人和荳品廠 (Moved) New Location

聽朋友推介呢間店好耐了，今次過來試下。見到好新奇嘅朱古力豆花就點咗一碗，仲點咗煎釀豆腐同埋一杯豆漿。先試咗煎釀豆腐，煎得好香口，釀豆腐裡面嘅肉好好食，豆腐又香滑，好食。豆漿豆味夠濃，甜度適中。最後食嘅喺我最期待嘅朱古力豆花，上面淋咗朱古力醬，意外ｄ覺得好夾，食到碗底朱古力味更濃ｄ，建議食之前可以稍微攪一下，咁樣朱古力味會更加融合，甜咗少少，不過都喺好食。

入到嚟已經感受到嗰份熱鬧同人情味，一坐低即刻俾坐喺收銀位置嘅老闆娘大嗌問你食咩🗣諗左唔夠3秒然後你要用返大聲公嘅聲線回應🔊所以入得黎食嘢嘅人千奇唔可以怕羞🙌🏻食物全部保證新鮮熱辣辣上枱！因為你會見到一盤又一盤新鮮整好嘅豆腐。【Pan-Fried Togu with Fish Meat魚肉煎豆腐$18】 我自己最鍾意食魚肉煎豆腐，兩面煎到金黃色，豆味唔算太濃而且魚肉只有薄薄一片，但配埋甜豉油同豆瓣醬確實幾滋味。【Tofu and Bean Curd Puff with Soy Sauce滷水豆腐豆卜$16】淡淡嘅滷水更加食出豆香味，豆腐軟滑，豆卜就貪佢索晒滷水汁。【Fried Noodle豉油王炒麵$16】炒得乾身入味嘅炒麵完全唔油膩，配上幾條椰菜同豆卜，簡簡單單。食客除咗有遊客之外仲有好多本地嘅大人細路，話晒老字號喎，我細細個都聽過呢個名啦haha

今日經過銅鑼灣想食甜品，於是就入咗去呢間比較懷舊嘅豆腐花鋪。我見到有一個杏仁黑芝麻豆腐花，於是就試下喇，其實對於我嚟講都幾新鮮，因為有三樣甜品溝埋一齊，味道都唔錯嘅。價錢16元。

人和荳品廠成日都聽，今日我地行街行到好夜，過左正常食晚飯時間，大家又唔想食太多野，所以去咗呢間人和荳品廠食野。我地叫左一個滷水豆腐（$16）、柴魚花生粥（$20）、鼓油皇炒麵（$16）、魚肉煎豆腐 （$16）同埋一個芝麻糊豆漿$12。所有野食都係清清地，冇話咩好令人讚歎嘅反應。個粥煲得好綿好滑，D魚肉煎豆腐一定要加辣醬食先正。整體都唔錯，清清地唔會好多人，又填飽到肚。環境方面，有D 逼，因為鋪頭有好多人，入左夜都仲係有好多人係度食野，有少少嘈，不過呢D 就係香港老字嘅餐廳嘅特色。有機會大家可以試試，雖然食物選擇唔多，但做精一樣就可以做得更加好，價錢唔貴，食物亦不錯。

細時參加人地的婚禮嘅時候，媽媽帶過我去食一次，經過呢間店嘅時候仍然記憶猶新。難得經過，當然要幫襯下☺️入到去全部店員都係老人家🧓莫名其妙有一種好窩心感覺💓因為個排中醫叫我食多啲黑芝麻，所以就叫左黑芝麻豆腐花同埋魚肉煎豆腐🥰五鐘都無好快手到，豆腐花上鋪滿龍龍的黑芝麻醬好正，食每啖都被黑芝麻的香味所包滿，而且又吾會好甜減肥食都一流🤤豆腐花嫩滑綿軟，簡值係嫩得入口即滑。👍🏻魚肉煎豆腐見到滿滿油都黏住豆腐之上，可能為咗唔黐底。我印乾左好多次油先敢食，但食落去依然滿口都是油。不過豆腐都係滑，而且用筷子夾起來都不會爛。再配合佢哋嘅豆瓣醬簡直一流👍🏻

