山本屋 (圍方)

Open Now

Now Closed

地方窄 唔舒服 食物價錢對唔係食物食過一次就算 難食過吉野家鳥冬😩成餐飯感覺 逼！貴得黎難食！冇下次🥳🥳🥳🥳🥳 希望店家可以改善下啦 唔係應該過多排就要執笠架啦鰹魚湯烏冬配天婦羅炸蝦個炸蝦仲衰過普通日料店，個烏冬超級一般

望住呢間舖頭開店排長龍到而家人龍減半，終於有機會試到。個人認為，唔使排長龍嘅都可以一試🤫若然要排隊嘅，就不值了。燒地雞手羽▫️上碟已經聞到好香！雞翼大大隻，啖啖肉！▫️炸得乾身，但內裏仍然保留juicy 的味道，唔錯！親子煮烏冬（老店傳統味噌湯）▫️即係雞肉蛋烏冬，傳統味噌湯味道夠濃，但唔係死鹹，如果鍾意味噌湯嘅朋友可以試吓。▫️雞肉切到好幼，個人覺得麻麻。▫️烏冬麵質偏硬，已經冚蓋焗咗一陣，仍然硬身。美國安格斯牛肉煮烏冬+泡菜（黃金鰹魚清湯）▫️見到唔少食評話呢個湯底太清淡，同行友人就係貪佢清清地。不過，確實冇乜魚湯味道。▫️牛肉唔係平價貨，牛味突出。▫️腐皮份量有點過多，如果有其他配菜會令到整個烏冬更加豐富。

放假陪朋友試吓新嘢🫶🏻 當日紅日，晚餐時間排咗大半個鐘終於有位。未入座前，日本藉店員幫忙派定order form🙌🏻 入座後同朋友叫同一款烏冬，店員有詢問各自偏好的烏冬質地。我鐘意硬啲，朋友鐘意淋啲。不過嚟到烏冬一樣都係淋的。匪夷所思嘅係，朋友個碗有牛肉，而我個碗就無。可能係漏咗？！同店員講，佢隔一陣就補返另上的牛肉俾我。不過個湯都凍咗少少了。考慮到輪侯時間、服務、質素、味道、舒適度、價錢等等⋯ 完全唔推薦。朋友亦表示早知就唔等咁耐。

喺呢間烏冬店食左一個牛肉烏冬, 真係又貴又難食, 真系令人失望。首先, 呢個牛肉烏冬的價錢真係好貴, 一個就要$100幾蚊。對比其他同類型嘅烏冬店,呢個價錢絕對算係天價。我可以去其他間烏冬店,同樣味道嘅烏冬, 只需要$50嗰樣就得。所以話,嗰個$100幾蚊嘅價錢太離譜,係非常高企。而且講到佢嘅口味,麵條好硬好唔柔軟, 咬落去有種木頭般嘅感覺, 完全唔似一個好嘅烏冬。同時,佢間店嘅牛肉質地都唔太好,又乾又冇咩分量,同個價錢根本唔成正比。 除咗烏冬本身的問題之外,呢間店嘅服務態度同環境都唔太好。職員好似唔太熱情,態度冷淡, 根本就唔似一間好嘅食店應有嘅服務態度。總括嚟講,我喺呢間烏冬店嘅整體用餐經歷真係好差勁。價錢高同時質素粗劣,連基本嘅烏冬特點都缺乏,加上差劣嘅環境同服務,令我完全唔想再嚟呢度食飯。我肯定唔會再嚟呢間烏冬店光顧,亦都會同身邊嘅朋友大力推介,叫佢哋唔好嚟呢度食飯。

Weekend同朋友去開大圍，平時見呢間山本屋大排長龍，今次我同個frd 2位6點到The Wai就去排隊，大概排左45分鐘就入到去，比想像中都快。未入到餐廳之前就有職員比點餐紙你揀定食咩面，入座後就會即叫即整，等差不多15分鐘就有熱騰騰既窩送上。美國安格斯牛肉煮烏冬 傳統味噌湯底 $108黎到一定要試試佢地招牌味噌湯底 湯底系好濃郁 豆腐卜吸晒啲湯汁 牛肉略嫌有啲乾 但系個麵底有部分會黏埋一塊影響左少少口感黑豚肉煮烏冬 傳統味噌湯底 $98呢個黑豚肉肉質好過牛肉 其餘湯底同麵底都一樣 我地食到一半就覺得有點兒太濃同咸 所以追加嗌左2樽有汽飲料解膩 總括呢間山本屋都值得一試的!

