木船 (Closed)

今日同屋企一齊食飯，平時都到太和附近搵好野食，意外發現左間新野，門口好吸晴首先推介係冬蔭公金邊粉，佢個湯底就比較岩唔食得辣嘅人食，椰奶味偏重，但金邊粉就好彈牙，而且唔淋身，正緊住係好爽口嘅粟米墨魚餅，咬落去有一粒粒粟米好好口感，然且墨魚係人手搞出黎，有墨魚味！野飲就係驅魔師之夜，飲落係好fresh嘅藍梅，加埋好有gimmick嘅幻燈杯座，打卡影相一流啊！服務：依道出餐算快，然而有求必應，不過人多要俾啲耐性環境：樓底高，人多可能有少少嘈，燈光舒服

打電話落單自取，說比較多單要等半小時，無問題。不太記得它個通粉餐叫什麼，問多兩問個女職員語氣已不耐煩。半小時到店取，説還未得要等多陣，但我見她在我問完先按制入單，結果最後等了十五分鐘有多才可取。看看入單時間便是到店時間。既然要親身到店才下單。我不介意她當初於通電話時直接表明要門市才可下單，感覺像比人耍了一樣。回家打開外賣，通粉變即食麵，看一看張單，根本入單時已錯，不明白為何問了幾次仍入錯。其實平時堂食已見過幾次個男侍應發脾氣，究竟係唔夠人手定係人的……食物質素不錯，但員工服務可以有改善空間。

係覓食期間見到呢間外觀幾特別既餐廳，好彩地晚飯時間冇book而又有位，即刻入座阿。呢間泰國菜食相同味道都唔差，點左個椰青海鮮飯，好足料！佢除左成個椰青上，仲會有杯椰汁，真材實料。海鮮炒飯勁大隻蝦同青口，而且仲有椰青肉，邊食飯邊勺椰青肉。然後叫左啲串燒食，味道都不俗，點下汁慢慢食。最重要係食泰國菜點可以唔食生菜包，足料得黎又有少少辣味。塊生菜仲要幾大塊下，方便你勺餡入去。成餐飯食完真係好飽，仲要好抵食，埋單都係二百幾三百蚊

食泰國野真係唔少得菠蘿炒飯！但估唔到依度既菠蘿炒飯係咁特別！成估菠蘿原隻上都唔只！仲有一排有搞鬼名既調咪料！Bid涕！嫁你！轆哂奶!原來係代表唔同味道！有七味粉！紫菜粉！梅粉！重點係配菠蘿食！又幾好食！可以自己揀唔同組合！個菠蘿光到外層好香！但都仲好多汁！菠蘿汁暖暖地！甜味多過酸味！配埋唔好調味料都正！虎蝦又係超好食！又大隻又彈牙！又夠香口！最正係個酸辣醬點蝦 ！個酸辣醬正啊！個蕃茄味較重！有種香甜但又夠哂惹味！炒飯都好好食啊！炒得夠火喉！又有雞肉粒同菠蘿粒係入面！馬拉盞炒椰苗好好食啊！又夠哂香又夠惹味！椰苗好新鮮！粒粒都脆口！好快令人一粒一粒咁就食哂！多d乳酪多d莓！真係勁多乳酪同莓！酸酸地都甜甜地！好開胃！好莓味！環境靚！

餐廳開咗幾個月，已經聽到幾個朋友介紹，又見到open rice 咁多好評！今日終於有機會嚟食啦木船個裝修真係幾靚，夜咗望入去以為自己睇緊燈飾入去前朋友仔眼利，望到有呢個蘋果優惠貼紙，原來用蘋果動個apps 就拎到木船嘅傻惠卷，show 比店員睇就輕鬆拎咗個9折優惠青木瓜沙律配料除咗常見嘅蘿白、腰果、蕃茄之外仲有提子，一開頭見到已經覺得幾特別，食落口味道又幾夾，一口連埋提子一齊口感仲好豐富睇得出餐廳幾有心思，簡單一道沙律都會用唔同嘅配料小食拼盤（細）拼盤一共有四款小食，每款兩件，啱晒兩個人分嚟食！炸物都炸得啱啱好，仲有兩款醬，一款甜啲，另一個就係泰式辣醬！馬拉盞炒通菜用咗好多配料去炒，好香好惹味！青咖喱帶子意粉同朋友都好鐘意呢個意粉，帶子好大粒好多肉，味道雖然有啲辣，但我哋都食唔停口！配料除咗青豆，仲有無花果 好特別！飲品就叫咗椰青同埋泰公主！椰青都幾大個同幾甜。泰公主就係士多啤梨、蘋果同青檸加埋，估唔到呢個組合又幾好飲！！嘢飲嚟到放落底座仲識發光 好得意見到隔離枱叫咗好大個菠蘿炒飯，下次要再嚟食

