋一齊，食得辛苦！簡單而言，哩間餐廳，唔會再去。堂堂又一，揾個好D，絶不困難。哩個品牌，任你點改，花樣年華，明日黃花！