木船 (Closed)

依一日我哋兩人嚟食呢間在太和嘅泰國餐廳。店嘅裝修都幾靚，我地七點左右入去嘅時候個天仲有少少光，店內望出門外感覺舒服。首先嚟咗頭盤嘅青木瓜沙律，因為我哋怕辣所以請咗店員幫我地點好小辣。木瓜好清新爽脆，配上清甜嘅紅提子同埋花生，仲有青檸檬汁及酸辣汁，好涼快同埋開胃。跟住我哋仲叫咗有小食拼盤，上枱嘅時候啱啱炸起熱辣辣，有炸春卷、魚餅、蔗蝦等等不同小食，配合埋酸甜醬，我哋雖然兩個人但可以有唔同款式食物試到。之後到我哋嘅主食海鮮焗飯！上枱嘅時候我好有驚喜，佢好有心思咁樣分開焗飯同埋椰青水。椰青水係直接飲嘅，好清甜。 焗飯佢真係做到爆漿嘅感覺，面頭加咗濃椰漿，多到流出來。裏面嘅炒飯底都好有椰香味，就咁食飯都好好食。而海鮮有青口、大蝦、帶子等等，好足料。我哋食列椰青肉都用鐵匙羹「不」埋出嚟食。我哋兩個人叫嘅嘢飲都好有特色。依杯乳酪沙冰好好飲，入邊仲有新鮮嘅藍莓。呢杯朱古力飲品裏有朱古力百力支、oreo、同埋Kitkat。雖然浸在朱古力飲品裏面，但係食落口都好脆。依餐嘅食物都唔錯，食得好開心。非常之飽！😊 絕對值得下次同多d朋友再來

大埔太和早餐之選 餐廳主要泰國菜為主 有早 午 晚餐 我比較多光顧距既早餐 除左常餐 包餐外 仲有泰式粉麵可以簡 店舖裝潢同坐位都舒服 而且有足夠服務員 點餐到上餐時間都快 （星期六、日 早上9點後都會比較多人 要等位）頑固既我 每次都會簡豬肉丸魚旦 配 金邊粉湯底濃味外 金邊粉好幼身 亦都好索到湯味 份量都足 更鐘意係距會另配炸既小食（附圖）好香口 （鐘意食辣既您 可以叫店員提供泰式調味架）天氣熱辣辣 再配杯凍飲 爽呀 每次食完呢個早餐 飽到lunch都唔洗食 多謝$43

就黎周末就同朋友黎搵下食，揀左泰國餐廳，呢到地方細細但環境幾靚，最重要係冷氣夠凍！menu好多食物飲品款式選擇，最搞笑係第一版有教泰文，職員服務態度好好，遠距離見到我朋友跌左張紙巾係地下就就主動比過張新既佢，我地完全冇出過聲，好細心。青木瓜沙律做頭盤，酸甜辣全部集於一啖，好醒胃，第二係小食拼盤有4款小食，全部都好夠味同夠脆，特別中意同推介春卷！菠蘿炒飯係重點，外面夠打卡，裏面份量夠曬足滿一個菠蘿，2隻虎蝦都好大隻蝦肉彈牙，炒飯有提子乾，雞肉，菠蘿等好多配料，混埋肉鬆一齊食更香口，大大串燒菠蘿千其唔好以為係擺設，係食得架！仲要大大舊好甜！最後兩個飲品都係best choice, 多啲莓係沙冰溝乳酪，夠creamy而且莓味好香濃，朋友叫泰公主，味道較fresh因為有蘋果草莓同青檸，2杯都好好飲！

