居食屋「和民」 (Closed)

總有d地方會係係你諗唔到食咩然後百食不厭既飯堂。和民係我實中一個飯堂。因為又好方便咁樣可以係apps度拎飛啦。唔洗等餐死！必食之鍋我實在太喜歡食壽喜燒。和民民個鍋無得輸呀！我個人覺得牛肉係最好食。其他海鮮貴同唔好食囉d海鮮。天婦羅唔知係咪用千年老油炸，個炸物顏色唔多靚，一般啦，唔致於好食但又未係難食。鰻魚玉子蛋都算係滑，有汁。但鰻魚可以落多d燒汁可能會更香口。軟殻蟹卷好似愈黎愈縮水咁。 腳都舉唔起，唔見左😕不過不失啦，不過比以前水准總括已言有待改善呀

打工仔日日諗食咩lunch其實都諗到爆，落雨就唔想行出去就直接搭輕鐵同西鐵出去食，勝在唔使淋雨。因為同事想食日本野，咁就用個app諗住攞定飛仔啦。來來去去都個幾間架啦，銀次👈🏻因為裝部機停用、牛角👈🏻攞咗飛等如冇攞飛嘅、和民👈🏻竟然機都壞埋冇得攞定😱心諗唔係又遲呀嘛，點知去到可以個網上排隊壞左仲少人等👍🏻好快有位，仲見到轉左新menu，另外兩個同事一點冒險精神都冇嘅🙄，無諗住試新野，又係叫黑椒牛肉石鍋飯同滑蛋豬扒飯定食，咁我就試咗新嗰個青柑桔雞肉烏冬麵，聽個名就好清新，不過都差唔多秋天先出啲咁嘅嘢？滑蛋豬扒飯滑蛋ok豬扒都脆嘅。黑椒牛肉飯個和夠晒熱喇，今次好重黑椒味仲食到飯焦。不過又係好遲先嚟，可能要預熱個鍋啦。萬眾期待嘅新野黎喇，個賣相就好似好靚好清新，圖片唔係只供參考😌有啲青柑桔片響度漂漂下仲有啲青蔥絲，不過睇啲雞肉就好明顯係煮熟雞肉之後先切開而唔係切開咗先煮囉。其實咁樣會影響個口感，但係佢哋就商業角度（煮熟先切舊肉唔會縮得太細變相用少咗料）唔係為呢個好食嘅角度🙄味道方面呢完全係冇金橘味嘅小小酸味都無，啲烏冬面就唔彈牙但又唔會好淋或好實⋯冇想像中咁好食囉，當佢只係一碗無乜味既蔥絲雞

本人工作地區偏僻，加上食晏時間不長，一般都是在茶記食個碟頭快飯填飽肚子就算⋯⋯今日機緣巧合可以到商場食午飯，見和民無需等位即入！一打開餐牌，居然有43種午餐選擇令人立即徹底明白可謂＂花多眼亂＂！幸好有超過半數午餐索價百元以上(本人立刻篩走它們)，才省下一點時間。結果今天的＂豪華＂選擇是：燒鯖魚定食。午餐很豐富，而且感覺營養很均衡。前菜沙律細細碟，主要是生菜和粟米，頗清新，唯一缺點是胡麻醬給得有點吝嗇。另一前菜是凍筍。本人甚愛筍類，看見這前菜驚喜萬分！筍夠爽脆，味道清甜帶微酸，很開胃主角燒鯖魚跟碟子一樣長，煎得很香，魚肉本身的油份充足，吃下去有油香亦不會腥，極宜下飯，那碗熱呼呼珍珠飯一晃眼便吃完了！味噌湯是全個午餐最弱一環，味道非常淡，只有數粒小豆腐和一兩片海帶，不喝也沒損失最後還有甜品鮮果啫喱和跟餐的凍茉莉綠茶。值得一提的是這裡的跟餐凍飲不用加錢而且有多個選擇(包括一些梳打，不淨是咖啡茶)。這個茉莉綠茶罕有地沒有死甜，還有淡淡回甘，正

從來無諗過喺和民食好嘢，但我到畀over 100食 lunch ，可唔可好少少以$98(未計加一)，感覺好hea湯- 味精，又無乜料，無乜味沙津- hea 到爆生菜，汁都唔多滴筍- 平時唔多食，唔知應該乜味。我確實覺得佢無味，只係一舊微酸，咬得開嘅固體最離譜係個飯，幾片三文魚同魚籽鋪面，我都算。但個飯有乜可能咁實淨，硬到一舊舊咁又無乜魚生飯陣醋味。係咪痴咗線。沙津大盤，但大而無當，啲脆脆唔覺得脆，仲覺得油立立。餐飯相當唔抵食做日式餐廳，要員工跪喺度咁滯落單，都不及細心學日本人對質素嘅要求

