Wooo

Open Now

Now Closed

早幾天的到訪。我點的是慢煮雞胸, 朋友是crab 意料。店入風格好明顯比你知係一間過來chill . cake & coffee的店鋪，本主試pancake的心情過來，但胃真係唔爭氣.... 要食最簡單simple的慢煮雞胸。坦白主食真的很一舨，慢煮雞完全是掉入水去煮, 切的時候都係一條條肉，仲鞋過手撕雞... 同菠蘿真係一d都唔夾，兩者也不見得有調味。意粉味道也很淡，白色的醬完全沒有驚喜... 可惜可惜。coffee 我點咗caramel popcorn latte，10000000個推介大杯好味有心機 (所以我完全係忘記哂雞胸有幾難食)甜品再點咗個培茶cheesecake，淡淡的一點也不會肥膩，腸胃差人仕如我食足一件都無難道。諗番轉頭飲品latte > cake > pasta > chicken breast，真係一間有趣的餐廳

呢間 café 好近我公司, lunch time 成日都好多人, tea time 行過見到有幾隻狗仔喺入面, 原來係寵物友善餐廳. 餐廳樓底好高, 中間有梳化位, 我一個人就揀咗埋邊的 table, 點咗一件 $48的芝士蛋糕, 加 $18 追加兩小塊迷你薯餅, 無點飲品, 可以自己裝水飲. 件芝士蛋糕真係好好食, 上面灑咗小小朱古力碎, 蛋糕軟硬適中, 質感軟棉, 芝士味濃, 好想 encore. 追加的薯餅的的骰骰, 新鮮炸起, 熱辣辣. 隔咗兩日再去幫襯, 今次食下午茶 menu (3pm 後供應), 點咗牛油果煙三文魚三文治, 餡料尚算OK, 但塊麵包真係太令人失望, 又乾又硬, 微暖但硬嘅程度應該係預先焗好, 放咗一段時間再翻焗, 真係食到脷都損埋, 不推薦.

Cafe前身原來系茶餐廳，隨着歷史變遷，現今活化成為cafe，環境以水泥風為主題，仍有保留部分港式裝潢。✿ 班戟漢堡 $85近年好流行食班戟漢堡，呢度都有，材料仲有煙肉🥓太陽蛋🍳糖漿，班戟香甜軟綿🥞煙肉鹹香 太陽蛋同糖漿組合搭配甚佳，難怪會系招牌菜。✿ 花生醬牛奶咖啡 $48加錢可轉低因咖啡☕️轉咗心理上好過啲 冇咁難入睡🤭旁邊有爆谷令賣相增添色彩🍿花生醬🥜同咖啡搭配亦不俗，好啱中意花生醬嘅人🤎

依間位於鵝頸橋附近嘅cafe係我最近既愛店🫶🏼。啱曬想去文青cafe 打卡，chill住過一個朝早/下晝但又唔鍾意排隊嘅大家🥳。🥗All day breakfast $118個大啡菇有驚喜，面頭舖滿芝士🧀，然後入面竟然仲有啲煙肉碎做點綴🥓，成個菇既口感勁豐富。薯餅脆得嚟唔會好硬，係有薯仔味既薯餅。🍳黑松露炒蛋比利時班戟 $55依碟野一送嚟就聞到個炒蛋有好濃黑松露味🤤，切落都唔易散，係炒得好嘅蛋🥚。班戟好鬆軟🥞，俾嘅份量有成三塊，都唔小🤩，個牛油🧈香配埋個蜜糖🍯，食落就係滿足嘅感覺😋，大推！成個環境俾人既感覺好放鬆～～工業風既裝修，同好舒服既梳化🛋️，要我全日坐喺度都冇問題🥹。同埋佢係pet friendly既cafe，所以成日都會有主人帶埋佢隻狗仔打卡🐶。而我雖然冇養狗，但見到啲狗狗好悠閑咁坐喺度都會有種好療癒既感覺✨。🕰️營業時間：0800-1800（星期一全日休息）

