唯一麵家

Open Now

Now Closed

今天去葵芳行街！行咗好久消耗左好多腳骨力，第一時間梗係搵好嘢食啦！雖然夜晚習慣唔食飯，但係來到了唯一麵家梗係要食佢嘅菜 飯🤣，不過今晚只係一個人，我只係叫咗我至愛嘅，回鍋肉客飯套餐，已經令我回味無窮，酸辣湯足料酸辣適中👍🏻，回鍋肉中豬肉肥廋剛剛好，多椰菜味道濃郁帶一點甜，不過菜飯大大碗，真的不可能食得哂😂，不過唯一不止回鍋肉好味，都好多選擇：煎餃丶北京餡餅丶上海小籠飽丶四川擔擔麵丶炒年糕等，不過今晚只有一個胃😂！期待下一次☺️

葵涌廣場星期六日真係好旺場，成個商場多左好多小食店再加上大量嘅舖頭，確實成個場都有好多野食，但係到左食飯時間都係想正正經經坐低食番個晚飯。場入面都有唔少食肆，好多間都見左好多年，今次揀左地下嘅唯一麵家！一早聽聞呢間麵家嘅野食係大件夾抵食，兩個人都唔敢叫咁多。叫左獅子頭菜飯、蔥油餅煎蛋餅另加紅油抄手。獅子頭菜飯碗飯都幾多，我地每人一半，至於獅子頭都係好大粒，仲有d菜同冬菇，好足料。蔥油煎蛋餅都唔錯，不過由於加左蛋，煎得無想像中咁脆，如果想食香口d應該就咁叫蔥油餅會再脆d！至於紅油抄手一碟6隻，大大粒好多餡好足料，食完獅子頭再食抄手覺得個餡有d似，下次叫抄手就應該唔好叫獅子頭！

店面平凡，但味道非凡。最值得讚是「北京餡餅」，肉汁美味，皮薄餡靚，簡直可比美《九龍城清真牛肉館》的「牛肉包」吖😋😋😋「餃子」味道也相當好，喜歡濃味的朋友不容錯過。👍🏻👍🏻👍🏻仲有一個「擔擔醬炒年糕」都好好味道🤗🤗🤗雖然，年糕容易飽肚，但是，一夾入口，已經停不了手，吃個不停，因為味道特別，非一般上海店舖吃到的喔😝😝😝並非擔擔面般，好多花生醬味，應該像XO醤惹味🤔下次一定再encore🤤

同事最愛的午餐之選 - 唯一麵家，貪它便宜又大份，男同事也絕對飽肚。唯一的不好就是等候人數太多，對於只有一小時吃飯的我們，每次都吃得很趕急。而我最愛的是上海客飯類，大大碟餸，小炒絕對夠誠意，鑊氣十足。這次點的回鍋肉飯，值回票價。去過不同的餐館吃過不同的回鍋肉，每間餐廳總有自己的獨門秘籍，所以看似一樣，實際味道卻各有千秋。唯一的回鍋肉，肉切得厚薄適中，爽而不膩，濃濃的醬香味，配上大口白飯，人生一樂也。

又到每星期出去覓食嘅日子，今日同老公，加埋我妹一齊去葵涌廣場行街，順便覓食，呢間唯一由我好細個時已經係度啦。有時想食上海菜但又想食平d嘅時候就可以黎食啦。先講我叫嘅回鍋肉菜飯套餐：回鍋肉十分惹味，肉都有好多，唔會出現多菜少少肉嘅情況，辣味剛好，唔會太辣。入面有2條豆腐乾。菜飯：反而比較一般，食得出係先煮白飯後放小唐菜落去撈埋。我比較喜歡放先炒過嘅小唐菜再加雞湯煮嘅菜飯，但我都明咁樣係需要好多步驟同時間，平食嘅話係唔應該太高要求。但個飯勝在夠大大碗，男士食都夠哂飽！吉烈豬扒：炸得夠脆口，味道都十分好。但就肉比較少。因為佢係揼到好平，所以比較少肉。天津牛肉：開頭望落去以為黎左碟吉野家牛肉飯，但真係好味，好香濃嘅醬油味，牛肉又唔會穌，但就碎左少少。酸辣湯係跟餐嘅，真係超好味！夠哂辣，酸味適中，亦都夠足料，有豆腐 荀 豬紅 肉！實在太正了！蔥油餅：呢個就反而麻麻啦，蔥唔夠多，又十分厚粉，仲唔夠熱Tim.咁多樣野都只係171蚊，實在係太抵啦！不過唯一唔好係舖頭細細，所以座位比較窄，撘檯就一定要架啦，不過咁平食到好野又有咩所謂呢？

呢排工作都要經常出沒係葵芳一帶今日黎介紹庬係葵芳一帶發現既美食啦今次我就食左個下午茶唔想咁飽肚,所以我叫左碗北京水餃面,再配我最喜愛既上海幼面!正!咪睇佢睇3隻水餃睇落唔係好夠喉咁, 但佢大大粒,加埋咬落去發現非常足料,唔錯!加埋上海幼面份量好多 食完已飽到上心口個水餃再加少少豆板醬一齊食辣辣地好惹味,唔錯唔錯飲品就係凍豆漿,無錯!又係我最愛既豆漿!哈哈埋單都只係35蚊我已經飽到郁唔到,下次應該中午時間黎就比較好D !

出親葵芳次次都係向葵涌廣場搵食, 貪佢又近地鐵站, 選擇多, 食店夠集中又夠美而廉經過唯一聞到餃子香就忍唔住入去叫左個水餃擔擔麵頂肚先, 個麵普通啦反而餃子就真係幾好食喇, 皮脆又大粒食一客加埋碗麵十分滿足!