食過很多泰國菜，但這間木船真算是高水準，點任何一樣食物都不會令人失望！店入裝修就像店名一樣，是一守木船，掛滿了圓形鏡子模仿船內的窗，很有特色。這晚和朋友來到，先點一個青木瓜沙律，裏面加了葡萄，小蕃茄，吃下去甜甜酸酸的，還有腰果和花生，為清爽的青木瓜加上了脆脆口感，更添層次。另外又點了小食拼盆（小），左上的是炸蝦餅，蝦肉幾甜，外皮很脆，還有春圈，是超脆的！另外魚餅也很好吃😋飯類就點了這個溶岩椰青海鮮焗飯，真的是超多椰汁，像溶岩一樣😆👍🏻很夠餸飯吃！上面有蝦，帶子，青口各兩隻，很足料很大隻！椰汁很香濃，炒飯底，整體味道配合得非常好！椰子内的椰汁廚師用杯子放著，讓客人可以飲👍🏻可以把椰子肉挖出來配飯吃，超香濃喔！飲品點了朱古力巨人和爆脆芒果園，超大杯，很足了，很濃果味，推薦👍🏻整體是很好吃😋會再來

欣女聽講呢間泰國餐廳野食都好靓，味道又好，特登過黎朝聖。估唔到太和有間好靓既泰國餐廳。入到去就見到架木船，周圍都裝修得好靓好精緻。木瓜沙律。看似普通既沙律。第一口已經充滿開胃既味道。木瓜切絲口感好爽口。有蘿蔔絲，口感更甜。辣椒好開胃，酸酸甜甜既汁，沙律既味道調得啱啱好。好開胃既頭盤。小食拼盤。拼盤有炸蝦餅，春捲等等。啱啱炸出黎。香噴噴，點點泰式酸辣醬。好開胃！好正宗既泰國野食。菠蘿炒飯終於黎啦。好霸氣呀！真係整個菠蘿隊過黎。擺設都好有心思。兩個新鮮大蝦，加埋菠蘿串係側邊。好夏天好泰國。炒飯好好味。除左有樣，內涵都有！呢個菠蘿炒飯真係入得廚房出得廳堂！側邊有肉鬆。炒飯有陣酸甜既菠蘿味，同肉鬆一齊食好好味。香茅特飲。好清新既飲品。清新既香茅味，同檸檬既酸味。飲完欣女覺得好爽。第一次飲香茅飲品。估唔到味道好好。夏日巴東海灘。椰青加菠蘿。飲左一啖，椰汁既香味濃郁咁滲入個口度。好濃好舒服。飲到椰青既清甜，加埋椰汁既濃郁香味。呢個係我飲過最好既飲品。整得真係啱啱好，perfect！

平時好少機會會入到大埔今日因為陪朋友買嘢 所以會係大埔食嘢我哋特登做過research見到呢間泰國餐廳感覺唔錯 所以就決定黎試試餐廳嘅環境幾舒適餐具檯櫈都算乾淨燈光裝飾都做得好別緻感覺上呢間餐廳係同朋友傾計嘅好地方menu上有好多嘢我哋都想試尤其係個菠蘿炒飯 好吸引丫我點左泰式奶茶 朋友點左椰青泰式奶茶個甜度好適中好香同好有茶味我試過之前喺其他餐廳飲嘅泰式奶茶係甜到飲唔落口....呢杯我覺得好啱我口味食物我哋點左青木瓜沙律小食拼盤菠蘿炒飯青木瓜沙律好新鮮 材料好爽脆 特別嘅係佢加左啲提子落去除左酸酸辣辣之外 仲帶點清甜嘅味道而小食拼盤入面我最喜愛嘅係網卷佢入面帶有好香嘅芋泥好脆身但又唔會好油膩朋友一見到個落蘿炒飯勁興奮係原隻嘅菠蘿仲有兩隻虎蝦菠蘿好清甜而且個炒飯底好乾身真的做得不錯 我覺得如果加多啲提子乾或者腰果就更香口更多層次今餐飯同朋友食得好開心如果下次有機會再黎我會想試佢個燒雞同炒河粉丫

