葫蘆館 (Moved) New Location

有一次同同事行過,唔知食咩午飯好,咁就亂入一間食啦!間舖冇人的?心知不妙~算啦,試佢一次啦~我地叫左台式燥肉飯,唉......燥肉是凍的....飯是過夜飯,凍上加凍.....算吧啦,一次算啦......

3/3(二) 9pm於"泰興"虛度胃納後,繞過宜安街,踏入"葫蘆館",安撫半飽的五臟廟.我倆點了阿華田薑汁撞奶$21及薑汁紅棗糖水$12.兩者之薑味強烈,而阿華田薑汁撞奶尤甚,奶香質滑,全然是驅寒的不二之選!而薑汁紅棗糖水的甜度把薑之辛辣蓋掉,稀釋過後的糖水又像是缺少了什麼似的.台籍老闆有求必應,服務窩心.當之無愧的薑汁撞奶!

由於醫生仲唔俾我開口食野, 我仍要靠流質食物維生，所以去左觀塘搵野食。一向不喜歡薑味的東西，但這一陣子身子弱，今日又有D 涷, 睇openrice 話呢度有真正的薑汁撞奶，就黎呢度試一次，驅下寒，冇咁易病。下午2:30, 冇乜人，入去叫左薑汁撞奶少甜，我坐喺度等左一陣, 另外一個老板娘成日用"唔好意思"的眼光望我, 佢驚我等得耐，其實我都唔趕，服務唔錯。我試到真正的薑汁撞奶了！我知佢係真，因為我睇住佢凝固~! 但係唔知係唔係正宗，薑汁和奶的比例不知是否最好。薑汁好辣，因為我平時都唔係好食有薑既野，所以我應該叫少辣。不過你地食開就應該覺得幾好~ 而且撞左之後都幾滑，唔會一舊舊。奶味如果可以多一點會更好! 有得揀多甜, 少甜, 走甜, 多辣, 少辣，但係唔知下次可唔可以揀多D 奶?! 如果奶比例多D 就好啦~ 不過我又唔知多得濟，會唔會撞唔到呢~ 要去實驗室做下實驗先知啦~!整體來說不俗，話哂係真既薑汁撞奶，唔係義順的"扮薑汁撞奶的燉奶"，所以就算辣D 都要試一次。食完之後喉嚨真係幾辣，然後成個身暖哂~ 見佢鋪頭咁多薑, D 薑汁真係有科到！p.s. 不過$19 對我呢個唔鍾意薑既人黎講

來了觀塘, 心血來潮下又跑上來吃薑汁撞奶。仍然辣, 要了少甜但仍覺太甜, 但走甜又怕頂唔順, 煩。另在店內見有芝麻湯圓即場製作中, 已很想吃, 連原材料都拍下了, 在我後面的一個女子叫了來吃, 但那時我已吃完了我的撞奶了耶 ~~ 看樣子, 湯圓比福元的細, 沒留意有沒有流沙了, 只好改天再來。過了幾天又來, 今次一心試湯圓, 所以薑汁撞奶要了走甜, 另加 $6 要了3 粒湯圓。果然不出我所料, 走甜的薑汁撞奶味道真有點怪怪的, 食得撞奶的話還是要一點點甜較好。只是湯圓教我失望了, 既細粒又幾乎沒有餡的, 唔掂!茶葉蛋 ($4 一隻, $10 3 隻) - 有圖為證, 真材實料, 落足原片茶葉做膽的! 非常入味, 故略鹹, 但細細隻, 所以我一次都食了兩隻!其實這裡還有其他糖水、刨冰、三文治等, 但似乎比較得學生妹們的歡心, 我還是專心吃我的薑汁撞奶算了。

黎左 kwun tong 諗住食糖水第一次食呢間 .. |叫左薑汁撞奶 + 咸牛飛碟 ..見到店入面d poster .. 可以自己決定 薑味 .. 首先個飛碟黎左先 .. 好脆 ..好熱 .. 好味 .. 之後個薑汁撞奶都黎左 .. 好味 .. 因為佢唔係好甜 .. 好滑tim $26 食個宵夜都幾抵

是日﹐經過觀塘呢間鋪﹐聽朋友講好味就來食下啦。點了薑撞奶﹐好夠薑﹐不過可能太快上比我的關係﹐所以吾係好凝固﹐水汪汪的。再點了蛋白燉奶﹐蛋白燉奶好有奶味﹐而且好滑。見吾夠飽再點了份奶漿多士﹐多士好大份﹐奶漿又多﹐好味。環境方面﹕雖然鋪頭吾大﹐不過好環境乾淨﹐企理﹐幾好。價錢方面都吾貴﹐咁多樣野包埋都40蚊有找﹐好抵啊。

