WIRED CAFE (Closed)

放假通常勁晏先出動，呢日又成3點幾先出到尖沙咀覓食，因為太餓，落車近近地就去咗美麗華嘅Wired Cafe。原來佢有Holiday Brunch Menu，望落都幾抵。廚師沙律啲菜都幾新鮮，粟米都甜嘅，醬又唔會too much 。明太子忌廉意粉幾香，個汁幾creamy ，明太子嘅份量都恰到好處，唔會太鹹，意粉口感少少偏硬。漢堡扒煎蛋飯嗰塊漢堡扒幾大塊，口感都幾軟稔，不過味道無乜特別，個汁夠濃味又未至於好鹹，隻煎蛋蛋白剛熟，口感仲好嫩又重蛋香，篤穿埋個蛋黃夾埋啲汁一齊撈飯，正。2百幾蚊食到勁飽，叫唔到個半價芭菲囉。

呢間位於尖沙咀美麗樓地庫既cafe，位置便利，人流不算多坐得舒服。食物以輕食為主適合年輕人口味，有沙律小食pizza意粉三文治甜品咖啡等，選擇性多。墨西哥粟米片 如果飲野又唔餓可以試下呢款小食。水牛城雞翼 外脆內軟 帶點微辣香軟多汁牛油果炙燒三文魚沙律飯好大片三文魚配上水嫩的溫泉蛋，口感溫潤。配塔牛油果，醋汁和沙律菜，飯是微暖的，非常清爽。我們還點了一個巴馬火腿薄餅和兩個意粉。pissz的巴馬火腿很足量，薄餅亦非常香脆。飲品方面，選擇都幾多，便緊summer特飲。不過服務態度一般，要求下只refill左一次水，仲只係refill左一半人...雖然服務有待改善，總體來說也是不錯的。

美麗華地庫collect point除左係買衫聖地，仲有間wired cafe，平日去既話真係好少人，加上坐得唔逼，靜靜地幾適合談心。食物以洋食為主，意粉、pizza之類，仲有好多特別菜式，有坊間少見既黑咖哩。咁岩同朋友都想食蛋包飯，於是試下呢個吉列豬黑咖哩蛋包飯。咖哩調得比較酸，但蛋滑搭夠，吉列豬都新鮮熱辣，唔錯唔錯！另一碟大蝦意粉煮得好好食，意粉較硬身爽口，蝦都有六七隻，個忌廉汁都調得唔錯！最估唔到taro latte都有拉花又靚又好飲！百幾蚊一位，價錢合理

碌碌下openrice見到有訂座優惠75折仲可以book星期五晚就去試下啦 中伏都冇咁肉赤丫嘛 結果一半好味一半中伏 但埋單每人只係$105算係咁啦坐左成晚 只係避開劣食都食得過既 野食排名分先後：#吞拿魚牛油果沙律飯 $98 呢個poke bowl好抵食 無論沙律菜 牛油果同吞拿魚蓉都好新鮮 加埋流心蛋撈埋一齊食真係又好味又健康😋#炙燒三文魚沙律飯 $88 呢個其實同吞拿魚一樣 只係變左炙燒三文魚 一樣好味#比薩吐司 $75 呢個pizza toast好好味丫 因為佢塊多士唔係普通方包而係丹麥麵包 一層層加埋茄醬芝士 新鮮焗起好好味呀 薯角就一般#炸魚柳沙律配他他醬 $75 正常質素 塊魚柳薄左啲#生薑汁燒豬扒 $108 呢個最唔抵食 豬扒一般 唔算鞋既但唔好味 有隻流心蛋薯角同飯咁 $108我寧願食多個poke bowl#窩夫餅配炸雞 $88 呢個真心伏到爆 炸雞太厚粉 窩夫係完全冇味既 完全靠楓糖漿 好唔掂#明太子忌廉汁意粉 $88 呢個意粉好creamy 但太creamy喇 食落好膩.. 凍左仲恐怖 好似漿糊咁痴住一舊舊 好惡劣主菜發現佢啲水準真係好跳脫 一啲幾好味 一啲真係好

侍應喺客人面前「西面」，更加同同事大聲講客人壞話，好失望。侍應掛住傾計，水都唔 refill。餐牌無表明係辣嘅食物 - 素菜牛油果蕃茄汁意粉，竟然係辣嘅。咁叫 tokyo no. 1 cafe?!

