木船 (Closed)

平時經過大埔都見到呢間泰國菜，但因為星期六日都大排長龍嘅關係都無機會試，今次特意提早book位去試下！.⚜️泰式鳳爪沙律 ($68)⚜️.每次食泰國菜都必叫嘅沙律，當然今次都唔例外！沙律辣度適中，鳳爪酸酸辣辣非常開胃，仲配上大量嘅洋蔥同芹菜，足夠3-4人嘅份量！.⚜️Combo 小食拼盤(小) ($52)⚜️.平時出面嘅小食拼盤多數都係四人份量，今次呢度兩人份量嘅小食拼盤當然要試一試，分別有魚餅，雞卷，庶蝦同埋春卷，炸得完全唔肥膩，再配上我最喜愛嘅泰式辣醬，抵食之選！.⚜️酸辣明爐烏頭 ($138)⚜️.明爐烏頭分咗冬陰公同酸辣湯底，因為我倆唔食得太辣嘅緣故，店員建議我哋試吓酸辣湯底，一上菜嘅時候大量嘅秀珍菇以及其他配料覆蓋整條魚，魚同配料完全慘透酸辣湯嘅味道，而且唔會太辣，鍾意辣嘅朋友可以試吓冬陰公湯底！.鮮蝦炒金邊粉 ($88).Pad Thai 價錢雖然比出面貴，但絕對配得上呢個價錢！佢地嘅金邊粉加了一層蛋絲，然後將辣粉，炸蒜，芽菜，青檸分佈喺個碟嘅唔同嘅位置上，比客人自行配搭配料嘅份量非常貼心！金邊粉食落唔會太乾或者太濕，仲配上四隻大蝦🍤！鐘意食pad Thai 嘅一定唔可以錯過！.⚜️脆爆

放假梗係同一班朋友出去食飯啊渣車去到大埔朋友介紹呢間係大埔最出名嘅泰國菜真係要試吓啦點左個大蝦菠蘿炒飯真係不得了個大蝦真係燒得好正不過個燒菠蘿就一般般， 口感唔覺得好有燒烤味炒飯都算有水準加埋啲肉鬆好正跟住食咗個青咖喱雞薄餅賣相不錯但係雞份量就比較小軟殼蟹米卷食落口其實覺得一半半普通菜式軟殼蟹有點淋跟住幾個芒果爆脆飲落口好似芒果布甸嘅味道爆谷正呀好吸引，佢上面仲有個芒果糯米糍大蝦醬嘅蒜蓉包都唔錯🥰🥰🥰🥰評分80分

今日去左食泰國菜，2個人食叫左牛雞串燒，溶岩椰青海鮮焗飯，泰式海鮮粉絲沙律，野飲就叫左香茅特飲，泰茶。第一樣黎到嘅係2杯野飲，香茅特飲，好重香茅味，味道重，但十分清新，配泰國菜可以解下油膩感。泰茶我係第一次見，配鮮忌廉，偏愛茶味嘅我都可以接受佢嘅甜味，而且有好獨特嘅茶香，絕對可以一試!。野食方面，泰式海鮮粉絲沙律帶少少酸辣，幾開胃，有蝦，青口等等嘅海鮮，海鮮爽口，清甜，成個沙律嘅組合好清新。溶岩椰青海鮮焗飯味道一流，本身隻白汁已經好香椰味，焗飯夠濕，擺左一陣仲保持到溫度，海鮮一樣質素唔錯，冇腥或者好韌，食完仲可以食埋D椰肉，夠鮮甜。椰青水仲會同焗飯一齊上。串燒燒得均勻，牛串燒唔韌，沙嗲雞串燒夠入味！配泰式甜醬都好夾。

