永順食店 (Closed)

1️⃣ 沙爹牛肉出前一丁 $29 (6.5/10)先要講哩度雖然係茶餐廳但店員態度好好🥰 永順嘅沙爹偏甜，有少少花生味😗 微辣幾香口，但加咗落麵之後唔算濃郁🥺牛肉幾淋唔韌🤤 唔講得上係靚牛肉但哩個價錢算ok😆 今次轉配出前一丁 (+$2)更加正😋 Pooh同朋友平日晏就3點黎唔洗排隊🤣 之前聽過公眾假期要排30分鐘以上先有得食😳 但哩個價錢黎講真係好抵食👍🏻

——早上10:15左右早餐等沙嗲麵及西多士期間，眼見廚房已經有六個員工，樓面大約3-4員工，全場爆滿客人。下單快速，來食物也算快速。——西多士配煉奶先上枱大大份，厚厚的。上枱時已經見牛油已經溶化一半混合煉奶，牛油和煉奶份量好像在西多士上面的一個小泳池😂感覺太好🥰入面花生醬份量都很足夠，其餘的也差不多沒特別需要刻意寫下。——沙嗲牛肉麵上枱就見沙嗲醬下得十分充足，沙嗲味也極香濃，牛肉有彈性，牛麵不是出前一丁，但第一啖咬食10分彈牙，喜歡吃「爽麵」的人一定會喜歡。整碗麵煮得很夠熱，湯入口熱辣辣，啡色的沙嗲湯底很濃郁，食到最後一啖也是燙嘴的，感覺10分良好

🍽 沙嗲牛肉麵💰 HK$27 (lunch)We went to Yuen Long on this weekend and we tried one of the famous satay noodles restaurant. There was a small queue at 3pm. Of course, we ordered their famous food - SATAY BEEF NOODLES. The soup base was very rich with a bit satay and peanut flavor. Comparing this to Tsz Wan Shan one, I like this more.

#元朗#茶記➡️《永順食店 》🌟💬呢間好耐之前已經食過 ，食完已經印象深刻，咁濃郁既湯底但又唔會愈食愈膩，反而愈食愈惹味，依家味道依然KEEP到💕 🔴沙爹牛肉蟹王麵🐂🍲📢沙爹醬非常~多，好香濃，微辣帶有花生香，唔係個D偏咸既沙爹味所以好岩🧏🏻‍♀️口味❗️最中意佢醬質地唔會太杰身，同湯底攪拌後都唔會變淡，平時食茶記D沙牛面最怕D凍凍地既醬打左好多茨咁, 杰撻撻痴實哂係D肉到好難撈暈，攪到個湯底唔夠味唔夠熱，呢個就無呢個問題👍🏻牛肉食落有牛味唔係鬆肉粉味，所以係比較有咬口但都唔會韌。食過蟹王麵，但覺得比較淋身唔夠有口感，所以轉下米粉，掛湯能力依然好好。🤗👅：9/10💰：$27

等15分中, 算快吧 =)第一次黎, 緊係叫晒D signature 啦!沙爹牛 + 米炒: 沙爹係好味的. 只係略嫌唔夠花生醬味. 牛肉好食, 唔會好似出面咁"拿"過. 炸雞亦併豬扒: 我唔太中意炸皮, 平時中意食生炸, 所以豬扒我唔多LIKE. 雞亦就好OK, very juicy.再黎多個奶茶紅豆冰: 呢個真係唔多地方有. 奶茶滑, 紅豆原粒仲會起沙, 仲可以少甜少冰, 正呀!總括, 排下隊都值既. 但係唔係住元朗的話, 又未必咁有動力為左沙爹牛, 成日山長水遠入黎食. 