已經唔係第一次嚟木船食泰國菜😋😋叫咗個串燒拼盤冬陰公同埋鳳爪沙律加兩個椰青 人均$200 兩個人👍🏻首先嚟咗個冬陰公湯 你會發現佢哋好足料有好多唔同種類嘅香草 所以不佢出嚟嘅時候記得格渣！😂😂入邊有兩隻大蝦 正正常常冇乜特別🦐但係佢哋有一個特色係冬陰公湯加入好多椰奶 如果鍾意比較酸果特出嚟冇咁多嘅話可能不太適合！但係我朋友就非常鍾意😂😂之後嚟咗個鳳爪沙律我哋兩個都覺得鳳爪嘅份量足夠兩人 可能人再多嘅話就每人得一兩舊咋而且配菜即係芹菜蘿蔔嗰啲就比較多！最後嘅串燒拼盤有雞牛豬同埋豬頸肉我自己比較欣賞佢嘅雞肉同埋豬頸肉另外個兩款肉都比較乾身 所以不太建議不過整體來講係大埔嘅泰國菜佢算比較出色

每一次食泰國菜，大家都會諗到九龍城，但住喺新界嘅朋友就有啲遠啦。我好耐之前已經聽過《木船》呢間餐廳因為有朋友經常去嗰度食，當咗佢飯堂。為咗驗證呢間餐廳係咪真係性價比超高！我就同男朋友去食，目標係要有小食、飯同野飲，睇下係咪真係好食又抵食！！首先一入到去，餐廳嘅裝修真係好似一架船，坐嘅櫈都係木箱，好特別！食物嘅選擇都好多樣化，基本上所有著名嘅泰國菜佢都有提供，如果顧客唔係好食得辣，都可以選擇辣度。成個餐牌最吸睛一定係呢兩版，佢有教人點樣講泰文，令食客品嚐食物之餘仲會「長知識」！第一道嚟嘅餸係木瓜沙律，非常之入味，食得出木瓜係新鮮嘅，味道酸酸甜甜，辣度亦中等，唔食得辣嘅我覺得可接受；反而朋友非常之食得辣，佢就覺得唔夠喉啦！之後嚟嘅就係串燒，雞兩串、牛兩串！雞肉好嫩身！！本身唔係好鍾意食串燒，但係佢嘅醬汁為呢碟餸加咗分！其實兩個人食完木瓜沙律加埋兩串串燒，已經飽飽地。都見到個菠蘿炒飯，真係o左咀!!!係真係成個菠蘿！！我同朋友食之前都影咗幾張相，因為喺其他餐廳通常都唔會用一整個菠蘿去做呢碟餸！菠蘿炒飯嘅料非常足夠，有一隻大蝦，香料亦落足！最重要係菠蘿係新鮮，所以啲飯係吸左菠蘿嘅鮮味！！呢間餐

1) 鮮蝦炒金邊粉 ℍ𝕂$𝟠𝟠雖然賣相沒有圖片那麼漂亮，但味道還是不錯的而且份量也算多，而且蝦很彈牙，所以可以一試的.2) 公車諗霸 ℍ𝕂$𝟟𝟠其實是生蝦刺身來的😂😂這個不過不失吧🤪.3) 招牌菠蘿🍍炒飯配虎蝦🍤 ℍ𝕂$𝟙𝟝𝟠這個真的是必點呀!!小pop看餐牌時一看到這個已決定要點這個呢，很搶眼😂😂不過當然，除了搶眼之外，味道還是不錯 小pop才會推薦呢菠蘿🍍很甜，虎蝦很大隻🍤，也開了邊，比較方便食用，蝦也彈牙的不過飯少了一點，可以多一些便好了🤪.4) 泰北沙律串燒拼盤 ℍ𝕂$ 𝟙𝟚𝟠拼盤有2串豬肉，2串雞肉，2串牛肉和1份豬頸肉小pop只可以說，全部都很好食🤣這道菜也是小pop推薦的.5) 唔係炒既街頭泰北生菜包 ℍ𝕂$ 𝟟𝟚肉碎炒得很香，很惹味，不過唯一要留意的是，生菜包真的很辣😖.6) 青芒俠大戰翠兒雞 ℍ𝕂$ 𝟙𝟛𝟠雞炸得很脆，但炸雞仍然十分juicy😋而且很滑青芒果可沾砂糖吃，不錯薯角也炸得很脆.7) 馬拉盞炒椰菜苗 ℍ𝕂$ 𝟟𝟠有蝦米仔，份量也很多少少辣，很開胃.8) 脆爆芒果園 ℍ𝕂$ 𝟝𝟠很大杯的，是2個人的份量喔芒果沙冰打得很幼滑，沙冰入面還有芒果糯米糍呢表面又有cr

