旺記打冷小菜館 (Moved) New Location

We came here about once a year, we thought the food was fine, we liked the crispy skin chicken. So we order this every time. The last time, I pointed at the menu and ordered half chicken (price is 110 HKD), the old guy (waiter) said: “fresh chicken, very good”. I thought he commented that my order of chicken was good because it’s their speciality, until when I checked out. He charged me 250 HKD for that chicken which tastes the same as the ones I ordered from Menu before.So, if you are not local

本人平時都係外賣多，在這餐廳一星期吃外賣3次左右，今日突然想堂食，於是就叫了個豬扒炒烏冬，我叫了堂食跟老闆娘說轉頭入去。當我準備入去時，見到老闆娘將我碟烏冬減了3分一到另一個細碟上，其實這個不是重點，因本人一定食唔曬，重點係她沒有用餐具淘手整去另一細碟，覺得非常不衞生，我知道平日出街食都未必係乾淨，但都不要給我看見吧。而且我還是熟客呢…

今日在這裡叫了個干炒豬扒烏冬，原本出來很大碟，但見到事頭婆將碟烏冬減了3分1到另外個碟，其實呢個都唔係重點，因為我一定食唔哂，但重點係她用手整落另一個碟度，望上去真的很不衛生

旺記打冷小菜館喺灣仔銅鑼灣幾出名，聽過呢間打令鋪好耐。旺記喺橫街，唔係識路/search咗都唔知道呢度有間打令鋪。餐廳面積偏細，座位較逼，街生情況麻麻，食完嗰刻侍應催我哋埋單。整體來講，食品質素唔錯。==============================🔸生煎墨魚餅 (10塊) $108見到牆上面餐牌標榜，加埋侍應哥哥推介嘅生煎墨魚餅，中間混合墨魚碎，墨魚膠口感彈牙唔錯！🔸椒鹽九肚魚 $88九肚魚酥脆香口，炸得幾好唔會油淋淋🔸潮式蠔餅 $90金黃色好大份，入口酥脆，雖然唔係啖啖都有蠔仔，不過蠔仔嘅份量唔少。相比椒鹽九肚魚較膩，多啲朋友share啱啱好🔸啫啫芥蘭煲 $90上菜時啫啫聲，幾香幾吸引==============================旺記打冷小菜館📍灣仔三角街2號地舖

灣仔呢間旺記打冷小菜館一直係區內唔少人食打冷之選，聽過呢個大名好耐喇，今次都係第一次食。呢度位置隱藏咗係街市入面，格局好似一般茶餐廳，午市時段有唔少人嚟食碟頭飯，衛生情況就麻麻地喇😅不過係度食打冷都幾有風味。椒鹽九肚魚九肚魚炸得好酥脆好香口又唔會有油益味，點埋酸酸地嘅汁好正😗😗酥炸蠔餅勁大份嘅蠔餅，仲要炸到個賣相好靚好工整咁😻而且金黃色嘅賣相都好吸引。食落夠酥脆，炸粉同入面粉漿比例剛好，蠔仔都唔錯，係一個相對高質嘅蠔餅👍🏻👍🏻另外點埋魚露可以提鮮。蠔仔粥大大窩蠔仔粥可以幾個人share都得，粥底係潮州粥，飯粒唔會煮到好稀好爛，粥入面有好多冬菜，仲有免治豬肉、蔥同芫茜，蠔仔份量都ok多，有鮮味唔腥，不過略嫌粥底落咗太多冬菜所以偏鹹🙈滷水鵝片拼墨魚食打冷點少得滷水嘢，呢個鵝片同平時薄薄一片鵝片有啲唔同，呢個會厚身少少煙靭少少，滷水味好入味😋😋調味啱啱好唔會鹹，墨魚都好食，爽口唔韌。底下仲鋪咗好多豆腐同花生，豆腐索晒啲汁好正。另外仲有醋同辣椒油可以點。金銀蛋莧菜最後仲叫咗個菜，呢度嘅姐姐好nice係咁推介叫邊款菜啱夏天食🤣🤣份量好多味道又唔錯。人均消費：$110推介指數（10分為滿分）：7.