收早入黎大埔搵女友食晚飯，見天氣咁熱就不其然諗起泰國，咁就搵間泰國野食啦。其實呢間木船都經過幾次，但次次都好多人等位，估唔到今日平日都坐滿晒，不過都唔洗等好耐就入得。叫得做木船，餐廳用上好多木材做裝飾，加埋頭頂既燈泡，裝修到真係成架船既內籠咁，非常有氣氛。野食未黎之前，可以睇陣menu學泰文，讀出黎真係好搞笑 。落左單等一陣食物就到啦。首先係前菜，開胃既青木瓜沙律，大大碗，夠三人份量。青木瓜絲爽脆 ，青檸魚露醬汁酸甜醒胃，仲有提子腰果等等配料提昇口感。第二道上既係小食拼盤，有蔗蝦，絲網春捲，魚餅，炸魚卷各兩件，性價比超高！全部熱辣辣新鮮炸起，春捲香脆，蔗蝦夠彈牙， 點埋個泰式酸辣醬，真係食唔停口！食左沙律同小食其實都飽飽地，所以當個菠蘿炒飯配虎蝦上臺既時候，大大個裝滿飯既菠蘿，大大串燒菠蘿，大大隻既虎蝦，真係擔心食唔晒。炒飯配埋雞肉菠蘿提子乾肉鬆，唔覺唔覺又食左幾碗。虎蝦有兩隻，已開邊好易剝，啖啖肉。建議唔好點d醬，咁先可以食到蝦既鮮味。仲有串燒菠蘿做飯後果，鮮甜多汁。飲品叫左杯“多d乳酪多d多d莓” 同一個椰青。乳酪個杯好有特色， 飲得出好足料，酸酸地幾解滯。椰青就清甜，仲可以刮埋d

大埔有間泰國餐廳幾好味。吸引之處：1. 餐廳休閒既主題令人一入去就有放鬆既感覺。好夏天泰國既情調。2. 值得一提既係服務員態度好好，好有笑容。3. 夏日巴東海灘。杯野飲同名一樣。陽光同海灘，好relax。椰子入邊有濃郁的椰汁同菠蘿汁。好香又甜既冰沙。好好飲又有創意既飲品。4. 脆爆芒果園。印象好深刻既飲品。因為上邊有好靓既糖漿爆谷。忌廉同芒果汁質感好滑。飲到一半先發現入邊有個芒果糯米糍雪糕。創意無限又好飲。5. 溶岩椰青海鮮焗飯。好似溶岩咁，香噴噴既椰汁流左出黎。入邊係濃郁椰子香既炒飯。海鮮有大蝦，帶子，青口等等。海鮮新鮮。炒飯亦炒得香。係椰子入邊焗過既飯特別香椰子味。越食越好味。6. 青木瓜沙律。青木瓜口感彈牙又豐富。酸酸辣辣既味道，花生同腰豆既堅果香味。整得真係完美。同泰國食既一樣。食材好靓，新鮮又有提子增加香味！7. 小食拼盤。好多泰國傳統炸物。點泰國酸辣醬食認真過癮。整體黎講，間餐廳既野食好味。食材都係高質同新鮮。價錢又公道。食物整得靓靓仔仔，影相又高汁。係大埔係好好好好味既泰國餐廳。

📍大埔📍珍寶級💣‼️菠蘿炒飯🍍超惹味沙嗲串燒拼盤🍢之前每次嚟都係食晚飯，今次係第一次食lunch😹原來lunch係無得叫沙冰個啲，只可以叫椰青/泰式奶茶🥤唯有叫杯泰式奶茶try try😏前菜叫咗個泰式鳳爪沙律🥗啲鳳爪好爽脆🤣而且酸酸辣辣好開胃😍份量都幾多下❤️------------------------------之後仲有個沙嗲串燒拼盤🍢有雞牛豬各兩串同豬頸肉🐷呢個真心幾抵食，每樣都有啲😆而且燒得幾靚，尤其係豬頸肉🐖燒得啱啱好，嗰邊位有啲燶燶哋，咁先係最好食😝好鬼正‼️------------------------------重頭戲‼️‼️珍寶級💣菠蘿炒飯🍍上枱嘅時候，有啲嚇親🙈咁巨型嘅⁉️有條特大新鮮菠蘿串插係上面🤣好有霸氣喎😏仲有兩隻大蝦🍤啲菠蘿都好鮮甜多汁🤓份量夠曬幾個人開心Share😎唔怪得夜晚個陣咁多人叫呢個😹------------------------------最後飲埋杯泰式奶茶配鮮忌廉🥤賣相幾靚😆奶茶上面舖滿一層好厚忌廉🤤奶味好濃🍼好好飲💕

