永順食店 (Closed)

💜元朗神級沙爹牛肉💜..在香港 🇭🇰 除了 港式奶茶 是茶餐廳的重要角色外沙爹牛肉 也是茶餐廳的靈魂之一而每個茶餐廳的師傅 都有他們獨門的秘密沙爹汁.今天 我就要來探探 被稱之為 『元朗神級的沙爹牛肉 』到底有 多～～～～神級😆✨👍🏻..不囉唆 ！ 直接 來碗 濃濃的沙爹牛肉公仔麵 麵不要太爛然後 再加個 招牌 炸豬扒 、 流心芝士牛肉蛋治.沙爹汁湯底 伴隨著花生醬的味道 非常的濃郁 而且十足掛麵 這樣讓麵都吸飽沙爹汁 每口都吃到 美味濃郁的沙爹汁牛肉也軟嫩不柴 級格👍🏻✨喔～～這才是我想要的沙爹牛肉麵啦🤤.再來個新鮮炸豬排 這款炸豬排 跟一般茶餐廳 始用的麵衣不同 ㄧ般是乾麵粉 而這個是有點像 台灣派脆克雞排麵衣 外脆的口感 喜歡.最後 芝士蛋牛治 🤤沒什麼好說的 吃就對了 ✨.沙爹牛肉麵 又收集到ㄧ家好吃的啦❣️（放口袋～～） 愛吃沙爹牛肉麵的 下次輪你們也去收集吧🤤🤤.

難得入到元朗國，梗係要黎試吓呢間食沙嗲牛肉麵食到出晒名嘅食店啦！果然唔係浪得虛名，離遠已經見到長長人龍，感恩人龍去得好快，等候時間唔算長！話咁快我哋就可以坐低叫嘢食啦😆必食沙嗲牛肉麵- 呢到麵底可選米線/ 銀絲米粉/ 通粉/ 福麵/ 出前一丁/ 烏冬/ 蟹王麵，價錢上就會有少少分別啦～想要最地道風味，我梗係揀歷史悠久既福字麵啦😎最喜歡沙嗲汁有花生味，夠哂風味；牛肉唔會被鹼水嗱到淋池池，仲食得出牛肉味🤓；成碗麵就算食到尾都唔算太咸，值得一讚👍炸豬扒蟹王麵- 恕我孤陋寡聞，第一次聽蟹王麵😅麵既味道有d似出前一丁，但口感更煙靭，所以我會視佢為進階版嘅出前一丁。豬扒雖然未有被鬆肉粉嗱到無口感、無肉味，但略厭粉皮調味太重，一個人食一份應該搞唔掂😅脆脆奶醬朱- 一個字：夠多醬、夠脆，正😆😆😆留意周末無飯餐，所有麵食都唔包野飲！雖然我今次只係飲檸蜜（因為我之後要上山，怕條腸太滾動😅），但建議可試試佢嘅奶茶，因為成間舖都好香茶味，深信個茶底一定好出色😝

呢間舖頭長期排長龍先食到，其中大家常常推介嘅就係沙嗲牛肉麵，作為一個沙牛迷，即使間嘢喺元朗咁遠，我都會專登入去試一試。當日排咗大約廿分鐘左右，已經滿心期待！二話不說叫個沙牛蟹王麵($31)，沙嗲汁真係好稠，但食落其實無乜味，無花生醬及椰香，亦食唔到洋蔥的惹味，我係十分極度之失望，其實同出面好多茶記一樣咁普通的味道，只係佢比較濃，就係咁了，一啲特別都無，唔太理解點解咁多人話好食。另外叫咗同樣出名的炸豬扒配福麵($22)，塊豬扒炸到柴咁...我已經唔太記得個味道，因為只係食到嗰種萬年油味最後亦叫咗個芝士流心蛋鮮牛治($26)，都係普普通通，呢度嘅流心蛋意思，應該係太陽蛋但篤穿咗蛋黃嘅意思。味道就真係一般，唔值得去排隊食，但價錢唔算貴就真嘅，所以我唔會要求佢好好食。

哩間野好多人排隊，所以最好閒日上午十一點幾，下午三點，差唔多時間去就唔使等。沙爹牛肉面真心好食，唔使加錢轉蟹皇麵都ok。面質一樣咁爽。另外炸肉扒都幾油呀，同埋個脆皮唔係太好食，三個人去食share下，一人食啲就ok la😃

🥢沙嗲牛肉蟹王麵✨-濃味沙嗲牛麵-但好似無佢本身以前咁濃-蟹王麵多一點點咬口 但整體同食普通公仔麵差異不大-牛肉味道幾好、好入味，口感適中-去開可以一試🥢煎豬扒-主打其實係炸豬扒-煎得幾香-自我感覺無咁熱氣🙈

