木船 (Closed)

我同老公又係大埔搵食，見到呢間泰國餐廳都好多人排隊，於是就過去跟大隊可能因為我地係兩個人食，容易等位，我地等左大約半小時就入到去。我老公左一杯香矛特飲，都幾特別，有重重既香矛味。佢覺得好好飲。之後，叫左個黃咖哩雞，加配酥餅。呢款咖喱唔算辣，同埋好香，配上熱辣辣嘅酥餅，真係好好食。之後，叫左我最鍾意食既泰式金邊粉，呢個金邊粉有一層蛋絲網包住金邊粉，淨係個賣相都好已經好靚，味道又好。總結，呢間餐廳價錢相宜，而且食物味道不錯，會選擇下次再食。

每次行過木船都覺得佢裝修好特別，好有海盗feel。之前lunch食過一次船河覺得唔錯，今次同幾個fd再黎試多啲野😋除左船河，佢仲有好多沙律，特色小食，串燒同意粉揀添! 我地先叫左青木瓜沙律，原來都好大兜，有埋提子，腰果同櫻花蝦，好開胃！另外我地都叫左呢到嘅homemade墨魚粟米餅，小食拼盤同沙嗲串燒拼盤試下，墨魚餅同小食炸得好香口，唔油膩，但超邪惡呢😅 串燒啖啖肉，有雞肉，牛肉同豬，一次過滿足幾個願望😋主食方面，珍寶木船湯河好足料，果然係招牌👍🏻 有牛丸豬肉丸好爽口彈牙，仲有牛腩，魚旦，扎肉，雞絲，湯頭唔會太咸，食完唔口渴，可以再encore! 👍🏻👍🏻另外都試左溶岩椰青海鮮焗飯， 好香濃椰嘅椰漿加芝士一齊焗，飯有炒香，海鮮都足料，仲食到粒粒椰肉添！旁邊仲有杯椰青水可以飲。美中不足係可能個汁太濃，食食下有啲漏。野飲都好多選擇，我叫左個雜莓乳酪沙冰，唔會太甜，好fresh好開胃，剛好消下滯。試左朋友杯巧克力巨人，果然好大杯同好多朱古力配料😂 好香濃嘅朱古力，不過個人覺得較多cream，都係個沙冰啱我啲😋

是晚去咗太和一間泰國嘢食飯叫咗個青木瓜沙律，一上黎勁大兜，份量多到好似正餐咁，提子好清新又甜，仲有番茄仔同nuts，加埋一齊食好香口突然想食菠蘿炒飯，一上枱勁大個菠蘿，插着菠蘿串，兩隻大蝦🍤，啲菠蘿勁清甜新鮮，諗住入面既飯應該好少，點知勁大兜，入邊有啲提子乾，我就唔係好鍾意食，不過整體都OKCombo小食拼盤，蔗蝦同春卷好脆加埋個好似燒鵝嘅酸梅汁幾得別成晚最鍾意就係呢杯特飲個名叫多啲乳酪/多啲莓 真係好有莓味 酸味味好fresh好開胃😆👍🏼👍🏼菠蘿炒飯裏面～～🍍🍚朋友嗌咗雜莓乳酪特飲，我就嗌返杯夏日芭東海灘菠椰（即係菠蘿椰青）佢打咗啲碎冰落去 類似椰汁冰咁 好椰😋 成既嘅泰國菜水準都唔錯

今晚相約到朋友去太和一帶搵好野食，行到太和路近翠怡花園一帶時，見到有間食泰國菜的餐廳，它的門面有别於一般的泰國菜餐廳，看似沒什麼特别，但一開門進去便見到餐廳內裝飾得像在船艙內一樣，天花掛著一束大麻繩及設計特別的小燈，旁邊有很多面鏡，就像船艙內的窗口一樣，而餐廳的中間打單位置伸延出有張大枱像船頭一樣，內裡還可存放食具，真的打做得非常别具心思。 我們坐低後商議點了青木瓜沙律、Combo小食拼盤、溶岩椰青海鮮焗飯，還有兩杯飲品，我點了杯用新鮮草莓打製成的沙冰，他們叫泰公主，泰文叫帕差拉吉蒂雅帕，朋友就點了杯脆爆芒果園，睇著menu上的圖片已非常吸引，menu上第一、二頁還寫滿簡單的泰文，可給客人參考學習。 和朋友一邊聊天，很快我的飲品便出場了 泰公主沙冰，色澤紅紅的，當店員放抵它時已聞到很香的草莓味，飲落，嘩，草莓味濃郁，有別於出面飲到的沙冰。接著青木瓜沙律都來了，青木瓜非常有咬口，配埋酸酸味味的泰式醬汁加埋小紅提的清甜味道，整體非常之夾。到Combo小食拼盤及溶岩椰青海鮮焗飯都出場了，溶岩椰青海鮮焗飯用了個大椰青裝著，滿滿