<大埔區美味泰菜😍> 本身以為大埔區多中菜茶記 間中就見到新開既西餐廳 但估唔到有間甘正既泰菜木船 🛶 環境裝修好似置身喺格大木船入面 😃 木枱櫈 加上天花板既吊燈裝飾 別具特色😌 食物方面唔係好地道既泰國菜 但製作用心 外表都好靚 值得黎試下😃🍴青咖哩牛腩 80 蚊🐮加薄餅🍕48 蚊青咖喱味道滑同濃 甜得黎帶有少辣香 有爽口既泰國茄子🍆 青豆 車厘茄🍅 主角既牛腩煙靭彈牙帶有d筋位 盡吸咖喱汁 再點埋 香脆油香既薄餅 夠哂口感 好正 推介😍🍴蒜蓉鮮蜆肉意粉 78 蚊🍝簡單一碟意粉 材料配搭好緊要 洋葱碎夠濕 加上黑胡椒香 同爽口乾身既意粉 配搭好好 😃 蜆肉勁多件 好新鮮 帶點咸海水味 但唔會有沙🐚 好新鮮既一碟意粉 正😍🍴忌廉芝士磨菇雞翼拼泰皇單骨雞翼 58 蚊🐤一個鐵框籃入面放住兩款雞翼 😌 泰皇單骨雞翼 燒得比較香脆 帶點辣 十分惹味 🐤 而忌廉芝士磨菇雞翼 香脆既雞翼入面釀左濃香芝士🧀同爽口磨菇 夠哂口感 點埋泰式甜辣醬仲正😍🍴泰菠蘿沙律 88 蚊🍍🥗外表美觀既沙律 喺切開左既菠蘿上面放上雞肉 雞肉嫩滑 🐥 點埋紅色既辣醬更惹味 菠蘿肉鮮甜 🍍 仲有藍莓

這家餐廳店舖不算大但空間感不弱，燈光通明。星期三七點抵達經已有隊列在輪候。餐廳這幅壁畫非常吸睛，讓我想起外國的休憩感。天花懸掛着粗麻繩的吊燈，份外温暖。泰公主阿娜多姿，穿著粉紅色長裙 戴了士多啤梨襟花其實她是一杯果汁沙冰，包括士多啤梨 蘋果 青檸汁。草莓味道最突出，杯底更有粒粒果籽，只有兩成味道是蘋果青檸，所以不會酸。溶岩椰青海鮮焗飯 - 聽起來很有氣勢的飯食，竟然還配上一杯椰青水 證明沒有偷工減料 嘻! 與其說是椰青我會說它是椰皇，所以焗飯的份量比預算中多了一倍，也許也有三四碗飯的份量。海鮮有青口虎蝦大帶子，雖然炒飯底沒有海鮮碎，但上面的海鮮勝在大粒。炒飯主要以蔬菜為主，亦有椰子肉粒甚是新奇。椰漿很濃所以飯底不會濕，伴溶芝士超好吃的。清空焗飯之後還可以刮椰肉吃，性價比不錯。例點的馬拉盞炒通菜以碗上，足夠四人享用。通菜用泰國的幼管通菜，比中國的短身和嫩。吃着看到蒜頭，蝦乾，辣椒乾，辣椒絲，不能吃辣的友人也能接受。已有海鮮 蔬菜 飲品，怎能缺了肉類？侍應送上小金屬籃，是單骨雞翅拼釀雞翅。籃子通氣的性質使雞翅不會倒吸熱食的濕氣，放耐了仍是鬆脆。推介芝士釀雞翅，餡料飽滿外皮塗抹蜜糖燒。雞中翼

