囍串

Open Now

Now Closed

同朋友係元朗打完波話好耐無食過串燒所以用openrice search一下就搵到呢間係豐年路附近 安興球場隔離嘅囍串門面 裝修都好有內地氣色 好有feel最緊要夠晒光猛 精神！同朋友先點左正常濃度既調味食落真係覺得味道啱啱好，啖啖都係孜然粉得來又唔會覺得好咸好假，孜然味既咸香簡直係一絕！燒五花腩，秘製醬牛柳粒，秘製雞髀肉，厚切牛舌，紐西蘭羊柳，牛胸爽，雞中翼，雞軟骨，燒豬大腸，燒豬頸肉，全部肉類都十分出色，唔會燒到乾爭爭，咬落去除咗孜然粉嘅香味，就係肉汁，食到停唔到口，除咗肉類之外，同朋友都嗌咗啲蔬菜類，有燒冬菇同翠肉瓜，兩樣食落都好爽口，睇嚟師傅對燒烤嘅火候控制得非常之好，燒得熟出邊之外，仲能夠將佢哋嘅水份鎖住！食咁多嘢，都係480蚊埋單，正呀！

今次去到元朗元朗捐窿捐罅搵野食，比我發現安興街有間性價比高又抵食的午餐。囍串都有好多野食，有串燒、麵、飯、腸粉和特色小食。五香牛腩粉 $38好抵食，大大碗五香牛腩粉😋麵底簡左河粉，以蔥花作點綴。五香牛腩味道濃，帶少少肥肉，牛腩煮得淋。燒焦豬頸肉 肉燥煎蛋飯 $55豬頸肉燒得很香，外皮帶少少脆口，醃得入味。肉燥放在一旁，把蛋、肉燥和飯拌在一起吃，絕不油膩。追加小食 餃子 $10餃子皮薄餡多，外皮炸得脆口，沾上泰式辣醬更加惹味。生炸大雞髀併薯條 $38嘩嘩嘩😱見到隔離枱叫生炸大雞髀，我都「嘩」左幾聲，真係勁大隻。本身以為有勁多炸粉先甘大隻，值得一讚的是皮薄，肉汁勁豐富，肉質勁厚。相當抵食👍🏻👍🏻👍🏻飲品：凍檸茶

元朗安興街足球場附近 最近新開咗一間串燒店去tea一tea😚餐廳裝橫簡單 除主打串燒 晏晝有做埋飯餐 麵食 炸物 甚至刮刮腸粉都有 餐點多款配搭 夠曬多元化 價錢合理👍難怪去到見到有好多學生哥幫襯 而且附近還可泊車🚗 好啱快閃人士😚#燒焦豬頸肉配迷你肉燥煎蛋飯這個好超值$40.00咋 估唔到咁大碟同多料😍除咗擺碟靚仔外 薄切有炭燒味外層燒到焦脆既豬頸肉 有十多片咁多👍 入味肉燥都唔少+仲有大陽🍳正呀😋另外加$10.00 加配小食炸餃子外皮薄脆 肉裏韮菜肉餡鮮味有肉汁🤤#燒五花腩 $19.00香噴噴 滿嘴都係香料孜然同微微辛辣味 配合埋彈牙豬皮+甘香油脂+爽口豬腩肉🥰就連凍飲都好大杯👍👆可以晏晝食串串燒 微熏一吓