不嬲都好中意食泰國菜，大埔有呢間泰國菜就好就腳，火車站行去唔駛10分鐘就到。本身餐廳既裝修就好有特式，真係好似上左架船咁，好有風味。食物方面，Menu選擇勁多，有地道泰國菜，有新派，見到個個都想試。沙爹串燒雞，牛，豬肉串每次食泰國菜必點，每款兩條，即叫即燒，熱辣辣，個人覺得牛肉最好味。栗米墨魚餅上菜時個樣其貌不揚，似一舊舊既炭咁，不過一食落去原來仲有花生，粟米，墨魚就打到好爽口，加埋花生口感，又炸到熱辣辣，好邪惡但又好好味。珍寶招牌木船湯河叫得招牌，一定有番咁上下，果然上菜時份量十足，入面有好多配料，有牛腩，扎肉，牛丸，雞肉等等，十分足料，最中意佢個湯，整得岩岩好，唔會好咸又或者好油膩。朱古力巨人果然好巨人，超！級！大！杯！而且仲有滿滿的orea碎同kitcat, 朱古力味好濃，食完豐富既晚餐再配埋呢杯飲品，覺得罪惡感十足！泰茶好有泰國風味，都係偏甜

已經好一段日子沒有去過食東南亞的餐廳，這晚夜住在大埔的朋友說發現了她住的大埔區有間新潮的泰國餐廳，於是就一齊去試試。餐廳沒有一般泰國的餐廳的裝潢，給人的感覺比較似一間西式的Café，而每一頁都是彩色印刷的餐牌，不禁讓人食指大動。很多的青木瓜絲配以小蕃茄、提子和花生製成的青木瓜沙律非常清新，爽脆的青木瓜配酸甜的沙律汁令人很開胃。來泰國餐廳一定會點的就是小食拼盤，這個拼盤包括了庶蝦、炸魚餅、春卷、和雞卷，庶蝦沒有吃到多餘的炸粉，一咬開就是蝦肉。溶岩椰青海鮮焗飯份量十足，餐廳用新鮮的椰青製作，旁邊放著一杯清甜的椰青水。焗飯面上放著解蝦和青口，焗飯的白汁充滿了白汁和芝士，令人驚喜的是，餐廳用了椰肉切粒混入飯裡面，有嚼勁之餘又減了滯膩感。一般去泰國餐廳都是飲青檸梳打、椰青、或是芒果沙冰，這間餐廳的餐飲選擇卻多到讓人有選擇困難症。我們最後點了人氣的熱爆芒果圈，杯裡裝了滿滿的芒果乳酪沙冰，上面鋪滿鮮忌廉和甜爆谷，罪惡感尤生，喝下去卻是很大的滿足感。比起一般的芒果沙冰，這杯混了乳酪和鮮忌廉，味道更為突出。這個表面是椰青，但其實它叫夏日芭東海灘菠椰，裡面是滿滿的椰汁沙冰，椰汁味十分香濃，甜而不膩。

朋友生日所以揀左黎依間航海主題嘅特式泰國小店喇一入去發覺入面佈置一如其名，成隻船咁有埋船窗，就連座位都用埋木桶，好特別又有心思！我地今日雖然係平日晚上，都要等左一陣位。依間野假期大排長龍嫁，所以假期要預多啲時間等位喇。一打開menu就俾啲特飲吸引左泰國巧克力巨人super size成堆cream仲有百力滋同kitkat條裝巧克力，好邪惡！大大杯飲極都飲唔完，好抵飲，如果甜度可以降少少就perfect 喇朋友叫左多啲莓，沙冰飲品有粒粒果肉，味道好真唔會係藥水味，仲有薄荷葉同blueberry 做裝飾。前菜叫左青木瓜沙律同埋小食拼盆，沙律帶啲辣味食落好惹味，至於小食拼盆有魚餅、蝦球、春卷幾款小食，配埋自製泰色辣醬好夾！最欣賞係溶岩椰青海鮮焗飯，成個椰青刮空左裝住滿滿嘅飯，仲有青口、帶子、鮮蝦好豐盛啊個醬調得好好味又唔會太濃，另外仲有一杯超甜椰青水附埋，抵到呢！