假日同屋企人去屯門行街街順便食晚飯，未夠6點已有點肚餓見又唔太多人就入來舒舒服服食餐飯啦，餐牌有好多選擇，睇左一陣先決定食咩，四個人叫左鐵板燒餃子、軟殼蟹壽司卷、牛肉鍋燒烏冬、豚骨湯拉麵、石鍋汁燒豚肉飯、南瓜蕃薯天婦羅、抄麵燒餅，整體所有野食都幾好食，尤其是個石鍋汁燒豚肉飯同牛肉鍋燒烏冬最好食。

Watami居食屋和民，在香港算是大型連鎖居酒屋。當然不能同日本比～首先當然叫個刺身拼盤大蝦天婦羅（炸物）Um⋯⋯味道可以，但個貌相，好似打完風咁樣。如果放齊D就更好！（有強逼症，哈哈）再黎個鍋物╴海鮮鍋我動作太慢，俾朋友食晒D正野，配料同個湯都幾夾，不太喊⋯⋯都仲有D海鮮味道最後當然食壽司，飽晒！總結，平日黎不太多人，始終大型連鎖型式的日式居食屋，差極都有限。

放工吾想番屋企煮所以就去vcity是但搵下野食見和民冇乜人，吾洗等位所以就入左去一坐低就叫左野飲先，個雜果茶都吾錯，幾抵飲估吾到居然甘大杯一人一碗拉麵，太重味精個雞翼最吾掂，完全係圖文不符純粹為醫肚都ok嘅....如果專登去食就吾建議....

暫時可以放低繁忙的工作，放兩個月大假。旅行，我總是提不起勁。又要訂酒店，又要訂機票，又要安排行程。很煩呢！最合我心意的假日節目.......食!!!"眾樂樂" 又好，"獨樂樂"又好。還是覺得 "食" 最好。今日，學吓 "五郎"， 做個 "孤獨美食家" (≧∇≦)這間 "和民" 常常要等位。試過一個人也要等位半小時。今天想一個人輕輕鬆鬆不用等位吃一頓晚餐。提早 6 點前到舖，果然不用等位。"牛油帶子" 我每次必定 order。算不上十分出色的小食，只是分量不多，熱熱在小鐵板上，牛油香味。伴着冰凍啤酒 yummy!"豚平燒"， 薄薄豬肉片，椰菜絲，雞蛋，煎得像一件薄餅。淋上沙律醬，燒汁和鰹魚碎。賣相好像大阪燒。好味，材料豐富。⋯⋯飲啤酒，怎麽可以沒有炸物？炸豆腐，炸雞，炸蝦不可缺少。蝦，炸得酥脆。蝦殼也可以食。前菜沒有壽司，味覺不完全。這款蝦壽司很好味。再來一客 "牛肉火煱" (細)。吓！一個人食咁多嘢 !?一般牛肉火煱。肥牛，菜，豆腐，雞蛋。只是.....此時此地我很想食牛肉火煱。食完前菜，主菜，啤酒飲完。Dessert time! 綠茶雪糕芭菲。沒有驚喜的甜品，已滿足味蕾，消消滯。P.

朋友生日，想搵間餐廳可以慢慢坐又坐得舒服既，食餐簡單生日餐，呢到D食物選擇多，環境又唔錯。等位就有D耐啦~好多人等位，我地都排左成30分鐘~牛油焗帆立貝，口感韌，好香牛油味，鮮味唔係好覺，啲菇太油~鯖魚燒，唔落檸檬汁就咁食都得，整得好香，唔會太燶，不過肉質較實，我唔食魚既都食咗好多魷魚筒飯，魷魚易咬開，入面啲飯好似用糯米做，食多幾件好膩，唔加個醬都好夠味，醬油味重~石燒豚丼(大)，較濃味，豚肉林，加埋泡菜惹味九州黑豚骨湯拉麵，麵質軟硬適中，蛋略為凍，但仍然係流心，肉質林，易口咬~

以前食過和民午餐 花邊魚 覺得好好食 同日本食既好類近 所以決定再試試佢 點知就中左伏叫左個二人套餐 海鮮鍋唔新鮮 蟹同蝦擺左唔知幾耐叫左個炒麵 味道幾好 係全餐唯一覺得好食之後兩個年糕小食都普通 上枱都唔多熱之後花邊魚黎左 好開心既原本 同圖既size好接近點知一夾落去個底根本唔熟 仲係生既有血色咁好聲好氣問佢 佢都肯換 點知 換完果條細過原本果條3分1有多 兩個人食幾啖就無左 我情願你翻煎我換果條好過 咁食哂所有野仲有個章魚片未上 叫佢跟一跟 已經唔知咩樣咁嫌我地麻煩咁款 咁佢就即刻係雪櫃拎出黎俾我地食啦 碟有水珠又一大浸雪味 食左一舊就唔想再食其實唔期望有高水準 只係想服務態度好d 份量正常返d 點解俾左碟唔熟既野食俾我要求換好似我問題咁 唉 真係無下次 唔會再食呢間