Sa妹本身唔食牛 今日陪友人試沙爹牛關注組名列前茅嘅一間舖 又幾有驚喜沙爹牛煎豬扒出前一丁+ 沙爹煎雞扒蟹黃麵🍜沙爹味真係幾香濃 煎豬扒都十分惹味 煎雞扒表皮更煎得香脆 不過食多左會感覺略鹹 見佢麵底有個幾特別嘅選擇-蟹黃麵 問左店員話係另一種日本入口嘅麵 睇落賣相就同出前一丁一模一樣 味道試真D好似真係香少少🤏😂雞翅🐥見到隔離檯叫又好想試下🤣又真係無失望 表皮焦香 Sa妹秒速清曬 不過都係個句 有少少鹹奶油豬🥯尼個真係唔可以唔講 因為包實在烘到太香脆 再加上不敗嘅煉奶 好想再Encore！（P.S趣事一則：隔離檯見我地食到咁滋味 又即刻落單叫左份🤣🤣）佢午飯時間真係好多人排隊 如果想試 可以下午茶時段去 唔使排就入得去 推介指數：⭐️⭐️⭐️💫（總分為5⭐️，💫為半粒⭐️）

一向食開但今次真係有啲唔開心落單個啊姐好唔老實作得就作 吹得就吹🥲叫左加一份豬扒 嚟左兩碟 即時同落單個啊姐講返叫佢睇下張單係寫左一份定兩份如果佢話寫錯左兩份我哋都會照要無所謂但個啊姐話呢到係一份嚟因為太大份所以幫你分左兩碟上 價錢係收左你一碟點知計一計返條數 原來佢收左兩碟錢俾錢果時又搵返同一個啊姐話你睇下係咪兩碟錢佢望一望之後話係呀 你呢到係兩碟嚟嫁 我頭先意思係兩份太大碟所以幫你分開兩碟上 你唔明呀😅😅仲要問返我係咪唔明😂其實我feel 到佢知道發生緊咩事 但又死口唔應點解可以咁唔老實 雖然真係好小錢但都唔好咁作故仔好似當個客係傻嘅咁

今日去元朗做野順便就試下呢間人氣既沙爹牛店舖位於比較冷清既街道不過離遠就望到佢門口既人龍排左十五分鍾左右就入得沙爹牛肉麵+炸豬扒，凍奶茶呢度既沙爹牛非常濃郁，麵質亦不會過林豬扒係即炸，炸粉薄，豬扒厚身肉林凍奶茶就正正常常朋友叫左個豬扒芝士流心蛋治（烘底）非常好味，味道都好夾要小心蛋汁唔好流到件衫～食飽埋單離開時，見到店外人龍比我岩岩黎果陣仲多左，所以記得預留時間排隊另外要注意呢度所有野都係散叫，無套餐嫁～

通常喺元朗食早餐40幾蚊一定搞得掂，仲要飽飽咁樣離開餐廳。永順食店，一向唔係以套餐作賣點，但係始終吸引到好多人去幫襯，究竟點解呢？就係食物嘅質素高到人客都唔介意俾貴啲同埋花多啲時間去等位。今日呢個早餐價值$59 ，只係得兩樣嘢：凍奶茶，炒牛豬扒蟹黃麵，全部都超出水準完成。炒牛肉身幼嫩，調味適中（冇強烈嘅生抽同埋鹽味），筆者通常叫煎豬扒嘅，但係今日唔記得淨係講咗豬扒，換來嘅就係炸豬扒，好好彩都一樣咁好味。蟹黃麵先至係重點，食過好多間茶餐廳佢哋嘅出前一丁多數都係因為趕時間而煮得好硬，喺呢度食嘅蟹黃麵就從來冇試過係硬。凍奶茶就正常發揮👍

通常喺元朗食早餐40幾蚊一定搞得掂，仲要飽飽咁樣離開餐廳。永順食店，一向唔係以套餐作賣點，但係始終吸引到好多人去幫襯，究竟點解呢？就係食物嘅質素高到人客都唔介意俾貴啲同埋花多啲時間去等位。今日呢個早餐價值$59 ，只係得兩樣嘢：凍奶茶，炒牛豬扒蟹黃麵，全部都超出水準完成。炒牛肉身幼嫩，調味適中（冇強烈嘅生抽同埋鹽味），筆者通常叫煎豬扒嘅，但係今日唔記得淨係講咗豬扒，換來嘅就係炸豬扒，好好彩都一樣咁好味。蟹黃麵先至係重點，食過好多間茶餐廳佢哋嘅出前一丁多數都係因為趕時間而煮得好硬，喺呢度食嘅蟹黃麵就從來冇試過係硬。凍奶茶就正常發揮👍