久违的Bruch一下是被这金灿灿的滑蛋给勾引了这么有光泽的滑蛋能不流口水吗？咸香的黑松露滑蛋搭配松软的松饼真的太妙了要是黑松露味道再浓烈点就更好了！还有蜂蜜搭配着吃，满足吃完咸的想吃甜的，吃完甜的想吃咸的😆店里的位置宽敞位置也蛮多的

由一間和記茶餐廳改為wooo cafe ，係一條行人唔多嘅內街，不斷逆景生存。 可以睇返 viu tv 茶餐廳 呢個節目，有一集是講述和記變身為Wooo 的過程🫶 水泥工業風格把舊店留返一點原素在新cafe。店內有不少綠色植物令水泥工業風格不至於太冷冰冰，有了溫度🫶 樓底超高，坐位闊落空間感十足，中間還有兩張梳化可以好chill😊 煙三文魚牛油果炒滑蛋配牛角窩夫$116 ，牛角窩熱辣辣，外脆內軟好好味😋 炒蛋炒得恰到好處沒過火也不太生，入口香滑😊 迷送香百慕蜜冰搖泡沫黑咖啡$56，有驚喜喎😋 少少甜好香嘅香草味幾特別😊

近排有唔少港版𝗠𝗰𝗚𝗿𝗶𝗱𝗱𝗹𝗲𝘀～估唔到呢間港島𝗰𝗮𝗳𝗲都有！不過係變奏版(ﾟoﾟ)店面走水泥工業風 又有植物點綴下 環境相當𝓬𝓱𝓲𝓵𝓵✿ 黑松露炒蛋比利時班戟 $⑦⑧瀑布炒蛋成個𝙐𝙁𝙊咁 底下原來隱藏三層𝗉𝖺𝗇𝖼𝖺𝗄𝖾 ！有還原到似熱香餅口感 幾厚身 鬆軟有蛋香 略為有啲黏口 但都正過香港M記啦炒蛋夠香滑多汁 黑松露味相當濃( ˘▽˘)っ楓糖漿是必須的！係𝗠𝗰𝗚𝗿𝗶𝗱𝗱𝗹𝗲𝘀鹹甜夾雜嘅靈魂所在吧 未飛到日本嘅朋友都可以去解解鄉愁兼𝗰𝗵𝗶𝗹𝗹下飲杯啡

❝𝐖𝐨𝐨𝐨❞由和記茶餐廳蛻變成𝐖𝐨𝐨𝐨，舊店時期小店非常積極地支持本地音樂，定期會於店內搞𝐬𝐡𝐨𝐰，更試過籌辦過音樂會，提供超多機會予本地大小音樂人，和記早已不止是一間食肆咁普通！幸好和記結業後，重新以𝐜𝐚𝐟𝐞形式回歸，食物高質外，背後的理念亦非常值得支持🤘🏻࿐🥞班戟漢堡 $𝟖𝟓💫近期熱大熱的班戟漢堡，全靠祖堯介紹，先知和記都有💛太陽蛋煎得剛好，蛋漿混合糖漿，與軟熟的班戟及煙肉配搭起來，味道甜甜咸咸好特別、香口，必點！🍺愛爾蘭黑啤燉牛肋肉, 牛角窩夫及温泉蛋配 香草蕃茄意粉及沙律菜 $𝟏𝟑𝟖💫燉牛肋肉非常軟腍，基本上唔使出力都慢慢化開，煮得好入味，另附上蕃茄意粉、窩夫、沙律等，非常豐富，以呢個價錢真係大份又好食🤣

