木船 (Closed)

大埔區內食肆愈開愈多，要在競爭中殺出血路真的不容易，呢間泰國菜都可算是吐氣揚眉啦， 幾乎晚晚爆棚，絕不誇大。淨係飲品已經夠曬架勢啦……呢杯脆爆芒果園，簡直係King size ,足足夠兩人飲用,上面的一層有雪米糍,爆谷同芒果粒,中間一層有好多cream ,最底一層就係芒果汁, 好有層次,好豐富,仲好香芒果味，簡直係甜到漏！另一杯飲品， 迷紅小象，雖然冇咁有架勢，但係有好香濃嘅士多啤梨味，好清甜!前菜青木瓜沙律，份量都好大盤，比較少見 ，製作同一般泰國菜館的木瓜沙律差不多， 望落好似有啲辣，但係食落就一啲都唔辣，而且木瓜絲切得好幼細，食落口都好爽脆。泰北生菜包，呢個就真係非常辣啦，唔食得辣嘅朋友記得要叫小辣呀，雖然係辣，不過就好惹味，而且生菜片都有好多，唔會好似其他泰國菜館咁成日生菜都唔夠食。馬拉盞炒椰菜苗， 78蚊有咁嘅份量都算超值啦，因為平時椰菜苗都幾貴下，而且要條條都咁新鮮真係比較少有， 呢碟椰菜苗炒得相當出色，可以話係色香味俱全，下次再嚟都一定會再叫呢一碟菜。鮮蝦炒金邊粉，賣相都整得幾靚 ，裏面嘅材料都好豐富，金邊粉炒得好香口，每條金邊粉都好乾脆俐落，唔會槳住一舊舊，都可算係一道

今日仲諗住入大埔有機農墟買蔬菜，可惜，原來星期一就算是公眾假期都唔開，唯有喺附近搵間好吃餐廳解決午膳。落單後對面坐了位型男，佢都食得好快，點了個炒飯，食得好快，好像趕時間，定係咁樣對食，實在有啲尷尬， 這裏午膳時間高朋滿座，街坊多。好想讚賞這裡店員，他們好有禮貌，好helpful幼嫩的通菜苗炒得好爽口，豬肉炒得香口，飯的份量好夠，蝦醬的味道濃一點會更好，我今天肚餓，全部吃完，飽飽。午餐好抵食，包一杯飲品，冇加一仲有個牛肉通粉配炒蛋火腿多士都好吸引，但係今天好肚餓，選擇了吃飯。

嚟到呢一間新式泰國餐廳食飯。環境裝修舒服，氣氛幾好服務唔錯，職員好nice叫左個海南雞飯，大大碟海南雞飯邊度搵!物超所值，雞夠滑就最基本，雞胸一啲都唔嚡口，雞味濃啖啖肉，份量多同味道是抵讚之一，超級推介，黃飯不會弄得太油膩，岩哂我。點埋秘製辣汁酸辣又甜，十分開胃，一啖一舊雞配埋極香嘅油飯大滿足！Lunch 小食炸魚餅，新鮮熱辣炸好入面魚肉外面脆口唔會好厚粉薑蜜整體落單到送食物到都快，食物好夠熱，不錯不錯 價格相宜，仲有好多其他可以一試，下次約朋友來

今日想食泰野，就試下呢間泰國菜啦！兩個人食左4樣野，飽到食唔曬！柚子沙律🥗個味道天然無加糖漿！菠蘿炒飯價錢唔算平，但因為有虎蝦🍤飯炒得都好香，不過我覺得太多提子乾，有少許甜，配搭肉鬆一齊食就啱啱好啦，仲有新鮮菠蘿🍍青咖哩牛腩，雖然唔辣但好香，仲可以優惠價加份蒜蓉包🥖，個包好香脆最後仲叫左我最愛嘅酸辣鱸魚🐟，我個人覺得抵食$138，魚肉好鮮甜，個湯我勁鍾意所以飲晒

