旺角海鮮菜館

Open Now

Now Closed

朋友介紹食呢間海鮮傳統老店，真係冇介紹錯。嘢食好食之餘，價錢都公道。見門面寫米芝蓮班底，所以都好期待！ 杏汁豬肺湯 呢個花功夫嘅菜式，豬肺炆得好林，咬落去彈口而且非常入味。 本身以為豬肺湯飲落有少少杏仁味🤣先知道係杏汁豬肺湯。個味道同豬肺非常夾，而且豬肺識落冇乜異味，清潔得非常乾淨！ 白灼鮮豬脷 必食我平時好少食豬脷，因為有啲會比較腥。 今次試食一舊，點知忍唔住食多幾舊！ 佢嘅豬脷非常新鮮，咬落去好軟身，而且好入味。白灼海蜇頭 特色成日喺出邊酒樓食海蜇，海蜇頭真係好少食。 不過味道相當唔錯，鹹鹹地又有麻油味，仲要係海蜇頭，比起海蜇特別有咬口！ 蒜蓉粉絲蒸大元貝 蒜蓉同粉絲非常多，元配都好大隻。粉絲吸晒蒜蓉同海鮮嘅味道，再加埋啲醬汁，上邊讚左一層油超級入味好好食。 招牌炸子雞 💯外表脆卜卜金黃色，識落啲雞皮真係好脆口。 裏面嘅雞肉仲要係非常嫩滑外脆內軟。而且隻雞本身雞味都好重，以為餐廳主打海鮮，點知隻炸子雞都好出色，好食過好多出邊嘅酒樓！ 蒸老虎斑 大大條魚，條魚好新鮮 ，蒸嘅時間啱啱好。啲肉仲係好嫩滑 。再加埋啲薑蔥同讚油調味，冇得頂！ 番薯糖水原來會送糖水，仲要係每日新鮮煲，唔

今晚想食海鮮，近近地搵左旺角一家老飯店「旺角海鮮菜館」，套餐每位四百餘元起，單點價錢一樣清晰，都幾均真。店員都係相當具經驗嘅叔叔，但反而好nice好有親切感，會同你介紹下菜式，問你岩唔岩食等等……白灼粉腸（$48）：粉腸軟腍之餘，非常爽滑有嚼勁，內裡帶粉粉口感，十分上頭，令人食唔停口。簡單以豉油調味，蘸指天辣豉油更惹味。白灼海蜇（$48）：海蜇頭顆顆飽滿，質感Q彈爽脆，其獨特口感加上少少辣椒豉油已能令人回味無窮。杏汁菜膽白肺湯（$68）：湯頭呈奶白色，濃郁杏香撲鼻，口感滑溜，杏汁味恰到好處，豬肺亦軟腍入味。豉椒炒蟶子皇配煎米底+$78 （$352/4隻）：蟶子皇夠大隻，二人其實食三隻都夠，其新鮮，味道鮮甜，煮製時間恰到好處，質感仍保持幼嫩爽口，以豉椒爆炒，調料亦沒遮蓋其鮮味。煎米粉底脆香，吸曬啲豉汁，非常香口惹味，但卡路里計算者慎點。清蒸虎杉斑（$388）：都幾大條，起碼成斤重，夠三至四人享用，虎斑非常新鮮，肉質爽實有彈性，條魚係咪靚，真係食清蒸就知質素，蒸魚豉油香甜，唔想曬就記得嗌碗白飯撈撈佢。

第一次同屋企人過嚟食飯，所有菜都好食。必食嘅會係蒸魚同埋白胡椒澳洲龍蝦粉絲煲。最有驚喜嘅係蒜蓉炒韭菜花，啲韭菜花好脆好鮮甜。新鮮菠蘿咕嚕肉都好好食，菠蘿係新鮮炒嘅，咕嚕肉又脆又唔厚粉。下次再嚟應該會叫套餐。

旺角六小福有「白灼韭菜花 」、「白灼海蜇頭 」、「白灼水鱿魚」、「白灼鮮豬脷」、「 白灼鮮豬肚」和「 白灼鮮粉腸」，樣樣嘢都好吸引，但我哋人少冇理由六樣嘢嗌晒，最後決定咗以下两樣，就係「白灼鮮豬脷」和「白灼海蜇頭」，豬脷暖暖哋，好乾淨，完全冇異味，海蜇頭好純白，大大件，有彈性，蔴油味好香，两様都偏淡口味好健康，另配有辣椒豉油，供偏重口味人士使用，够貼心👍我本人就鍾意健康的原味😜至於湯品亦揀呢招牌的「杏汁菜膽白肺湯」和「胡椒豬肚雞湯」，絕對真材實料，味道濃郁，杏汁白肺好出色；豬肚湯胡椒味好濃，冬天飲好好。仲叫咗飽肚的「家鄉炒米粉」，海鮮酒家，炒米粉都唔少得海鮮，有大大隻蝦同埋啲魷魚粒粒。「旺角避風塘炒蟹」係呢晚重點，好大隻的新鮮蟹，啖啖肉，肉質鮮甜夠結實，啲肉又唔會太乾，真係好考師傅功夫，不愧為米芝蓮星級班底的製作，惹味的炸蒜冇得輸。

