北京王府水餃 (Moved) New Location

前陣睇阿so介紹, 經過中環特登去食下, lunch食左冬瓜餃子、韮菜豬肉餃、酸辣湯。冬瓜餃子-- 唔係好食到冬瓜, 咬入口都係豬肉冬菜多, 食唔到冬瓜清味。韮菜豬肉餃-- 個人覺得佢d醃味濃過頭, 蓋過晒韮菜同豬肉d味。酸辣湯-- 酸辣湯唔落生粉, 似湯咁, 我唔知佢係另一種製法定咩, 不過我就麻麻地。係勝在料多, 大細切得岩岩好, 不過味道唔得, 有陣醋嘅苦味, 而且陣苦味主導晒成個湯, 所以總括:bye bye no more! 酸辣湯還是翡翠最好。餃子, 就其實好多間都有王府咁嘅水準, 唔洗特登去食王府囉! (荃灣民豐都好好食, 不過只有外賣)ps. 8蚊一罐可樂好似貴左d, 話晒王府只係粉面檔格局。

見到咁多好評, 星期六晚特登同兩個朋友黎試下.酸辣湯: $14好細碗. 唔酸唔辣, 但好咸. 超難飲!雞絲粉皮: 唔難食, 亦唔見得好食韮菜餃: $30十隻. 成晚最好味就係佢翠玉豆餃: $30十隻. 無乜味番茄蛋餃: $34十隻. 咁多人提及既番茄蛋餃令我抱住好大既希望, 但可惜勁多我至憎既芫茜, 完全遮晒番茄或蛋既味道羊肉餃: 唔記得幾錢. 無乜特別.排骨: 其實係豬軟骨, 根本就唔係排骨! 鹵得都幾香, 但好油下冷麵: 又係無乜特別. 整體食品水準都低於本人既要求. 價錢一d都唔平. 水餃好迷你. 同北京食果d差太遠. 環境污糟. 幸好坐得唔係太迫.一定無下次.

約了專家醫生做評估，先來這裡一解餃子愁，要了個羊肉餃子麵($29)+豆漿($5)，麵條有咬口，但湯底淡而無味，而羊肉餃子則令人驚喜萬分，肉汁豐盛而有著羊肉之羶味，好。但個人覺得值$24，豆漿有渣，不似用心製作，扣分。

午膳，兩個女生叫了兩碟餃子，本來再想加客驢打滾，奈何無做。鮮肉翠玉豆餃－－肉汁濃味美。是日精選冬瓜蓉餃子－－味道清淡，但感覺到冬瓜的青草味，怪怪的。再加一客碗豆黃。係預先整好，pack定入雪櫃的，涼冰冰，夏天食最啱，入口即溶，讚！午飯時間人多得很，半個鐘唔夠食完就走人了。

2007年6月27日星期三。王府。有一陣子沒有來，很想念她的餃子，這天剛巧有冬瓜蓉餃子，所以一定要試試。因為與另一半吃完了水記，所以只叫了三樣東西：冬瓜蓉蒸餃子（$35）: 這裏的餃子有一定水準，這個也不例外。不過這個冬瓜蓉蒸餃子，不說也不知道是冬瓜做的。樁菜豆腐($25)：餐牌寫著“飛機運到”。是冷盤。以前吃過皮蛋豆腐（$12）很好吃，所以今天試試這個，樁菜是淡口的，不算很好吃，豆腐出色，又涼又滑，跟樁菜配合起來，很開胃口。豆漿($5)：平日豆漿是送的（另一半說只限晚上）。今天覺得豆漿淡了點。以前吃過的還有：雞絲粉皮、芝麻醬冷麵、驢打滾、豌豆黃，前三者都不錯。餃子方面，都試過鮮肉津菜餃、鮮肉脆肉豆餃、豆苗餃、番茄雞蛋餃。我最喜歡基本的鮮肉津菜餃和晚上六點以後才有的番茄雞蛋餃。如果想多試不同味，可以一碟要兩種味道，價錢都係各占一半喞，無貴到。是老闆說的。雖然這裏和同街另外有小菜吃的王府兩邊都可以吃到餃子，但如果要吃，還是到這家比較好，因為夥計把餃子從這邊拿到另一鋪，特別是冬天，已經涼了一截，味道稍遜。

Came here for lunch with family today since today is a holiday and the place wasn't crowded.The 4 of us ordered some small plates (beef, pork ribs, and fish) as well as dumplings of course.The food was all very good and local. Good and fresh ingredients without MSG (I'm pretty sensitive to that). Although the place is a little sketchy, it's still worth going if you want good and inexpensive food.

同老公去食, 老公超讚!羊肉餃, 好好味, 味道夠, 又唔多味精, 食完唔會口渴.炸醬麵, 麵條好吃, 不過咸左小小.驢打滾, 同以前一樣好食, 最重要係唔甜ma !食飽飽後仲外賣左冬瓜豬肉餃同驢打滾行街tim !

