Wooloomooloo Steakhouse

Open Now

Now Closed

I have been here for two times.If you come for a delicious steak , please kindly come at the night time!Last time I came for lunch , the steak is not that great . But this time I came for dinner , the steak is very very nice . Well cook and juicy ! The sides are also perfect!!!! I ordered Wooloomooloo steak (Medium rare)!And we shared sides between 4 of my friends. All side dishes are very tasty !

一行5人慶祝朋友生日， 環境一流，服務九流，或者係我都冇expect 係高級餐廳會有比茶餐廳還要差的服務態度。 waiter會不停黎騷擾你，明明仲食緊，問你收得隻碟未，同樣情況全晚出現過好多次，隻碟完全係個種好想趕你快d走既態度！ 另外，會係收走左你隻碟時收埋你隻叉 但又唔俾隻新既你， 扒房冇叉用。攪到冇晒mode 大家都同意食完盡快離開！餐廳管理層應該要好好培訓員工應有態度，唔好嘥左個咁正既環境，不過又或者呢個係餐廳既culture🤭

慶祝生日的月份，朋友提議到這間位於軒尼斯道最高樓層的一所餐廳進餐。當然，身為主角的我，要順著兩位朋友的心意啊，便衝上去餐廳試試看。入到餐廳，知道餐廳刻意突出其景觀，已營造了一個落地玻璃的黑漆漆環境，可是，就是它的黑漆漆，令人感到很頹廢與及很勞累的感覺，令人蠻不舒服，我向店員提議上天台進餐：不能；我再提議坐窗邊：不能！顧客永遠是錯的！結果，在沒精打采的情況下胡亂的叫了一客湯，一客沙拉及一份牛扒，結果盛惠九百多元。可怕！

想慶祝生日🎂 見呢間有同hsbc做緊dining week promo好似幾抵, 所以揀左黎呢度. lunch $198+ / 3 course, 又有風景, 算唔錯啦!服務唔錯, 都算attentive.因為事前未有裝呢間公司嘅app, 所以生日冇特別嘅優惠. 不過都安排送左張即影即做紀念, 都幾窩心🥰 坐窗邊位, 安排幾好starter: crab cake 好重蟹味👍🏻 + salmon 好咸main: beef tenderloin👍🏻 lamp rack👍🏻 厚切得黎又夠林, 個汁都好濃好香dessert: cheese (w/ bday wishes!), macha pudding

以前嚟過食晚飯。今次一家人諗住開開心心去食午飯。 想到去見到得一個侍應姐姐，見佢面色唔係太好。唔緊要啦，咁搵咗張枱就坐低，埋枱點菜。嗰日佢話只有套餐，冇問題。因為有點喉嚨痛，見到個辣湯，請侍應姐姐埋嚟問有冇得換其他湯，佢同個經理傾咗成十分鐘，跟住返嚟同我講冇。咁我話玩是但啦，換乜都得啦，跟住佢又再傾多一輪，結果返嚟都係話乜都冇，只係有個辣湯。 我真係頂唔順，一間扒房竟然差成咁。 除咗辣湯，是但搵個前菜換都得啩？！我起身轉頭就走， 以後都唔會再嚟！呢家嘢入咗黑名單！

良久沒有外出飯局，難得獲得朋友邀請，到灣仔食扒。食慾即時大發，即使要從大西北騎牛出來也甘願！飯局位於軒尼詩道的The Hennessy，31樓居高臨下，窗邊位更可觀看到跑馬地馬場景色。餐廳燈光偏暗，刻意營造情調。一行3人先點了2客Starter品嚐。由煙三文魚和吞拿魚肉碎製成的tartare，味道略咸，中間夾有飛魚籽，增添了爽脆口感。再配以紅菜頭泥、酸忌廉醬汁，一旁還附上一小塊麵包片供佐餐。北海道帶子大粒，經香煎後兩面呈金黃色，口感彈牙。帶子旁邊還有一片煎蓮藕作裝飾。底下的肉醬，由芹菜、肉腸還有辣椒莎莎醬煮食，味道惹味。侍應非常窩心的把龍蝦湯分成4小碗。龍蝦湯質感濃稠，入口味道濃郁。龍蝦肉量頗多，彈牙又富鮮味。招牌肉眼扒，煎香至5成熟後，牛香十足又肉汁juicy。牛扒厚身，可以2-3個人互相分享，再配以蘑菇汁。食用時淋再牛扒上，醬汁帶點黑胡椒惹味。鱈魚柳肉質非常滑溜，入口充滿魚香，配以香草醬供蘸點。碟上配菜有青口、西蘭花和高湯白蘿蔔。洋蔥圈炸香後惹味非常。洋蔥很大的一塊，不會和炸粉比例失調，附上了酸忌廉醬跟茄醬作蘸點。焗薯夾有酸忌廉、蔥粒和煙肉粒。焗薯份量蠻多的，薯香味重；加上粉腍口感