好友和我都未食過木船, 一於din一din個青咖哩真係很好味, 唯獨個軟殼蟹炸得比較油菠蘿好甜但飯嘅味道略淡, 可加伴碟嘅肉鬆和甜酸醬調味再食椰汁雞 : 說真的, 雖然湯味唔錯, 但料很少, 兩個女仔都覺得少叫左2杯野飲, 真係好正埋單total $514應該會再幫襯, 試埋其他菜式

悶悶哋，落咗去食泰國菜🤤🤤🤤兩個人去食，等位唔算等左好耐餐廳裝修唔錯，大班朋友一齊黎食應該都會幾舒服，坐得唔會迫，值得一讚🤤🤤我哋兩個人叫咗三樣嘢食首先係軟殼蟹米紙卷，做一個前菜都幾開胃，不過我覺得多啲醬料會再好啲之後係呢個青咖哩雞，配薄餅呢個真係勁好食囉！！！！！值得推薦！！啲汁配多碗飯都重得呀🤤🤤跟住重叫咗呢個泰式椰汁雞湯，係好甜嘅椰汁味，食落去個感覺好補身😂😂下次黎試埋個冬蔭功先🤤🤤

上次見大埔咁多野食 又約咗住喺大埔既朋友黎覓食🤓 行過見到木船 真係睇唔出係泰式餐廳見到店內都坐滿晒人 出面仲有人等緊位 同朋友都覺得呢間感覺唔錯 睇完menu又覺得幾吸引 於是就決定一試😎第一次食泰式沙津 估唔到出乎意料之外地幾好味😋 口感非常爽口 味道就酸酸甜甜咁 勁開胃😌同埋估唔到加埋腰果係咁夾 好香口👍 食泰國菜梗係要食生菜包🤤 啲肉碎辣辣地咁好惹味😋 再用新鮮既生菜包住食 感覺健康啲冇咁大罪惡感🤭 炒金邊粉又係我最愛既泰國菜之一 一上菜見到就覺得好特別 可以見到呢間餐廳喺食物擺盤都落咗好多心機 同埋真係好足料啊 有好多隻蝦 再加上味道都唔錯 啲金邊粉炒得岩岩好 唔會太乾 難得食到高水準既炒金邊粉個人認為呢道菜最特別 雖然唔係好似泰國菜 但其實入面有啲泰式既香料 再加上墨魚汁 呢個配搭竟然出乎意外地令到成個意粉好好味😋我地仲叫咗兩杯推薦既飲品 首先係粉紅小象朋友覺得一開始剛入口既味道比較難形容 但飲落後香蕉味開始越黎越重 變得更如好飲我就係飲泰公主👸 本身以為杯野會好甜 點知完全唔會 甜度適中草莓味比較重同埋值得一提嘅係 店員嘅服務態度非常好 會主動幫客人加水同收碟下次一定會再

數年同事一直未有約食飯，今天便跟她到太和地鐵站的《木船》餐廳。招牌菠蘿炒飯配虎蝦（菠蘿串仲有調味粉可加） HKD158原隻菠蘿送上，還加插了長長菠蘿肉可加調味粉（共5款）飯很乾身，這道黃薑炒飯很吸引，還有就是美味的虎蝦，有3-4 隻，己開邊，很方便，咬下去肉質很爽Combo 小食拼盤(小） HKD52 有蔗蝦,魚餅,芋頭春卷，肉質很彈牙，香脆可口！ 青木瓜沙津 HKD62加入了紅蘿白絲及腰果仁令囗感更加突出更加有層次，很爽口開胃！馬拉盞炒通菜 vegetable HKD68 嫩囗嘢味，很適合送飯，份量也很多！Thail princess (草莓、蘋果、青檸)HKD 45 特飲方面Thai princess,由草莓，蘋果，青檸組成味道很清新，Flying red elephant drink （菠蘿、蘋果、香蕉）HKD45 質感似milk shake 但又不是很杰那種，甜甜又冰凍，還有小小mint , 清新一下！