𝕆𝕣𝕚𝕘𝕚𝕟𝕒𝕥𝕖𝕕 𝕗𝕣𝕠𝕞 ℕ𝔸𝔾𝕆𝕐𝔸 𝕤𝕚𝕟𝕔𝕖 𝟙𝟡𝟚𝟝! 𝔽𝕖𝕒𝕥𝕦𝕣𝕖𝕕 𝕙𝕒𝕟𝕕𝕞𝕒𝕕𝕖 𝕦𝕕𝕠𝕟 𝕨𝕚𝕥𝕙 𝕕𝕚𝕤𝕥𝕚𝕟𝕘𝕦𝕚𝕤𝕙𝕒𝕓𝕝𝕖 𝕥𝕖𝕩𝕥𝕦𝕣𝕖 𝕒𝕟𝕕 𝕚𝕟𝕥𝕖𝕟𝕤𝕖 𝕞𝕚𝕤𝕠 𝕗𝕝𝕒𝕧𝕠𝕣.終於有機會造訪山本屋第一間嘅海外分店 @大圍特別一提，手打烏冬直接喺伊賀燒砂鍋裏燉煮，極具儀式感而且可以挑選最適合自己的口感 -⚡️想烏冬煙韌啲可以開蓋即食；⚡️想淋身啲可以焗3️⃣分鐘 雖然平時口味偏淡，但冇理由唔試皇牌 #赤味噌湯由自家醃製岡崎八丁味噌、信州味噌混合調製集酸味、少少苦味、香菜味、豆味於一身餐廳特意調整味噌濃度減少20%所以味道濃烈、豐富得黎唔會杰撻撻漿住個口

從來冇諗過…過江龍可以咁難受 咁難頂…價錢完全貴到飛起，好似喺度劏遊客咁樣見到價錢已經有一點貴貴好，我就俾個機會佢嘩，點知嚟到天婦羅得嗰兩條，完全冇味道嗰個鰹魚湯仲話係店內推介推薦鹹到好似飲尿水咁樣嗰啲豆卜直程喊到好似吞咗成樽鹽咁樣我夠膽講啊，嗰啲烏冬一碗都唔知有冇半包烏冬得個三四條咋，陰公咁樣就中咗一個超級大嘅伏總括嚟講： 四條烏冬 + 一碗屎水+ 加半樽鹽+ 2碌蝦🍜+💩+☠️+🍤 = 💸咁樣嚟收你百幾蚊執笠啦，好心。 👎🏻👎🏻👎🏻👎🏻👎🏻👎🏻👎🏻👎🏻

講真，自己喺屋企淥個麵都好食啲，唔值得排咁耐。日本山本屋其實評價都唔高，唔明點解人氣高漲到咁，隊排到咁長。由於啲麵係手擀嘅，啲麵大小粗幼參差不齊，睇落去好難受，食落去都係。可能有啲人有可能鍾意食，就見仁見智啦。麵湯好濃，有啲太鹹，食兩啖就要飲水。不過小食嘅雞翼都算可圈可點，皮脆肉嫩。唯一問題就係定價同主打嘅烏冬嘅味道。總括來講，完全唔值得嘥時間同錢食呢間嘢，敗筆就係佢哋連主打嘅烏冬嘅味道都未整好。

有生以來第一次專登登入寫食評，因為實在太難食。有幾次經過見到咁多人排隊咪好奇去試下囉，同家人一齊去試，但結果我們一致認為中伏。首先，到底係食緊烏冬？定係食緊厚版刀削麵？雖然係手工製作但我唔覺自己食緊啲乜？又硬又厚皮，似食緊餃子皮。湯底似汁咁結又太濃味，係重口味，又覺得好鹹，咖哩湯或味噌湯都係咁，整體份量少，又貴又無乜餸，小食款式少又貴。以後不再來吃，也不推薦給其他人。永久delete，bye bye

回頭度🍪6.5/10｜人均消費💰~$80-130-🤍親子丼烏冬 $88烏冬麵質幾特別 幾煙靭😋雞肉都尚算嫩滑 加埋蛋花正🍳腐皮都好索湯😍但黃金鰹魚清湯有啲似普通冇咩魚味 似就咁清湯多啲🥲不過超級熱辣辣 加分🔥但就真係貴咗啲 同排得有啲耐味道🌕🌕🌕🌗🌑-🤍炸紫菜雞柳（+$38）幾香口 都ok好食味道🌕🌕🌕🌗🌑-整體味道🌕🌕🌕🌗🌑抵食🌕🌕🌕🌑🌑