平時晚飯時間，必定門口會有十幾人排隊，難得今晚晏食飯，大約九點鐘入座，店內只有兩三枱客人。食物：燒豬頸肉沙律🥗，沙律汁的調味好好。馬拉盞炒椰菜苗，有蝦米仔🦐，好味新鮮，份量算多。冬陰公鮮蝦炒螺絲粉，味覺略為濃味，螺絲粉比較硬身。以為係炒乾身，但係都會有很多汁。比較辣。服務💁🏻‍♀️：侍應態度服務良好。環境：對於小店，餐枱算大，枱與枱之間的距離都算多。佈置用心，感覺好似置身喺木船上面。泊車🅿️：最近停車場係翠林閣停車場，步行到餐廳大約2-3分鐘。或者附近嘅咪錶位。總結：整體都好好味，鍾意重口味就會覺得好。

今晚同朋友黎到哩間泰國餐廳食晚餐，menu咁多選擇之中，最後叫左以下四樣配兩杯特飲～青木瓜沙律（$62）除咗青木瓜之外，仲有紅蘿蔔絲、洋蔥絲同小蕃茄，並用左青檸汁作為調味，食落冇沙律菜嘅草青味，酸酸甜甜非常開胃！Combo小食拼盆（小）（$52）有網紋春卷、泰式魚餅同蝦餅。特別要讚下網紋春卷，春卷外皮炸到好酥脆，食落都唔會太油膩，配埋泰式辣醬，非常好食！串燒雞柳泰炒飯（$78）串燒雞本身已經有用香料燒製，燒完雞肉依然滑嫩，配埋沙嗲醬，鹹甜俱備！而泰炒飯鑊氣十足，裏面配有洋蔥、蛋花、青豆同臘肉，仲有醬汁調味，單單食個飯已經好好食，配埋串燒雞更加滿足🤤👍🏻！冬蔭功明爐烏頭（$138）魚肉一啲都唔腥，而個冬陰公湯底做得非常出色，飲落去酸酸甜甜帶點微辣，令人一啖接一啖，推薦！脆爆芒果園（$58）呢個芒果乳酪沙冰，上層有厚厚的一層cream、芒果粒、popcorn 同芒果雪糕糯米糍等配料，睇落去賣相非常吸引！將cream同沙冰混合一齊飲，飲落似奶昔，非常好飲！夏日芭東海灘（菠椰）（$58）椰子裏邊係椰子沙冰，椰子味濃郁，飲完仲可以挖椰子肉落嚟食～

平時行經過都見到餐廳好多人排，今次終於搵一晚去試啦！泰式黎黎去去都係冬陰功、湯河同炸春卷咁，見佢個daily special有好多fusion 嘢，就試一試啦！睇睇menu先！愈睇愈肚餓😋所以兩個女仔食都要叫多啲先！先黎飲品清清個口，青檸梳打同新鮮椰青，個棷青好大個啊！不太甜，兩款嘢飲個味好清新，好配合食泰國菜，個梳打都好特別，比你逐少逐少咁加入去飲。青木瓜沙律，酸酸辣辣，好開胃啊！入面有加入炒香的腰果，另外又有切開的紅堤子，令個沙律帶少少香甜味道，但呢個沙律會愈食愈辣，飲一啖椰青就剛剛好了。主菜係冬陰功明爐烏頭，呢個好勁！用個盆裝住條魚，下面有明火熱住個湯，食嘅時候可以將湯淋上魚身，肉質嫩滑，另外有配上菇類，唔好漏咗佢，佢索哂魚汁同湯嘅味道，非常正👍🏻鮮蝦炒金邊粉個賣相好靚，有一塊蛋餅蓋住，金邊粉配上蝦、芽菜、豆腐等，旁邊有蒜粒同辣椒粒，撈埋一齊食更野味。Combo小食拼盤大部分都係炸物黎㗎，有蔗蝦，肉丸，米紙春卷同墨魚餅，記得點埋個甜酸醬，提升每種小食嘅味道😋呢間餐廳嘅食物種類很多，有部分係mix埋其他國家嘅風味，下次要再黎試其他菜式。

泰式豬手飯豬手很入味好淋，同港式嘅滷水豬手幾似，只係個汁唔同，甜啲，送飯一流。但有啲單調，多樣配菜會好啲。馬拉盞肉碎炒飯幾好味，馬拉盞好開胃，只係肉碎感覺少啲。肉食動物會覺得唔夠。

