木船 (Closed)

餐廳位置方便，喺太和站B出口行左冇耐就到。我同個朋友嚟到食晏，嗌左好多野，估唔到平日嘅午飯時段都幾多人，幾乎全場爆滿。其中飲品方面，我建議大家試吓個泰式奶茶，好香滑，我鍾意偏甜嘅奶茶，如果唔鍾意甜嘅人記住要嗌少甜啦，同埋會有一Pat好厚嘅忌廉，覺得幾抵！我仲好鍾意個軟殼蟹米紙卷，好大嚿架，包你飽，入面包左好多菜，覺得好Fresh，而我最鍾意係佢個芒果醬汁，酸酸甜甜，好惹味。個招牌河粉好巨型，啱晒大食嘅人，有好多唔同嘅餸，當中嘅牛丸同魚蛋係我至愛，河粉量超多，成碗湯河係食極都食唔完，而我好鍾意佢甜甜地嘅湯底，如果可以吱啲青檸汁落去就更加味道豐富啦！雖然我今次有一半都係散叫，但係見到set lunch嘅價錢係好合宜，都係大概50幾蚊，下次會試下嗌set lunch！

大埔都有好多泰式餐廳、呢一間木船係價錢屬於中上嘅店舖，但佢環境係比較優雅舒適！青咖喱配蒜蓉包，佢個青咖喱都做得好吃香！配包一流軟殼蟹紙卷好好味椰子海鮮焗飯！相信大家都有聽聞過有啲鋪頭，會將椰子重用、以省成本！但係呢間鋪頭就非常之好，因為佢會另外將椰子內的椰子上比容人，所以可以確保到佢每次都係用一個新嘅椰子！冇重用嘅椰子殻！椰子水非常之甜，亦冇另外收費，所以感覺好抵！雖則未去到啖啖海鮮，但味道不錯，我很喜歡了！

難得尋晚去大埔文娛中心睇一套戲劇，先有機會去附近嘅餐廳試下，經過木船見到有人排隊，都估到有質素保證店內嘅裝修幾靚，吊燈同其他擺設襯托得幾有泰式感覺，而且餐牌有好多選擇，令人花多眼亂，我同朋友就揀左幾款推介菜式試下首先揀左款軟殻蟹米紙卷，薄薄嘅米紙包住好多蔬菜同軟殻蟹，作為頭盤好清新另外點左份芒果炸蝦🍤，原本以為只有三隻炸蝦，上菜時原來係一盆沙律🥗，賣相好色彩繽紛，令人食慾大增，非常適合夏天食最令人期待嘅仲有溶岩椰青海鮮焗飯，賣相好吸引，而且海鮮材料豐富，有蝦、青口、帶子，飯面鋪滿一層芝士，而椰青裡面係蛋炒飯，口味配搭好正食得滋味嘅同時，梗係要叫埋杯出名嘅沙冰啦！我朋友點左杯「迷你小象」，其實係菠蘿🍍、香蕉🍌同蘋果嘅配搭，粉紅色嘅飲品通常都令女仔著迷，今次都唔例外我自己就揀左杯「芭東海灘」，其實係椰子🥥菠蘿沙冰，飲落啖啖椰奶味，好清新消暑，而且係用椰殻盛載，淨係個觀感都贏晒餐廳員工嘅服務態度幾好，會主動幫我地加水，而且環境好舒服，因為我好鍾意餐廳以木為主要裝修材料，下次再嚟大埔要試埋其他菜式呀

難得返大埔留宿，就同大埔老友食個便飯順便慶祝生日，今次有驚喜呀！出發前睇下食評見價都好高，都有期望去食架~但無失望喎。我地六點就到左做第一枱客，初初安排左我地坐近廚房的位置，野食一到就好多蚊仔....跟住店員都好有心地幫我地調位，太有heart喇！早到就唔駛等位(閒日)大概七點未夠已經坐滿晒，七點半到的話已經要等6-8張枱喇，價錢唔算好貴、食物質素高、店員友善、上菜快，無限時、唔會趕人走。由於招牌菠蘿炒飯配虎蝦太強勁的關係，我見到每枱兩位以上都係must order，味道係有驚喜，勁多提子乾，菠蘿又夠清甜～食完成餐飯都唔會好口乾，個青咖喱都好味～我杯椰子十勝紅豆冰條都好正，真係成支紅豆雪條插落去架，食得好開心！係絕對會encore的店子，住附近的都值得早啲去食喎。