Lunch 之後經過，又口痕，就來碗甜品。同事說最好吃是薑汁撞奶，就吃這個吧。薑汁撞奶應是即製，不過又不會等太久。一來馬上來一口，夠薑，又滑，好好味。 唯一是店內冷氣不夠，越吃越熱﹗不過一定會再來﹗

今日又經過依到.!!!見到門口多左一張paper!!嘎....原來佢賣飯wo!當時我又有少少餓..就走左入去試下啦!!我叫左台式燥肉飯!!一黎到..真係唔錯睇...可能我本身中意食台灣野!!雖然唔係好似台灣...但的確係好香!!而且好送飯!!!....個呀姐仲俾左好多肉燥我..!!d 肉燥味道好好....但係就咁食..就會咸左少少!但送飯就係一流!唔錯...而且仲有杯豆漿送..!都係收$26!!下次一定會再去！！！！

落錯車, 糊里糊塗流落觀塘, 記得有家吃薑汁撞奶很出名的店, 原來就是葫蘆館。居然又給我撞到上來喎, 都算有緣。其實這兒的薑汁撞奶有多種不同的味道, 由朱古力到士多啤梨都有 (!), 我都是吃原味 ($19) 好了。店內有一招牌說薑汁撞奶可隨意指明辣度和甜度, 我辣子梗係要多辣啦, 同埋少甜。三數分鐘後薑汁撞奶就出現在我面前。根據牆上剪報所說, 撞奶需 30 秒時間凝固, 不過用匙羹畢下去時其實呈半液體狀的...其實正宗的撞奶是不是應該這樣呢? 大多數地方吃到的都是像布甸狀, 有更誇張的是竟然是彈彈下的! 話明多辣, 果然是吃得人血脈沸騰, 大汗疊細汗, 廿幾三十度的天口, 真是攞苦來辛, 哈哈。少甜對我來說也是甜了少少, 不過完全不甜又不行, 是會辣到苦的。這兒用的奶據稱是水牛奶, 吃得出奶味很濃, 而且相當的滑 (油脂多嘛), 奶的羶味被薑味中和了, 變成相當美味。店子還有其他種類的糖水和食物賣, 不過我想我始終鍾情薑汁撞奶! 又, 年前梁家傑選特首時, 落區落到觀塘, 也為了這個薑汁撞奶而成為座上客。

今晚同女友諗住去食番碗薑汁撞奶,去到葫蘆館叫左碗薑汁撞奶,個老闆娘完全吾理大堂既客人,不論大堂客人係甘係到叫"寫野",佢剩係係到理外賣生意,就算一D岩岩到既外賣客人,好快就有野食,相反大堂客人等好耐都冇,結果我等左半個鐘,佢都"撞"吾到碗出黎,一怒下我地走左了,我以後都吾會再去

想吃薑汁撞奶必選此間,就算官塘有APM滿記分店,也不選擇，原因是連鎖店的糖水真的很水.(很多水)葫蘆館的糖水也有點水,不是我的正選,所以每次都是叫薑汁撞奶,以前都會叫合桃糊,但近來水準下降,芝麻糊也不太糊了.所以還是吃薑汁撞奶最好.由12元食到現在18元.

兩人尼食....叫左兩個甜品餐可選一款糖水再加一飛碟糖水叫左合桃糊及蕃薯糖水飛碟就叫左芝士火腿及粟米合桃糊第一次食落有薑味....都ok....暖身arm 晒蕃薯糖水....d 蕃薯煮到好林好好味飛碟太細塊無論係外面的包定係入面的料都係太少太細....不過當甜品還可以一睇佢門口就知佢用幾多薑....因為佢門口係放左勁多薑law~~ha

去完彪哥之後，意猶未盡，想食埋糖水，因為唔想再去泉記小甜，所以黎左葫蘆館。叫左椰汁西米露($13)，熱芋頭西米露($16)椰汁西米露:普通，不過d西米大腍，太糊口。而且偏甜。熱芋頭西米露:好多芋頭，好粉好香，不過d西米都係太糊口同埋偏甜。自從糖山大兄無做糖水之後，官塘已經無好食既糖水舖。唔通真係要去許留山??

這是我吃过至好的薑汁撞奶, 薑味最濃, 奶剛剛凝固, 十分之滑, 我極力推薦.但燉糖水例如木瓜燉雪耳等等不吃也罷, 因為十分差勁.

撞奶故然係一絕, 不容否定. 但果日同女朋友叫兩碗外賣比佢\屋企人時, 貪口痕叫左碗芝麻糊, 諗住間野賣老牌甜品(要煲既, 唔係隨便切d生果配涼粉/布甸果d), 糖水應該OK. 點知奶晒野, 成口粉, 死甜用粉開得好明顯. 失敗希望改善, 咁既芝麻糊, 笑面變普通.