老朋友從澳洲回港，特意訂了旺角海鮮菜館，我們六人叫了六人套餐，包括有杏汁 菜膽白肺湯豉汁蒸大連鮑蒜蓉粉絲蒸日本元貝上湯浸時蔬六小福薑蔥霸王雞(半只）清蒸虎杉班白胡椒澳洲龍蝦粉絲煲各樣菜式都非常美味

最正嘅，黑椒龍蝦粉絲煲，惹味香口！一定再encore龍蝦新鮮，爽口彈牙，熱辣辣上菜，齒頰留香豉汁炒蜆，新鮮味道鮮味，入口彈牙😍😍😍😍😍鬧市中嘅隱世海鮮舫

瀨尿蝦非常好食海鮮非常新鮮員工服務態度一流餐廳環境舒適 員工十分友好龍蝦伊面芝士非常入味整體來說 下次一定叫多d朋友一齊來食都十分多客人 要提前訂位 推介大家值得一試

非常非常舒适的一次体验，菜品海鲜新鲜 菜量满满，避风塘炒蟹肉质很好，每一个服务人员态度都很好，很有礼貌～一定会推荐给身边的人，这个宝藏菜馆棒棒棒！是每次来香港旅游都不可以错过的～

訂了6時半晚餐，每一碟也好好吃，小朋友不停讚好，一定要再嚟。最後還是我們糖水。菜式如下：豉椒炒蟶子蒜蓉粉絲蒸元貝椒鹽鮮魷炸子雞蒜片牛柳粒咕嚕肉杏汁菜膽燉白肺湯豉油王炒麵

上星期有個移民咗嘅長輩返咗嚟香港探我地屋企人 同佢出咗旺角行街🤩行行下傾開計話好耐以前食過一間中菜餐廳 好好食 話要帶我去試下 😂😂老人家唔記得 餐廳名 🤪淨係記得大概位置 🙂‍↕️然後我一search 就知道係呢間😂旺角海鮮菜館 因為喺嗰條街得佢一間開業於1988年 跟住夜晚就過去食🤭杏汁菜膽白肺湯 💙湯底奶白色 杏汁聞到超香 😍豬肺有成4 5嚿 白菜吸晒d湯 超甜‼️胡椒豬肚雞湯 💙胡椒香而不辣 材料豐富 🫰🏻我個人鍾情白肺湯 因為自己唔識整😂小食有6款 叫6小福 但我地淨係叫左白灼海蜇頭 白灼魷魚 🦑平時食開嘅都係海蜇 海蜇頭好好似仲要再爽口 同埋望落好靚呀 你會見到佢係好晶瑩剔透😳主食叫左油浸虎杉斑 🧐😍原條斑拎去炸 🤓伙記無講錯 ‼️外皮脆 魚肉滑 🥹🥹好神奇既係 一夾魚肉個下 d煙先標出黎 🤣而且炸到d皮 魚骨都好脆 配搭埋d薑蔥同特製鼓油 滿分！！！白胡椒龍蝦粉絲煲💙招牌菜no.1 🫰🏻點可以唔叫 😘砂鍋上 上菜個陣仲係渣渣聲 粉絲爽口 當麵食 入晒味 ‼️龍蝦走油再煮 d肉勁彈牙 🥹🥹一啖粉絲 一嚿龍蝦肉 果然係招牌菜🤭老人家好得好開心好滿足 😘又同d伙記吹下水 懷緬下以前歲

行經旺角，喺出面望到呢間裝修好懷舊仲有魚缸添，一於入去試吓啦😍🌟白灼韭菜花🌟白灼海蜇呢兩個前菜都加咗麻油落去，味道好香😍海蜇口感爽脆，韭菜花冇草青味！😍🌟杏汁菜膽白肺湯好香嘅杏仁味，而且豬肺好嫩滑，而且好足料，足足有三舊豬肺再加白菜🥬🌟胡椒豬肚雞湯好耐冇飲過嘅胡椒豬肚雞湯，難得見到當然要叫一碗碗飲吓啦😍 雞肉煲完唔柴，胡椒味好足夠，飲完成身都暖笠笠😍兩個湯相比之下，胡椒豬肚雞湯味道更加濃郁😍🌟白胡椒粉絲蟹煲粉絲好入味，隻蟹都好大隻，上枱嘅時候好香，而且蟹鉗亦都幫你卜開左，方便進食😍真係啖啖肉，好鮮味🦀🌟油浸虎杉斑平時食開清蒸嘅魚，今次見到有呢個味道揀就試吓啦，原來又幾好食🐟一上枱就覺得佢賣相好靚！炸到外皮脆卜卜，魚肉嫩滑，有清蒸魚嘅嫩滑又有炸魚嘅香脆口感，一個價錢食兩個味道好值阿😍最尾仲有個糖水🌟芋頭西米露佢嘅西米露係大大粒，唔係平時出面食開嗰隻！平時唔食西米露嘅我都覺得呢一碗好好食有屋企嘅味道，而且芋頭煲到好粉😍另外仲叫咗兩支可樂，竟然係好懷舊嘅玻璃樽😍

