山本屋 (圍方)

Open Now

Now Closed

話說呢間餐廳喺圍方啱啱開幕嘅時候，排隊都打咗幾個蛇餅，見到都嚇親🫣今次早咗收工，五點幾就去到舖頭，咁就當然可以直入啦🥳其實嚟食之前都冇咩期望，主要係因為見到好似好多人都話比較重口味鹹咗啲其實我自己都有晒心理準備，因為喺名古屋食過呢款味噌烏冬，的而且確係比較重口味。咁去到就嗌咗個蝦天婦羅味噌烏冬同雞翼啦🥢蝦天婦羅味噌烏冬老實講，我又覺得唔鹹喎🫢烏冬軟硬度亦適中唔知佢係咪因為收到好多意見而有遷就返香港人嘅口味呢？蝦天婦羅個粉唔厚又熱辣辣 幾新鮮佢個蝦天婦羅係分開上，唔會浸到個天婦羅林晒🥢燒地雞手羽呢個絕對有驚喜🤪佢個皮係真係脆㗎喎，然後入邊又唔會好乾，Juicy㗎都$48 3隻抵唔抵食就見仁見智喇另外想講吓佢服務態度當時眼見服務生都算係上咗年紀嘅叔叔阿姨但係我覺得佢哋服務態度好好而且真係會留意食客嘅需要佢見到我張枱fullfull地嘅時候 都即刻幫我收起啲唔要嘅嘢又有主動問我鍾意啲面身鍾意軟定硬然後建議我幾時打開個蓋下次再嚟嘅話，都幾想試吓佢個咖哩烏冬🤗

之前圍方開張時吹捧到大排長龍嘅過江龍手打烏冬店🍲今次大約6:30pm 左右黎到，人龍未算好長，排左15-20分鐘就入得。因為製作時間需時大約20分鐘⏱️ 店員係排緊隊，差唔多可以入座就會幫你落定單，之後就唔可以再加單。整個服務體驗就係店員好趕時間，一食完即刻收野趕人走咁😅 總括黎講，食物質素正常，賣相精美，味道唔算特別，可以一試，不過唔會特別想再食🤣📌黑豚肉煮烏冬 (黃金鰹魚清湯) $98 🍲📌美國安格斯牛肉煮烏冬 (老店傅傳統味噌湯) $108 🍲每份烏冬都會用瓦煲上，店員會係上菜時即場打開煲蓋，如果鍾意食腍身D烏冬就可以焗多陣先開蓋。一開蓋烏冬仲係滾住，配料有京蔥、雞蛋，同腐皮。手打烏冬口感煙靭有彈性，味噌湯會比較濃稠，口味偏咸，而鰹魚清湯口味則較清淡。另外，黑豚肉同安格斯牛肉就正常，肉味唔算濃。📌炸雞皮餃子 (3隻) $38 🥟雞皮炸得金黃香脆，食落唔會覺得油膩😋

尼間來自名古屋手打烏冬店，烏冬打是人手製造，門口玻璃窗可以看到師傅整烏冬製作過程，烏冬有3款湯底可以選擇，有鰹魚清湯、老店傳統味噌、招牌咖哩，我哋就試咗招牌咖哩。黑豚肉煮烏冬 HK$98/美國安格斯牛肉煮烏冬$108（ 招牌咖哩+HK$10）- 手打烏冬很新鮮，麵條屬粗偏身，店員送上砂鍋上桌時會問你喜歡烏冬淋身定係有咬口，我就選擇有咬口，所以店員就隨即將個砂窩蓋打開同拿走，烏冬有咬口同彈性。招牌咖喱湯底濃郁但又不會好咸，原鍋已經有溫泉蛋，腐皮，同蔥，無論配埋黑豚肉同美國安格斯牛肉再撈混雞蛋一齊食都好啱。燒地雞手羽 $48 - 外皮炸得酥脆，外層再灑上厚厚黑芝麻同辣椒粉，肉質鮮嫩多汁。炸雞皮餃子 🥟 $38估唔到有驚喜，雞皮炸到脆脆又帶些彈牙，入面有豬肉沙葛餡，有口感，好味😋。和風沙律🥗 $28沙律菜同番茄仔新鮮，mix 埋和風汁都唔錯，同埋都算大份，