太和呢條街好多野食，估唔到有間性價比幾高嘅泰國🇹🇭餐廳係到門口睇以為係西餐，點知係泰菜前菜叫咗鮮蝦牛油果🥑沙律🥗，雖然蝦嘅數量比較少，但係呢個真係有驚喜😍平時麻麻地牛油果嘅我覺得真係好正👍🏼牛油果似沙律醬咁，加少少醋真係好好食🤤細小食拼盤，啱曬兩個朋友仔share，四款小食，有春卷、魚餅、庶蝦，魚丸等等...泰主食點少得pha Thai—鮮蝦炒金邊粉，外表唔錯，味道甜甜地好食👍🏼都幾正宗酸辣明爐烏頭，湯底味道濃郁，冇咩魚腥味，魚肉入口比較鮮甜嫩滑，另外有冬蔭功味，下次可以試下飲品最正💡💡💡脆爆芒果園🥭有popcorn ,芒果麻糬，芒果乳酪沙冰，布甸等等，大大杯真係好正🤤🤤一次過食曬咁多唔同口感嘅芒果食品，芒果應該係新鮮芒果🤤好fresh 另一杯叫咗夏日芭東海灘，有菠蘿🍍嘅配搭，推介👍🏼👍🏼👍🏼飲完括埋啲椰肉食

同朋友一向都鍾意泰國菜，今日黎左木船試下。 7點幾去到，唔算多人，唔需要等位入得，裝潢都幾新同環境乾淨。叫左個小食拼盤，同沙律作開胃菜。個鳳爪沙律有少少辣的，整體係酸酸辣辣咁。小食拼盤的炸物好脆口，仲配有泰式辣椒醬！之後叫左個冬蔭公明爐烏頭，唔食得辣既朋友仔都可以試下呢個！湯頭鮮味，配料仲有菇。條魚都幾大條，2個人勉強食得曬！仲叫左個炒金邊粉，一碟大概有5-6隻大蝦，仲有花生碎，辣椒碎。隻辣椒碎都幾辣，建議唔食得辣既朋友落一半就夠了， 個金邊粉都夠味，仲好有鑊氣！黎泰國餐廳，點少得泰式奶茶！試過好多餐廳的泰奶都同泰國飲到既好唔同，偏向港式。但呢到奶茶唔會死甜，有茶味，而且創新！奶茶上配上cream! 好好飲！

呢間木船在外面睇，就像一個特式既茶餐廳，佢原來係一間好好味既泰菜小餐廳！呢間餐廳有好多經典既泰菜，亦都有不了特色既食物！感覺呢間泰菜小店都好用心！生虾刺身，menu 上面叫「公車諗霸」，係泰文既譯音！名字改得好有心思！虾亦都好爽口！生虾汁味道唔係太辣！泰式鳳爪沙律，味道都唔會太過辣，不過都好味道流心芝士虾波波係meun上面既「best choice 」！勁大粒！趁熱食，夠脆，但係又要小心芝士辣嘴！泰式椰汁雞湯，好creamy ，雞好滑熔岩椰漿海鮮焗飯，外表滿分，足料又多汁，又有椰青水飲！泰式鹽焗烏頭，魚肉好鮮嫩，唔腥，好味道！最後叫杯飲品「朱古力巨人」，呢個簡直係甜品，又飲得又食得！呢間泰菜小店都唔錯呀！味道又唔會太刺激！好適合大眾口味！

今日大埔一日遊，遇上大雨，但事前上網睇中左呢間既椰子炒飯，整到鞋入哂水都要係大埔墟行入黎！入到餐廳第一眼雖然地方細細,但是食物好味,價錢尚可,令人有物超所值的感覺,一定要翻尋味。（強烈推薦椰子飯炒飯）今次除左點左必點既椰子飯之外，仲有點左泰式豬頸肉炒河，佢係一個唔辣唔咸，帶少少甜既湯，個河都算大碗，不過湯唔夠多，要食快啲，唔係好快比啲河粉索晒啲湯。到呢味睇到lum lum唎既椰子炒飯，除左唯一缺點係唔平（百五蚊）之外，完勝我過往食過既椰子飯！醬汁同炒飯完美結合，食完一個仲想食多一個！仲送一杯椰青水。總的來說，食物質素都幾高，（無遇到其他人所提到既員工態度差問題）呢間都算係大埔區數一數二既泰國餐廳。