好彩今日早左放工，7點都未夠，都差不多滿座.....間餐廳裝修唔錯，牆上面嘅Gravity我幾鍾意，仲有中間位置個裝飾船望埋去真係好似隻木船咁～招牌菠蘿炒飯配虎蝦 - 個樣勁靚，整到同個Menu一模一樣，仲好足料。兩隻虎蝦同埋果串燒菠蘿燒得好香甜。個炒飯夠乾身，啲料多到.....雞肉、肉鬆、提子乾、菠蘿肉，勁豐富味道仲有蛋香嘅甜味，正！青木瓜沙律 - 除咗青木瓜絲、花生同埋紅蘿蔔絲，佢仲加咗腰果、車厘茄同新鮮紅提子，沙律當堂豐富同fresh過平時街食嘅好多。小食拼盤 - 因爲貪心，想試多幾款小食，果然無揀錯，每款都好好食呀，魚餅同炸芋頭春卷必吃。仲有，呢度嘅青檸梳打同泰式奶茶，堅有誠意。梳打水呢度用返泰國皇室都指定飲嘅Singha，唔係通街都用嘅7喜。泰式奶茶絕對飲得出用嘅係泰國紅茶，甜度適中。難得有咁誠意又好味嘅泰國嘢，仲可以坐得舒舒服服，絕對可以encore。

平時經過看到這間餐廳晚晚都滿座，今次特意來試試。餐廳以船作主題，食客像坐在船身內，非常有趣，適合一家大細來吃飯。椰子飯非常出色，飯旁有一杯椰子水，是從包著飯的那個椰子取出，椰子水味道清新香甜，沒有酸味和苦味，只得一杯唔夠喉。飯的材料有海鮮，用芝士焗過，海鮮料高級，帶子青口都有，份量很多，超值。海鮮熟度剛好，不會焗太乾，加上芝士吃令味道香濃豐富。椰子內的飯裝得很滿，飯帶有淡淡椰子的香甜味，愈食愈開胃，100分。串燒點了雞和豬肉，肉質都很軟稔，保留了肉汁。沙嗲醬是自家製的，花生味很香，味道偏甜，不辣容易入口。木瓜沙律大大碟，木瓜絲爽口沒有渣，小蕃茄多汁又新鮮，特別喜歡沙律的花生，非常香脆，感覺似剛剛炸起，好好味。

因為生日飯，所以一早打去book位，準時到達後唔駛一陣就可以入去。一入到去，眼睛「嘩」左出黎，餐廳佈置好有心思，有一半坐位設計成木船，可以忘卻自己置身於煩囂之中。青咖喱軟殼蟹喱個好好味，咖喱再配埋薄餅 簡直一流冬蔭公湯味道濃，佢入面有好多泰式香料 如果唔中意香料既人就唔適合，辣辣酸酸咁，唔錯架牛油果蝦沙律牛油果本身已經多人喜愛，而佢沙律菜再配上醋，又一個酸酸甜甜既開胃菜，喜愛泰式生菜肉碎包喱個都係有泰式香草，味道都頗濃，而家好辣下，可能落左辣椒籽。蒜蓉包蒜蓉包係散叫既，配咖喱真係一流皇牌椰漿飯佢將個椰子水倒出黎，可以就咁飲椰漿飯味道香濃，又多配料，而家賣相亦吸引，值得一試，入面仲有啲椰肉可以最後食菠蘿飯菠蘿飯較為普通，但又一吸晴之選菠蘿椰子冰一開頭飲菠蘿味佔左主要味蕾，但之後椰子做番主角，帶黎不同味蕾既享受芒果四重集芒果糯米糍、爆谷、芒果、芒果冰於一身，小朋友見到都忍唔住要偷食