唯一麵家都算係我地經常幫襯嘅其中一間餐廳，不過每次晚飯時間都要等位。真心講，佢一定唔係最好食嘅上海菜，但係佢價錢算平，同埋出菜速度快，冇得要求咁高。正所謂一分錢一分貨，我覺得佢算係值嘅。平時我多數食梅菜扣肉飯，不過今日叫咗天津烤豬肉飯，可能都有兩個月冇黎，豬肉好似份量少咗，不過都夠食，而菜飯就冇分別，當然有人會覺得，出面啲菜飯唔係咁架喎，但係出面轉菜飯多數要加錢，呢度就唔洗，連埋杯豆漿都係五十蚊有找，冇加一，其實都真係抵食。

三人叫了「香茅豬扒拼香茅雞亦麵」、「五香牛肉拼素餃麵」、「五香牛肉拼酸辣粉絲」、凍豆漿。豆漿味道香茅豬扒、雞亦味道恰到好處。五香牛肉酸辣湯底太多豬紅整體食品就是坐位唔太舒服

今日返工又去左葵芳，新都會食lunch 無$60 落唔到樓真係好貴，所以去左隔離葵涌廣場食。葵廣好似好多野食，但係想揾間可以坐低堂食既餐廳其實又唔係真係有太多選擇。最後行左落最底個層食上海野，想食D 辣野開下胃嘛。滿心歡喜叫左個四川雞球菜飯，點知上菜見到碗飯個心就沉左一沉。四川雞球原來係雞球淋M記個隻泰式辣醬！！ 可能係我見識少，但我真係未食過一間上海菜係會用泰式辣醬！！基本上個飯就係泰式辣醬撈飯，點食呀大佬？？埋單仲要收我$42，呢個價錢食泰式辣醬，我去麥當勞俾三十幾蚊食個脆香雞翼餐唔好？？同行既同事就叫左個四川擔擔麵，呢Ｄ基本野黎啫，諗住唔會有伏啦掛？點知都係無一幸免。個擔擔麵係柞菜肉碎麵黎！無花生醬味，得個少少肉碎都食到有陣梅左既肉味！！個湯又淡而無味，同事話佢都唔知食緊乜。作為一間上海菜餐廳，四川雞球唔識煮都算啦，但係擔擔麵呢Ｄ基本野黎啫，咁都煮到咁？自問都係有衣食既人唔想曬野，但係呢餐我同同事都唔想再食，去食海膽手卷算。返工已經辛苦，食個lunch 仲要一肚氣

係葵涌廣場太多小食，有時想找間餐廳坐低食下，見這間長期有很多人吃，於是找天來試試看。天氣凍，選擇了熱豆漿，豆漿上枱時很熱，不會太甜，但味道有點奇怪這個很像平常吃到的豬軟骨，味道甜甜的，很好送飯，上海菜就是甜甜的呀菜飯是跟無鍚排骨的，先吃一口嘗嘗看，有點點咸味，但菜沒有菜味很出名的一個小食?上枱已經涼了，並且因為已經切開了(我們並沒有要求)，所以吃起來並沒有肉汁，乾乾的外皮也不脆，不明白好吃的點在那裡?沒有蒜蓉的，第一次吃到，很辣，感覺是辣椒油，醬汁好像沒有特別調過不明白為什麼有咁多人吃，小食做得真的很差，正餐好像較好，如有下次，應該只會點飯餐或麵餐。

是日家中的大廚休息，所以晚餐要自行解決。放工就到了唯一麵家去令我饑餓的肚子安靜。這間食物味道剛剛好，分量都足夠，食物係即叫即做，所以都等了20幾分鐘。唯一唔好既就係那餐飲，我點了佢自家造既凍豆漿，而入面有好多沉澱物，感覺上唔太新鮮。

雖然而家葵廣開左好多間新嘅餐廳仔，但係似終都係冇得坐係度慢慢食。所以我同朋友都係去一啲有得堂食嘅餐廳慢慢坐低食，留翻啲氣力一陣上去行街~咁今次揀左呢間唯一麵家，呢間餐廳係呢個廣場入面算係貴架喇！雞翼菜飯 $45上圖係一上枱就係咁。呢個菜飯認真麻麻，我好懷疑佢係將飯煲完之後同啲菜撈幾撈，咁就叫菜飯，食落就同自己夾啲菜落個碗食差唔多。雞翼就不過不失喇，不過唔知點解個雞翼整穿左。鎮江排骨菜飯餐 $48呢個真係好食，首先份量多過雞翼先，繼而啲汁酸酸甜甜咁，好開胃，送飯一流，不過啲肉就韌韌地，可能燘得唔夠耐總括黎講，唔會特登黎呢間餐廳食，不過入左黎食嘅話，都唔洗急住走嘅，排骨嗰個餐都幾好食

去葵芳食厭了米線, 今次換換口味黎試北方餃子唔洗等位, 但係要搭枱食, 繁忙時間也就將就一下點了一個糖醋排骨麵(HK$42)排骨是凍的, 其實個味唔差, 叮熱下應該好好多個麵同清淡的湯底都唔錯 ,  跟餐有飲品北京煎餃(HK$22 )正常是5 件, 不過因為有一隻煎爛了, 店員自動補送了1 隻餃子誠意推介, 真係煎得勁香脆, 餡料又多又滿肉汁, 一流!小籠包 (HK$27)試完餃子再試呢個真係差得遠, 皮厚餡一般....叫多客餃子好過叫佢個笑臉是比餃子的~

最平$40一碗上海雲呑面， 地方不㓗， 味道品質差！最平$40一碗上海雲呑面， 地方不㓗， 味道品質差！最平$40一碗上海雲呑面， 地方不㓗， 味道品質差！最平$40一碗上海雲呑面， 地方不㓗， 味道品質差！