聽聞不如自己試試，一向早餐都點五香肉丁，就因為聽到近近地，元朗有間出晒名最好味沙爹牛肉面嘅食店。由於我唔算成日去元朗，都搵左陣🧭至搵到，因舖面唔係向大街位置。啲食物選擇唔多，我就最喜歡，即係話夠專注一些出品。但佢有樣選擇都幾特別，就係夾咩面，除左可夾米線、米粉、通粉、烏冬、福面和出前一丁，仲有🦀蟹王麵。點都要叫份沙爹牛先啦！我就選左福面，係唔同嘅，牛肉新鮮，個味係比較獨特，沙爹味濃。見食店內好多人仲叫🐷豬排，咁一場黎到梗係試埋啦！炸粉唔厚，仲新鮮炸出黎仲熱辣辣，豬扒有調調味，所以好入味，正👍最後我都想提下杯奶茶，☕茶底味唔會苦澀。黎開元朗，可以一試推介之一。

講起沙嗲牛麵，呢間都可以話係人氣店。雖然位置都有少少偏僻，但次次去親都有一條長長人龍，好彩都唔使等太耐，今次等左十幾分鐘就入得喇。.🍴沙嗲牛肉配蟹王麵 ($31）/ 本身係諗住食通粉㗎，可以索晒佢啲沙嗲汁🤣🤤不過聽人講蟹王麵係比較出名（仲好食過出前一丁）咁今次就試吓啦～/ 個人覺得蟹王麵咬落爽啲，冇出前一丁咁淋。但係以味道來講，我覺得都係差唔多😋/ 以湯底來講，可以話係超級濃郁😋有好濃嘅沙嗲香味亦有少少嘅花生味喺入面，傳聞更加有人會走湯將佢變成沙嗲牛肉撈麵添🤣😱等我下次又試吓先🤤🍴西多士 ($14）/ 個人覺得好食嘅西多一定要個包夠軟熟，炸完唔會乾身，而且要有好厚嘅花生醬喺中間🤤/ 而永順呢個西多士我就覺得做到呢幾點喇～雖然方包唔係厚身嗰種，但係佢做到好鬆軟嘅效果，炸落都唔乾身，非常邪惡😈

我已經無限次食過永順一直都保持到水準一定要食佢既人氣沙嗲牛麵佢既袐製沙嗲汁真係超香濃 勁正係我人生食過最好味既沙嗲汁但我通常會叫沙嗲雞翼麵佢既餸普通個沙嗲汁個靈魂你叫咩餸都可以加沙嗲汁係個湯麵到嫁另外平時我會加一份奶醬多 因為佢勁平 $11 同埋包類通常都好快上到菜食住等個麵佢個多士係好熱同勁多醬所以性價比好高星期日去建議12點左右去到因為真係好多人排隊去食

沙嗲牛肉麵呢排變咗全城熱話🔥 而講唔停前幾日長征元朗 梗係順便試埋係嗰度一間專食沙爹牛麵嘅人龍店啦😝沙嗲牛肉出前一丁 $29講唔停覺得呢個只係一般🥺 湯底唔係好濃 而且冇乜花生香😔同平時茶餐廳水準差唔多🤔 個人都係鍾意長洲通記多啲🙈芝士流心蛋豬扒治 $26呢個反而幾驚喜!!! 豬扒完全唔會乾同硬👍🏻👍🏻 配埋芝士同流心蛋味道好唔錯🧀 十分推薦大家嗌呢個 記得要烘底呀😜豬扒 $24呢個都幾好味 炸皮唔會太厚🥰而醃料都幾啱口味😋奶茶紅豆冰 $17個人覺得茶底唔重 所以飲落同普通紅豆冰冇乜分別😬整體黎講 講唔停對呢度嘅沙嗲牛肉麵有啲失望🥺 佢其實唔差 只不過排咗一個鐘始終有多啲expectation🤫勝在所有嘢都幾抵食 建議大家平日黎應該會少人啲❤️同埋記住嗌個豬扒治 比沙爹牛肉麵驚喜得多！😚

今日黎到元朗茶記食沙爹牛肉蟹王麵 西多士 蘇炸豬扒 蘇炸雞翼沙爹牛肉蟹王麵方包 同一樣大光麵唔同 蟹王麵比較幼身 麵質唔太軟身 由於幼身面積相對粗身咁麵黏到更多嘅醬汁沙爹醬夠濃厚 你會見到全個碗面都覆蓋住沙爹醬 所以夠哂沙爹味牛肉夠滑 又唔會完全太軟身 有口感西多士同其他茶記差唔多 即整夠熱 不過呢到勝在夠平 14蚊咋炸豬扒 同 炸雞翼方面 都係即炸嘅關係都係香脆可口 炸粉唔多 豬扒同雞翼都唔會柴身今次order 左 沙爹牛肉蟹王麵，沙爹牛肉通粉，西多士，炸豬扒炸雞翼，2杯奶茶，合共$127 都算抵食 如果去開元朗都可以考慮

