人和荳品廠 (Moved) New Location

呢間係銅鑼灣區算好平，耐唔時都會嚟呢度醫肚。鍾意佢嘅魚肉釀豆腐。薄薄的一層魚肉，帶起豆腐清淡的味道，而豆腐本身都煎得香脆，好鍾意食。另外叫咗個艇仔粥，比我想像之中足料，但略嫌杰身。但有點失望的是，食咗個炒麵，凍冰冰，香味缺乏。另外，外賣咗個腐乳，$24細瓶裝，但係都好大樽，睇落去顏色偏白，期待中。

呢間小店我去咗不下十次😍宵夜最愛❤野食唔貴、輕量又好味💕次次嗌幾樣野食，全部都係豆製品，食到覺得自己變埋粒豆🤣🤣不過呢排就可能多啲人排隊啦🙉💥滷水豆卜 $16之前嚟嘅時候無哂豆卜，嗌咗滷水豆腐但食完覺得無乜味🤔今次終於嗌到滷水豆卜啦😍豆卜完完全全索哂滷水汁，超入味❤加上佢係原粒豆卜無切開，鎖住哂啲汁水，咬落去嗰陣香濃嘅滷水汁噴哂出嚟😍😍滷水汁唔會話死咸，亦都唔會搶哂原有嘅豆味，兩者互相襯托🥰唔怪得點解上次會賣哂😢評分: 8.5/10 😍💥魚肉煎豆腐 $16我唔多鐘意食煎釀三寶塊魚肉，覺得有浸特有嘅鯪魚腥🤢但呢度係完全無架🤩可能係因為佢加咗大量嘅胡椒粉蓋過咗浸腥味🥰豆腐一直都煎住熱辣辣，仲充滿油香🤩強烈建議大家要加甜醬食🥰加咗之後簡直係昇華咗成個味道😍正呀❤評分: 8.5/10 😍💥花奶豆腐花 $16 ⭐我每次嚟都一定嗌呢個!!😍花奶芒果布甸就食得多，但其實花奶豆腐花都一樣咁夾😋😋熱豆花就點都滑啲架啦，但呢排熱到咁就點都嗌凍嘅嚟食啦🥵無減佢嘅美味😍花奶一啲都唔少💕食到底都仲有😋每一啖都係幸福嘅滋味🥰評分: 9/10 🙂(感謝睇到呢度嘅你❤)美味度👅: 8.5/10 性價比💕: 9/10環

今日有D口痕，想食煎豆腐，咁就去左人和荳品廠整番碟。雖然依到舖仔細細，但夠哂光猛，師傅煎豆腐個位係正門口，大家可以睇住佢點煎，成間舖都有好香既煎豆腐味。我叫左一碟魚肉煎豆腐同埋一杯凍豆漿。碟魚肉煎豆腐未食都已經覺得好香，放入口個陣好熱，個邊煎到金黃又脆，岩岩煎起係唔同Ｄ，唔係煎完放係到好耐先比你。個豆腐既底係有塊魚肉係到，的確係幾香，豆腐同魚肉加埋一齊真係唔錯。唯一唔好既野就係舊豆腐好油，但其實無油又真係唔可以煎到咁香既。係咁油既時候飲一杯凍豆漿就岩岩好，可以中和番，加上外面又咁熱，依杯凍野真係岩岩好！

【支持黃店】細細個已經食過這間人和荳品廠啦，當時都只是吃豆腐花，今次來吃個下午茶！有幾樣食物是必點的！首先是薑汁豆漿，記得要點熱的，薑味是微微的，不會太甜，好好飲！暖口暖胃！之後是魚肉煎豆腐，師傅是即叫即煎的，煎得好香口，豆腐是滑滑的，加秘製辣椒醬吃好惹味！（好食到點了兩碟，哈哈！）今次無點到豆腐花，大家下次自己去試試吧，都是每日新鮮製造的～