朋友放工有啲晏，但又想食好嘢，就比我搵到依間開到凌晨嘅餐廳，好多好評而且仲有海鮮食﹗除咗海鮮之外見大家都好推薦白灼系列同埋燉湯，所以當然都要試下啦。白灼海蜇海蜇頭比起海蜇特別有咬口，夠爽白灼韭菜花用咗比較嫩脆嘅韭菜花，而且好清甜杏汁菜膽白肺湯豬肺炆得好淋好入味，洗得好乾淨，咬落去好彈口。湯有濃郁杏汁香味，養顏潤肺之選豉汁蒸鮑魚超期待嘅海鮮，鮑魚大大隻，處理得好好，好易就離殼而且都清晒內臟鮑魚肉表面割花，更加入味清蒸虎杉斑虎杉斑非常新鮮，肉質爽實有彈性清蒸就食到條魚有幾新鮮仲有前菜嘅花生都好好味好彩本身都訂咗位，就連平日晚都滿席，如果想食又唔想摸門釘記得要訂定位啦

非常對得住個價位，米芝蓮班底海鮮水平，最出色係個蟹，另外個海蜇都同出邊做法唔同，訂位有少少難，因為好爆滿，一定會再食下次，位置嚟講都算非常方便，最後仲送咗幾個飯嚟食吓添

有時懂得吃的,真的不會太在意餐廳環境要有多華麗,當然食物質素要處於高水平吧!這間海鮮菜館正正就是~ 經典懷舊中菜風格,用上米芝蓮星級班底,烹煮技巧完全是高水準!老實說除了要山長水遠走到鯉魚門食海鮮外,這間已經是我多次回訪的海鮮菜館吧~🔸白灼韭菜花($48)🔸白灼海蜇($48)白灼韭菜花及海蜇兩者同樣清爽.海蜇有厚度,咬落爽口. 韭菜花亦鮮嫩無渣.配上微辣豉油更是開胃!🔸杏汁菜膽白肺湯($68)🔸胡椒豬肚雞湯($58)原盅燉湯兩碗都非常足料!前者湯色白滑,充滿多件豬肺而且處理得十分乾淨,毫無腥味.入口帶濃郁杏汁香味,養顏潤肺；同樣喜歡後者豬肚鮮滑爽彈,胡椒味香濃,惹味滾熱辣🔸油浸虎杉斑($388)虎杉斑製作繁複,先經過清蒸再油炸,這道菜很著重師傅功夫.整條魚做得香口惹味,入口脆卜卜.肉質彈牙也實在!愛魚之人必點！🔸豉椒炒蟶子皇($196/2pcs)未食已飄來陣陣豉汁香氣,豉汁惹味又濃郁,蟶子皇大條又彈牙!一人一條很滿足~🔸紅豆沙糖水菜館充滿人情味,眼見不少熟客跟店員輕鬆交談.各店員親切熱情,更主動送上糖水.雖然甜度不足,但當中的人情味卻補足了!

位於旺角洗衣街的「旺角海鮮菜館」主打中式鮮，而且種類煮法繁多，好似去咗鯉魚門一樣，而且這裏開業多年，食物質素甚有口碑，最馳名嘅菜式有「白灼系列」、「旺角避風塘炒蟹」、「蒜蓉粉絲蒸超大元貝」和「燉湯」都係必食推介🙌今日就和朋友仔一齊嚟食吓佢哋嘅海鮮，兩個女仔叫兩個小食、兩個燉湯和兩款海鮮就啱啱好🫶而且店家最尾做奉上自製海帶綠豆沙糖水，非常豐富的一頓海鮮餐▪️白灼豬脷 $ 48原汁原味，口感軟腍，而且一啲臊味都冇，沾上香辣的醬油，原始的滋味▪️白灼海蜇 $ 48海蜇頭非常巨型，口感爽脆好特別，店員一定要點秘製辣椒油和香辣豉油，夠晒惹味▪️杏汁菜膽白肺湯 $ 68這個花足心機的燉湯，用上足料白肺、豬肉和菜膽，再加上杏汁，非常夠味，飲完感覺好滋潤▪️胡椒豬肚雞湯 $ 58一打開個已經聞到濃濃的胡椒香，加上最佳拍檔豬肚和雞，燉足幾個鐘，胡椒味道香濃，秋冬飲呢個湯就最啱▪️蒜蓉粉絲蒸元貝 @2 $ 176元貝非常大粒巨型，鋪上大量粉絲、蒜蓉蒸熟，面層灑上香蔥和豉油熟油，元貝蒸得剛剛熟，配合各種材料，熱辣辣真係超級美味▪️旺角避風塘炒蟹 （特大） $ 798主角出場，這隻肉蟹非常大隻，一睇蟹蓋同埋蟹鉗就知道，用