朋友住太和，第一次過黎，朋友帶我去佢屋企附近既”木船”食泰國菜。裝修真係好似一隻木船甘。地方都乾淨闊落。青木瓜沙律去食泰國菜必食既。份量都算幾多，酸酸鹹鹹，好微既辣，啱晒香港人既口味小食拼盤(小)兩個人叫個小既拼盤就好夠，有四款，每人一樣，份量啱啱好，仲有空間食到其他嘢溶岩椰青海鮮焗飯真係好好食。大椰青隔離仲有杯椰青水，好清甜。焗飯有炒過，粒粒分明，滿滿既椰子香味，口感一流，又有好多椰子，上面仲鋪左海鮮，如青口，帶子，蝦。多重口味夏日芭東海灘(菠椰)菠蘿同椰子兩溝，好味好正，夠晒清甜泰式奶茶每次去曼谷必飲，香港第一次飲得番。無失望，好好飲。茶底更濃，上面加埋cream，更滑。

經過太和見到呢間餐廳門口裝修幾有特色於是就入去試下 餐廳裝修幾靚 真係好有木船既感覺 前菜點左青木瓜沙律 口感唔錯 酸酸辣辣 夠晒開胃不過對於兩個人既前菜就有啲多 未必食得晒啊再黎就係小食拼盤 最好食係炸春卷 配埋甜酸醬 好食！ 佢每樣有兩個架 食到一半先記得影 價錢都唔算貴 推介大家黎食下 炒飯點左串燒炒飯 一次過可以試串燒同埋炒飯串燒好香好夠味見到佢既菠蘿炒飯都好吸引架下次黎可以試下呢間餐廳有幾種魚可以選擇 我地就試左冬陰功 條魚上枱果時有火爐係下面燒住 保證熱辣辣冬陰功好夠味 唔算好辣 魚都好滑 唔錯叫左菠椰黎飲 呢個係椰汁沙冰 加埋菠蘿好有夏日感覺 另外泰奶都係好飲 唔會好甜 又好有泰國風味最尾埋單$400幾蚊 食到好飽 下次想食泰國野會再黎！

今日入咗大埔行吓，上網見到呢間餐廳好多人讚好食，不過服務就麻麻甚至負評，但心諗好多好食嘅餐廳員工都好有性格，照試咗先啦。食物的而且確好食，生蝦夠新鮮彈牙，生菜包味道好份量夠，特飲亦唔錯。基本上同喺九龍城食泰國菜差唔多水準，甚至比部份更加好。以我眼觀嘅服務質素係出奇地好，侍應們做嘢爽手、有效率夠團結，禮貌亦不錯。咁我就好好奇啦，最後喺埋單時忍唔住問待應妹妹。我：網上食評話你哋服務質素麻麻喎，但我睇咗成餐飯唔覺得差，仲幾好添。跟住侍應妹妹搭咗個我無諗過嘅答案。「我哋係夜班。」果然一竹篙不可打一船人，間店名仲要咁橋叫木船添🤣🤣最後臨走時我影咗兩張店內嘅相，侍應妹妹見到走來同我講係咪同佢地寫好評啊，然後微笑躹左一個30度嘅躬。因為呢個發自內心和誠意嘅躹躬，就引發了我的第一篇食評。

