王林記潮州魚蛋粉麵

Open Now

Now Closed

星期日約2:30pm去到門口，朋友介紹，唉！我倆個人要等半粒鐘先有位，有單有真相，魚旦係👌有魚味嘅，粉就淥得太淋，下下夾起都爛晒，五香牛腩河粉牛腩實在太少，雲吞淥得太淋，一夾就爛晒，凍奶茶$20一杯冇乜特別，鮮油脆豬好食😋大家不妨一試！

黎食左幾次，只得一次切腩仲未賣晒，好食到驚為天人，仲要唔貴（＄57切腩撈粗）。如果大家黎到有切腩，可謂必必必食！豬手夠淋夠入未，係無咩肉食，主要食個皮同損骨。南乳味岩岩好，唔會過濃。墨丸（圖左) 超有墨魚香，中間仲有墨魚粒，爽滑彈牙；蔥花魚蛋（圖右）超有魚味，配埋個湯厚切既蔥花粒，真係好有食材鮮味，互相配合，無諗過平日成日食既野，呢間店既味道真係原味道，話食到感動都唔係誇張！墨丸同蔥花魚蛋必食，係會掛住既味道！撈粗食左三次，次次個味都岩岩好，甜甜地既醬油味，大人細佬都鐘意。汁料剛好夠乾身，唔會浸住個麵。唯一係一次食到過多簡水味，有苦味後勁差左少少。炸魚蛋同切片炸魚蛋，都非常有魚味，但本人就偏向白身魚蛋多d，因為夠滑，夾埋魚味一流。有次食唔到切腩，唯有食五香牛腩，唔係話唔好食，但同切腩相比差九條街。五香牛腩夠入味，但就好普通既粉麵檔都會食到。魚唇，份量好大，約五六大塊，兩個人叫碗粉再加份魚唇，會飽到好辛苦，因為魚唇好撐肚。建議有番三個人先好叫。講番個魚唇，我比較鐘意食膠質野，覺得魚唇未煮夠，硬到好似軟骨咁，如果煮到再淋 d 一定會好正。啖湯記得飲，有魚唇既鮮甜嫁！紅豆冰，d 紅豆用糖水煮

筲箕灣東大街多野食就係人都知，除咗 #安利魚旦 出名，其實仲有間 #王林記。多謝 慢活。教煮Swank 推薦🙏🏻試左招牌菜：切腩片頭撈粗（$57） 南乳豬手（$70）牛腩用上坑腩，咬落唔癡牙，牛味香濃，帶少少肥膏片頭用湯上，保存溫度，配埋撈麵，perfect!南乳豬手炆得好淋，南乳味唔太濃，食落感覺到豐富嘅骨膠原。Overall 性價比高，服務好好，樓面姐姐keep住好好笑容😊，食完連我都開心埋😂😂😂！📍 王林記粉麵茶餐廳 (筲箕灣)筲箕灣筲箕灣東大街10號東寶大廈地下A號舖#hklocalfood #hkig #foodie #foodblogger #foodporn#eatlikealocal #chiuchownoodle #王林記

一講起東大街既魚蛋粉，應該都係諗起安利，我都唔例外，佢既撈粗好好食. 同街有間都開左一段時間，但每次我都無太大動力試，直至見有人評話王林記比安利好食，咁我就...我個日去到由未係下午茶排到下午茶時間(呢個係另一個原因，我有想過，但好鬼多人等)，但下午茶以魚蛋粉黎講，呢個真係唔係一般既下午茶價錢，但都等左咁耐又坐底左就即管睇下佢乜頭乜路~片頭撈粗 + 可樂 $47+9佢同安利既分別係佢多左芽菜，個撈麵係差唔多既，佢比較少尐梘水味，個湯味精無咁多比較驚喜既係辣椒油有分辣度, 我覺得就咁辣油個個香味重尐，而大辣個個就辣多過香，唔算係又香又辣，但都好食!同埋佢有冬菜! 已經無咩幾多間會咁放係到俾你落!其實佢只係比較貴，值唔值就因人而異啦，overall的確佢係比安利好少少，因為佢味精少尐