朋友搵咗間打冷話好正，咁就去試吓啦😋先嚟個滷水大拼盤🤤大大碟！乜都有！包括滷水鵝，鵝腸紅腸，大腸，小腸，豆腐😍份量十足呀！不過我覺得個滷水汁唔算勁入味，但整體都唔錯😋蠔餅反而覺得有點易碎，似食緊脆口小食咁😂還可以，蠔仔唔腥🤣韭菜豬紅就一定係打冷基本餸😂好食👍🏻🤤最尾2個餸有蜜味燒膳！好有驚喜！好惹味🤤🤤椒鹽釀大腸送酒一流呀🤤🤤

久違了嘅登龍街打冷！真係廿幾年前的風花雪月，突然知道在灣仔翻生！淨係呢件事，已經值得興奮！如果能夠同三五知己同行，真是賞心樂事！講返嘢食方面。講真，菜單真係好似同登龍街嘅時間差唔多。不過如果講滷水味道，硬係覺得濃度同以前有啲差異。雖然都係非常有鑊氣，不過某一啲菜式，硬係好似同以前煮出嚟嘅火氣有啲不一樣。但整體來說，確實達到90分以上！ 價錢遠勝同行，街坊生意，環境非常地道。如果鍾意去開以前銅鑼灣旺記打冷嘅感覺，相信呢度係絕對一個好地方！椒鹽九肚魚，絕對值得推介！！滷水鵝翼，完全係水準之作！！煲仔菜完全有鑊氣！！煎蠔餅，做法更是保持傳統！！辣酒煮東風螺，超級嘢味，必食之選！！唔好講··· 同以前一樣，能夠碰上藍妹和嘉士伯！ 加埋，梗係一絕！冇得輸！！PS一提：韭菜豬紅⋯⋯一定贏絕省港澳！

自從畢業後就很少去打冷，今次來到三角街的旺記，7點多已經差不多滿座😮鹵水鵝片($118)可以雙拼，鹵水汁不是很入味，鵝片厚薄適中。炸墨魚餅($108)很脆很彈牙、椒鹽豆腐的豆腐和蠔仔粥的蠔仔都很大顆。很喜歡這裡的啫啫通菜煲($90)味道濃郁之餘不會太鹹，恰到好處！Daa Laang🌟Time for some Chaozhou food~This time I came to WongKee and it was so popular that almost full at 7pm😮Top recommendations: Goose Slices ($118), Fried Cuttlefish Cake ($108), Tung Choi Clay Pot ($90)

潮州菜好多酒樓都有得食，但食打冷一定要去返平民化的打冷檔先至啱Feel.由登龍街年代已經開始食旺記，後來登龍街變得太時髦,(或者租可能變得太貴), 新旺記位於灣仔街市路口，草根風味吃街坊小菜.一檯二人，點了以下的菜式：蜆仔炒菜花 - 吃慣潮州菜的才會欣賞蜆仔細細粒的咬口。一粒粒，好得意。但炒菜花略嫌太油膩。鹵水墨魚拼鹵水鵝-鹵水不太鹹，有人會覺得淡，但我覺得情願這樣。辣酒煮花螺- 沒有過分的味精怪味，有一點點吃川菜水煮的麻辣味道。很香。而且店舖位於灣仔街市，享盡地理方便，花螺很新鮮。不是方間有些以為用辣味可以瞞天過海蓋過死螺的不新鮮。蠔仔粥-蠔仔夠，粥也很綿。希望疫情快點完結，可以再去吃！

因為想打冷，所以見到呢一間係潮州野就入左去，試佢一試廚師的造詣。叫了三樣野︰鹵水鵝片、排骨春菜煲同埋蠔餅，我覺得要知道一間潮州打冷掂唔掂，最好係試佢嘅鹵水同埋蠔餅，鹵水究竟一味得個咸字定係食到師傅鹵水秘方的香味就可以知師傅有無料到，至於蠔餅除了有無薯粉之外，更重要係睇下D蠔新唔新鮮同有幾大粒，咁就可以知道間野的老闆孤唔孤寒。三樣野中規中矩，雖無驚喜，不過一試無仿。鹵水鵝片排骨春菜煲蠔餅

