山本屋 (海運大廈)

Open Now

Now Closed

環境估唔到海港城望海景餐廳，人均100有找可以望住海景性價比高，如果平日坐窗口位需每位最低消費鳥冬一客+小食一客/飲品，如果假日就人均$160以上未連加一。食物👍🏻美國安格斯牛肉煮烏冬 $118主打手打粗身烏冬，牛肉不錯好味過親子煮烏冬，建議叫這個。👌🏻親子煮烏冬（雞肉) $98老店傳統味噌超入味，但雞肉不多質素普通。👍🏻焼地雞手羽（3本） +$58外酥里嫩，而內部的雞肉則保持了多汁和鮮嫩的口感，但雞翼偏細隻肉不多。👌🏻味噌醬關東煮 +$50各種食材如蘿蔔、雞蛋、獅子狗、芋絲等在湯中慢慢吸收味噌的精華，口感層次分明，各有特色。👌🏻杏仁豆腐布句 +$28宇治抹茶布甸+$28推杏仁豆腐多些，宇治抹茶吃下去有粉粒。

話說天氣涼涼哋，想食啲熱嘢，於是就去咗山本屋食鍋燒烏冬。一入座，左右兩張枱都係大陸客，當我用餐嘅時候，侍應走去我左手邊嗰枱問客人有冇用緊大眾點評，跟住就同客人講你分享點讚就會有甜品送，如是者再同我右手邊嗰枱問返同一堆說話，又係送甜品，身為香港客嘅我感覺有啲奇怪同埋不良好，雖然我唔志在啲甜品，但好似餐廳唔多重視本地客咁囉⋯⋯ 為免尷尬，都真係未必會再成日幫趁😅

今日嚟到尖沙咀搵咗間食主打手打烏冬呢間店舖主打手打烏冬有分扁烏冬同埋粗烏冬個人認為粗烏冬比較好味。今次揀咗佢哋季節限定嘅蕃茄湯烏冬配豚肉。佢哋係用瓦煲裝住，所以特別滾。而且湯底夠熱蕃茄味好出。另外嗰碗係佢哋嘅招牌嘅味道，湯底可口而濃郁，滿滿麵豉味，配上吉列豬扒，外脆內軟。

烏冬控的我一直都很想試名古屋過江龍，星期六晚陪屁孩去完九龍公園玩，便順道試試看！/六點入座的我們完全不用等位，店員很友善地為我們預備BB椅👍🏻同場也有兩位BB，相信也很適合一家大細🙂‍↕️幸運的話還可以坐上海景雅座。🌟美國安格斯牛肉煮烏冬 $118看過大部分食評都說烏冬很硬的我已有心理準備，第一下吃下去的確十！分！硬！有種未熟透的感覺，很粗身卻沒有彈性😥選了鍋燒的我，隨著鍋的熱力會慢慢變軟，不過也不要期待軟熟很多lol味噌湯很濃郁，不錯的；安格斯牛也很有牛味和重油脂香，不過比較薄片和量少；配菜還有京蔥、吸湯的油揚豆腐和雞蛋一隻。⭐️招牌咖喱吉列豬扒烏冬 $133老公說咖喱味偏淡，吉列豬扒正常質素，香口的👌🏻🌟甘栗紫薯餅 $48 (尖沙咀店限定) 脆卜卜的炸粉裏包裹着軟綿的紫薯，是今晚唯一可取的MVP🥇⭐️名古屋黑赤雞翼山(尖沙咀店限定) $88有芝麻粉炸雞翼和辣粉炸雞翼，雞翼炸得非常脆卜卜，可惜太乾身，硬到有啲𠝹口😔炸物咁高熱量嚟講，真係完全浪費quota😟/一家三口連一罐可樂，加一後合共消費$437，叫做試過終於心息！吃飽飽後看見外面長長的人龍，心裏不禁冷笑一聲😏可能係唔啱我口味吧，我是福