【傳承五代。百年烏冬】終於一試來自日本名古屋的手打烏冬，至今差不多開業了一個世紀，保持著傳統口味，每煲烏冬都是人手即點即製，可以透過店裡的小窗或者店外的玻璃門窗參觀製作過程。❈吉列豬扒煮烏冬 HK$108 （招牌咖哩 + HK$10)手打烏冬很新鮮，口感是偏粗硬，有點嚼勁。咖喱湯底十分濃郁，不會過咸。吉列豬扒是分開上桌，所以不是泡在湯中變軟，保留吉列脆口感。❈美國安格斯牛肉烏冬 HK$108秘制的味增湯蠻濃稠，配上現打烏冬，砂鍋確保了上桌的時候烏冬一打開還是熱氣呼呼的，手打的烏冬特別有彈性，就算是放久了也不會變軟。❈天婦羅拼盤HK$58天婦羅炸得薄脆，有2隻蝦子和2款蔬菜，可以2個人分享。

日本名古屋百年鍋燒烏冬老字號，主打味增鍋燒手打烏冬，非常巴閉只可排隊等候。🤣店員上菜時因應顧客烏冬軟硬喜好起鍋蓋，超貼心!!- 親子煮烏冬 老店傳統味增 HK$88 🐣🍜雞肉嫩滑蛋香濃郁，烏冬帶麵粉香氣口感超級彈牙!!每鍋烏冬在濃郁味增湯中由生煮到熟，所以條烏冬都能充分吸收湯汁，味道咸中帶甜，超惹味又暖身!!- 吉列豬扒煮烏冬 老店傳統味增 HK$108 🐷🍜吉列豬扒即叫即炸，可惜肉質較乾亦欠缺肉香，建議點親子煮烏冬。- 炸雞皮餃子 (3隻) HK$38 🐣🥟香脆雞皮包裹鮮嫩雞肉餡，芹菜添加爽脆口感，可以一試。

#20231220 🤍📍 山本屋 @yamamotoya_hk 大圍車公廟路18號圍方5樓527號舖 🍽️尖沙咀廣東道3-27號海港城海運大廈LCX3樓32號舖➖➖➖➖➖➖➖➖➖➖➖➖➖➖➖➖#美國安格斯牛肉煮烏冬 $108 🫧 #老店傳統味噌💭 牛肉上到枱仲粉粉地色好靚，預左比個湯滾熟佢，見咁上下就要快啲食，再唔係就夾起佢廢事老晒🐮味噌湯相對地比較濃味，岩岩上枱夾住啲烏冬食都幾惹味，不過越食會越咸😅手打烏冬食落似啲山西刀削麵咁，望落扁身，口感煙韌偏硬，顛覆左對烏冬既固有印象～鐘唔鐘意就真係見仁見智喇😛.#吉列豬扒煮烏冬 $108 🫧 #招牌咖喱 +$10💭 豬扒炸漿薄薄地，啲肉淋身唔鞋🐽咖喱汁係湯咖喱既質地，一開始會比較稀，不過隨住個熱煲滾下滾下會越食越杰🍛有啲油揚同蔥索下湯，呢度都係可以食完啲烏冬之後再追加碗仔白飯，倒落去撈埋啲湯食好地道既食法🍚.#炸雞皮餃子 +$38💭 平時見到雞皮真係唔會想試，但自從之前一試過就真係返唔到轉頭，每次見到都會想叫，呢度都唔會失望，雞皮炸到脆脆又帶啲彈牙，入面有沙葛豬肉餡，有啲爽口雙重口感，好味😋.#大圍美食 #🐷在大圍 #尖沙咀美食 #🐷在尖沙咀

傳統風味僧湯, 味道帶點苦, 少許粉狀, 口感不佳, 吃了一半就真的吃不下了, 成個口腔有點不舒服感, 加上味道又偏咸, 喝了幾杯茶。這一間可能實在太傳統日統口味, 不太適合香港人。斜對面有位內地口音食吃, 都說不太好吃。真的想不明白點解咁多人去食, 重要迫排隊, 冇得拎票等叫號, 成個午餐過程都難受。