香港美食當然唔少得茶餐廳，無論早餐定夜晚都座無虛席，今日有野出開元朗，去試下出名既沙嗲牛肉面。《沙嗲牛肉蟹王麵》沙嗲味夠香濃濃郁，牛肉都係我杯茶，因為我自己比較鍾意食薄身d既，另外蟹黃麵比公仔麵更能掛湯，口味亦更彈牙。朋友推薦通粉都好正，淡淡湯。《加配炸豬扒/炸雞翼》$12加左一份炸豬扒同炸雞翼，熱辣辣即叫即炸都唔錯不過不失，略嫌炸豬扒個炸醬做得一般同埋雞翼得兩隻唔夠喉。《西多士》茶餐廳另一瑰寶就係西多士，邪惡之首，炸得香脆加上勁肥膩牛油同糖槳，推介。《奶茶》食物質素唔錯不過奶茶令人失望，一上枱就睇得出奶嘅比例不足，茶味亦較苦澀。

呢間永順食店最出名係沙爹牛肉，所以一定要試下。我先打電話落左外賣，再去拎。行到永順食店時，係中午1點幾，門口已經有長長既人龍。🔍沙爹牛肉湯米線（$27，外賣+$1）因為我本身唔係太鐘意食麵，所以我就揀左要米線。佢既沙爹醬非常濃郁，帶花生香同少少辣。牛肉幾冧，而且分量都算多，味道唔錯。🤤🤤

閒日行完山,到永順門口4點幾都要排隊不過好彩都係等十零分鐘就有得入去同另一個朋友叫招牌菜沙嗲牛肉麵, 要咗蟹王麵沙嗲味有啲失望,冇想像中濃另一個朋友叫豬扒+雞翼湯麵, 佢評價係ok另一個叫五香肉丁+雞翼湯米佢哋評論雞翼係算oK嘅四個人最後評論都係一般...名過於實或者係我地唔明有幾咁好食，一定要排隊食到為止😅

今日入開黎元朗友人話依間係某關注組名列前茅所以就黎會一會佢早上八點幾黎到，已有人排隊真係估唔到喎茶餐廳當然要試下杯熱奶茶上枱熱到不得了茶味濃，但不夠香，中規中矩主角登場，沙嗲牛肉蟹王麵沙嗲味濃，如果花生醬多d更好牛肉質素一般，好似梅梅地咁蟹王麵麵質不錯，但不及一丁質地彈還有無影相既奶油豬真係好好食，超脆，熱辣辣總括黎講都不錯，只是價錢偏貴試一次夠了以上食評只反映本人立場，如有雷同，實屬不幸

元朗大榮華後面的一條小巷， 開了一間小店叫永順食店。店外很多人排隊，原來大家都是為了它們的沙嗲牛肉麵。店舖不算大， 大概有十張枱左右，沒有特別裝修，正常茶餐廳的格局。這裡必食一定是沙嗲牛肉麵。麵可選配福麵，出前一丁或蟹王麵。我和朋友都選了出前一丁，單點$29。沙嗲牛肉麵是沒有套餐的，另點了熱奶茶$15。沙嗲牛肉的沙嗲汁超多，味道很濃郁，很重沙嗲和花生味，牛肉也很嫩，加上一丁麵冇很輸。這是食過數一數二正的嗲牛麵。推介。奶茶正常，茶香奶滑。見到隔離枱的炸豬扒不錯，忍不住多點了一份炸豬扒蛋三文治$20。炸豬扒都相當厚，粉漿不算多，豬扒入味兼軟熟，確實不錯，這個我都推介。來到想找好食的沙嗲牛肉麵，一定要來試試！