這天剛好要開車去EdU辦點事，辦完便在大埔區内找了一家泰國菜吃飯。甚少來大埔的我們也是搜了一段時間才決定來這家。泰皇單邊鷄翼 $10（追加小食）$10追加小食算是合理價錢。鷄翼味道合符預期，單邊吃起來特別方便，很快就一人一邊地吃完了。香葉辣椒肉碎拌飯 $52 （Lunch set with drink）這個絕對有驚喜，味道惹味，連我不吃豬肉也嘗了幾口。生蝦刺身 $48（追加小食）這個是相對較爲失望的。雖然擺盤漂亮且價錢相宜，蝦卻沒味道，完全沒有像吃蝦的感覺。醬料的盛器有點不方便，蝦不能蘸醬要用勺子，可是蝦表面也不平均上面也有辣椒生蒜，有點麻煩。泰式炒通菜 $38（追加小食）這個不過不失，不過覺得可以更惹味一點。木船湯河配鷄絲扎肉 $48 （Lunch set with drink）配料及河粉分量足夠，湯底算是不錯，符合預期所望。同區相似的店鋪我是真的少有吃過，但感覺這家應該算挺為出色。作爲區外人的我若然再去大埔還是會想試一下別的餐廳。

大埔食泰國菜的餐廳不是很多，這家木船是當中水準很高的一間。餐廳內以木為主，牆色色彩繽紛，其中一角還真的做成木船的模樣。COMBO小食盤(細)($52)餐廳有不同小食選擇，每樣都想試一下，點了一個小食拼盤。有泰式春卷﹑雞卷﹑炸魚餅和蝦棗，全部都即炸起，香脆可口。而且加入了香料，更是惹味。泰式春卷的外層很酥香鬆化，加上肉粒和香料，泰式香風濃。而蝦棗加入了粟米，更加爽彈口感。唔係炒既街頭泰北生菜包($72)很有趣的名，豬肉粒煮得很口，又保留了肉汁，十分好味。用新鮮生菜包住，清新惹味。泰式辣椒膏炒飯($78)寶寶很喜歡的炒飯，因為調味做得很好，不會太濃，很香泰式香料味，而且帶點微辣，十分開胃。炒飯粒粒分明，加入菜粒口感更佳。蝦好大隻，十分彈牙。泰式什菜野菇炒金邊粉($78)炒金邊粉可以加入花生粒，乾辣椒粉和爽口芽菜，口感和香味都同時加強。金邊粉炒得乾身，幼身而香軟，再擠幾滴青檸汁，更加惹味。迷紅小象($45)整杯粉紅色的飲品，但味道最濃的是香蕉味，很有SURPRISE的飲品。帕差拉吉帝雅帕($45)同是粉紅色，則是清新開胃的STRAWBERRY味，加入蘋果和檸檬。

今日係大埔睇下食咩dinner，行行下見到個名幾得意，係出面裝入去，又俾依間鋪頭嘅裝修吸引咗，見到入面都靚靚仔仔，又有幾隻船仔咁，咁就入左去lu!(其實我入到去睇menu先知係食泰國野😂又有少少fusion咁，好似冬蔭功意粉咁)我自己都好食泰菜，特別係生菜包同生蝦🙊所以覺得更好，啱哂我食！btw我地雖然2個人，但都叫咗好多野食😂😂😂1.生蝦一隻隻咁吊喺杯邊擺得幾靚😂佢配備一個辣醬，味道類似食老麥脆香雞翼果隻辣醬，但就晞啲，味道同生蝦加生蒜都好夾👍🏻重點隻蝦都好有誠意，夠大隻😂咬落唔係一陣風嘅感覺，有口感，同平時出面薄jit jit唔同。2.生菜包好似之前講，我鍾意食生菜包😂所以一定必點！咁我朋友唔可以食太辣，所以專登點左小辣。但我又冇諗過小辣變左完全冇辣味🤨仲要偏甜咗...仲要啲肉碎我覺得偏硬咗！唯一好就係生菜夠多，平時肉碎未食完啲生菜就已經冇哂...3.冬蔭功湯+虎蝦個湯其實幾足料，蝦都夠大隻！不過個味都係唔太辣，因為椰奶味重啲！？開頭飲都ok，不過飲到底，我地覺得偏咸咗....😯😯😯😯4.鮮蝦炒金邊粉因為前2樣餸嘅關係，我有以為一般，但發現依個比我想像中好😂😂加入青檸汁，個味道酸得