今日去咗元朗探朋友，元朗出名很多美食，今日天氣凍，經過這間串燒舖，食串燒都不錯，就決定這裏進食，入到店舖地方整潔乾淨，落單是用二維碼的。點了一串五花腩串燒，吃一口五花腩油脂甘香，肉質細嫩，油份充足，加上自家製的香料，真的好味。這串雞軟骨燒到剛剛好，燒到表面微焦，雞軟骨組織卜卜脆，好有口感，香口又好味。這串雞腎又爽又脆，加上一層薄薄的香料，煙煙韌韌。這串燒全奕，表面燒到剛剛好，外面金黃色的，內裏雞肉肉質嫩滑，雞皮焦黃香口，好味道。這個燒羊架非常好味，羊架燒到剛剛好，吃一口，羊肉非常軟腍，咬開中間有肉汁滲出來，而且不覺得有（穌）味，真的直得一讚，我十分喜歡吃。這條燒黃𩶘䱽，表面燒到卜卜脆，魚翅位都燒到卜卜脆，魚肉都很香口。這個燒年糕芝士，咬一口煙煙韌韌，中間芝士香濃，很有特色。最後加上一柸啤酒，簡直冇得彈。

前幾日真係好凍 夜麻麻好想同男朋友食串燒 暖下個身 行過見到呢一間串燒前店好似幾吸引 餐廳牆上有啲霓虹燈招牌 環境乾淨整潔 座位闊落👍🏻👍🏻👍🏻厚切牛舌（1串）牛舌咬落好嫩紐西蘭羊柳（1串）調味剛剛好 唔會太騷秘制醬牛柳粒(1串）牛味重 一啲都唔鞋 醬汁自家製好特別🤤🤤🤤雞中翼兩隻（1串）外皮燒得好香秘制雞髀肉（1串）咬落大大啖肉 冇雪味珍寶凍檸茶好大杯 果然係珍寶夠兩個人飲 茶味重🙀🙀🙀燒焦豬頸肉(1份）好大份惹味茄子（1條）落左超多蒜 辣辣地好過癮鮮甜菠蘿（無辣）新鮮 幾甜燒大頭蝦（1串）好大隻 蝦肉結實爽口 有少少蝦膏添🤤🤤🤤燒蒜蓉生蠔生蠔size都可以 配蒜蓉燒好香口雞蛋腸估唔到呢度都有得食 而且仲好出色 腸粉皮薄雞蛋嫩滑🥰🥰🥰

見到最近新開嘅串燒，環境寬敞舒適，檯上面仲有個細爐放串燒保溫🔥現時一次過落單可享9折優惠，食得多可慳落唔少錢😎😎而且餐廳有多款食物選擇，唔怕揀唔到啱心水嘅嘢食！💓💓刮刮腸粉🐣店主主推原創雞蛋花刮刮腸粉，比起正宗腸粉店毫不遜色！腸粉味道好特別，蛋香配搭香蔥碎同甜鼓油，鹹香味十足，而且口感爽滑，份量充足😆燒焦豬頸肉🐽脂肪比例好好又入味😋灑上孑然粉點埋泰式辣醬簡直一流🤯🤯甜味比較出，辣味較少，唔太食得辣嘅都100%建議一試！雞全翼串🐓一口咬落，皮脆肉嫩，超juicy～🤤🤤 秘製醬牛柳粒串🐂肉質厚實，牛柳粒表面掃過醬汁，完美包裹著嫩滑充滿油香的牛肉🥹🥹非常入味燒五花腩串🐖表面燒封得微脆，微甜帶辛，豬腩片爽口，油而不膩😌紐西蘭羊柳串🐑肉質幼嫩，惹味十足，去除咗羊肉嘅羶味，質量相當高！✨厚切牛舌🐗較一般牛舌硬，但勝在味道濃郁，十分香口😙😚牛油遇着菇🍄份量好多，唯一缺點係牛油味唔夠出，偏淡👻炸饅頭☁️正路又好食嘅炸饅頭😝惹味茄子條🍆茄子好大一條，調味料不算多，但蒜蓉好足好濃郁🧄就係好食👍🏻燒菠蘿🍍菠蘿表面有脆焦糖，咬落香甜多汁✨而且份量多，一碟share俾大家做飯後甜品啱啱好😋