雖然常常在銅鑼灣，但謝斐道還真的比較少走過來，偶然機會要經過這條街，才發現這間空間感很大、食物還不錯的cafe，平日中午人頭湧湧，舒適度來說是很高，而且還是寵物友善餐廳🥰🔹班戟漢堡在pancake和croffle和沙律之間忐忑了好久😆最後決定吃pancake～班戟的蛋香濃郁，面層有一隻煎得脆口的荷包蛋，切開發現中間還有再夾多一隻蛋！層層疊的底層是鹹香的脆脆煙肉，一口氣從面吃到底，倒上糖漿後，這份鹹甜的飽滿層次感令人很滿足🤤 班戟不會散開，很不錯～～我還加了迷你薯餅搭配，薯餅炸得夠脆不掛油，還有新鮮小蕃茄搭配，吃完班戟再吃夠豐盛～🔹Flat White咖啡可以選擇nutty或fruity，我選擇了前者，nutty的味道頗鮮明，口感夠滑溜，下次會來試一下其他咖啡特飲🫶

一間感覺越做越好嘅cafe，位於灣仔謝斐道鵝頸橋附近嘅Wooo，呢間cafe由新開張一直都有嚟食，感覺佢哋食物出品越做越好，食得出大廚有用心去做同變，初初開嘅時候食物質素算係一般正常水準，但近期再去見佢哋間中都會有新出品，意粉，麵包蛋糕各樣都有，好似新出嘅龍蝦汁海鮮意粉，龍蝦汁味道濃郁，配上鬆脆嘅蝦同其他海鮮係做得唔錯，而蛋糕我個人幾鐘意食佢哋嘅自家製巴斯克焦香芝士蛋糕，蛋糕口感creamy，芝士味濃又唔會太甜，作為飯後甜品相當唔錯，其實佢哋其他出品都幾有水準，好似比利時朱古力香蕉pancake，有個唔係好記得叫咩黑啤牛肋條有兩塊窩夫跟嘅，塊窩夫做得好香好鬆化，仲有班戟漢堡又係值得介紹。講完食物亦要讚下佢哋樓面同事，佢哋每位同事都好有禮貌好好笑容，比到客人一份放鬆同舒服感覺。另外cafe亦可以帶小動物入內，雖然自己無養，但有時見到其他客人帶啲狗仔嚟玩又令到cafe多一份活力。

話說灣仔和記餐廳結業前一直未去過，其實係我嘅一大遺憾。前排知道有間姊妹店喺西灣河，已經第一時間走過去幫襯。今次嚟到灣仔做嘢，當然把握機會，嚟佢新開嘅 cafe 食個 lunch 啦。一入門口，已經被呢度嘅裝修吸引：水泥風牆身同木系枱椅，全部都係我最鍾意嘅。揀咗個面向街嘅位坐低，都未落單，就畀隔離枱嘅食客吸引咗目光，原來係一班音樂人飯聚緊，果然係間同音樂有緊密聯繫嘅 cafe。叫咗我嘅至愛卡邦尼意粉，無論味道同口感都係我鍾意嘅口味，份量仲比一般 cafe 多，要讚👍。唯一可改善嘅係賣相，例如擺盤可整齊啲，面頭隻蛋煎靚少少，咁就 perfect 喇。杯 Flat White 呢就無可挑剔喇，我成日覺得奶啡一定要配 nutty 嘅豆，所以呢杯絕對啱我口味，加埋個靚靚拉花，勁滿足🥰。

灣仔嘅一間幾好坐嘅cafe，一入到去嘅感覺就係好舒服，空間大，夠冷氣，全店用工業風嘅水泥牆配木枱木凳，cafe中間有兩張個人非常心心眼嘅木架sofa。餐牌嘅意粉，小食，甜品都好多同吸引，但因為今次係食飽咗，只係揾個地方坐下飲個啡傾下計，所以只係叫咗一份薯條share食同兩杯飲品。炸薯條配黑松露蛋黃醬薯條即炸，面頭仲加咗芝士粉同香草，另外配撈咗黑松露嘅蛋黃醬，正常水準。Latte Macchiato自己都幾鐘意有得揀果香/豆香嘅cafe，今次飲latte marcchiato 揀咗nutty。咖啡嘅面頭有層好舒服嘅奶泡，飲落好順滑。Cafe都有小小室外位比人可以食煙，由於我坐近窗邊位，就算閂埋咗都會keep住聞到外面食煙嘅煙味。原本想轉位，但個場都幾多人，所以就唯有忍受下，如果唔食煙嘅朋友揀位嘅時候就唔好坐近窗邊。但除此之外，整體cafe都好舒服，好好坐。落單係scan qr code自助order，然後係app比埋錢，餐具同水都係自助出去拎。佢位置都小小kick，係灣仔同銅鑼灣中間，但如果係附近想揾間cafe坐下，可以選擇呢到。