平日lunch 黎到木船～點解叫木船因為餐廳以木船黎做主題，都幾有心思💕💕叫左個豬脾飯～～黎到見到個飯真係超大...毫不猶豫咁分左一半俾同事🤣🤣🤣相信一般男人黎食都應該夠飽！！當然豬脾既份量都正常～同好食！唯一我覺得係 個飯可以有個汁..因為好似有啲dry 食白飯 (純屬個人喜好）

呢間餐廳嘅裝修貫徹木船主題。店內裝修就係一架大木船，牆身、門口全部都係木板舖砌。門口右邊有木造嘅船位，天花吊飾有纜繩、船燈等等。兩旁有圓形鏡模仿船嘅窗口，加上色彩繽紛嘅噴畫，見到心情都好d～食物飲品造型設計都幾靚十分吸引眼球，味道唔錯。青木瓜沙律 $62沙律都幾大兜，味道係泰式酸辣汁個味，食落有蒜、酸、辣、甜四種味道混合，同生蝦點嗰個汁味道接近。沙律入面有車厘茄、提子仔、青木瓜、紅蘿蔔絲、腰果、花生等等。一開始食覺得沙律清甜清爽，食到下面就越嚟越辣，蒜味都變得濃郁幾過癮，一個沙律食到唔同感覺幾得意。Combo 小食拼盤（細）$52小食拼盤有蔗蝦、春卷、泰式魚蛋同泰式魚餅。呢個菜cp值高！醬汁味道偏甜，個人最鍾意個蔗蝦，熱辣辣，香脆彈牙，食落口仲有淡淡蔗汁香甜味。另外魚餅都好特別，質感好軟。春捲香脆、魚蛋質感係屬於比較鬆散嗰種。招牌菠蘿炒飯配虎蝦 $158第一次見菠蘿炒飯擺得咁靚☺️有兩隻大大嘅虎蝦，炸得香脆，蝦肉結實彈牙。仲有一串又甜又多汁嘅菠蘿。下面有肉鬆同紅色嘅泰式辣醬，甜甜辣辣有蒜味。炒飯飯粒分明唔會太濕，有炒蛋、雞肉、提子乾、菠蘿肉等等配料，鹹甜適中，味道不俗。脆爆芒果園 $58

好耐冇食過泰國野，就同friend黎左呢間木船食飯。呢間餐廳環境好靚，用木黎佈置，襯番木船個名。一開始叫左個青木瓜沙律，味道酸酸甜甜咁，十分開胃。份量都好多，應該夠3個人以上食。跟住叫左個串燒雞柳泰炒飯。呢到嘅炒飯真係好好食，炒飯好香，鹹淡適中入面仲有啲類似豬肉乾嘅肉粒。而雞柳串都好香，仲有沙嗲汁可以點黎食。最後就叫左個酸辣明爐烏頭。雖然叫酸辣，但其實唔係好辣，只有少少辣味，岩晒我呢啲唔係好食得辣嘅人。個湯汁都係酸酸地，好易入口。入面仲有磨菇點綴。而烏頭方面，烏頭肉質鮮甜，魚肉都好多，又唔會好多骨，值得一試。我地都叫左兩杯野飲，一杯係鮮柚子沙冰，另一杯就係叫泰公主。鮮柚子沙冰有好多新鮮柚子果肉，飲品幾甜，唔會好酸。而泰公主就會較酸，入面都有士多啤梨果肉