明治四十開業，歷經百年傳承第五代名古屋名物，引頸以待的烏龍麵，以及自家發酵的味噌湯底。糕糕糕🐖(1) 蝦天婦羅煮烏冬老店傳統味噌大有來頭。選用超過三年自教發酵的赤味噌與白味噌，獨特的香味、豐厚的口味，烏龍麵亦能吸收滿滿的湯汁。（相信牛肉煮烏龍麵會令湯汁更甜。生烏龍麵放入伊賀燒砂鍋燉煮，在上枱時會詢問烏龍麵的喜愛口感，可以蓋上蓋子靜候多兩分鐘。（2） 燒地雞手羽嗯⋯you know what? You know的味道。味噌湯底香醇而不刺鼻，但咖喱湯底貌似更吸引。（隔離飯香(˶‾᷄ ⁻̫ ‾᷅˵)至於所提及的「烏龍麵」而不是「烏冬」，它的彈滑程度有別於一貫呈圓形的烏冬，口感不盡相同。

老實講，今時今日咁嘅香港，價錢咁貴，仲要咁樣嘅服務態度，真係嚇死人咁！我同屋企人三個人入去進食，店員態度麻麻： 你出去排吓隊先啦。（心諗，可能係我聽唔順耳啫，佢應該係態度差啫。）可以入座嘅時候，一直以來都冇乜事，去到上烏冬嘅時候，我諗住焗佢一陣，等烏東淋啲，過咗1分鐘，店員無端端自己走過嚟拎走咗我個烏冬蓋，有一堆湯就飛到喺張枱，我個白色叉電器，同埋我個座位附近！ 當其時我的確係幾嬲，因為我着白色衫，我問佢有冇搞錯啊，我有叫你攞走個蓋咩？但係個店員望咗我一眼就咁走咗。（店員係金色長頭髮，戴眼鏡，應該有178 cm高，比較瘦的男仔生。）之後有個女嘅侍應，（估計係店長），比較有經驗，都係淨係俾咗兩張紙巾我，但係由始至終一句對唔住都冇講過！當埋單的時候，正常人都比客人行咗出嚟先，先執枱！但係啲店員好似冇嘢做咁，一窩蜂兩個人走嚟執一張四人枱，阻住我行出嚟，由於已經驚咗佢哋，整污糟嗰件白色衫，我真係唔敢郁！講返食物質素，其實啲烏冬，焗咗一分鐘，真係好硬，唔好食，呢個價錢（人均130左右），喺圍芳食，係唔係就係啲食物質素比較差呢？ 上菜速度亦都好耐，由個小食至到上烏冬個時間，都差唔多二十幾30分鐘！

呢間日本烏冬店剛剛開業時, 排隊等候人龍非常誇張， 一直未有機會試過。 剛巧今午經過呢間店，見唔使排隊就入去試一試。點餐紙上有6款煮手切烏冬可選擇，我要了吉列豬扒煮烏冬, 配上老店傳統味噌做湯底。 等 …….. 咗二十分鐘終於煮烏冬用原個沙窩熱辣辣上枱，喝上一口味噌湯，非常濃稠偏鹹，但配上烏冬一起食味道剛好。手切烏冬是師傅店內即製，烏冬麵條實淨。 豬扒較為薄身, 質地鬆軟，炸得非常酥脆。可能食之前對呢間百年老店有些期望，食完後唔係唔好食，但又真係覺得無乜特別° 相比起拉麵， 我都係比較喜歡吃拉麵更多。

好幾次去圍方見到勁多人排隊～係日本師傅手打烏冬今次終於少人啲決定排30分鐘內已經入到去😍 湯底有三款選擇：老店傅統味噌／招牌咖喱／黃金鰹魚清湯可以選擇烏冬 軟／硬度美國安格斯牛肉煮烏冬配老店傳統味噌湯$108熱辣辣砂鍋上枱🤤勁濃味！好濃郁！好正😋 濃度好似沾麵咁好掛湯烏冬上面會有蔥，腐皮同埋生雞蛋烏冬爽彈煙靭👍 如果想軟稔可以蓋上鍋蓋焗2分鐘再食牛肉正正常常 蝦天婦羅煮烏冬配招牌咖喱湯$108起初以為呢個會好濃厚點知原來比起味噌淡但都好重咖哩味😍天婦羅再點咖哩湯都幾夾再加埋烏冬勁正😋😋 小貼士：可以係食完烏冬問職員拎白飯，再加落湯成為拌飯，勁正❤️❤️❤️ 山本屋大圍車公廟路18號圍方5樓527號舖#Foodie_aki #yum_yum #大圍美食#圍方美食 #山本屋 #日式美食#美國安格斯牛肉 #烏冬 #老店傳統味噌湯#牛肉烏冬 #味噌湯 #蝦天婦羅#招牌咖喱湯 #蝦天婦羅烏冬 #咖喱湯#手打烏冬

平日下午經過，見終於唔駛排隊入去食左，可惜好失望，直頭覺得個湯有燶底味。問下隔離食客好吾好食，佢都話幾失望下，隔兩日見朋友社交平台打卡山本屋，我又問好唔好食，佢都話唔好食。好彩我吾駛排隊⋯⋯平時都唔留言，唔係麻麻地，係難食。