隨便路過食個午餐，中午第一位客人，想坐埋邊窗口位被拒絕因為已經有booking，咁就坐佢安排既位置，食物可以，侍應有善，坐左兩個鐘，個窗口位依然冇人，所以係有d失望，唔會再去。

想試好耐的一間西餐廳，店內裝修好整齊，午餐時候來食，一行6人，頭盤先來一個沙律，都不錯，但之後來了個硬包，味道都還可以，到main course ，我與其他朋友點了steak，心想來到steak house當然要試下個streak睇下味道如何，點知一上知牛肉，個賣相勁似煲湯的湯渣肉，心裡想著價錢都不便宜，朋友見狀，即詢問waiter,但waiter說這個steak是用slow cook方式煮，所以出來的賣相是這樣的，但朋友再問為何下單時沒有說明是用slow cook煮，餐牌上也沒有列明用slow cook方式煮牛肉，而家下單時waiter還問我們你要幾成熟的扒，我們還回答要5成，但個牛肉一上是全熟的⋯，於是朋友與waiter理論，waiter便幫朋友轉了鴨骴，味道都還可以。個人認為下次不用再來此間餐廳試，太失望了⋯

星期一同一齊好同事一齊去呢間餐廳食午餐，我地一心去左食扒，地方唔係好就腳。我地係由稅局個邊行去，都要10至15分鐘先到。但餐廳環境真係幾好，好開陽，仲有個海境。服務員都非常好，服務都非常好，我地一坐低就比餐牌我地，仲即刻比水我地。當日唔係太多人，仲有四五張吉枱。因為我地唔係坐窗位，睇唔到個海景，不過都唔重要。重要環境夠靜。食物都可以啦！我叫左個7成牛扒餐，個牛都幾多肉汁。配菜都幾好。可以選凍湯或者沙拉🥗。我選左沙拉都幾好。

老細請食飯，順利成章都係由佢發辦！今次佢揀左灣仔呢間WoolooMooloo，話牛扒唔錯，一齊去食下咁話。我立場好簡單，唔駛比錢就食咩都無所謂啦既然老細都講明係食牛扒，所以我都無咩特別睇餐牌其他食物，直接鎖定牛扒！個人黎講一向都食得生既，所以牛扒要左rare。雖則話生，但呢個都考到主廚手勢，因為生得黎並唔應該帶血水的！ 牛扒上檯的確無咩血水，不過有少部分就略微煎得過熟，所以有少少銀，不過可以接受，而整體係唔錯既。 另外反而想講講旁邊個pasta，個人黎講幾鍾意。成份主菜份量對我黎講夠飽的！餐飲要左咖啡，味道都唔錯，不過對比下我幾鍾意個塊餅，飲起咖啡黎就係苦中一點甜喇～整體黎講餐廳食物中上，環境好好，價錢當然唔算平但係可以負擔得起既，間唔中有咩想慶祝食次都唔錯呀！（老細請就梗加唔區啦）

是日出席包場活動, 主辦方選址 Wooloomooloo…位處頂樓, 晴空萬里, 景觀乃是一絶的! Appetizer 餐湯 Corn, Potato & Chorizo Soup ~ 好 rich, 好濃, 好有質感, 仲有好大片 parmesan cheese 好飽足! Main Course 我選 Braised Iberico Pork Cheek ~ 豬燉得好淋, 薯蓉是全幼滑嗰種, 配上酸酸甜甜蕃茄醬汁, 唔覺油膩! 趕住走出前台頒獎, 咖啡就無時間飲喇! 不過活動完結後飲左杯菠蘿汁! 註: 麵包放左一陣已經又乾又硬!

