榮記茶餐室

Open Now

Now Closed

年幾之前嚟過一次😛今次再訪水準仲keep到喎！今次令我最深刻嘅反而唔係啲野食，係佢哋嘅服務！👍🏻我哋食完沙嗲煲，會主動問要唔要多隻碗食煲仔飯👍🏻如果怕沙嗲濺起整污糟件衫，餐廳有提供即棄圍裙👍🏻員工好有禮貌！唔似其他出咗名嘅茶記咁呼呼喝喝！講返野食，今次嗌左兩樣野！逐樣講吓🤍💕🐄沙爹牛肉公仔麵好中意佢個麵夠硬身！因為我本身都唔中意煮到淋peapea嘅公仔麵的！沙爹就keep住一樣咁濃，好重花生味🥜！仲會咬到粒粒花生咁！好吃指數是🟡🟡🟡🟡🟡🐷咸蛋肉餅煲仔飯公道講佢一定無其他香港出名煲仔飯咁香口！但都有飯焦喎！而且肉餅夠爽口，唔會好溶食到成口脂肪嘅感覺😝💕好吃指數是🟡🟡🟡🟡作為唔太中意食沙爹牛嘅我，今次對味蕾都係好好嘅體驗了😋下次去嘅話要試下轉粉絲！！

平時去茶餐廳都鍾意食沙嗲牛肉麵，所以一直都好想試嚇榮記茶餐室嘅沙嗲牛肉煲仔麵，但因為慈雲山真係有啲遠，又唔想特登過去，直到早排終於去開附近，可以去試嚇～▪️沙嗲牛肉煲仔麵煲仔飯就食得多，煲仔麵就比較少見，可以keep住個溫度。沙嗲湯底真係好濃稠，充滿花生香，同埋唔覺得真係好似其他人講到咁咸🫢 牛肉上枱嘅時候未完全熟曬，所以要等一陣先食得，口感好嫩滑，不過就冇乜牛味，同平時茶餐廳嗰啲差唔多😂 整體係唔錯，但唔會特登去慈雲山食榮記茶餐室📍慈雲山毓華里12號地下A-B號舖

聽講呢間茶餐廳嘅沙嗲煲仔麵好出名特登揸車嚟試吓！一入餐廳，感受到涼涼嘅冷氣服務都好周到員工唔會催我落單我叫咗一個豬扒沙嗲煲仔麵配凍檸茶超級濃郁嘅沙嗲的湯底豬扒正常size，好嫩滑一路食，個麵就一路吸收湯汁食到一半已經覺得好咸好膩.總括嚟講：個沙嗲湯底係唔錯既，不過好咸，濃味到食食下會覺得好濟唔想食落去，如果加返兩條菜/解膩既野會比較好，另外價格都相對貴，一個公仔麵已經要$70，加凍飲又要加$7，$77應該可以食到比呢個更好

沙嗲界既espresso -慈雲山榮記茶餐室Fb:下一站豬欄; IG@Pig7station煲仔飯就見得多，煲仔麵就唔係周圍都有😗今次搵食搵到慈雲山，榮記出名煲仔飯/煲仔麵😂當日到好full架，等咗陣先有位，座位都幾比較迫嚟到梗係要是沙嗲牛肉煲仔麵啦，堪稱係傳說中沙嗲界既espresso 湯底，真係超級濃郁🤤花生味好香濃，沙嗲泡沫拎煲仔麵更有層次😌牛肉都淋，真心推介，雖然食到最尾比較膩😅想食嘅就預早嚟排隊啦😗

想試"榮記茶餐室"嘅沙爹牛肉煲仔麵好耐, 但特登去慈雲山食又覺得唔值, 終於去開果頭搞嘢就順便試下, 加7蚊有杯凍嘢飲, 就叫咗杯奶茶, 杯凍奶茶好快到, 杯凍奶茶唔錯, 唔洗10分鐘個牛麵到埋, 個麵煲一陣先食好啲, 啲牛肉好滑, 但牛味就冇乜了, 沙爹湯底OK夠晒濃, 有花生味, 仲有兩舊仔豆卜, 整體OK, 個煲絕對keep住個湯好熱, 但70蚊呢個價就唔多值, 如果同九龍城"方榮記"比較, 呢間好食啲, 不過"方榮記"牛肉就好食啲, 總之兩間一樣試過一次就夠

今天我來到慈雲山的榮記，試了他們的招牌菜沙嗲牛肉煲仔麵和豬扒芝士撈丁。這是一家舊式茶餐廳，環境十分傳統。先來評論一下他們的招牌菜沙嗲牛肉煲仔麵。湯底非常濃稠，充滿了濃郁的沙嗲花生味道，令人難忘。牛肉非常軟嫩，入口即化，加上煲仔麵的獨特口感，讓這道菜的味道更加豐富。整體而言，我給這道菜10分出色，如果您是沙嗲愛好者，這道菜絕對不會讓您失望。即使我明天的水準提高了，我還是會極力推薦這道菜。**另外豬扒芝士撈丁的口感十分彈牙，讓人回味無窮。雖然這道菜的味道不像沙嗲牛肉煲仔麵那樣出眾，但我還是會給它7分。**總的來說，榮基記茶餐廳的沙嗲牛肉煲仔麵和豬扒芝士撈丁都是非常值得品嚐。