琴日喺美麗華行完街肚餓餓地想食野 點知呢間又有西式又有日式嘅cafe 排長龍 決定聽日六點放工就要衝黎試💪🏽oh yes I'm the first client tonight 😂顏色怖置唔算柔和但睇落又幾舒服順眼☺️吞拿魚牛油果蓋飯：底層有大量沙律菜 面頭溫泉蛋 吞拿魚碎 同飯撈埋一齊係出奇地好味 一啖已經乜都食得到 好嫩滑清新😋學到野👍🏻跟住就黎個口味濃啲嘅芝士咖哩肉醬飯 呢個帶俾我小時後嘅回憶 簡單配料 加隻蛋 加芝士 有時食野就係咁啦 有feel就得😎💜芝士焗章魚丸：超級燙口！除大量芝士外，底有薯蓉減少黏底 聰明！

對於香港愈黎愈多呢類靚靚cafe 俾人chill 一chill, 我係好開心同好樂於約朋友weekend 周圍去搵食不過呢一間無論服務同味道，都令我諗返香港廿幾三十蚊，邊食邊要受氣既茶記講食物先啦carbonara 好難失手，所以，佢成為唯一合格食物，雖然d bacon 變成超厚肥豬肉帶幾分肥燒肉feel 有dd 怪pizza 好細。餅底乾而唔crispy, 有幾分餐包水平呢個甜品係滴油版肥多士，上面既香蕉嚴重發育不良，食落完全唔香甜我杯rose latte 難飲到一個點我想問佢知唔知咩叫latte. 入口好苦，奶應該係用黎做coloring only. 無奶味。係好失敗既latte最絕係呢到既staff 自己傾偈果時笑口滿面嘻嘻哈哈，你想落order 叫極無人聽到到終於黎果陣會收起笑容，放低食物果陣一聲不響，你問佢呢杯係咩野飲？佢會露出一臉"你無腦記住自己order 左咩？"既醜表情，睥你兩秒後先講出名我差d 以為自己去左食緊澳牛呢d 出名唔賣服務既食店唯一可取點係openrice 訂位有折，如果大家唔介意俾錢買黑面，係尖咀呢d 地帶買個地方坐坐係ok 既

放假去左搵好野食，於是去左美麗華酒店低層地下呢間日式西餐廳到同朋友食下飯。餐廳裝修幾特別，感覺好色彩繽紛之餘，絕對係一個傾計好地方。•黑椒煙燻牛肉沙律 $75•先點左個黑椒煙燻牛肉沙律，菜嘅比例比較多加上鹹鹹地嘅黑椒煙燻牛肉，味道啱啱好，同平時食開嘅沙律好唔同，個沙律汁酸酸地好開胃。•巴馬火腿Pizza $128•之後主菜叫左個飯同埋pizza，Pizza係薄批，脆到好似餅乾咁，生菜加上巴馬火腿，感覺味道好清新。.•吞拿魚牛油果蓋飯 $98•而吞拿魚牛油果蓋飯，面頭隻流心蛋，加上吞拿魚茸同埋牛油果，口感好有層次，加上沙律菜成個感覺好健康。•焦糖香蕉Dutch baby $88•最後甜品當然要叫出名嘅Dutch Baby,揀咗焦糖香蕉味，pancake香口又薄身，即使食完正餐都唔會食唔落，而且焦糖嘅甜加上香蕉同忌廉，好快已經清哂成碟。