今次屯門朋友生日，又吾想出到咁遠，所以今次選左VCITY的和民試試。講真和民我一直都一般，但之前見信用咭有優惠就去試下，點知覺得其實都吾差，所以今次我地2個人大約8點到達屯門和民，朋友大約等了15分鐘已經可以入去。入到去比較暗，坐的位置都舒服。今次見到有2,4人套餐，會員同非會員差額大約＄10左右，見到2人套餐計晒小費都係＄300左右不少野食和飲品選擇（一半固定，一半自選），太累原因吾想煩就選擇了這個2人套餐。其實飲品都好多選擇（好似19款），沒想到梅酒都可以選擇，所以朋友勁開心地叫左個梅酒梳打，而我叫左薑梳打！～這9款食品大約10分鐘已經送到大部份黎（其實可以慢少少，因為桌太細放不下），根本只有影完相就即食，連想打返食品名都沒有時間…哈哈…义燒撈面係最驚喜好味道，义燒少又碎，幸好我同朋友對肉類興趣不大。但醬汁好好味，辣之餘有少少芝麻味，撈起來好特別味道，出外偏少。面質有口感吾淋身。份量都夠大。我和朋友都超喜歡吃這個面。雞軟骨炸都仲有少少熱同有脆口，不是太油。但份量偏少或可以個器皿細一點美觀點。炸雞都有4件，熱度其實一般，但味道真係有點似韓式炸雞，少少辣同甜味黏滿係炸雞度，好味。係日本

昨日收工入到屯門都差不多7點鐘, 心諗都唔知要等幾耐先有位....點知去到竟然唔洗等!快快手咁睇下menu有咩好食啦~先經好好既店員推介,ORDER左煙肉筍串燒,原來店員無呃我,煙肉經燒過真係好好咬口,肉汁仲有保留住,果種香味真係好似仲回味到,加上個筍又嫩,very good!之後叫左個牛油廣島蠔,反而呢個就差D,無咩牛油味,上面有蔥又搶晒蠔既味..之後叫左個刺生拼盤,真係要讚一下,蝦因為友人敏感食唔到,結果我一個人食晒, 蝦好鮮好甜,好想再order多客架!!!! 另外佢個帶子刺生都好正,肉厚味甜,好開胃!見唔係好夠食,仲order左個海鮮鍋加烏冬, 海鮮鍋有蝦有蜆有蟹... 但係最好食竟然係烏冬..因為蝦好大陣腥味..蜆同蟹都洗得唔乾淨,好多沙..有見及此, 下次都係盡量食番串燒同刺生算LA..

來到和民食嘢通常來來去去都係食果幾種野不過今日想食一個鍋物所以變了這個日式牛肉鍋這個獲配了頗多有菜有金姑有豆腐當然還有主角牛肉牛肉質素頗好肉質嫩而且沒有太多肥膏而且最令人吸引的是就係點這個蛋汁完全將牛味更加升級升華

星期六下午食屯門呢間和民無lunch set , 於是散叫，叫咗個黑椒牛肉石鍋飯同一個和民拉麵（即日本牛肉）。環境好本來想食個悠閒的午飯，點知真係好失望，個石鍋飯好多油同好咸，正確啲係只有喊味，單調。以前食開和民嘅泡菜石鍋飯好好食，唔知點解屯門呢間特別難食。到牛肉麵個日本牛肉似煲湯瘦肉，乾身，拉麵係好一般嘅湯底，我一直有食開和民，分別係荃灣同中環果兩間，都覺得唔錯，但屯門呢間食物質素有待改善。

近日見雜誌廣告某信用卡做推廣活動，專享低至7折價錢享用套餐優惠，而且食物種類選擇非常多，足以吸引小妹前來光顧。推廣日期由1月5日至3月24日，尚餘幾天時間，大家快些帶定信用卡簽賬。屯門區和民只有一間，位於V city商場內，我們在附近戲院看過戲後，便順道來吃晚飯，時間已經比平時晚些，但門外仍舊有客人拿籌號等位，小妹誓要吃這個，發揮獅子座堅毅不屈精神，友人無可奈何要選擇陪等，yeah 等了一段時間安排入座，環境光線挺黑暗，安坐2人枱，位置都偏狹窄，二話不說點了2人套餐，侍應會問：是否享有信用卡優惠？of course！轉眼侍應放上gas爐安置枱中，準備我們的燒烤。  意大利風薄切鮭魚(套餐)，薄切的三文魚片，色澤雖不光澤，但配上墊底的生洋蔥都合格，生洋蔥的味道，小妹吃飯過後還徘徊口腔中久久不散。接著 北海道名物：石鍋豚肉飯(套餐)，主食8揀1，友人選上豚肉飯，發覺友人頗偏愛食豬肉，飯面滿滿放上生菜絲，令到石鍋温度下降，豚肉偏肥，底下亦沒有飯焦，感覺一般。一品料理6揀1 大板名物：魷魚燒餅(套餐) ，小妹覺得燒餅味道不錯，內有魷魚粒，隨空氣擺動的章魚片鹹香好吃。上菜速度挺快手，