放工之後這裏已經排起人龍，等了半個鐘左右才進去，店面不大，但是人氣很旺，還有日本師傅現場做烏冬，很有意思～～打卡大圍新商場圍方的日本名古屋百年手打烏冬老店 山本屋 吉列豬扒煮烏冬 豬扒外酥裏嫩 脆脆的口感 鮮嫩多汁 湯底選的鰹魚清湯 較為鮮甜蝦天婦羅煮烏冬 烏冬勁道 配老店傳統味增湯 湯底濃郁 稍微有點鹹三品菇盛類 日式炸豆腐 都非常不錯 排隊很長 要預留多一些時間哦～山本屋 (圍方) (大圍)大圍車公廟路18號圍方5樓527號舖

圍方開咗一段時間，入面有吾同食市，網上睇呢間鳥冬店評價不錯，決定一試，晚市不可取票，要排隊同人齊人先入得，排隊會俾定點餐紙。 1. 黑豚肉煮鳥冬（老店傳統味噌），味噌湯同香港食到吾同味，另外幾重味道，我覺得一般。黑豚肉無咩特別。2. ⁠吉列豬扒煮鳥冬(招牌咖喱)，咖喱湯底都係一般，但比味噌湯好。吉列豬扒，炸得吾夠脆，薄扒，有啲失望。3. ⁠炸雞皮餃子（3隻），比較少見，味道可以。4. ⁠燒地雞手羽（3本），有少少似芝麻雞翼，味道正常 5. ⁠天婦羅拼盤，有南瓜、蕃薯、冬菇同2隻蝦，吾係好夠熱，不過幾好！6. ⁠檸檬茶味氣泡酒，完成失望，只係一罐罐。整體黎講值唔一試，烏冬用瓦煲上，有口感啲，即拎走蓋，稔少少可以焗多陣。吾洗排隊我會再試！

開聖誕party 肯定食唔少熱氣野加暢飲啦😝瞓醒不如來一碗用熱鍋盛載嘅湯烏冬啦呷一口湯 再吃上手打烏冬煙煙韌韌好舒服呀～～餐廳位於圍坊 店內大約2-30個座位閒日嚟到都幾滿座可見受歡迎程度入座後可以畫紙仔揀食物烏冬一共有3款湯底：鰹魚清湯、老店傳統味噌、招牌咖哩我同阿媽揀左鰹魚清湯及老店傳統味噌鰹魚鮮甜清晰味噌湯濃得嚟帶甜 好順喉2款都係會忍唔住係咁飲烏冬係手打 口感煙煙韌韌 好滑身！配料有蛋、蔥、腐皮等唔夠可以再另加吉列豬扒、炸物、雞翼都好味炸得香脆鬆軟 推介👍🏻👍🏻👍🏻不論烏冬、湯底、餸菜都做得好食係會令人想再回訪的。🔸親子煮烏冬（$88）🔸吉列豬扒煮烏冬（$108）🔸日式炸豆腐（$28）🔸三品菇類盛（$28）🔸燒地雞手羽（$48/3本）🔸靜岡蜜柑梳打（$36）🔸完熟水蜜桃梳打（$36）

一直見到IG好多人都有推介，趁着今日閒日同友人過嚟試試。平日下午的關係不用排隊，可直接入去。先安排我們坐一張二人細枱，後邊有個餐櫃頂着我怕不舒服，我眼見四周都有空枱，所以我就直接問是否一定要坐呢一張？其中一位職員就話: 唔係呀，隨便坐都得。然後我就選了一張四人枱坐，另一位職員即刻出聲: 呢張枱仲未抹㗎！坐呢一張啦。揮手示意，我們坐另一張細的二人枱。我真係唔明白，又唔係爆場，點解一定要人哋坐咁逼夾咁細嘅枱？？最後我觀察到一個人入座嗰啲佢就安排四人座比嗰啲人坐，係咪我得罪咗佢哋？🤣。圖片可見，由於我追加咗一份雞翼，將餐枱根本好勉強容納餐具飲品及烏冬，感覺俾人耍到氹氹轉。忍唔住要寫comment，真係一吐氣。食物質素一般，沒有想像中驚喜感，不過不失試過一次就夠。炸蝦天婦羅烏冬，你唔問佢佢都唔會俾個汁你點，另外，吉列豬扒烏冬同樣一樣，你唔問開口問佢佢唔會俾沙律醬你點，要自己開口問先有。我真係唔明白點解可以咁多人會排隊過嚟食🤣🤣最後想補充一句：譚仔的姐姐態度都好過呢度好多