聽聞「榮記」喺沙嗲牛關注組非常有名氣，位置雖然有啲隔涉，不過好在有熟路嘅朋友仔帶路午飯時間餐廳座無虛席，要門口等一陣先有得入一坐低同朋友二話不說就點左最有名嘅✨真．沙嗲煲仔麵✨($70)，配料方便可以揀牛肉 / 豬扒 / 雞扒，麵底就有出前一丁、米粉、粉絲，我當然係揀左沙嗲牛丁麵!!🤩當日朋友著白色衫，點餐後職員好貼心咁問我地需唔需要圍裙，有即棄嘅可以提供❤️個煲仔麵一上枱，就見到沸騰中嘅沙嗲牛麵，沙嗲味一湧而上，就咁睇顏色已經覺得非常濃郁，𢳂落去好杰身，入口果然非常濃稠，內有花生碎好香口!! 麵質煮得剛剛好，因為佢預左個煲有熱力會令麵底變軟，所以食得慢都唔怕會太林。而鮮牛肉非常嫩滑，煲內另有芽菜、豆卜，吸埋d湯非常美味。再配埋港式凍奶茶，正呀♪(´ε｀ )整體黎講絕對無令我失望，果然如餐牌所寫「沙嗲中的Espresso」，食完會有想再去食衝動(⁎⁍̴̛ᴗ⁍̴̛⁎)

好多評論說這家是最好的沙爹牛肉麵 最特別是用煲仔上 但我今天叫了外賣 叫了一個沙爹牛肉煲仔麵加豬扒 另外叫了一個火腿奄列及奶茶.....先說说煲仔沙爹牛肉麵 沙爹不是港式 是像星加坡 馬來西亞風味的那種 可以講有少少港式沙爹味 如果食開港式沙爹牛肉麵的應該不太喜歡 沙爹味道不太重 觉淡一点 湯內放了牙菜 豆卜 用的牛是鮮牛 总之不是港式沙爹牛 麵及豬扒放在一起 麵不錯 之前應該同湯煮完再分开 过了一会啲麵还有彈力 我這里想讚賞的是他們的豬扒 煎得非常好 不油 不燶 味道非常好, 可再试 (只有豬扒); 到奶茶 没什麼特別 同其他茶餐廳的差不多 下次可试其他; 最後便是火腿奄列 味道不错 蛋夠多不厚 內里火腿片夠多 豐富 可吃及好吃的 麵包是麵包 没什麼特別 我自己觉有点求其總括來說 對於我來講 這家店如果真的要再试煲仔沙爹牛肉麵 一次已經足夠 不會再回去 奄列經過的話可以再食 唯一可以令我再回去的是豬扒 看看豬扒配什麼有靚仔效果再想提提 老闆娘好好人 好好客

試下榮記茶餐室出名既野先 真♡沙嗲煲仔麵 同埋煲仔素翅麵再加$𝟙𝟝要杯凍檸啡 提一提神真♡沙嗲煲仔麵 $𝟟𝟘揀左牛肉同出前一丁 錦先係真正既沙嗲牛肉麵呀！最鍾意食濃稠既湯麵 撞正食個日係下雨天食完個人即刻暖曬 每啖湯都有好多花生碎 落足料唔馬虎又好食 ≧ω≦煲仔素翅麵 $𝟞𝟘食左一 兩啖 發現有條白頭髮係個麵度 (◔ д◔)我本身仲以為係素翅🤣🤣🤣好彩男朋友無食落肚 同左店員講 佢立即係我地面前將個煲仔素翅麵丢去垃圾殘渣處 整個新比我地 我仲以為佢會攞入廚房攞走白頭髮 煮完再比我地食🤪好彩佢地唔係無良心啫煲仔素翅麵我地揀左出前一丁 個素翅份量都幾多下 有埋蛋花 肉碎 雲耳 料算係多既但如果我只有一個人食 只可以食一樣野 一定食真♡沙嗲煲仔麵 煲仔素翅麵都好食 但呢個沙嗲湯底真係出面食唔到 食真♡沙嗲煲仔麵 係無錯既٩(●˙▿˙●)۶…⋆ฺ

沙嗲牛肉煲仔麵$58今次特登揸車過來嘗試一下這個網絡盛傳很久的沙嗲牛肉煲仔麵，價錢以一間茶餐廳來說一點也不便宜$58沙嗲的味道非常濃郁，以煲仔麵來作招牌也是有新意的但是這就好像主料很久的沙嗲湯底再加公仔麵其實沒有什麼特色，這次可以選擇牛肉/豬扒/雞扒，我們選了豬扒結果大失所望，豬扒九成是肥肉，環境亦不是太好服務，服務都亦有什麼特別，下次也不會特登過來吃了！