去過木船DINNER，感到滿意，但未試過LUNCH，通常LUNCH SET比人嘅感覺都係求其啲，即管試吓佢LUNCH SET嘅質素先~估唔到LUNCH都FULL HOUSE喎！我好好彩攞埋最後一張枱！睇返個MENU都算幾多選擇，而加唔加小食都可以自己視乎當日胃口決定﹗7個主食當中有飯有意粉又有湯粉，有辣亦都有唔辣，SET MENU都SET得唔錯！9款吸引嘅小食比人選擇，有生有熟有凍食同熱食，配咩都得！(留意返加配價錢不一呀！)        叫咗個L7.泰式海鮮什錦炒螺絲粉+A.泰式春卷，螺絲粉嘅配料好足而味道好特別，唔知係咪特色醬汁嚟呢~另外，個螺絲粉唔會過淋，口感很好，春卷炸得好脆內裡夠哂熱，可惜有點油膩，扣少少分~L1.香葉辣椒肉碎伴飯~佢個蛋煎得好靚呀！絕對吸引到我，賣相一流！雖然佢個名叫伴飯，但其實都係炒飯底嚟嘅~為咗唔好影響個辣度，我就無將個蛋黃伴落去喇！一樣咁好味，喜歡食辣就一邊流汗一邊去繼續食，咁先係爽呀！LUNCH唔洗加一，2個人$121賣單，一個LUNCH嚟講，價錢算中等吧！不過有呢個質素，我覺得OK的！

終於試到木船啦，由太和地鐵站行過去大概5到7分鐘，又因為早咗啲到，一去到就有位啦。但係，無論你幾早到，都有其他人更早到，仲要已經叫到成枱餸。雖然店內唔算大，洗手間都要到店外，不過位置唔會太逼，張枱叫多幾味餸都夠位。侍應都好好服務，會好主動斟水，又會上下一道菜之前問清楚上得未，而木船泰菜嘅外表有別於一般嘅菜式，上菜前都會講返聲菜式嘅名，menu內含有泰文同中文翻譯，幾有趣，同時加長咗我揀菜嘅時間😛。前菜有生菜包同木瓜沙律，個生菜包係必點之選，啲肉一啲都唔乾，唯一要注意係個份量好大。主菜有金邊粉同軟殻蟹墨汁意粉，自己唔識分係咪算fusion 菜，不過兩道菜嘅外貌都有驚喜，唔係好傳統嘅泰菜look，但係食落去好有泰菜風味。而飲品要讚，特飲性價比唔係最高，泰菜一般都會咸少少，特飲唔太甜真係好適中。

因為長期要排隊，一直都無機會試木船，最後專登揀平日仲要早啲去食，不過幾早到都已經坐滿咗半間。個人好喜歡生蝦，咖哩，椰青，不過今次希望試到特色嘅泰菜，所以都無點叫開嘅菜色。青木瓜沙律（$62），以前菜嚟講真係好大份好大份，有蕃茄仔又有提子，酸酸哋好開胃。另一道前菜，生菜包（註明唔係炒嘅街頭泰北生菜包😂），我哋叫咗少辣，哩一味係非一般嘅生菜包，好juicy，辣得好香，食得辣可以叫再辣啲。特飲有叫泰公主同粉紅小象（@$45），好fresh，加上唔係一味好甜嘅飲品，要讚嘅係泰菜特飲的確有crossover，未有機會試椰汁十勝紅豆冰條。金邊粉（$88）個樣好型，要留意辣粉偏辣，唔好一次過mix晒，最緊要唔會太喊！而今次嚟木船一坐底就睇下軟殻蟹泰式辣墨魚汁意粉（$98），軟殻蟹好有泰菜嘅風味，少少辣，香口，又大隻，雖然係意粉，不過唔會俾西餐嘅感覺淹蓋咗，係必試嘅特色菜。

一向都十分喜歡食泰國菜，又到與閨蜜聚會的時候，當然泰菜又成為我的首選呢！今次又相約在大埔的木船🤤裝修十分有特色，看得出花過心機呢！同餐廳名好配合！放工太肚餓，一坐低就睇餐牌搵食啦！除左一般食物的選擇外，餐牌還會教埋你泰文呢！泰公主👸🏻（草莓🍓味）沙冰由新鮮水果打成，甜甜酸酸，十分精神，夏日最佳選擇呢！青檸梳打🍹用上原樽泰國梳打水，同樣酸酸地，不會過甜，夏日可消暑解渴！青木瓜沙律🥗份量十足！青木瓜十分爽口而且又微辣，十分開胃！伴上提子一起吃，甜甜地，好特別呢！combo小食拼盤即叫即炸，十分香脆，一咬下去卜卜聲！炸得剛剛好，不會有油膩感！泰式辣椒🌶️膏炒飯一上枱又可以聞到陣陣咸香味，十分惹味！大蝦十分彈牙，可見絕不馬虎！飯粒炒得乾身，加上辣椒碎增強了炒飯的層次感！鮮蝦炒金邊粉賣相十分吸睛，廚師真係落足心機，但同樣十分有實際！外層被金黃色的蛋漿煮成一個網狀！蛋漿網底便是主角了！用料十足，有大蝦、豆腐乾及芽菜等，同樣炒得乾身，沒有一點油在碟底，與辣粉及花生粒伴在一齊吃，更有香辣及口感！想不到在大埔也搵到高質泰菜，價錢十分實惠，廚師落足心機起菜式賣相，而且內涵同樣十足！絕對有誠意的泰菜！🙌🏼🙌🏼