今日難得經過圍方，滿心歡喜去試這間過江龍手打烏冬店。點知一肚氣，我打邊爐自己煮既烏冬都好食過佢，仲要排完隊後再等20分鐘，百幾蚊份量細甚至難食，後悔無睇留言浪費寶貴時間。仲要遇到有人打尖，但店員話係老闆家人，所以叫我再等下一張。重點係難食，自己煮仲好味。尤其是天婦羅蝦，是分碟上，但皮是淋，湯得個咸字，麵無彈口，真係手打？丸龜都好食過這間店，但只是幾廿蚊。真係交智商稅，沒有下次。難怪門口少左開幕時既人龍。

今次已經係第二次食，同上次情況一樣，晚市好早就已經排哂長龍，但兩人嘅話會比較快入到（大概十二分鐘）。烏冬選擇方式主要係先揀湯，再揀配料。試過味噌同咖哩湯都幾唔錯，個人黎講口味唔會太重唔會太淡，岩岩好，佢始終係沙鍋上，味道一定係偏濃。烏冬上菜時間的確係要耐少少，不過佢店面都有貼住需時最少20分鐘，實際上菜時間都係差唔多。員工上完菜之後都會問客人個烏冬想淋啲定爽啲，分別在於佢會唔會即時幫你收走個鍋蓋。個湯夠濃夠香，烏冬彈牙口感唔錯，啲餸都合格，主角都係湯同烏冬。而啲蔥同腐皮藉住啲湯，都變得好好食。惟獨是整碗烏冬份量唔算好多，可能叫埋飲品就岩岩好。整體黎講，係一間值得一試嘅湯烏冬店，味道係有保證，但以佢平均一百蚊一碗嘅價錢黎講，就算唔上係性價比嘅選擇。主要扣分位係個收銀員工，略肥戴眼鏡嘅姐姐，收錢嘅時候一句招呼都冇，過程完全冇對話，只有板著臉，收完錢就走左去，一句簡單嘅多謝都冇，差啲以為自己去左茶記食飯。

蝦天婦羅煮烏冬配老店傳統味噌 $108烏冬口感一樣煙韌有彈性，傳統味噌湯底係清湯，味道溫和，濃而不膩，相對清一啲。蝦天婦羅炸衣夠薄身，香脆不油膩，點了味噌湯再食，也不錯。美國安格斯牛肉煮烏冬配黃金鰹魚清湯 $108烏冬煙韌彈牙，而且好掛湯，浸透咗味道更濃。湯底嘅麵豉味濃郁厚身。薄切牛肉唔會鞋身，加上鮮味十足嘅湯底，係唔錯嘅配搭。炸地雞手羽 （3本） 另+$48燒雞翼好出色，外皮酥脆，而中間嘅雞肉仍然香嫩有肉汁。

大圍新開間烏冬店，諗住同男朋友一齊去試下，講到話百年老店，又係日本開過嚟，我同男朋友都幾鍾意食烏冬就諗住入去試下。首先，排隊要排成粒鐘。喺出邊排隊可以透過玻璃窗望入去，啲顧客食完離開之後，隔咗10分鐘先有店員去執檯，明知出邊排晒長龍，都唔快快手執好檯安排顧客入座。其次，上菜速度慢。我觀察到佢哋係8個鍋8個鍋咁出，出完一輪又要等多15分鐘，然後都係跟住客人落單時間煮，咁啱我同我男朋友張單就係第9同第10張，所以又要等多一輪，點知個店員漏咗我男朋友張單，足足等咗45分鐘先有得食。有時真係覺得呢件事好反智，明白用砂鍋煮係需時耐啲，但佢可以同時煮嘅數量亦都太少了吧，怪唔得要排咁耐隊。最後講返啲食物質素，網上啲youtuber吹到幾好食幾好食，可能個人口味唔同啦。我哋嗌咗味增黑豚肉煮烏冬、咖哩吉列豬扒煮烏冬同埋燒地雞手羽，個雞翼的確幾好食，幾juicy，皮脆肉嫩，但係烏冬真係令我大跌眼鏡，烏冬手打係幾煙靭，但係一啲都唔掛汁，齋食烏冬就係原汁原味嘅麵粉味，令到成碗烏冬食落唔和諧，咖哩汁又太淡，冇乜咖哩味，真係唔會再幫襯。