平時成日行經依間泰國野都見到好多人排隊, 一直都想揾個時間黎食, 今日終於有機會黎試下啦. MENU設計都好有心思, 先有2頁用中文拼出黎既泰文教學, 有野食前無聊可以睇下消磨一下時間叫左個木瓜沙津, 入面有木瓜絲同蘿蔔絲, 用特色醬汁撈云, 酸maymay好開胃, 入面仲加左車厘茄同埋提子, 食落去有吾同層次, 而且提子甜度十足, 勁正之後我地仲叫左個菠蘿飯, 但上之前佢地放左6支好似實驗室既試管既野係台面, 一問之下先知道原來係攞黎食菠蘿飯個燒菠蘿用菠蘿飯終於到左啦, 賣相非常吸引, 份量十足, 燒菠蘿經火燒後好甜, 再加上吾到味粉好有特色, 原隻大蝦亦燒到岩岩好, 食落鮮甜, 菠蘿飯炒得岩岩好, 配上肉鬆非常惹味, 值得推介

又凍番喇新界區連六度都無新界人真是除左番工要耐d捱凍能力都要高d天寒地凍仲除打邊爐就係食辣野暖胃即刻叫左個 冬蔭公湯暖一暖身先特濃冬蔭公湯配虎蝦整煲上料足配上虎蝦，辣中帶微酸👍Combo 小食拼盤（小）樣樣都有兩件正合我意款款都可以試一下泰式辣椒膏炒飯少少辣配中洋蔥中和辣味蝦仁爽滑青咖哩牛腩加蒜蓉包牛腩煮得好淋吸盡青咖哩味道法包烘至兩邊鬆脆加上超多蒜蓉單食都非常好味香茅特飲清香香茅味甜中帶少許甘飲完成個人暖烘烘服務一流不停加水同换碟

今晚又去大埔區搵食，點知行行吓見到一間泰國餐廳，室內佈置十分知靚，所以同家人膽粗粗入去試吓。一坐低就比餐牌上面嘅餐廳名字所吸引：木船個名幾好聽，打開餐牌見到入邊啲相更加係增加食慾，於是我哋就點左海南雞飯、大拼盤小食、黃咖喱牛腩跟蒜蓉多士、雜菜同雜菇炒金邊粉，仲有泰式炒芥蘭。每一道菜用的盛載碟很精美，簡直是色、香、味俱全。上菜十分之快及serve我哋嘅所有侍應都好有禮貌，仲不停有人係旁邊睇住你飲完晒啲水未同你加水，仲不時留意客人仲有冇其他嘅需要，嘢食好味，地方又整潔，喺大埔區內值得推介嘅泰國餐廳，雖然今晚食唔到咖喱炒蟹，但下一次會打電話book定先再去食

係唔知食咩既情況下 去太和發現呢間裝修好靚既泰菜 睇埋個餐牌完全比佢吸引到炭燒豬頸肉 HKD98佢menu寫係即整 但食唔到有炭燒既味道 而且豬頸肉好淡 要點個汁先夠味 青咖哩牛腩配烤薄餅 HKD80 + HKD28 (套餐價)比平時食開既青咖哩辣 但味道辣得黎又有種甜味 真係唔錯 值得一讚佢個牛腩 煮得剛剛好 非常好食蝦頭油蒜容包 HKD40同平時既蒜蓉包無乜分別 軟殼蟹米紙卷 啲菜非常唔新鮮 有苦既味 米紙卷分量好少 菜仲多過軟殻蟹菠蘿炒飯配大虎蝦 HKD158賣相好吸引 成串烤過既菠蘿 好甜又多汁 炒飯粒粒分明夠乾身有各種唔同既味粉放落啲菠蘿度食 又幾得意整體上服務味道都唔錯 仲有幾樣野都想食 期待下一次再黎