唔係家姐介紹我都唔識永順食店🤭基本上係一間路過我唔會想入既茶餐廳格局，佬味好重🤣我真係有眼不識泰山！一試難忘！家姐推介下試左佢兩碗麵食，都係超出色😭🍜 雜米線 $22以我印象係有紅腸、魚片的配料，係我家姐教落既隱藏菜單黎😬啲配料切到一絲絲咁，同啲米線食落好夾😜價錢仲要抵到咁… 完全明白啲人點解可以咁鍾情呢間食店既麵食呀🤭🍜 沙嗲牛肉蟹王麵 $31我個日就食左佢地出名既沙嗲牛肉，其實我覺得麵係沙嗲汁出色😬牛肉就一般般，煮得有少少過熟～而蟹王麵好似就係公仔麵咁🤭如果呢個價錢，好似叫番雜米線抵啲😳😳🧃 凍檸茶 $16佢地唯一唔好就係飲品冇得跟餐叫，但食得沙嗲呢啲咁重口味既野，當然要飲番杯檸茶爽一爽～正呀🤭好老實，呢間野CP值真係超高！如果我一個去食，應該會買外賣番屋企食😍

6.8/10 famous satay beef noodles in Yuen Long and I would say that were nothing special and no good at all lol. However, the cheese lava eggs with beef sandwich 芝士流心蛋牛治 is good and I do recommend it!!!! French toast and deep fried pork chop were also good, though not particularly impressive. Can try once for check-in but perhaps no more. Would like to try their 鮮油奶醬多next time tho if there is another visit.

久唔久都會想食下茶記，呢日入開元朗，見呢間永順都好受歡迎，comment都唔錯，就黎食lunch喇😛😛🔸沙嗲牛肉出前一丁果然名不虛傳💯 沙嗲湯底濃稠，花生味香濃🥜牛肉新鮮厚切又唔韌唔鞋🐮🔸芝士流心蛋鮮牛治烘底多士烘底好酥脆，流心蛋牛十分完美🥰 啖啖滿足感🔸熱杏仁霜、檸檬可樂煲薑熱杏霜帶少少稠度，唔係稀到水咁，超香濃杏仁味😀近日天氣轉涼，檸樂煲薑好暖胃☺️兩樣野食都好好味，好滿足！！

📍元朗人氣沙爹牛麵‼️· 炸豬扒同西多士都唔錯🤤 -- 永順食店🍜😍·=======================永順食店可以話喺沙爹牛麵關注組嘅頭幾位推介‼️🤩之前同朋友就一齊去咗元朗朝聖🤤當日星期六朝早大約11:00去到都有少少人龍，可見人氣好高！不過呢到翻檯都好快，等咗一陣就有得入座👍------------------------------⭐️沙爹牛肉蟹王麵 $31加底 $12 (7.7/10)湯底非常濃稠，沙爹濃郁惹味，仲有粒粒花生！😍😍牛肉食落腍身入味，蟹王麵掛湯力較普通即食麵高，爽口彈牙～～整體確實不俗👍------------------------------⭐️西多士 $14 (7.5/10)包體炸至金黃色，外脆內軟，麵包中間仲夾住花生醬，加埋蜜糖同牛油一齊食鹹甜交錯好好味🤩👍------------------------------⭐️炸豬扒 $24 (7.5/10)份量慷慨，最好同朋友happy share😍豬扒好厚身，炸得香脆，肉質軟腍juicy😆------------------------------整體嚟講沙爹牛麵確實唔錯😍‼️其他小食亦有一定水準，而且份量

今日星期六入咗元朗，第一站就即刻去朋友介紹嘅永順食店排隊食早餐，11點去到，條隊已經有10幾人，我差等咗半個鐘左右就有位啦。遠近馳名嘅沙嗲牛肉麵當然係必食之選，朋友叮囑一定要叫佢哋嘅炒牛肉蟹王麵加沙嗲汁，我就叫埋煎豬扒雙拼。一嚟到見到碗麵，已經聞到好香濃嘅沙嗲，味道唔算好辣，好香花生沙嗲味。沙嗲汁再配埋炒牛肉，炒過嘅牛肉味唔重，好好味！蟹王麵啲麵質有D似伊麵，都掛到啲沙嗲汁。煎豬扒亦都係真心推介，唔會好油膩，味道適中有口感。