[🇭🇰香港- 筲箕灣].🔻“坑腩撈粗"嘅粗麵彈牙,麵質有咬口,粗麵黎講都幾好食,加上唔會太鹹/太油,豉油汁平均勻地撈混喺每條麵😋塊牛腩都值得一讚,大大件,牛肉味濃,入味得黎又唔會過淋👍🏻個人覺得鮮奶油厚多同魚蛋就隔離個間好食啲🤭.🔻🍽 王林記潮州魚蛋粉麵📌 地址: 筲箕灣筲箕灣東大街10號東寶大廈地下A號舖.#tummysready #tummysreadytoeat #tummysreadyinhongkong #tummysreadyatshaukeiwan #tummysreadyfornoodles #tummysreadyforhongkongstyle

與同事出港島做野，做完佢哋車我哋出東大街食嘢，佢哋揀咗呢間食魚旦粉！佢哋揀呢間，幸運門前剛好有車位，門面似茶餐廳，入內幾爆場，要等5分鐘先有搭枱位，桌椅都幾迫店員極爽快落單，粉麵好快到，本來叫埋油菜，唔知係唔係漏單，大家食晒麵油菜都未到，就叫店員取消左（店員都好爽快即攪）魚蛋粗麵（$35）份量正常，不規則的魚蛋（潮州式）並不是全白，是微灰的，魚蛋彈牙有魚味，炸魚片太薄，如果厚少少會有口感啲，魚蛋比魚片出色，粗麵微鹼水味（可接受）爽口彈牙，蛋麵味就不強！湯底清甜，不算好濃味，配蔥花幾清爽！整體好味因同其他同事唔太熟，唔好意思影同事嘅食物😜店員勤快豪爽，唔多說話快快手落單出菜！魚蛋粗麵好味

筲箕灣東大街是飲食界的一級戰場，能夠屹立多年一定有他的成功地方。食了多年的王林記依然美味，今天是外賣回家吃，點了我最愛的切坑腩配豉油王撈麵切坑腩肥瘦適中，還有帶筋的位置，而且炆得十分淋。炆腩是用清湯的方法，所以仍然食得出牛腩本身肉的鮮味。而豉油王撈麵則下了大量麻油，令麵條香味十足，使人食不停口。而撈麵通常伴隨的上湯，此店是比較偏鹹的，但落了大量蔥花，而且溫度夠熱，加少許胡椒粉，就更能吊出魚湯的鮮味😍

入石澳前同朋友先食lunch, 由於隔離某舖大排長龍, 所以決定試下王林記(都要等20張檯架), 等左20分鐘左右入座, 我嗌左：切腩撈粗麵- 牛腩唔錯, 唔會un, 份量都多鮮油厚多- 多士整得幾好, 如果鮮油再多啲就最好總括黎講味道幾好, 下次會再幫襯

筲箕灣東大街牛腩長龍食肆，與同街另一間牛腩店平分秋色。個人比較喜歡王林記的牛腩水準比較高，少一點界外客。今日外賣叫了我最鍾意的牛腩撈幼，口感細緻棉化，肉味濃而不膩。撈麵的味道亦調配得十分好，夠乾身。跟面上的清湯味道亦十分清甜，有蔥花，灑上一點胡椒粉配合撈面同吃剛剛好，少一點有油膩。此店假日會推出限量的香蔥魚蛋，是此店的自創食物-香蔥令到魚鮮味更提升，賣相亦更吸引。此店曾經裝修，可惜店面比其他店比較失色，圓枱及座位較擠迫，貼近廚房位置的座位亦比較熱，用餐環境較為侷促不舒適。