常常行過威靈頓街，都沒有留意這間餃子店，想在中環食至愛的餃子，找食評，才留意這店。坐下，先送兩杯豆漿給我們。豆味雖不太濃亦不過甜，可以。叫了京蔥羊肉餃及鮮肉翠玉豆餃各一客，另加一碟娃娃菜。水餃皮頗滑，餡料多汁，穛上香醋辣醬吃，正！較喜歡鮮肉翠玉豆餃，有鮮甜味，羊肉餃羊肉沒有羶味，似豬肉多一點。甜品叫驢打滾，有趣，外層黃豆粉，白色糯米糕捲紅豆餡，不太甜，好吃。之後，男友好像患上大食症，嚷要再去掃街，可能是吃了開胃醋吧。

呢間舖响威靈頓街都開咗相當日子，每次都過其門而不入。今日口淡淡，忽然想食北方水餃，就諗起呢度...入面無論係樓面及廚子都差唔多清一色操一口流利"刨冬瓜"，好地道，但價錢卻係"中環價"，冇計，鋪租貴ma...味道卻係出色嘅...雞絲粉皮--- 粉皮夠煙靱，正式晶瑩通透，靚粉皮是也；麻醬有點兒攻鼻，應該係混入咗少少芥辣，夠正宗；雞絲味道反而普通。美中不足係份量太的骰，但就賣成三十大洋一碟，確實有D肉赤...海參三鮮餃麵--- 餃餡料足，真有粒粒海參响入面；好juicy，味亦真夠鮮；皮薄而帶少許煙靱，出色...麵反而失色，唔煙靱，湯完全好似飲緊滾水咁。最後把心一橫，將麵滔起放入小碗，然後加入醋及豉油自製乾撈麵先過癮...水準算不錯，特別係水餃，確出色...

中二時，跟學校ｏ既遊學團到Ｂｅｉｊｉｎｇ　學普通話﹑太極﹑寫大字﹑晝山水晝．．．　　等等中國文藝；　幾好玩ｏ既，不過價錢ｏ吾太合理　（ｎｏｔ　ｄｉｒｅｃｔｌｙ　ｐｒｏｐｏｒｔｉｏｎａｌ　ｔｏ　ｔｈｅ　ｑｕａｌｉｔｙ）其間當然有到王府井一遊，重食ｏ左ｏ吾少街頭小食．．．　今日到中環見到王府北京正宗水餃ｏ既招牌，諗ｏ黎諗去以前去真係無試個北京水餃ｗｏｒ，就入ｏ左去，叫ｏ左碟京蔥羊肉水餃再望ｏ下張ｍｅｎｕ，發覺一樣甜品個名叫驢打滾，真有趣，就要埋ｏ剌幾秒後，兩片小小ｏ既驢打滾先送上本來甜品應後食，但佢個樣話我知好好味．．．　果然無估錯，　外層ｏ既黃豆粉ｏ吾涸口，ｄ紅豆茸又ｏ吾會太甜，加上白色ｏ既糯米糕　（Ｉ　ｇｕｅｓｓ）　沒有半點韌，重入口即溶．．．碟水餃到ｏ左，有十粒．．．粒粒都飽滿圓潤，皮薄餡靚；羊肉ｏ既羶味濃，真係好正．．．內面有好多湯汁食完ｄ濃味野飲番杯凍豆漿，真係ｏ岩ｏ岩好ｐ．ｓ．「驢打滾」是以黃豆或糯米製成的麵糰，捲入紅豆餡，再裹以炒香的黃豆粉作成的甜點；最後裹粉的時候，一定要讓黃豆粉均勻裹在麵卷上，所以要翻動麵卷，看起來就像是驢子在黃沙中打滾一般

5-1-2007 鮮肉翠玉豆餃, 幾好, 不過太多油。花素餃, 好味。五香排骨麵, 很普通。

經常來王府食嘢，我覺得最好食就係入口即溶豌豆黃同茄蛋餃，就算食完重味食物e.g.酸辣湯拉麵，只要食番以上兩種食品都有令喉嚨清新的感覺，另外有芝麻醬冷麵，妹妹就鐘意食酸辣湯拉麵，因為味道同出面ｄ唔同，同唔會似漿粉，另外就係蕃茄牛展泠麵同驢打滾，牛展入味整體好好味

(4/10)乘坐了順風車，結果去了中環，工作弄得整個人沒精打采，是需要作個休息，休息除了睡眠外，是吃，吃使我的腦部得到舒緩外，亦讓我集中去思想食物，放下其他的。你知道嗎？餃子於我心中是溫暖，感覺是於十度以下的室外，最好的是下著雪，站著並端著一碗熱至燙手，伴著少許的葱花的上湯，有菜有肉的餃子，每吃一口，那溫暖是從心而發，由內到外。而拉麵，與餃子的感覺是類同。刮頗大的北風，下著枯黃的秋葉，有一張少許殘跡的木桌、與長方型沒有椅背的木椅子，那碗是有份量的公雞碗，配合那有殘缺的木筷子，夾著是一條又一條，熱騰騰的長白色拉麵，是另一種的慰藉。鮮肉翠玉豆餃麵，是我的選擇，本想吃剩餃子，但亦想試試它的拉麵，另叫了一碟皮蛋豆腐。皮蛋豆腐，是凍吃，豆腐入口是凍得冰涼，惟那是粗糙一點，不是太滑，而那皮蛋，當然不是溏心，入口是不太新鮮，有一種放了良久的味道，是有點兒失望，應該叫豌豆黃或驢打滾代替之。而那鮮肉翠玉豆餃，咬下一口，是充滿鮮肉的肉汁，配合那翠玉豆，互補不足，而餃子皮是厚薄適中，依稀地見到內裡的餡料，每吃一口那皮是充滿彈性及質感，真的想試那羊肉餃及蕃茄餃子，可惜是胃口有限。湯底是清的，不是沒有味道，是能

食左個羊肉京蔥水餃麵(加酸辣湯底)..加一杯低糖豆漿....個湯同都麵都好一段....冇咩酸辣味....個都又冇咩味係個水餃真係好得...好多汁...皮既厚度亦剛剛好...如果去食...唔好叫麵啦...下次試下個豌豆王先....

同個朋友黎食晚飯........我叫左羊餃麵，好普通...食唔倒有羊味.....d麵又冇味.....個環境又差.....個menu係晒豉油.......仲有服務麻麻.....d侍應唔識斟茶.....不過碗豆黃真係好味........好有豆味.....好特別！