呢日同個朋友大埔一日遊，去完火車博物館影相，就去咗呢間cafe 請佢食個生日飯。🎂入到去見到個裝修好有心思，色彩豐富燈光溫暖，好有Bangkok 餐廳feel，氣氛都幾適合傾謁聚會。Menu 上選擇都幾多，佢由傳統泰菜到新派少少既都有，抵讚！一打開個menu 就俾佢既特飲吸引咗，朋友要咗個夏日巴東海灘，試咗佢一啖，原來係椰子沙冰，呢個係出面真係少見！而我就要咗杯脆爆芒果園，佢外表靚之餘仲要幾好飲，好creamy同好濃芒果味🥭。最驚喜係佢入面仲有粒芒果雪米滋。Starter 方面我地要咗Combo 小食拼盤 同 泰式雞腳。 小食拼盤有四款泰式小食。呢個泰式雞腳份量好多，有湯碗咁大。仲要佢啲菜都好新鮮，加上酸酸辣辣既汁，十分開胃。呢個炒金邊粉煮得好，個粉煮得啱啱好，食落有口感，仲要啲醬汁包住啲金邊粉，辣辣地好好食好香口。呢個爐烏頭我地要咗少辣，佢一路heat住，啲魚吸咗啲酸辣湯汁好好食，仲有菇呀其他配菜都係好吸湯，正！

今日同朋友嚟到食午餐，之前都係食過晚餐，午餐就未食過。午餐餐牌都幾抵食，平均都係 $50 左右，而且重可以以優惠價加配小食 (加第一樣 $10，加第二樣 $18)。最後叫了青咖哩雞飯、泰式春卷、泰式鳳爪、生蝦刺身、軟殼蟹米紙卷、頂隱勾魂泰茶。青咖哩雞飯 ($52) : 睇個賣相好似好辣，但其實一啲都唔辣，而且青咖哩汁食落有好滑同好香濃既椰香味。泰式春卷 ($18) 同泰式鳳爪 ($10) : 自己本身不食鳳爪，不過朋友話份量真係好多，而且味道不錯，如果以加錢配既小食黎講，呢兩樣算幾抵。生蝦刺身 ($48) : 呢個生蝦刺身有別於出面其他地方，因為每隻蝦既 Size 都有牡丹蝦咁上下大，而且食落口蝦肉彈牙無雪味。軟殼蟹米紙卷 ($78) : 呢個就普普通通，有好多菜係裹面，軟殼蟹同菜既比例都成正比。頂隱勾魂泰茶 (配鮮忌廉) ($32) : 本身今次係為左杯脆爆芒果園嚟，可惜原來特飲要下午 5 時後才供應，真係美中不足。

看得出餐廳設計花了點心思，木枱、船身、吊燈 都好像置身於船上晚餐，有特式喔！心思也花在餐牌上，教埋你泰文⋯Combo小食拼盆（小）$52先來的是小食拼盤，啱啱炸好上桌，一定係最好食，蝦餅、魚餅、春卷、墨魚每款都炸得香口！每種都各有特式，春卷外皮酥脆，配上泰式辣醬！非常不錯！為呢晚飯局掀開序幕⋯冬蔭功明爐烏頭 $138喜歡冬蔭公嘅朋友，呢道餸正正子呀！有烏頭有菇仲有濃濃鮮甜嘅冬陰公，口感豐富！烏頭好有份量，大大條啖啖肉，抵食！串燒雞柳泰炒飯 $78一次過滿足到食炒飯串燒兩個願望，串燒剛剛燒好熱辣辣加上沙嗲汁好滋味；泰式炒飯也不錯！生菜包$72成棵菜上，夠哂新鮮喎；木船只供應豬肉，半肥瘦，甜甜辣辣的，頭幾啖覺得配料鑊氣都ok，唔知點解愈食愈覺得太甜了，糖太多，個人偏好：屬於咸食嘅東東都不宜過甜，喧賓奪主。。公車生蝦刺身 $78原來泰文叫公車諗霸，蝦食落算爽但唔太新鮮，生蝦汁略少。。。夏日芭東海灘（菠蘿）$58椰青裡面係椰子沙冰，椰子味濃郁，如果用新鮮菠蘿裝飾會更吸引！脆爆芒果園 $58果然係king size! 底層有布甸，入面滿滿嘅乳酸沙冰，面層cream上面有popcorn 仲要有粒