去吃的那天也還算新開咗一段時間,冇得book枱,早少少去到剛剛好可以坐到最後一張枱估唔到咁多人繼續排隊,仲見到有貌似‘’老闆‘’的朋友來吃lunch支持😃環境有少少OVO feel,自助拎餐具,QR code點餐,上菜都算快,意粉份量也算不少,男士吃也飽,味道不過不失,叫了咖啡和朱古力,還有美美的拉花

🤍今次介紹既就係來自灣仔 ✨📜 Wooo (灣仔)📍灣仔謝斐道392-402號維新大廈地下E號舖🌟Feedback🌟卡邦尼意粉 $98班戟漢堡 $85黑松露炒蛋配比利時班戟 $75Matcha Latte $45Mocha $45環境工業風Cafe~非常有格調而且空間感好舒服😍😍仲可以帶寵物一齊去🐷食物質素唔差 首先好吸睛又可以打卡🤫飲品上面有唔同公仔嘅拉花😍所有菜式都係用家培植香草烹調,所以特別香👍🏻 幾想讚一讚卡邦尼意粉 creamy得黎又夠曬香😝😝有咸pancake 都好吸引 要加漢堡就另外加錢🙂‍↕️ Lunch Hour去都需要等一陣位~ -KS評分- 🌟5分最高🌟🏵環境指數:⭐️⭐️⭐️⭐️🏵味道指數:👅👅👅👅🏵抵食指數:💰💰💰🏵回購指數:❤️❤️❤️❤️#美食推介 #灣仔美食 #foodhk #hkfoodie #美食分享 #hkfood #食好西 #吃貨 #hkfoodig #hkfoodlover #食評 #foodiehk #foodieksk 灣仔 #foodiehk #foodieshk #hkfoodies #foodpics #852food #相機食先 #香港美食

#pb食在灣仔 #pbcafe系列 灣仔新開水泥風咖啡店☕️New Cafe Alert 🚨✨今次想介紹呢間位於灣仔、銅鑼灣中間新開嘅水泥風咖啡店 佢位置唔太方便 不過都吸引好多人去 假日去到都要等位🥰 店內以水泥風、植物裝修 周圍保留唔少茶餐廳特色 環境好開揚😍 可惜當日實在太多人 店員都不斷收碟 有少少趕人離開 唔可以坐好耐🥲.食物選擇都幾多 有沙律、班戟、牛角窩夫、意粉等😋 價錢$88-$128不等 正常cafe價錢👍🏻 平日Lunch set送一杯熱茶 轉特色咖啡或其他飲品半價🤪🔹香蕉朱古力比利時班戟🥞班戟好厚身 不過口感幾鬆軟 蛋味唔算好濃😋 香蕉份量幾多 仲有少竹藍莓、穀物脆脆🤪🔹自家製漢堡扒配牛肉濃汁意粉🍝推介❤️ 意粉份量好多👍🏻 隻蛋好靚 配埋牛肉濃汁食好creamy 又唔會好鹹😍 自家製牛肉漢堡好厚身、好鬆化 味道唔太濃🤪🔹香草海鮮蕃茄意粉🍝呢款意粉相對冇咁漏 酸甜度適中 幾開胃👍🏻 入面有帶子、蟹肉、蟹籽 帶子好大粒 份量都好多😋🔹Flat White☕️🔹Iced Mocha☕️咖啡有Nutty / Fruity咖啡豆選擇👍🏻🔹Strawberry Soda🍓.整體✨