元朗除了「鷄地」外，另一處美食林立的地方就是大馬為主的美食大道。當中縱橫交錯，每條橫街小巷都有不同風味的美食據地而王。而行到安興街也有不少美食小店盤據其中。附近有有名的B仔涼粉，而安良里更有不少出名的食店，由街頭行去圖書館，再行落一條街，會在安駿里見到cafe68，再行入安興街，就見到今天的主角「囍串」。前身是一間西餐廳，如今換上近來極為興起的串燒小店。和朋友去了圖書館找了些學習資料，行過這店，看著温暖的燈光，為寒冷的冬日散發了一點光。剛步入「囍串」，接待員有禮貌地招呼並安排了座位，而且能夠直接由程式下單。此店亦有happy hour時段，相信很適合三五知己喝一兩杯，聊天歡聚。雖然有些食物未能提供，但食物款式都很多，點了一串雞中翼兩隻，一份鮮甜貴妃蚌，一尾跳脱黃立倉，一串鮮甜菠蘿，一串燒芝士年糕，一碟瘦肉腸，一份椒鹽魷魚酥，一客清酒焗花甲，同一支自家製人參烏龍。串燒容易整，要燒得出味道就考功夫了。以芝士年糕來說，外皮要脆，內裡芝士要夠熱，讓人吃到爽脆再加上煙韌性，這就是技巧純熟的手藝了。鷄中翼肥美肉滑，輕輕的香料，經過燒烤更是入味，肉汁鎖緊在鷄肉之中，把鷄中翼的特質盡情展現。另一特點，

喺元朗圖書館傾完project, 晚餐突然好想食串燒，於是就黎到元朗安興街呢間叫囍串的串燒店！串燒店用QR code 落單，夠哂方便！仲可以keep 住一路食一路加單！除咗揀野食野飲，仲可以揀調味程度，照顧唔同食客口味！落咗單無耐，店員會用蠟燭🕯️幫我地點熱放喺枱面的燒烤爐，串燒黎到後就可以放上爐，唔怕食物會攤凍！我同朋友兩個人叫咗唔少食物，食到好飽，為番都唔洗$200一個人！ CP值超高！我最鐘意燒豬頸肉，豬頸肉份量好足，外脆內軟，啖啖肉，正！仲有燒茄子🍆和燒韮菜都唔錯呀！😊茄子好大條，一上枱氣派十足！店家用咗蒜蓉🧄辣椒🌶️調味，好過癮！仲有牛肉粒都唔錯！肉質鮮美多汁，好想一食再食！我地仲叫咗雞蛋花腸粉和滷肉飯，怕淨係食串燒唔夠飽，雞蛋花腸粉好特別！ 我覺得唔錯呀！蒸得好滑又夠味！滷肉飯和朋友兩份分，但實在好好味，我其實好想叫多碗

之前朋友介紹元朗呢間串燒！今日經過元朗就朋友去試一試！我哋當日平日夜晚差唔多8:00去到，餐廳面積唔細，枱同枱之間相隔闊綽，坐得舒服。當日入面都有唔少顧客，一路食仲一路越嚟越多人入座，可想而知呢間餐廳都好受歡迎！真係晚飯宵夜嘅最佳之選！肉類方面，我哋叫咗五花腩，雞全翼，牛肉串，豬頸肉五花腩燒得岩岩好，肉和脂肪融為一體，串燒必食！雞全翼好正呀，大大隻啖啖肉，18蚊平靚正豬頸肉係一客上嘅，唔係串燒，份量唔少啊，配上甜酸醬，味道都唔錯！菜類方面，我哋叫咗韭菜，茄子，一口甜薯我最推介韭菜俾大家，韭菜鮮嫩好多汁，好好味又健康，我哋仲叫咗兩客添呀！海鮮🦞方面，我地叫咗大頭蝦！ 大頭蝦好多好多膏，肉質都好彈牙啊，好味！我哋仲試咗一啲喺串燒店少食到嘅嘢食，就係雞蛋花腸同埋滷肉飯。雞蛋花腸好特別，食咗咁多串燒有少少熱氣食返盒腸粉中和一下，感覺唔錯。滷肉飯就係比大食嘅我嚟打下底啦，味道可以我同朋友兩個人叫咗好多嘢食，食到好飽都唔洗$400到埋單，好抵食，性價比好高！