今晚男友帶我食來自名古屋的［山本屋］，雖然要排隊，但都係等左15分鐘就入得，排隊時係門口旁有廚窗，可以見到師傅即製即切手工烏冬，其優點係口感煙韌彈牙，令人期待的烏冬。餐廳都幾大，滿座但唔會太迫，因為枱櫈都較大，坐得舒適，枱面又夠位放哂食物，好彩嘅話仲可以坐窗邊位，睇埋夜景。呢度仲有特色，係用鍋仔上菜，用鍋裝著湯烏冬，保持溫熱，冬天真係好岩食，暖笠笠。招牌咖哩湯 吉列豬排烏冬 $118鰹魚湯底加洋蔥、蕃茄等蔬菜、雞骨、豬骨燉煮的湯底，香濃辛辣好惹味，腐皮吸哂湯汁超正，烏冬質感非常好，手工即製做法令烏冬煙韌彈牙。吉豬唔夠熱但脆口，吸湯汁食仍香脆。老店傳統味噌湯 牛肉烏冬 $118赤味噌，自家發酵超過3年的岡崎八丁味噌，味道濃稠豐厚，令湯頭更添傳統風味。美國安格斯牛肉味濃又嫩滑，沾蛋黃汁更滑更香。烏冬好彈牙滑溜，很有咬口。最後可以追加米飯吸埋個湯汁食，但太飽所以冇追加。名古屋黑赤雞翼山 $88 （尖沙咀店限定）赤係辣椒粉，滿滿紅粉，好香口惹味，辣度唔高，但好香。黑係芝麻，特別香的風味，微咸炸得脆口。

天婦羅柚子汁平烏冬（尖沙咀限定）- 個汁好清爽，好開胃吉列豬扒煮烏冬- 吉列豬扒個炸粉好鬆脆，impressive-豬扒結實唔黐牙燒地雞手羽- 名古屋style，皮脆肉滑，夠juicy

上次行過未有機會過去試，今次食晏時間泊完車行過未想到食乜，就是是旦旦咁過去試。本來帶我哋入座嗰個阿姐態度都幾好，帶我同太太一齊入座去全場剩返嘅唯一張窗邊枱，點知未入座佢就用我凌厲嘅眼神掘住我，然後用普通話同我哋講：「窗口位有最低消費」。冇問題，我普通話聽得好，我用廣東話問佢「咩話？」佢再用普通話重複多一次，我再用廣東話問佢「咩話？」我同佢講：「喂，喂係你帶我入嚟咩各位㗎喎，咁即係點？」你如果有啲咁嘅條件嘅話，又驚我order得唔夠嘅，咁係咪應該我入嚟之前同我講定就最低消費嘅條件，如果我都OK嘅你咪先帶我入去，而唔係客人打算坐低嘅時候搵另外一馬尾大嬸就過嚟喝住我，好似唔俾我坐落去咁，咁即係乜嘢意思？喂，食餐飯啫，你想點啊？你咁渴數嘅，個餐牌咪加貴啲囉，你又唔敢。雖然最後幫我落單嗰個阿叔態度都幾好，但係一個害群之馬搞到我未食都已經冇晒胃口，有員工用啲咁樣嘅態度嚟提供服務，啲嘢食幾好都冇用啦，唔好問啲客點解去晒大陸消費囉。呢次肯定係我最後一次幫襯呢間。

員工態度惡劣，原意慶祝生日所以禮貌詢問可唔可以坐窗口位置。一位金色短髮既員工極唔耐煩表示需要最低消費。因為係4人檯，我同朋友2個人，員工表示我地需要比3人份最低消費，我地都ok。但係我地坐低之後有兩檯都係2位既客人要求坐窗口位置，員工分拆開兩張檯然後表示分別可以2位最低消費就可以了。明目張膽差別對待😂本身諗住開開心心慶祝生日，咩心情都冇曬😂味噌烏冬得個鹹字，吉列豬排厚粉🥲口味好主觀，可能只係唔適合我個人口味，但係該員工既態度真係極影響用餐體驗。其他員工都非常友善非常禮貌的。

