居食屋「和民」 (皇室堡)

Open Now

Now Closed

以前經常會去德福“和民”開飯，自從結業後，便無幫襯了一段好長時間，今日（10/8/2023）嚟開銅鑼灣皇室堡，在樓層宣傳見到和民，好開心，即回想以前，便選了在這餐廳食午餐。十一時多，時間尚早，唔駛等位。午餐餐牌款式很多，價錢亦合理，點了三個餐及追加2份小食，味道依然是往日味道，真係十分回味。日本產帆立貝&鮭魚石鍋蒜蓉牛油飯定食，份量剛好，味道佳牛骨湯拉麵北海道十勝豚肉盒子飯御膳，肉夠味配上汁，飯全部食晒日本產蕃薯條及赤蝦刺身

和民既Lunch Set都幾抵食👍🏼而且份量都幾大份。平日仲會有daily special, 套餐包括沙律、鰹魚湯、茶碗蒸、所選定食、白飯同飲品。Lunch Set: 滑蛋豬柳鍋定食 $79套餐包括沙律、鰹魚湯、滑蛋豬柳鍋、白飯同飲品。叫呢個餐會有個gas爐俾你自己打隻蛋去煮🍳但由於太懶關係所以請餐廳煮好先上菜😆湯底配料有雞蛋同洋蔥, 雞蛋煮得好滑同洋蔥一齊吸晒D湯汁。而豬扒炸得好香脆, 一份都有六件厚豬扒, 肉質亦唔會硬, 份量好大。雖然食完超飽, 不過糖品係另外一個胃, 所以加左$29一份焦糖蘋果蛋糕配雲呢拿雪糕🥧蘋果蛋糕原本已經好甜, 再淋上蜂蜜醬, 真係甜到漏。雲呢拿雪糕就正常水準冇咩特別🍦而餐飲方面唔洗加錢既飲品款式都算多🍯叫左杯熱蜂蜜生薑茶, 夠熱飲完好舒服。

When one thinks of Watami, one thinks ... we haven't been here in forever. At least that's what boyfriend and I thought. We haven't been here forever. Once a staple place for Japanese, it pithered off and became mainstream. A place that became not a first choice when we thought of a place to eat. Out of curiosity, we decided to have dinner here after a walk through the flower show nearby with his mother because it was family friendly.They offer a la carte and sets. It seemed everyone did the set

講起香港知名既日式餐廳，和民居食屋絕對係其中一間!是日黎到位於皇室堡同友人叫佐個2人套餐 ($351)，二人套餐有一個沙律，一個壽喜燒，一個主食 (石窩牛肉飯)，和風雞肉比薩。1.沙律沙津有麵包糠， 豬肉塊，生菜， 配上千島海鮮醬汁食，非常好味!2. 壽喜燒壽喜燒有一隻生雞蛋，幾云豆腐，娃娃菜，冬菇，幾塊厚厚既牛肉。娃娃菜啖啖都充滿湯汁，好juicy! 牛肉連埋湯一齊食，成個身暖哂!唯一缺點係個湯稍為有啲咸，我認為甜啲會較為惹味!3.石窩牛肉飯牛肉飯上鋪滿粟米，乾蔥同埋幾塊厚厚既牛肉。黑胡椒吊起牛肉既鮮味。牛肉牛肉份量充足，兩個人食絕對夠飽。 4.  和風雞肉比薩鐘意薄既比薩一定要叫呢個，比薩配上濃濃既醬汁食絕不對pizza hut食既pizza差。(原諒我食之前唔記得影相，食到中途先記得影相。 )總括，三百幾蚊食呢個二人餐絕對抵食！  

今天好友說想吃涮涮之類的東西，於是在東涌看到這間店後就毫不猶豫選了吃。餐廳環境也舒適，很日系的感覺。我們點了一個壽喜燒煱三個人分來吃，也加多了一碗烏冬和牛肉，感覺這個份量才可以滿足到大家🤣，感覺與朋友用同一個鍋涮來吃是十分溫馨的事。🥳壽喜燒湯底很香濃，放牛肉進去很快就熟了，不用加豉油，只要點一點湯來吃，牛肉就已經很入味和嫩口。😋對自己而言，認為壽喜燒選配飯的話就一定要配烏冬吃，因為烏冬加壽喜燒湯底就感覺真的很滋味，加上烏冬很彈牙可口，真的是絕配！我們還點了雞串與厚燒玉子，感覺雞串很細件，但味道香口，而厚燒玉子的蛋味就一般，但也有口感的。🙏🏻總結而言，整個用餐感覺也挺好的，如果想吃高質涮涮鍋也不嫌貴的話，這間也是個挺好的選擇！👍