呢間木船泰國菜真係可以稱得上是平靚正之選。餐廳比想像中大，但係都座無虛席，一踏入食飯時間，就已經全場爆滿。餐牌顯示的菜色有好多款，而且同一般泰式餐廳有唔同之處，無論飲品，以致簡單及普遍的菠蘿炒飯，都有其特色及別具風格之處。泰式木瓜沙律，清新、爽口，醬汁略帶酸甜，作為開胃菜，實至名歸！泰北生菜包，肉碎炒得乾濕合宜，香料配搭得恰到好處，辣味夠晒刺激，生菜經過修剪處理，又靚又新鮮，數量亦足夠包D肉碎，真係好好味！雜錯野菇炒金邊粉，用竹碟盛着啲金邊粉，夠晒特色，賣相好大碟，配料有好多，有菇菌、豆乾、芽菜、雞蛋、仲有雞肉，金邊粉炒得夠鬆散，唔會槳住一嚿嚿，配上泰式香料、花生碎，食落好香口，金邊粉亦都好有質感。鹹肉炒椰菜苗，平時比較少食，所以叫咗呢碟，椰菜苗好翠綠，食落略為偏硬，但係啲菜好新鮮，令人食得放心。兩杯飲品，一杯是粉紅色的迷人小象，同另一杯士多啤梨飲品，都調校得相當出色，飲品清新，不會太甜、太漏，而且在炎熱的天氣下，飲落令人覺得非常消暑。

今日入咗去大埔探姑媽，姑媽帶我到住所附近一間叫「木船」的泰國餐廳食午飯，這餐廳是她平日時常光顧的飯堂。食物好夠味道，價格相宜，食後先知姑媽點解會將「木船」成為她的飯堂，原來大埔都有很多驚喜的美食。餐廳環境裝修舒服又新穎。木船的招牌菜，肯定係呢碟海南雞飯。大大碟的海南雞飯，點埋啲秘製酸辣汁十分開胃。泰式海南雞飯$58，雞脾夠嫩滑再配用雞油煮成的薑黃飯，好有驚喜。豬脾飯$58，廚師用了秘製的醬汁醃製後再煮，非常夠味道。加$5有杯餐飲咸檸七，非常醒胃。

入咗去大埔探朋友，傍晚他帶我去到一間「木船」Wooden Boat食泰國菜。雖然地方不是太大，裝修設計好舒服，每枱都已經坐滿了的客人，泰國餐廳到處都是，點解可以吸引到這麼多的人光顧。 Why was it?餐廳地方雖然不大，但上菜夠快夠熱，所以等位都是值得。 泰式小食選擇多午市套餐都相當便宜又多選擇，係一眾街坊的首選。辣椒膏雞肉炒金邊粉$54，用辣椒膏混入雞肉再炒金邊粉，有少少辣都好惹味。餐廳未到午市時都已坐滿人。

本來就覺得唔算好食又份量少，不過都冇諗住要俾食評，點知翻到屋企全家開始肚柯，柯左兩日都未好，點到要上黎講俾其他人知😡當日叫左生蝦，泰式金邊粉，小食拼盤(大)，泰國河粉，軟殼蟹米紙卷，豬頸肉沙律生蝦唔算新鮮，懷疑就係食到肚柯嘅沿頭，全家人平時都成日食刺生，生蝦，生蠔等生冷野，一直都冇事，今次食完居然柯到七彩，當日食完d蝦我發現個杯底有一大堆唔知咩水，十分唔衛生。泰式金邊粉，味道唔夠。大拼盤，呢個大拼盤真係夠曬大，一家四口都唔夠食，每樣野得2,3舊，咁都叫大拼盤咁細嘅係咪每樣得一啖？米紙卷，不過不失。豬頸肉沙律，d豬頸肉好硬，唔熱，好似煮好左一段時間咁。呢個價錢加上呢個味道，一d都唔值得，區內大把好食過佢又經濟嘅泰國菜，最重要係唔會食到肚柯