雖然母親節已經跟媽媽和奶奶吃過飯，但是對自己媽媽還是覺得要給她多一點。知道她很久已經沒有去過扒房，記得上次跟老公和朋友來這店，很喜歡這裡的 Filet Mignon 還有這裏的拌菜蘑菇，所以很希望帶媽媽來一試。我們這次還點 Grilled Cod 和 媽媽最喜歡的洋蔥圈，媽媽錦上添花還點了一杯南澳的 Riesling 酒配餐。一開始服務員端上熱騰騰的麵包，我和媽媽吃了一個還不夠，再要了多一個。😅 Grilled Cod 和洋蔥圈先來，魚魚賣相很好，我喜歡煎得脆脆的魚皮，魚肉很滑，下面的素菜也很新鮮，可是不知道為什麼總是覺得味道還差了一點東西，淡了一點點。洋蔥圈我跟媽媽兩個搶著吃，媽媽嫌它焦了點，但我覺得還可以😄。媽媽對那塊 filet mignon 讚不絕口，配上蘑菇和蘑菇醬簡直好吃得沒話說。媽媽細細品嚐每一口，吃得津津有味，一邊吃一邊點頭，然後來一口酒，樣子很享受。我看到媽媽這滿意的模樣，我也很高興！總的來說，這裏的服務非常好，一邊享受晚餐，一邊看著窗外美麗的風景，我本是要給5🌟🌟的；但是記得上次雖然我跟朋友兩個都將我們自己的 filet mignon 吃光光，但老公點的 sirlo

最近想吃牛扒，咁呀Restaurant week Young贏家版有呢一間，見價錢不算貴，便朋友來試試看。餐廳有兩層頂樓係天台，餐廳喺31樓，居高臨下望著全香港收入最高嘅地方、灣仔，君臨天下嘅感覺。我哋book咗12點，去到嘅時候一個人都冇，感覺好似包場一樣，直至一點過後陸續有不同的外籍人士進場，全場滿座，可能因為正進行七人籃球賽，所以外籍人士比較多，感覺置身外地。先來一個麵包，外皮比較硬有口感有嚼頭。頭盤我哋點了沙律和湯，餐牌想是海鮮湯，呢度我覺得似食龍蝦湯。今次主要嚟食牛扒，所以我同朋友都係點左牛扒，我哋分別點左medium rare 同medium well。牛扒外皮有少少過燶，牛味不算濃郁，有點韌，塊扒有點令人失望。甜品點了芝士拼盤過朱古力慕絲，芝士拼盤我覺得都幾抵食，可以一次過是幾款芝士。套餐仲包一杯飲品，咖啡味道不錯會碟邊放有一粒糖霜。整體來說這個價格有齊所有食物算是合格，應該會再來。

手宮生日，本約怡東酒店地下意大利餐廳, 有會員卡有折, lunch約二百幾一set，佢話無景，改來此處。以前畀我感覺好貴，扒房即係大嚿肉， 感覺麻麻地，但今次有改觀。首先要讚個餐包, 熱辣辣,有穀物, 香脆搽埋啲牛油冇得頂， 煙煙韌韌，又唔會好多牛油做。頭盤我揀一個花生蓮藕湯， 好得意，西餐有花生蓮藕湯，花生和蓮藕磨溶加少少忌廉，唔好膩， 味道適中，香滑。法式鴨肉批，好似上海肴肉，不過係鴨肉伴啫喱狀肉汁,外面包著厚牛油皮，室溫感，味道咸咸地，伴紫洋蔥醬，酸青瓜，酸珍珠洋葱及少少沙律菜, 幾豐富蕃茄醬煙肉意大利粉$138， 英文說用傳統番茄醬汁Amatriciana, pancetta煙肉一種，薄片pecorino洋奶芝士，意粉爽及彈，不膩，醬汁不用太多，味道適中。炸魚薯條$148， 餐牌冇寫deep fired, 原先以為煎魚柳伴薯條（ 不過英文寫chips唔係寫fries），魚嘅粉皮都好脆好薄好香，金黄色不太燶，魚質唔會太淋，薯條更係我至愛，伴tartar醬，yumiyumi 加$35 甜品 紅酒燉啤梨半肉桂忌廉， 平時我就唔會加錢食甜品， 但一見玉桂（ 又係我至愛）， 紅酒燉啤梨，

情人節慶祝，兩個月前睇open rice book定。當日係窗邊，望住跑馬地馬場，view 👌🏼, full hose 但幾靜，可以同另一半談下心。因為係情人節，得一個餐牌，當日所有dishes都高質素都好好，尤其是牛扒，肉眼扒，好嫩，係我食過頭3最好食的扒。(我有見其他食評批評牛扒同服務)就當日的扒係出色，我覺得可能當日得一個餐牌，反而煮得專心左。外面少少脆，入面真係好嫩，當日無過熟的情況出現。😋😋😋😋😋前菜係海鮮拼盤，正正常常，有生蠔不過細隻，牡牡丹蝦，青口，峴。正堂，okay,無驚喜。😋😋😋個湯係菜湯打到變蓉，幾creamy，好好飲。😋😋😋😋呢個雲呑係用cream做個汁，個汁係甜甜地，我幾鐘意。甜品正常，心太軟做得好的，真係流心，其他正常。係貴左d，但當日的牛係出色，重要節日可以考慮，平時就有點貴。