經皇室堡APP訂檯，由於職員話係經EMAIL通知，有時未必睇到，所以最好訂檯後打去RECONFIRM。佢哋嘅LUNCH MENU算多選擇，有拉麵，有飯，以套裝形式出餐，包埋沙律，湯，飲品。由於之前試過刺身不太新鮮，所以今次用餐只叫熱食。菜式上檯，豚肉係比較厚少少嘅肉片，所以比較韌。但其他配菜都唔錯。另外一讚係，地方都算好乾淨。而服務員工態度和藹有禮。回應亦都好多。廚房對特別要求亦做足，所以絕對可以繼續幫襯。

外甥「生日飯」好耐無食過和民，保持一貫水準，話說依家8人食野要快測先可以坐埋一台，我地完全唔記得咗，職員話唔可以安排一台，但可以安排同一張台，但要用間板隔住，問我地得唔得？我地梗係話得啦。職員哥哥都好識做，值得一讚。我地已經好鬼肚餓，所以我地叫咗個4人餐，另外再散叫。我地其實仲叫咗好多野食。排同名不分先後︰鰻魚牛肉盒子飯御膳、牛肉湯烏冬、照燒雞肉pizza、蕎麥麵(冷)整體食物質素都幾好。

今日屋企人去皇室堡食晚餐，因為疫情，想搵一間間隔好啲，可以食得舒服啲嘅餐廳，最後我屋企人揀咗和民。每個卡位都有高高嘅層板隔住，令人食得好安心。我哋真係好肚餓，橫掂坐得咁舒服，就唔好慳要一個豪華晚餐。雖然都要4百幾，但係計返有咁多嘢食，所以我覺得價錢都算經濟。2人豪華套裝：xxx和民沙律刺身盛合海老天婦羅牛肉壽喜燒原隻南蠻炸雞腿鰻魚牛肉盒子飯水果綠茶，梅酒梳打總括來說，每樣食物都好完美。刺身好鮮味，天婦羅好大隻，喜壽燒個湯底同埋啲牛肉都好美味，雞腿好滑，水果茶好清涼。因為份量太大，最後成個鰻魚牛肉飯要打包攞返屋企第二日再食，咁你話四百幾蚊有咁多好嘢食係咪好抵呢😀😀

好耐冇食和民，星期五晚銅鑼灣比較難訂位，於是去 openrice 找找，很難得經這裏訂位和民還有優惠。當日一行4人，店員說4人餐可享減$100的優惠，2人餐則減$50。雖然每款菜式份量不多但因菜式多，我們又選了壽喜燒和石窩飯，差點枱面都放不下。店員服務很好，坐位舒適又寬敞，我們傾傾講講很開心，下次有機會一定再來。

和民既定食一直都比人一種好新鮮既感覺，因為落完order 之後，佢會係新鮮製作出來的。🍱滑蛋豬柳鍋定食呢個滑蛋豬柳定食好豐富，除左有個豬柳鍋，仲有個沙律、鰹魚湯、白飯同一隻生雞蛋。首先，要開著個鍋，再將隻雞蛋打落去，等佢滾左之後，再撈混佢。啲炸豬排好好食，外脆內軟，配埋啲有洋蔥既汁同蛋汁，送起飯上來味道甜甜地真係唔錯呀。個飯係一粒粒既珍珠米，都好有水準。鏗魚湯係普通既麵豉湯，真係好好飲。另外，午餐仲會有一杯飲品送，我選擇了熱檸水，都挺好味的。#滑蛋豬柳鍋定食 #沙律 #鰹魚湯 #白飯 #雞蛋 #和民 #皇室堡 #熱檸水

和民小妹前後都食過兩次～ 第一次去叫定食覺得唔錯就再encore！結果第二次嗌盒子飯就仲咗伏啦😭所以話好多時候好唔好食真係睇運氣呀😅🐷 滑蛋豬柳鍋定食 $68 雖然滑蛋唔滑但豬柳都唔錯！偏厚但軟身而且唔會太乾～ 🐥 和民炸雞定食 $68整體味道普通但係炸雞夠香脆！配埋沙律麵豉湯同茶碗蒸都ok啦🐮 鰻魚牛肉盒子飯 $99 要退貨呀！！貴就算啦份量少到一個點味道方面鰻魚一般牛肉仲要老老哋早知出去買材料返屋企自己整好過😡 🍖 十勝豚肉盒子飯 $79 得嗰幾舊肉仲要擺得咁核突🥺整體靠燒汁味，好唔抵食呀！！🍤 天婦羅盒子飯 $79 唔係講笑呢個仲離譜😵兩舊天婦羅、一舊南瓜、蕃薯同冬菇少得嚟就算啦仲要唔脆，有咩好食？⭐️ CP值：🐘🐘⭐️ 打卡able：🐘🐘.5 ⭐️ 舒適度：🐘🐘🐘🐘.5⭐️ 再食指數：🐘（5 星為滿分）