太和站經過商場往消防局方向，過完馬路行入去。平日一定排曬長龍，今日特登5:30pm早啲收工去試，天氣好凍(7C)，店員好細心，一坐下先來杯熱水......"特濃冬陰公湯配虎蝦", 煲仔上，熱辣辣好香， 足料， 濃濃椰香，少少辣帶酸酸蕃茄味，少有地落咗紫色洋蔥，甜甜地，味道非常夾，份量夠二至四人"街頭泰北生菜包" 肉碎做得好香，小小辣，有蝦香味，正!店員介紹"黃咖哩牛腩配蒜蓉法包"， 咖哩勁香，辣度可以選擇，牛腩好淋，蒜蓉包超級蒜香， 再加上香草洋蔥， 前所未有咁好味嘅蒜蓉包喺度搵到， 成個食物都非常之好味!"鮮蝦炒金邊粉"上面舖上一個蛋網，好有趣， 大大隻蝦， 感覺甜甜惹味，金邊粉不会太淋，好有口感。飲品叫咗香茅特飲 (熱) 薑蜜(熱)大致上食物嘅味道都較濃，天氣冇咁凍叫杯沙冰更理想。

今日去左大埔行街，行完已經好攰好餓，突然間好掛住泰國既嘢食，之前聽朋友講過有間勁正既泰國菜係附近，今日一於黎試下先！ 黎到已經勁多人，等左一陣先有位，裝修方面好有泰國既cafe感覺好舒服，牆身仲有啲塗鴉既公仔，睇得出花左好多心思！ 先叫左個小食拼盆，炸得時間啱啱好，上到枱仲好熱，點埋我最愛既泰式醬真係無得頂，特別係個春卷，真係好味到不得了 之後點左個泰菠雞沙律，好特別既做法，手撕雞配沙律，估吾到出奇咁夾，雞肉好滑一啲都吾鞋，加埋個醬一齊食真係無得輸！ 鮮蝦金邊粉，買相好靚，記得撈埋啲芽菜同青檸汁一齊食，芽菜既新鮮加埋青檸汁既酸味一齊食成個泰國feel出曬嚟！ 咁當然吾小得馬拉盞通菜啦，食泰國嘢一定要整個通菜食下，通菜好新鮮，味道一流，食到一條都無得淨啊 食到咁飽梗係整杯嘢飲下啦，叫左個迷紅小象，個杯勁靚，有燈係杯底既味道好fresh，又吾會太甜，啱曬食飽同朋友仔傾計嘆下！ 今日食得好開心，可以一解我相思泰國之苦，下一次再嚟嘆下！

等到一肚氣, 態度唔好, staff 又hea回, 遲幾耐都只講"就到" 就算。。真係好得閒或好等得先好去等食。今次第二次光顧, 食物同第一次去一樣等勁耐。 第一次叫普通兩碟炒野, 以為新開張人手唔熟, 今次隔左段時間, 比多次機會,懶野去到明明有2張枱, 又唔比入, 態度差喺度話 要出面食寒風。 已睇定餐牌。 一坐低即落單 叫 濕炒河 同 串燒炒飯, 野飲同1份小吃。 等左20分鐘, 催。。。答"就到"。 眼見成間店得10多枱, 有幾枱埋單走, 有d都食緊。。。聽到隔離枱食客都催d staff話 d野未來, 又話d菜出錯款。。。 再多10分鐘, 終於有小吃,再催個staff, 佢竟然話我地叫d野係煮得耐。。。。 請問 串燒 炒飯, 濕炒河 唔駛焗既要煮幾耐? 最終共等左40分鐘, 都出唔到2個主食。。。野飲x1 + 小吃x1 , 加埋一 , 要百多元野食貴唔緊要, 小吃懶精緻實平平無奇 唔緊要, 職員態度唔緊要, 但要食客等 40分鐘都出唔到真係。。。勸老闆如見此post, 請改善廚房出菜時間。不過我住附近都唔會再去幫襯