山本屋 - 傳統日式手打烏冬的精髓位於海港城的日式餐館「山本屋」向來以手打烏冬而聞名。今天我有幸品嚐了他們的招牌菜式－「牛肉烏冬」和「豬扒烏冬」,整體而言體驗非常不錯。首先是牛肉烏冬。烏冬條鮮嫩柔軟,手感極佳,吃起來Q彈有勁。湯頭濃郁鮮美,滿是醬油和牛骨的香氣。配料方面,牛肉塊大小適中,肉質鮮嫩多汁,入口即化。搭配時令的青蔥和蒜片,令整體風味更加鮮美動人。再者是豬扒烏冬。鹹香酥脆的豬扒鋪在烏冬上,散發出陣陣誘人的香氣。同樣是手打烏冬,有着和牛肉烏冬一樣的好口感。湯底也是同一款,同樣濃郁鮮美。豬扒本身煎得恰到好處,肉質細嫩多汁,與烏冬頗為搭調。以上兩款菜式都可謂是日式烏冬料理的精華所在。不論是烏冬的口感、湯頭的鮮味還是配料的搭配,各方面都堪稱出色。山本屋的師傅不僅手藝了得,在烹調技巧上也可謂是煉就多年,尋找出最佳的烹飪方式。此外,餐廳的用餐環境也很不錯,裝潢簡單明亮,散發着濃濃的日式風情。服務人員也體貼周到,解答我所有疑問。整個用餐過程令人賓至如歸,可謂是一次非常愉快的用餐體驗。對於喜愛日式美食的食客來說,「山本屋」絕對是一個不容錯過的好去處。他們家的手打烏冬不僅是當地的一絕,在全港恐怕

具百年歷史係日本家喻戶曉嘅「山本屋」嚟到香港，我作為烏冬lover冇理由唔去試下呀~ 幾次經過都見到大排長龍，諗住一定好好食，點知中哂伏🙃首先入座已經俾店員黑面😂以為好多客做到踢哂腳所以心情唔好 入到去除咗靠窗嘅位 大部份都係吉枱😂我哋嗌咗吉列豬扒味噌湯烏冬($108)，上枱已經有少少o咗，吉列豬扒炸到燶咗，仲要明顯見到皮肉分離🤣都未講佢啲炸皮厚過啲肉🙂‍↔️都算喇～可能人哋烏冬好出色呢～飲咗一啖湯ummm係死鹹嘅味道，味噌嘅味道唔夠出同香。另外都嗌咗個蝦天婦羅鰹魚清湯烏冬($108)🦐🍲天婦羅皮厚過隻蝦就基本操作喇，湯底正正常常偏淡，但個烏冬係唔熟的🙂咬開中間仲係粉嚟~🙏🏻雖然話呢間烏冬係用硬麵，但唔應該係咁嘅硬度？口感更加完全稱唔上煙韌喇仲有唔知點解得我隻蛋係半熟😭見其他都係打咗生蛋落去😭都好嘅~證明佢個煲夠熱🤭可能係我見識太少 真係唔識欣賞呢間嘢🙏🏻服務態度又唔係好 食物質素都咁樣 真係做爛人地個招牌😓

蝦天婦羅煮烏冬好少喺LCX食嘢，搵到呢間烏冬入邊，餐廳入邊好大有好多座位，下午茶時間加埋我大約三台客Order咗一份蝦天婦羅煮烏冬$108上枱嘅時候熱辣辣湯仲係煮滾緊嘅冇晒煙，烏冬煙煙韌韌好淡口仲有隻生雞蛋撈埋食天婦羅都好香脆服務方面，店員都會留意住你有咩需要隨時嘅ready，仲會同顧客聊天大約問吓啲嘢食O唔OK？咁樣可以了解到顧客嘅口味同埋滿意度都係對餐廳一件好事同埋可以幫助改善，食客都可以即時表達到自己嘅意見窗口外面可以見到停泊嘅郵輪