朋友相约元朗劇院看完節目，系時候揾D野食吓，馬田路、教育路大多嚐食過，轉入內街竟然有D驚喜開左間串燒舖，店舖不大除左串燒仲有其他嘢食添，飯、麵、小食、腸粉都有十分多元化，食物即叫即燒小店人手有限顧客耐心等候，等候期間服務員点著個鐵板暖著D串燒很貼心👍🏻厚切牛舌2串$56味道不錯油香口惹味吾柴秘制酱牛柳粒燒$24牛肉食落有趙頭冇過火五花腩$19肥瘦適中好抵食 燒鳝$45冇骨肥美啖啖肉多D醬燒更佳蒜泥燒茄子$48好大條辣辣地超吸抵食😋蒜油娃娃菜$24蔬菜吸晒蒜油好甘甜麻辣蠔仔粉絲$78(店員推介)食材新鲜蠔仔飽滿鲜甜唔腥冇沙石，粉絲吸晒D蠔鲜味十分好食珍寶凍檸茶$22(2人分量)超級解渴每款串物都加上惹味椒鹽辣粉(大中小辣任選)所以比較咸送啤酒就一流享受，happy hour 好抵飲下次叫埋班fd來可試燒海鲜值得推介😄👍🏻

最近行開元朗安興街一帶，見到新開有間年輕夫婦主理串燒小店就入去試下。店面以輕工業風主題，牆壁掛咗小型燈牌，入到去唔會好大煙味～燒豬頸肉，豬頸肉表面燒到焦香，裡面咬落有肉汁，上面撒上少少辣粉🌶️夠哂惹味燒白鱔串必點，外皮烤到脆卜卜，肉質鮮嫩爽實，送啤酒一流🍻作為牛魔王叫咗兩款牛肉分別係秘制醬牛柳粒同厚切牛舌，牛味重，當中我鐘意牛舌！牛舌新夠彈牙～💯燒烤無可能唔食嘅雞中翼！呢到做到雞翼皮脆肉嫩爆哂肉汁～🫶🏻燒五花腩，肥瘦相間一咬落唔會燥，讚讚另外再叫咗爽脆雞腎，雞腎有咬口夠香口～惹味茄子🍆 燒茄子食得出即點即燒，孜然粉香索哂入每一絲茄子入面！原來呢到好出名老闆娘Q彈腸粉！雪白腸粉漿混合肉碎蛋液，加埋甜豉油，唔怪得咁多人推介啦！絕對有下次！

同朋友喺元朗搵嘢食，掃咗全日街🤣唔係話太肚餓所以諗住睇吓有咩小食食😆行多內巷見到有呢一間串燒！入面感覺幾舒服，又可以坐低同朋友傾吓計所以入咗去試吓。喺門口見到串燒有唔同類型已經覺得好吸引10分方便係用手機點餐可以喺程式入面睇埋串燒嘅實物！仲可以幫大家即時計算價錢可以等大家有個預算。本身其實唔太肚餓但係所有串燒都好吸引唔覺唔覺都叫咗好多🤣🤣每張枱都有獨立嘅爐具。串燒喺廚房整完出嚟，職員會放喺爐上面。絕對唔怕串燒會凍咗!10分窩心🥰🥰另外枱面都有一個筒俾大家放食完既串燒簽，唔使周圍放10分衛生。燒雞全翼雖然成日都覺得食雞全翼好唔方便但係每次燒嘢食或者串燒都一定會食!雞全翼同雞中翼燒到金黃色，賣相同口感都好吸引!爽脆雞腎雞腎亦都好乾身，唔會話燒到硬哂。雞軟骨雞軟骨好特別，會有少少蜜糖嘅甜味。燒五花腩平時食串燒成日都驚好肥，特別係食五花腩。但係呢度嘅五花腩唔會話太肥，新鮮熱辣，一啲肥膩嘅感覺都冇。值得推介👍🏻👍🏻食完用都要叫番啲蔬菜😄翠玉瓜平時好少會燒翠玉瓜，但係朋友提醒原來燒烤燒翠玉瓜係好好食。 一試難忘!眼嘅時候翠玉瓜嘅汁流晒出嚟，十分juicy!鮮冬菇鮮冬菇配上蒜蓉同孜然粉，味道同口感好