來自日本連鎖的Wired Cafe，裝修有少少夏威夷及沖繩的感覺，沒有夏天的氣息，色彩繽紛的擺設，令人有遠離繁忙工作的感覺。最近位於尖沙咀美麗華的分店轉左menu，所以收工之後你都試吓新菜式，鄰近仲有Collect Point集團的衫鋪，食完仲可以行下街，一舉兩得。Gin Yuzu 返工咁辛苦收工梗係要飲番一杯啦，cafe入邊嘅飲品都係女仔而設，除咗一般嘅雞尾酒，咖啡，無酒精飲品之外，見到仲有Detox Water, 對皮膚好，又飲得健康。不過今日決定任性一下，呢杯Gin Yuzu淡淡的柚子香，好有夏天的感覺，酒精味道唔會太強烈，啱哂我！黑咖喱吉列豬扒蛋包飯黑咖喱嘅味道同普通咖喱分別不大，但營養價值都好高。上網得知黑咖哩紅鳳菜所製作的。紅鳳菜營養價值非常高，紅鳳菜可以活血、化瘀、解毒、消腫😳好健康同出面唔係好多地方有得食。個吉列豬扒又炸得啱啱好，炸粉唔厚，個蛋又滑同咖哩好夾，真心唔錯呀！炙燒三文魚牛油果飯三文魚，牛油果都係健康的餐單必備之選。牛油果勁高蛋白質，對心臟同記憶力都好，不過脂肪好高架不易多食。不過炙燒三文魚就啖啖肉，撈埋溫泉蛋和沙律醬，菜同蕃茄，酸酸地確係開胃！呢個可以偷下師

呢間位於美麗華地底嘅cafe比眾多日本品牌包圍住，岩哂呢排掃貨後又唔想出去熱的人去食。先比餐牌大家望下，價錢適中，有包肚類、輕食、甜品同特色飲品。本來好想試個三文魚牛油果沙律飯，但夜晚8點幾已經賣哂我決定下次早啲去試！呢個黑咖哩汁好正！同平時食開嘅好大分別，同嫩滑嘅蛋漿好夾要讚下炸豬扒，好鬆脆，啲肉唔會實。整返杯熱嘅芋頭奶茶，陣陣嘅芋香撲鼻。估唔到生薑豬扒飯竟然有咁多配菜，又沙律又薯角，食到十級飽最後芝士+oreo雪糕有多種口感，仲用左脆脆片做底，加埋雪糕食好正。

今晚約左朋友址行街食飯，揀左中間點-尖沙咀行完美麗華廣場，見到wired cafe 既menu 幾吸引，座位幾舒服，就試下啦～見佢餐牌好多野食！先揀飲品，朋友揀左mango lassi 問店員話係芒果奶溝乳酪我就叫左夏日風情果茶，濃郁既茶配上新鮮生果....so fresh😌叫左炸魚柳沙律我好鍾意食沙拉/他他醬，用黎配炸物一流呢間店既炸魚柳雖然細細塊，但肉厚！仲叫左benedict egg流心旦 + 西班牙火腿 + 窩夫創新既組合，意想不到既好味😋我同朋友都係甜品控，所以叫左兩款甜品叫左Classic 既厚多士加配雪糕個多士外脆，內裡非常軟綿綿，鐵板好熱，能keep 住保溫配埋牛油、楓糖漿同雪糕一齊食....又冷又熱感覺好神奇~仲有芝士蛋糕oreo 芭菲杯好多層次既甜品有oreo餅、芝士蛋糕、雲呢拿雪糕、Cream 同栗米脆片，正！

Wired Cafe 位於The Mira地庫，是一間日式西餐廳， 佈置令人有舒適感覺 。開放式設計，牆上有塊大镜、空間感倍增，就算面對牆坐亦唔會覺視野受阻。煙三文鱼忌廉芝士水菜沙律煙三文魚有少少海水鹹味，加入牛油果和雜菜，提升了沙律的味道。呑拿馬牛油果沙律飯上面沙律全蓋過飯， 健康有睇頭，有牛油果 、雜菜、吞拿魚， 仲有半生熟雞蛋一隻， 撈埋後食落好爽口又滿足。黑咖喱汁蛋包飯配吉列豬扒黑咖哩汁，火侯剛剛好嘅蛋包， 吉列豬扒切成長條細件， 方便易食，又脆又唔會鞋口。窝夫餅配炸雞（楓糖槳）炸雞惹味鬆脆，肉質嫩滑，窩夫加點楓糖漿，甜絲絲好味，伴碟還有醒胃小配菜呢。