終於都黎左榮記試到馳名既沙爹牛肉公仔麵，真係好好味！公仔麵煮得岩岩好，唔會太淋牛肉都嫩而且份量都足，加埋濃濃嘅沙爹醬汁，味道真係好正！除咗公仔麵，佢哋嘅煲仔飯睇落都好出色，價錢都唔貴，下次一定要試下！

前排天氣有啲凍，所以約咗朋友去食煲仔飯，想食啲有特色嘅煲仔飯，之後係網上搵到呢間餐廳，見佢個芝士煲仔飯講到好似好正咁。大概七點鬆啲去到，由於餐廳非常多人，所以要等咗陣先入到，餐牌選擇都幾多，除咗有煲仔飯，炒粉麵飯亦有提供。朋友同我都叫咗邪惡芝士煲仔飯配牛肉，落完單冇耐姐姐就比咗碗例湯我哋，可惜碗例湯得個色，味道淡如水。😂邪惡芝士煲仔飯 ($90) : 賣相真係麻麻地 😂 不過味道先係最緊要，材料有芝士、牛肉、粟米，可惜味道真係強差人意 🥲 雖然芝士有拉絲效果，但係芝士味欠奉，最慘係個飯底，落煲仔飯豉油又好怪，唔落嘅話成個飯又冇乜味，最後朋友同我都覺得呢個芝士煲仔飯有啲伏。

下午六點幾，難得黎到咁吊腳嘅慈雲山，當然要揾名物試下。一講慈雲山，個個都會叫我食煲仔沙嗲牛面，奈何我唔食得牛，所以就叫咗煲仔沙嗲豬扒米($68) ，好彩佢有鮮牛，豬扒，雞扒選擇望住滾到卜卜聲嘅煲仔米粉，飄住一浸沙嗲香氣，我流哂口水，對佢期望好高。不過，見到好多唔知咩泡係個面度，有d扣分。講湯底先，好香花生味，好濃味，但唔會渴(傑)撻撻似醬咁，起碼似個湯。米粉就正常，唔係好易斷果d,但亦唔係好吸湯果d,非常一般；再講，成碗得好少米粉，夾一大夾已經夾哂，作為女士都唔夠飽。至於豬扒，如大家所見，又細塊，又薄。薄到咁，都可以煎到柴一樣，好難咬爛，唔講以為食緊外國嘅豬肉乾，硬到咬崩牙果隻。又多油係碟底，非常失望。至於環境，都係典型茶餐廳，我去嘅時間無咩人堂食，都算乾淨。整體黎講，名大過實，食gimmick，偏貴，$68一個唔夠飽嘅米粉，仲要唔包野飲，所以試一次就夠。我俾3/5分，係不過不失嘅分數。p.s. 坐低食緊時，我見好多街坊叫外賣都係叫小炒，炒麵炒飯等，而睇到佢又真係即刻炒，可能小炒好味d掛，如果下次仲有機會先再試

是晚剛看完舞台劇突想起以前曾吃過金蠔煲仔飯，於是踏上慈雲山征途。地方不大，在門口等了一會兒，店內有點淺窄嘅茶餐廳格局但尚可接受。金蠔煲仔飯索價143 送例湯加15 蚊有幾條灼生菜，加5 蚊有熱飲。大概十多分鐘煲仔飯送來，老伙計/ 老板幫我加豉油然後大概一分鐘幫我揭開。賣相跟味道是可以，金蠔有4 隻，但金蠔不脆身，飯不夠乾身，飯焦不顯，沒有焦香，疑趕時間有點不夠火候，失卻煲仔飯靈魂，跟之前記憶真的很不一樣，或許名氣令老板覺得不用心做也夠做，我走的時候門口還是有人等位！作為客人的我，我情願多等一會，不竟要上慈雲山一次不是經常可以做到，以這個價錢跟地點，我大概不會再來！

一直都想試一次煲仔沙嗲牛肉麵，奈何地點實在太唔就腳，今次要去慈雲山朋友屋企終於有機會試。我係早餐時間去嘅，10點幾，問姐姐咁早有冇，好彩都有。之前睇食評話份量都好多，諗緊好唔好share一個。姐姐話其實都係得一個麵底，咁就嗌左一人一個。點知嚟到的確係一個麵，但係牛肉就勁多，食極都仲有，最後放棄淨返嘅麵食晒牛肉就算，七十幾蚊咁多牛對我嚟講算好抵食。牛係用鮮牛，好香花生味，係我鍾意嘅style，個麵食到尾都唔會好淋不過係咸左啲啲。唔知個姐姐係咪老闆娘呢，服務態度非常好。我覺得絕對值得一試嘅。