大埔區泰菜餐廳唔多，太和呢邊更加無乜. 近排終於係呢邊開左晶新泰菜. 雖然一直都想試，但大埔既新餐廳永遠都排長龍，所以一直都未試到. 今日6點半就返到大埔，見早就去睇下有無位啦. 可能真係過左少少氣無咁新，可以唔洗等位，直入. 但其實已近坐滿.泰菜總要試雞飯. 始終香港既雞係無乜雞味，呢樣真係神仙難救. 但雞都滑既. 而雞飯最重要既汁呢....似星加玻風味多 d. 泰味就無乜喇.第二樣係雙拼雞翼1. 芝士蘑菇釀雞翼. 呢個雞翼味道好唔夾. 同一般泰菜既糯米釀雞翼差太遠喇！2. 單骨雞翼. 呢個我都覺一般. 炸得太乾.第三樣係椰青海鮮焗飯. 呢個係幾好既. 海鮮椰青都新鮮. 好香椰子味. 唯一問題係面既白汁太甜. 入面既炒飯炒得幾好，配有蘿蔔幼絲，令食起來帶少少爽口. 另外椰子肉都 mix 埋一齊炒. 而旁邊杯新鮮椰青水都好香甜，好好味！最後一樣係豬牛串燒. 呢個串燒雖未致超好味，但絕對合格. 烤得唔乾唔 un 有肉味. 不錯.整體而言，裝修幾靚，上菜餐具有特色. 食物 ok, 但泰式風味就真係唔多夠喇.

貓貓不嬲鍾意泰國餐。呢間裝修靚既泰國餐廳，一定走唔出貓貓既手指。木瓜沙律。好大份既木瓜沙律。生既木瓜整成似，有啲似沙葛。口感好爽口，仲有陣清甜既木瓜味。沙律加左辣椒，少少辣但好開胃。酸酸辣辣既沙律十足十泰國既味道。貓貓食埋沙律既花生，花生香味同沙律真係好襯，成個菜色更加香。整多啲青檸汁落去仲開胃。食泰國餐一定要食生菜包。靚靚既餐廳連生菜包都整得精緻靚過人。睇到都開胃。生菜大細啱啱好，豬肉碎唔會太辣，整個生菜包食，特別多水份，好爽口。呢個組合真係好完美，點食都唔會膩。最令貓貓開心既係，生菜比例同豬肉碎係一致的。食完生菜，豬肉碎同時食曬，太神奇。豬肉碎味道少少辣，見到有好多香料係豬肉碎入邊，好泰國，貓貓濕左個嘴。迷紅小象。個名起得好得意。粉紅色既小象，好襯泰國。好好飲既凍飲，有少少香蕉味，乳酪味唔會太搶，唔會太甜。好健康又好飲。貓貓覺得呢間餐廳由裝修都野食外觀同味道都好好！

本身朋友住大埔，佢介紹我去木船食晚飯，聽佢講呢間店在晚上唔容易搵位，要早些去食先，見到7點半後滿坐，D食客黎到要等一等位呢。青咖喱牛腩配烤薄餅，最喜觀青青咖哩味，食牛腩時加薄餅，食物鹹淡做得很好，不馬虎！香濃鬆軟牛腩， 濃烈咖哩味在牛腩肉上。泰式柚子沙津，柚子沙律很多柚子份量多，又有花生粒、洋蔥、泰式辣汁，是有田園氣息，食落會打開胃口呢。帕差拉吉帝雅帕，叫泰公主，很清新是有青檸、蘋果、士多啤梨沙冰，味道我喜歡！