在餐廳外圍，隔住玻璃可以見到日本師傅在手打製作烏冬，很是吸引。餐廳內部裝飾城日本風，置身其中，很像在日本古舊餐廳內進食一般👍🏻各款烏冬已用鐵線鍋盛載，熱騰騰的上桌。烏冬是較為煙靭的款式，和讚岐烏冬有很大的對比。餐廳有免費白飯提供，食完烏冬可加入白飯在湯底裏，有另一番風味。我們三個被安排在一張八人的長枱進餐，合共三組食客。我要求到四人位，但服務員謂已有人留枱而拒絕。進食一個百多元的烏東，坐在長枱上，如在food court進食🙄

原來而家啲烏冬已經賣到同拉麵一樣價錢雖然係香港食拉麵都已經唔係好抵咁依間山本屋就話係來自日本名古屋主打就係佢果個整色整水既名古屋特色食法即係食完碗烏冬打個飯落個湯到撈黎食所以就一定會飽既好似中意既話可以食多兩碗添咁個飯又真係珍珠飯黎既烏冬就平時果啲讚歧烏冬咁咁我哋就叫左味噌湯同鰹魚湯試下兩個湯都ok既味噌咸啲囉碗野個賣相係幾好既味道都幾好但又唔算好特別牛肉就好食過吉豬件吉豬甚至比唔上大快活果件名古屋出名雞翼嘛 咪點黎試下都ok既但大喜屋果隻會炸得好食啲囉個豆腐就笑話黎 不提也罷其實淨睇個烏冬係好食既但有啲啲貴囉咁你始終對住個無敵大海景嘛咁海港城又好似冇乜邊間餐廳有烏冬食既算係獨市囉行過想食都可以黎食既但我又洗唔洗對住個無敵大海景黎食碗烏冬呢？

日本過江龍山本屋係香港除了尖沙咀仲有大圍店，因為去海港城見工所以係度食午餐。位置方面係天星碼頭入口會比較方便，去到門口有個師父係度整烏冬。睇返餐單主要食烏冬加一啲小食咁囉佢有鍋燒烏冬和平烏冬（唔知係咩）湯底有味噌、鰹魚和咖哩3種味，我點嘅係牛肉烏冬味噌湯底，等咗大約10分鐘左右烏冬就到，如果冬天食唔錯嘅😅味道正常咁囉！其實人手做和機做感覺分別唔大，至於環境唔錯（如果要對海要有最低消費，至於幾錢唔記得咗）價錢方面就……不過尖沙咀地區仲要係海港城，呢個價錢算係正常，香港食飯其實都係食租金🤣味道：⭐️⭐️⭐️⭐️（普通）服務：⭐️⭐️⭐️⭐️（正常）環境：⭐️⭐️⭐️⭐️⭐️（幾正）衞生：⭐️⭐️⭐️⭐️（合格有凸）抵食：⭐️⭐️⭐️（見人見智）

聽同事講之前係需要排隊，但今日中午見到沒有人龍而且又有位，所以就入去一試。店內裝修比較昏暗，氣氛唔錯。烏冬有三種湯可以選擇，麵豉湯、清湯及咖喱湯（+$10），最後選擇麵豉湯吉列豬扒烏冬🍜。大約10分鐘後送到。吉列豬扒🐖正常，相比起快餐店嚟講好食少少。而烏冬用熱鍋上枱，所以保溫效果極佳😅唔可以食咁快。烏冬麵質適中，唔會太腍，亦都唔會太有彈性。而麵豉湯相對上比較濃味，所以食到最後都會好鹹。亦都有加點炸雞翼，一碟三隻雞全翼，分別有好似係黑芝麻味及辣味，都係正常發揮。總結而言，可以一試，但唔好抱有太大期望🤡