同家住太和邨嘅老友到太和廣場shopping之後，喺附近嘅木船泰國菜開餐。隔著玻璃由街外向餐廳內望，一個個小燈泡燈光柔和，感覺好浪漫。步入餐廳，室內色彩艷麗，光線充足，空間感大而舒適。最特別是採用粗麻纜作裝飾，加上一個個水桶形嘅櫈，木做地板，感覺似上了一艘木船。打開厚厚嘅餐牌，圖片顏色鮮豔 。酸嘅、甜嘅、辣嘅、凍嘅、熱嘅選擇性非常高，見到圖片已令人垂涎三尺，感覺胃口大開！📌青木瓜沙律先來個沙律清清味蕾。沙律簡單易做，好唔好食已經表現出餐廳嘅水準。呢個沙律份量十足，木瓜同甘筍清爽脆口，加上車厘茄、提子、腰果、青檸檬，混著酸酸辣辣的醬汁，令整道沙律清新香辣又醒胃，水準之作！📌泰北沙嗲雞串x2豬串x2雞串燒同豬串燒都燒到外焦香內軟嫩滑，沾上惹味醬汁，令人一串接一串吃不停。又或是用脆嫩生菜包裹著一齊食，是另一番風味！📌招牌菠蘿炒飯配虎蝦用新鮮菠蘿盛裝著炒飯，以兩隻大蝦加一串菠蘿塊作裝飾，旁邊放上豬肉鬆，造型美觀，相機先食。酥炸大蝦彈牙爽口，菠蘿串香甜汁多肉厚，炒飯粒粒分明，每一口都充滿菠蘿甜蜜微酸味同黃薑甘香味，清新不膩。📌 脆爆芒果園炎炎夏日，來杯脆爆芒果園，大大杯一次過滿足多種芒味:芒果布

唔駛去泰國都食到好味既Thai food🥘 ，木船只係離太和站幾分鐘路程。餐廳內無論佈置同食物都充滿着濃濃嘅泰國味道。除左泰國金邊粉係必食之外，熔岩椰青海鮮焗飯都好特別，因為佢係用一個完整嘅椰青焗出嚟。椰子水就預先倒左出黎留俾你飲，而意想唔到既係入面既椰子肉都可以食到！第一次食焗完之後既椰子肉，焗過所以好易刮到，人口軟冧冧好似滑溜溜既魷魚，但係一啲都唔韌！🥥😍🤤值得一提既係軟殼蟹米紙卷，好大嚿軟殼蟹搭上香甜芒果，特別開胃!🦀————————————————————

放左工想搵個靜靜地既地方同朋友傾下計、食下飯。因為我既朋友好鍾意食泰國野，於是揀左間泰國餐廳同佢去試下。一入到，就真係好似上左一架木船一樣，但係一架好有情調既高級木船。佢既裝修都係以木船為藍本，地下係木造既地板，牆上裝左好多圓形既小窗。有些櫈就好似係船上面一個一個既水桶。非常欣賞佢既設計。食物既質素都好高！同朋友叫左個青木瓜沙律（$62）、招牌菠蘿炒飯配虎蝦（$158）、串燒4串（$60）、2熱香茅特飲（$28）及脆爆芒果園（$58）。青木瓜沙律 $62因為本人唔係好食得辣，所以食青木瓜沙律覺得有少少辣，但係可以接受。而佢同係出面食到既青木瓜沙律比起黎，會清新d，因為佢加左提子，提子既味道令到沙律昇華左，同埋得好欣賞佢唔太酸，做前菜真係好開胃。招牌菠蘿炒飯 $158我好欣賞佢既招牌菠蘿炒飯，佢係用新鮮菠蘿炒，好多時用新鮮菠蘿炒飯好易出水，但佢唔會太濕。佢非常之足料，每一淡都係到菠蘿，一咬落去，菠蘿係咀入面爆開，超多汁。 再加上佢好細心咁將多餘既菠蘿做左燒菠蘿串。真係一個炒飯2種享受。脆爆芒果園 $58冇甜品，又點算完整既一餐飯呢。於是叫左杯脆爆芒果園。佢可以係飲品又可以係甜品。佢下層係