.🔺人和荳品廠呢排天氣好唔穩定一時就好猛太陽🌝一時又落大雨⛈有日為咗避雨就入咗呢間小店度食野😹.魚肉煎豆腐🐟一碟有四件 阿姐係咁煎到無停手😂所以上碟嗰陣都幾熱辣辣豆味唔算好濃 辣椒醬略嫌鹹咗少少🤔.薑味豆漿🥛無糖豆漿加薑汁 岩晒怕太甜嘅小編豆漿飲落好有養生感覺😌

前排在銅鑼灣返工，但有時唔知lunch食咩好，最後揀咗這間常常經過的豆品店，可以好快食完就走☺️對上一次堂食這類豆品食物，好像已經有兩年時間，朋友們好少食這些，始終怕食唔飽和冇乜肉😂今次自己諗唔到食咩就啱晒～——————————🔹滷水豆腐豆卜$16這個豆腐豆卜，一看就知滷了一段時間，是深啡色☺️我最喜歡豆卜，一咬裏面甜甜的滷汁爆晒出黎，而且好香豆味👍🏼 豆腐更有豆香味，但滷汁唔夠入味，相比之下豆卜更勝一籌😍😍-🔸豉油王炒麵 $16豉油王炒麵可算是童年回憶，讀書時期番學放學都會買黎食，十蚊左右就有一大碟，飽肚又好食😋 依家已經好少食～ 這裏一樣大大碟，加入芽菜和切條豆卜炒，再自行加少少甜醬，好似番咗中學咁☺️有時諗唔到食咩，食碟炒麵已經好飽肚，又滿足👍🏼

行行下街肚仔餓，想搵D野食下，但又唔想食太飽頂住個胃，費時一陣食唔落正餐搵左陣去左渣甸街人和豆品廠整客魚肉豆腐先，惹味得黎，豆腐又唔會太難消化，一陣食飯無問題喇<魚肉豆腐$16>一客四件，見到呀姐一路唔停手咁系咁煎，俾完錢即刻有得拎拎上手熱辣辣真系無得頂，四件唔算話好大件，當小食食份量岩岩好食落口魚肉味欠奉，豆腐都無咩豆味，雖然話平，但素質真系麻麻地，唔講唔知食緊魚肉豆腐同埋，辣醬真系太咸，底知兩舊真系唔多掂

同太太周圍搵好嘢食， 搵到哩間有啲歷史嘅試吓。 環境簡單應該多年無裝修， 勝在傳統但乾淨。 服務態度基本合格啦， 人客多咩都要快， 會有少少想你快啲走嘅感覺。我係平日夜晚去， 條街人流都多， 但唔係間間都滿客。 疫情下生意都唔錯， 座無虛席。 迫迫地坐低叫碗原味豆腐花， 食物差不多即叫即到， 唔使點等。 我食豆腐花 ， 無放糖食， 但豆味夠， 又夠滑。 豆腐花一片片完整上台， 無碎到。 我認為佢地成功將最簡單嘅食物做到最好！ 樣樣食物價錢公道。 下次經過值得再食！

一個人黎到銅鑼灣午餐唔知食乜嘢好。就喺附近搵咗間黃店食。佢哋提供嘅選擇唔多，主要都係買豆品，有好多唔同款式嘅豆漿。今次因為係午餐嘅關係我就食咗佢哋兩款食品，豉油王炒麵同埋煎釀豆腐。雖然唔係話頂級美味，但係以佢嘅價錢同埋質素黎講，真係算係非常抵食！有機會嘅話一定會再試其他嘢！

人和荳品廠已經是老店了，我們來過這裏不只一次，坐下來就熟練地點了想吃的魚肉豆腐，也各自要了碗豆花。先上的是魚肉豆腐，剛剛煎好的，所以特別燙，放在嘴邊呼呼一兩下才可以吃。豆腐外層沒有烤焦，呈現出漂亮的金黃色，裏面則依然嫩滑，吃下去非常的香。這裏的豆花並非我的最愛，它雖然也不賴，但外面有不少小店的豆花更滑更好吃。這裏之所以特別，是口味選擇比較多吧？一如既往，我喝的是原味豆漿。我覺得：豆漿，還是原味的好，加了其他味道，總覺有點不倫不類。不過，男友卻總是要朱古力豆漿。