到過銅鑼灣分店幾次都覺食物質素保持到一定水準、星期六Mira逛街後貪方便又再來wired cafe。餐廳裝潢擺設顏色悅目、令人感覺輕鬆愉快。煙三文魚忌廉芝士水菜沙律$80份量挺多、煙三文魚新鮮、Cream Cheese好滑、配沙律好夾吞拿魚牛油果沙律飯 $98冰凍的吞拿魚茸、混入了牛油果及火箭菜、蟹子等、上面還有溫泉蛋，拌勻後味道層次豐富、亦吃到蟹子的爽脆。黑咖喱汁蛋包飯配吉列豬扒 $88第一次黑咖喱汁、感覺特別，有點像墨魚汁、咖喱味道沒黃咖喱香濃、然而吉列豬扒炸得鬆脆香口，配上滑蛋十分美味。Detox Water $30之前常聽人說detox water 對身體益處多、但卻不知是什麼來的。見Drink Menu有提供detox water姑且一試。原來Detox water是將新鮮瓜果、草本植物混搭泡在飲用水裡，釋出味道後得到的純天然維他命水。食材的營養除咗浸泡說中釋放出來令人可以輕鬆攝取蔬果的營養成分、而且排走身體毒素。沒有加糖、完全不用擔心卡路里。Wired Cafe 提供兩種detox water，分別是西柚薄荷及檸檬橙。兩款中比較喜歡西柚橙、味道比較清新、沒有薄荷苦澀味、較容

室內裝修好colorfulBlue Lychee Fruit Tea $118炎炎夏日最好飲啲透心涼飲品，我地點呢jar荔枝果茶係夠3-4人飲。飲之前最後攪勻先（因我忘記攪勻，第一杯主要係飲冰水 😅）樽底有切大塊的西瓜、菠蘿，浮面的一層有幾粒藍莓，提子味重。吞拿魚牛油果沙律飯 $98牛油果、蕃茄粒、吞拿魚蓉、沙律菜、蔥粒完全覆蓋米飯。飯是偏軟的，把中層的生雞蛋在碟中攪拌後，飯會更滑，味道清新。窩夫餅配炸雞 $88窩夫餅唔夠熱，炸雞肉嫩，但炸粉比較厚。旁邊的小酸瓜、沙律減輕了炸雞的油膩感。芝士焗章魚小丸子 $68芝士味濃，章魚不算太多，食完好飽肚

星期日，嚟到the Mira 享受一個優閒的下午，店內冷氣良好，但有限1個半食飯時間哦，想慢慢坐的朋友要留意太多選擇了，見到有2人餐就揀依個喇。見到有炸雞waffle ,um...未食過，感覺有點特別想食burger hot dog pizza既朋友，都有選擇哦今次揀左軟殻蟹意粉同沖繩taco rice ,上幾次都食個taco rice ,坦白說，外型不是相當討好，不過會比想像中好食，個人嚟講，如果嚟wired cafe ,依個係must order item 2人餐的salad, 好像牛牛食既嘢😂😂😂我叫左Latte,咖啡味有點淡Strawberry lassi,竟然幾好飲，好重strawberry 味My fav 沖繩taco rice ,當所有嘢mix埋1齊，就好好食，有咬口，有沙拉，牛肉同好多沙拉菜，我個人10分推薦加喜歡軟殻蟹意粉，意粉煮得剛剛好，可惜既係，個汁5入味，太淡，軟殼蟹好juicy ,唯一敗筆既係個辣味意粉朱古力芭非，雪糕加粟米片，有得輸嗎？總括而言，店舖位置好，食物不錯，係享受午餐加下午茶既好地方哦