今日去左間新式泰國餐館食飯由於附近一帶都係食街，平日行過都無特別留意原來大埔有泰國菜。餐牌都幾多選擇，花多眼亂。首先點左個菠蘿沙律，有別於傳統泰式沙律，呢個無青木瓜 無柚子（個人很怕吃青木瓜）。沙律分為雜果沙律同雞絲菠蘿兩部分，一甜一鹹各有特色。雜果沙律唔沾汁已經好好食，用料都幾講究，有齊 菠蘿 藍莓 草莓 芒果 等等。特別要提沙律中只有兩小條既芒果 超級甜！有機會要試下芒果類甜品~雞絲份量唔算太多，食既時候配泰式酸辣汁一齊撈。汁辣味同酸味比一般泰國餐廳淡，唔會太搶肉味。新鮮菠蘿已用鹽水處理，幾嫩無渣有七個圈食到我同朋友飽左三成 值回票價啦然後單點串燒，三串牛三串豬牛的部分用上牛柳粒，肉質幾淋算juicy。豬就帶少肥燒得好香口。坊間有部分餐廳取巧煎熟串燒，呢間估計有用燒烤爐，串燒上帶有少少焦 香口好多。跟串燒有花生滿滿既沙嗲醬，唔食辣既人至愛。但本人最愛是調製燒汁，味道偏甜帶少量青檸酸味 少少辣，點肉類都好夾。爆炸糖青芒炸雞，唔係泰式菜 算是fusion菜吧~ 洗面盆咁大啊 份量嚇一跳，唔講旁邊既人仲以為我地兩個人餓到傻左😂用春雞的鎚位同雞胸位炸 大大件。爆炸糖的糖粒配合唔怪之餘，甜甜

今晚晚餐在大埔的木船，見店內雖然不是特大面積，但座下食野有空間感，見到好多食客幾熱鬧，餐牌有好多特色食物，下次再來食飯要叫多D。招牌菠蘿炒飯配虎蝦，每枱都有一個菠蘿炒飯，菠蘿炒飯真想自己識去做，有高水平，2隻虎蝦有水準、肉鬆多！飯炒得夠野味。流心芝士蝦餅波波，爆漿芝士蝦波波，是濃芝士味流出，好多人鍾意食芝士芯的都會愛上佢，最正是有堆蝦味是刺激味道。脆爆芒果園，有芒果雪米糍、爆谷、忌廉.... 喜歡食甜品的，芒果乳絡冰不要錯過！

不是低要求，但這間位於大埔的泰國菜餐廳有驚喜，同朋友一齊去吃可以share到多點菜式。這裡的啦沙湯要試，另外個波蘿海鮮炒飯都是必食之選，還有個椰青水，清甜而不腻，還有那杯芒果特飲，份量大而水準高，五個人攤分都係百零蚊，抵食兼好食呀。真係意料之外，將等位時既不滿一掃而空。正正豬。

最近，女友工作忙，經常OT, 所以諗住同佢食餐好啲，見呢間餐廳裝修唔錯，食物又啱食，所以入左呢間，點知.......星期六晚人多，等了十多分鐘，終於有位，點了椰青海鮮飯，牛油果沙律，及軟穀蟹米紙卷，覺得價錢貴，不過，如果好食嘅話都唔緊要啦， 辛苦得來至在食嘛~點知好景不常，發覺愈來愈唔對路，因為等了良久，一碟送都未上，於是開始向侍應追單。還是沒上菜，再追，侍應們都口吻一致地hea 答：“黎緊架喇”。時間一分一秒咁過，9點幾了，等到我們都不耐煩，預備走人，侍應才回應說5分鐘到。好，等多最後5分鐘。結果，上第一道菜了，由入座到上菜，足足等了25分鐘！每碟菜都好精美，連一杯普通的椰青水，也用藍燈照住。味道方面， 都okay嘅，但感覺有點華而不實。總括而言，高級餐廳的收費，中級餐廳的味道，茶餐廳的服務~ 奉勸如果想慶祝特別日子的朋友，千萬不要選這間餐廳。如果想試新野，唔介意收費高昂及制作需時的話，都可試一試嘅。是日，上錯了賊船~

想食好耐的泰國餐廳，一行四人五點九提前walk in, 成功入座。門面不大，多人的話很難攞位。坐低無耐，已經爆滿。點了招牌菠蘿炒飯，原隻菠蘿上，一串大大菠蘿燒過很美味，賣相滿分。還有不同調味幾過癮。飯尚可，未見驚喜。半隻玫瑰雞凍食很不錯。另外點了特色小食 軟殼蟹米紙卷，外皮煙靭，內包沙律菜和軟殼蟹，配上柚子汁，誠意之作。特色驅魔師冰沙~荔枝藍柚冰沙，小朋友相當喜歡。金邊粉味道一般，偏硬。整體評語: 賣相多於味道，誠意可嘉。