燒即開新鮮大生蠔🦪生蠔肥美飽滿，燒嘅時間啱啱好，咬落去仲係好多汁，而且唔腥，可以揀配wasabi或者蒜蓉，即使落蒜蓉都無完全蓋過生蠔嘅鮮味👍清酒焗花甲🥢花甲有十幾隻，份量算係OK，可以額外加配粉絲，粉絲索晒湯汁好入味🍜雞全翼🍗雞皮燒得好香脆，但係裏面嘅雞肉依然係有肉汁，面頭灑上味粉，調味合適～厚切牛舌算係大塊，有咬口🐮 蒜油娃娃菜微辣好惹味🥬 食咗幾款香口嘅串燒，菠蘿顯得更香甜🍍依度係掃QR code落單，一落單嗰陣要揀濃度同埋辣度，今次揀咗正常口味同埋小辣，味道上幾適合我，惹味又唔會太鹹，本身唔算好食得辣，小小嘅辣味帶來刺激感又未至於辣到食唔到，辣度適合，而且有個爐暖住串燒🌶

又係時候帶寵物去美容，發現附近新開左一間串燒店，重點係咸味辣味可以自己調整控制，不像坊間其他那麼重口味，燒好的食物上枱後仲有個火爐一直保持溫度，好新穎又細心，值得一試。Happy hour吾使100元便可以嘆杯500ml啤酒和串燒，的確好吸引。首先食住煎餃子先，熱辣辣外脆內軟，好香脆。熟食落肚再慢慢揀其他食物。燒原條茄子係推介之一，茄子開邊，即燒即食，香噴噴，入口感受熱辣的口感，蒜蓉味引起食慾，茄肉綿密而香滑，食到忍唔住口。串燒方面好出色，雞中翼燒至金黃色，灑上芝麻份外吸引。外脆內軟。燒韭菜不似坊間其他舗那樣死咸和燒到淋曬。呢個燒韭菜燒熟之餘，仍然保持水份和爽嫩口感。原隻虎皮尖椒，光看外表好大隻，燒熟而保持爽脆鮮嫩無想像中的辣味容易入口。燒雞腎，口感爽脆，咸度適中，作為佐酒小食一流。燒大頭蝦，係原隻燒的大頭蝦，肉質鮮嫩，蝦肉鮮甜爽口。值得一試。燒豬頸肉香辣入味，外皮香脆，肉汁豐富。沾上醬汁更加入味，更能帶出鮮味。珍寶凍檸茶非常超值，大杯到你吾信，而且足料無偷雞。下次再黎約埋成班朋友啤啤佢好盡興。

今日路過見到燒烤諗住試下點知勁有驚喜叫左d燒海鮮 一食就知d海鮮係新鮮 完全唔會有任何臭味同埋全部都大大只所有菜無任何一款係難食我最鍾意係燒鱔魚同滷肉飯個鱔魚又滑又juicy然後個皮又脆個滷肉飯我一個人食左兩碗 好癲～距地每日都會整新鮮既人參烏龍茶我都係第一次知原來飲茶同燒烤係咁夾兩個人食到返曬艇都係800幾我最鍾意係距全部燒烤都唔會落味精大陸燒烤係好食 但係太濃食完會口渴真係搞唔掂但係呢d類似大陸口味 又唔會太鹹太多味精先真係可以持續食同埋對身體比較好隔離又好多停車位又方便停車🅿️下次過黎試下午市先得距d飯睇起身都好吸引