「有生命的事物總是充滿各種用心與對世界的關懷。」最近透過Green Monday了解多左SDGs作出的貢獻，聯合國永續發展目標(Sustainable Development Goals, SDGs)包含17項永續發展目標，Green Monday聯乘和民旗下四個餐飲品牌，同時推出一系列特選素食MENU，為SDGs 目標記一功。🆕新菜式採用OMNI 植物肉及植物海鮮作為主材料，並價錢大眾化之餘又多了一份多元選擇嘅自由感。講開植物肉，膳食纖維含量比鮮肉較高，冇膽固醇反式脂肪，愈來愈多食店採用植物肉，素食配搭已經不是當年一時的潮流了。銅鑼灣和民餐廳空間感非常足夠，QR Code電子落單，打開MENU 除了有多款壽司、鍋物、揚物、串燒及一品料理選擇，五款素食新提案就係今次吸引小編來的主要原因。🍲石鍋新肉絲泡菜飯 $79 (蛋奶素)推介:⭐️⭐️⭐️⭐️⭐️人氣和民石鍋泡菜飯的素食版本，欲以植物肉取代豬肉碎，配埋蔬菜、菇類、辣泡菜及蛋製作而成，熱辣辣石鍋嘅保溫程度令你由頭食到尾都係暖烘烘，Omni 新肉絲拌勻菠菜、芽菜、辣醬、香菇及泡菜同埋香噴噴飯焦，味道濃郁，配埋雜榖米飯營養豐富又健康。🦀脆炸新蟹餅

作為一間歷史悠久嘅日式連鎖餐廳，和民係算中下價錢。食物大堆頭，一定食得飽肚，好唔好食就見人見智。當日個人好攰，不想思考，就叫咗個豪華二人餐，大堆頭嘅食物放到一肚都係。雖說係二人餐，我相信四個人都夠食。味道方面，似係food court 水準，唔大要求嘅絕對可以接受。唯獨係碟刺身，一出檯望第一眼，已經感覺到佢成碟切好好耐，一直原碟放係雪櫃，到有客order就拎走張保鮮紙出菜。成碟刺身色如死灰兼硬身，無晒新鮮感覺嘅彈牙口感，硬如食膠。一如所料，真係同新鮮拉唔上關係。食完飯個肚已催促我要極速趕返屋企，終於成晚肚瀉咗好幾次，🤪🤪

每週「素一素」... 人都變靚d!🤪我同朋友銅鑼灣和民「找素」🌱聽講最近和民集團 推出植物肉OMNI特選菜式... 同Omnifoods攜手為SDGs可持續發展作出貢獻! (註: SDGs係聯合國一系列目標... 希望透過各國共同努力... 去消除貧窮、減緩氣候變遷等等... 令我地生活嘅地球邁向永續!) 咁有意義... 我地梗要支持支持啦 !💪💪特選菜式試咗；🥗 新蟹肉沙律 (蛋奶素)麻醬雜菜沙律嘅清新口味認真冇得彈... 再配合牛油果、烚蛋同新蟹肉... 夠哂健康又有營養!✅🐟 新炸魚薯條 (純素)新炸魚柳肉質鮮嫩多汁... 外層香脆可口... 媲美傳統嘅炸魚柳㗎! 而且含豐富優質蛋白質、低飽和脂肪、Omega3同膳食纖維... 咁就素都素得有營過人喇!😆🍕 蕃茄新肉絲批薩 (蛋奶素)批邊香脆... 芝味濃郁... 既保留傳統風味又有素食新元素!🌿不論你想支持SDGs... 抑或一嚐素願... 都不妨去試吓!😋

幫襯過和民唔少次... d食物都算幾抵食!😊今次店員推介試吓新推出素食菜單... 我同朋友揀咗2款嚟試!脆炸新蟹餅 $59 (純素)蟹餅炸到超級酥脆香口... 雖然係植物蟹肉... 但幾可亂真... 唔講仲以為食緊真嘅蟹肉㖭!🤭石鍋新肉絲泡菜飯 $79 (蛋奶素)新肉絲加泡菜、菠菜、芽菜、菇菌同蛋... 配埋韓式辣椒醬同飯... 撈匀食實在好好味!👍另外order咗d普通餐牌嘅小食... 都幾抵吓!黑椒蜜糖雞翼(3隻) $19雞中翼炸到好香脆... 配埋黑椒同蜜糖... 啜指!😋日本枝豆 $19可以凍食又可以熱食... 烚完唔會太硬又唔會太腍... 唔錯!👏