係銅鑼灣食野想平同有得坐住食既，非人和莫屬！人和麻雀雖小，食物種類唔算多元化，豆腐、豆漿、豆腐花，但勝在價錢合理，今次食左滷水豆腐、豉油王炒麵同魚肉豆腐，三樣加埋只係$48！個人認為豉油王炒麵同魚肉豆腐係好食既， 下次去都會再叫，而滷水豆腐味道一般，可惜豆卜賣曬，否則我會想試滷水豆卜！之前試過佢灣仔分店既豆腐花同豆漿，係好味既，但因為今日太飽，所以無叫！平時人和好多人去，所以食完都要快走讓枱比其他人，但由於夜晚及疫情關係，今日位比較多，但我都唔敢坐太耐，因為老闆無戴口罩😅😅，我都快快手食完即刻走！***口味既野好個人化，不喜勿插***

銅鑼灣地道小食，仲要係黃店💛💛💛.好鍾意港式小食，呢間我成日幫襯，加上好鍾意食豆腐😂😂豆腐花仍然好滑好香魚肉煎豆腐亦煎得好脆，魚肉唔會同豆腐分離，豆腐都嫩滑仲有港式炒麵加甜醬，炒得香，入口唔太油膩佢地無入單機，只係大叫廚房，好難得廚房姐姐咁好記性👍🏻

剛剛行銅鑼灣，諗住食少少嘢頂下肚餓，見到入面人少少就諗住入去飲豆漿食炒面，拎炒面比我個婆婆好乖有帶口罩，咁我都覺得有衛生意識係啱嘅，點知出事就係杯豆漿度，杯豆漿就係一個唔知係唔係老闆嘅阿伯拎比我，拎比我都唔緊要，唔好一路倒杯豆漿一路講嘢呀嘛，仲要係無帶口罩，係無疫症期間你一路講嘢一路倒比我都覺得唔係咁好啦，而家疫症咁勁嘅時間你無帶口罩一路講一路倒比我，我就覺得好有問題啦，做食肆見咁多人，你無帶口罩瀨左嘢都唔知，唔知嘅情況下再污染埋其他嘢食嘢飲，咁我呢啲食客中左招都唔知嫁喎，真係而家都驚驚地

在鬧市中找到老字號荳品實在是難得，店舖裝修平實，在老字號小店品嘗傳統荳品，感受一下那份傳統的味道吧！下午茶時間，我點了魚肉煎豆腐及芝麻糊豆腐花。平日的下午，店內不算熱鬧，讓我能夠靜靜地慢慢地享用我的下午茶，發覺豆腐花變的更好味，可能是心情環境影響了味覺吧！芝麻糊豆腐花，俗稱黑白，黑色的芝麻糊不太甜，不會搶了豆腐花的味道，而豆腐花真的是很滑‼️老字號果然就是信心保證。小食方面，魚肉煎豆腐，豆腐厚厚的，煎炸品就是會有點油吧。

每次喺銅鑼灣行到攰想食啲嘢飲啲嘢，都會來人和豆品呢度。飲豆漿食魚肉豆腐點都健康過督魚蛋飲汽水👍🏻仲要有得坐下。雖然平時多人多，座位細細但都乾淨坐得舒服。抖下食啲嘢有力再行街shopping!價錢相宜，但食物有質素！今日唔係太肚餓叫咗一杯豆漿同一份魚肉煎豆腐。如果肚餓平時會加多碟炒麵或者粥，當午餐都得好夠飽。豆漿豆味香濃又新鮮， $7一杯抵到爛！如果鍾意飲唔甜嘅人仲有無糖嘅選擇。呢個就係招牌魚肉煎豆腐，每次見到佢喺門口度煎就想食。煎到好香口但係又唔太油膩。每次食都要加甜醬豆瓣醬同埋豉油，加左之後掛住食唔記得影相😂