以前喺銅鑼灣開的人去打冷店舖，得知現在三角街灣仔重開，二話不說，立即馬上幫襯！三角街這個位置都很容易找到，就在大有商場對面橫街！現在還可以坐在街邊，可惜原來會比樓上投訴太吵，所以要轉回室內坐，下次大家去懲罰佢的時候，都不要太吵！蒜子火腩大鱔煲，淨係白鱔都起碼有十件 ，非常之抵食！辣酒煮花螺冇咩特別，正常發揮，但下次應該叫加辣！到了戲肉滷水鵝件熱切期待，果然冇失水準，仍然keep到當年的味道，滷水味道香醇唔霸道！四個人亦都很快食完！唔夠喉，可惜已經食飽了不能再叫其他東西。然後從老闆口中得知，他們亦都搵返以前的班底來重新開業所以味道亦會不變⋯⋯她還說現在早上九至1十一時，老闆娘還會做埋車仔麵，再有機會一定要試一試

呢間打冷小菜館環境望落雖然有啲殘舊，但啲餸全部都好正😊👍🏼韭菜豬紅 （$50）蜆仔肉（$50）鹵水大拼盤好大碟 甚麼都有，包括 豬耳、鹵水鵝、鵝腸、紅腸、墨魚、大腸、小腸、豆腐羊腩煲（$298）大概係我食過最好食既羊腩煲🥺，啲羊好靚，煲到好腍好入味，又唔羶唔韌，羊肉又唔痴骨，再加埋配料生菜同枝竹，真係不得了，其實食呢個都已經好飽好夠好滿足🥺。馳名醉雞煲 全隻（$300）老闆會教埋煲醉雞煲既step😂，開火幾耐，幾時放雞，幾時熄火，要將啲雞焗幾耐，最後仲親自幫我地分2次落雞😂幾好服侍👍🏼。隻雞唔止脾位滑，連雞胸位都唔鞋😳！！勁正，又煲到入哂味，食到Lam Lam 脷😋。墨魚餅（$78/6件）炸粉好薄，外面又脆又香口。椒鹽白飯魚（$88）其實仲叫左好多野食，不過掛住食唔記得影相😂。

自從旺記銅鑼灣舊店結束後，吃不到滿意打冷風味小菜。 今天知道旺記打冷小菜館在灣仔重開，一於趕快去回味一下。 去到旺記大概7點左右，內裏竟然已經全滿座。 不過等了一陣也好快也有位了。 菜式有很多選擇，也有很多傳統風味小菜，看到他們的招牌小菜也好吸引。韮菜豬紅，豬紅大大粒，質感彈牙，汁底香濃。鹵水鵝肉片，肉質入味又嫩滑，吃出傳統鹵水風味。椒鹽鮮魷及白飯魚大大碟，鮮魷和白飯魚材料新鮮，外層沾上薄薄粉漿炸到十分香脆，真材實料好味道。

香港地D佬十個有九個都鍾意打冷小菜，幾個兄弟聚埋一齊飲吓酒吹吓水，今日就介紹一間好野比咁多位麻甩，等大家第二時晚飯宵夜又有多個選擇。我地做司機經常收工好夜，有時候收工已係零晨十二點後，一個星期總有幾日會同啲同事宵夜，位於灣仔三角街嘅旺記打冷就一定係必然之選，皆因佢哋之前在銅鑼灣登龍街好出名的，而家原班人馬係灣仔三角街重開再次見大家，當然出品沒有令到我地失望，比預期中一樣好好食兼且廚房師父出品穩定鑊氣足睇得出功夫到家，加上地點又就腳。揸車的朋友也唔怕冇位泊車。對於我地司機黎講實在太方便。旺記大大話話之前喺銅鑼灣扎根咗廿幾年，搬過幾次舖，今次就選擇灣仔開新鋪比舊鋪闊落，一來特別有本地風味，老闆好好非常親切有禮又熱情招待。旺記打冷必食推介滷水鵝片 / 拼盤每次必叫，豉油王炒麵非食不可，炸大腸香脆入味送啤酒一流，沙拉骨也是一絕，炸墨魚餅食完會念念不忘，等等等等樣樣都好好味.......

上星期見旺記在灣仔重開，同老公來試，樣樣食物也很好味，比之前在銅鑼灣更好味，我們只有二人，吃唔到太多款，下次要同一大班人來吃多啲款式。今次試了四款食物，滷水鵝片，蜜汁燒鱔，蠔仔肉碎粥，啫啫通菜煲。