🇭🇰王林記潮州魚蛋粉麵·我哋嗰日本身係諗住想去食雞蛋仔架 所以就嚟咗筲箕灣 點知嚟到我哋又想食撈麵又想食湯粉 食完之後就飽咗😭無位食雞蛋仔 唯有下次再食啦🤤·豬手 魚蛋 豉油王撈粗$52因為撈麵嘅雙拼平啲 所以我地就喺度嗌左2個送😈佢個撈麵都幾出色 好夠味得黎食得出佢個豉油係炒過少少芫荽或者蔥咁樣 唔會太單一 而且加埋佢個辣油係即刻提升左佢個味 多左層次感 勁正🤤佢個魚蛋本身個口感好好 都幾彈牙 而且唔會好腥 個豬手都超入味 煮到勁淋 而且係一咬就分得開晒 不過佢有一舊細既豬手個毛無mung乾淨🙊🙊🙊·片頭湯河$35佢個片頭都係勁好食嘅 不過佢唔係全部都係片頭 有幾舊係魚片 好似無咁開心咁 雖然個魚片都係好食嘅😂😂佢個河粉索曬啲湯好正 因為佢個湯都有少少淡淡嘅魚味咁樣 唔錯🤤·#rbyeat#rby港式#rby筲箕灣 #rby柴灣·📍筲箕灣筲箕灣東大街10號東寶大廈地下A號舖📍柴灣華廈街2號環翠商場地下G03號舖

到東大街附近辦完正事，已經3點半，還沒吃東西，快餓死。本來想到大名鼎鼎的安利，但看到門外等候的人群，還是到去過不錯的王林記。點了下午茶餐的牛腩香蔥魚蛋河和凍檸茶走甜少冰（$47）。牛腩分量足夠，可能是部位問題，剛好牛腩都比較硬。香蔥魚蛋入口彈牙，香蔥味濃，外面也比較少見，這比較出色。喜歡店家附送不少通菜，新鮮爽口。作為下午茶餐，份量跟正餐相若。凍檸茶出色，茶底不澀，檸檬新鮮，不會有苦澀感，超飽也還是要喝光，很久沒喝到這麼好喝的凍檸茶。

I used to come SKW for On Lee fishball,which supposed to be more popular and I randomly tried this one another day and I think it tastes very good, and actually bet On Lee! First of all, Wong has seaweed soup that On lee doesnt offer. There is no doubt to say seaweed soup matches with fishball noodle the best! Secondly, I think wong’s shop is more spacious and cleaner than On lee. Fishball wise, i think both of them are very good quality. Anyway, because of the seaweed, i would say vote for Wong

其中一間出名食魚蛋我見特別有葱花魚蛋，試下好細粒魚蛋，但好香葱味河粉滑湯底清辣椒油寫明大辣，我唯有俾平時落少啲。辣得來惹味，正$40早包飲品，食完唔太飽，之後去行山，好在帶了飽。

每次去到東大街都有選擇困難症，太多好嘢食唔知食乜好🤣，當然最出名就係魚蛋粉啦，心諗食王林記定安利呢?🧐咁兩邊都拎晒飛睇吓邊間快啦，過咗半個鐘左右王林記有位啦🥳，坐低即時叫咗切腩香蔥魚蛋撈粗同埋一條魚片。成年都冇嚟過但水準依舊，切腩好林好好味，香蔥魚蛋同魚片彈牙得來又有魚味，本來仲想叫份多士，不過太飽啦😝會唔會再幫襯?答案係《會》

因為好友家住在筲箕灣的關係，所以她會常常帶我去頂頂大名的「東大街」尋找美食！這一次她就帶我去「王林記」，因為她說王林記有東大街中最好吃的魚蛋河！切腩雖然賣相一般，但牛味香濃又非常嫩滑，份量亦不少。香蔥魚蛋很爽彈鬆化，香蔥味又十足以魚骨熬成的鮮魚湯底，既濃郁但又很清甜鮮牛油厚多士一般牛油厚多士只會將牛油輕輕搽上多士上，但王林記是整塊放上去的！鮮油厚多士烘得香脆，又夾著一大片牛油，麵包烘到熱辣辣，加上凍牛油跟煉奶，入口即溶，正！我會因為這一個再吃多一次王林記！