🐹肥老鼠跟鼠友食完飯意猶未盡，醒起銅鑼灣有間出名食豆腐的小店，於是簡簡單單決定食個豆腐花。晚上8點半左右，店內有很多位。豆腐花就食得多，其他味道配合就少吃，我地選了不同口味的豆漿花嘗嘗。杏仁豆腐花，冰（$16）杏仁很稠，而且味道很濃，濃得把豆味都蓋住。不過甜度很恰當，是豆腐花口感的杏仁露。個人覺得杏仁豆腐花可不試，因為真係只有濃濃的杏仁粉味。紅豆沙豆腐花，冰（$20）紅豆沙是粒粒狀的，外形特別似家母失敗的紅豆沙作品，一副未煮透的樣子。但事實上，粒粒紅豆很好咬，更不會未熟，跟豆腐花很配合，似為豆腐花加料，而不是喧賓奪主蓋過豆腐味店內有一面牆，金漆底上面寫上心經，現場看十分震撼。店內其他人都食蒸豆腐跟滷水豆腐卜，看起很很吸引。下次肥老鼠會當lunch來試試

#cassiegocwb-每日瘦編翻工有好多工作要做，所以忙到得下午茶時間先有時間食！正當我諗住去篤串魚蛋嘅時候，就見到依間人和荳品。其實每次經過都想食，因為深水埗個開公和真係好好食，雖然兩間好似無分別。😂-一入到伙計好有澳牛嘅style，好豪氣咁叫你自己搵位坐，我仲發現有旅客專登黎tim。秒速叫左杯熱無糖豆漿($7)同一碟魚肉煎豆腐($16 四件)。💕-魚肉煎豆腐好熱好脆，岩岩煎起，一定要配埋醬油先好食。熱無糖豆漿好足豆味，不過落糖一定好飲啲，但我又想健康啲。最後係唔夠飽，要再去篤魚蛋。🙈-味道評分▶️🌕🌕🌕🌕🌑 (4)抵食評分▶️️🌕🌕🌕🌗🌑 (3.5)回購評分▶️️🌕🌕🌕🌗🌑 (3.5)-➡️人和荳品廠 (銅鑼灣)📍銅鑼灣渣甸街55號

食完正餐，好似重差少少，原來係差食飯後甜品，朋友主動話請我食糖水。週圍見到唔少賣珍珠奶茶或者凍食嘅甜品店，但係朋友想食熱嘢，行行吓走咗去渣甸坊附近嘅人和豆品店。以前讀書時，成日同同學嚟食，呢度嘅煎釀豆腐幾好食。已經好耐無來，装修過感覺光猛同企理好多兩個人坐低，首先問店員有無兩溝嘅豆花，佢話無。於是，我哋分別叫咗個熱嘅杏仁豆花同黑芝麻豆花。跟著我哋自己兩溝，變成咁樣 朋友鍾意夠熱，豆腐花幾滑呢度生意幾好，主要係價錢大眾化，食物亦不錯！

我好鍾意食豆腐🤗留意返係真．豆腐無論係豆腐花, 豆卜, 煎豆腐, 定豆漿, 我都咁鐘意❤️-人和荳品廠 $16 一碟四大舊魚肉煎豆腐, 外皮煎到金黃色, 熱辣辣上枱, 加埋佢嘅豉油、辣醬一齊食, 真係好滿足🥺👍🏻-

放工好熱經過見有豆腐花就入去食下嗌左個朱古力豆腐見佢係豆品店就試埋個煎釀豆腐個豆腐一黎 我大啖咬落去個人彈開左因為超越熱辣辣佢都幾多客所以豆腐應該Keep住煎所以勁熱不過個豆腐皮煎得幾脆食落去都幾香我個人食開重口味所以加左啲豉油同辣椒醬個辣都ok 同個豆腐幾Match之後就食我碗朱古力豆腐花喇幾冰涼既但一開頭食覺得幾失望好飲出面飲朱古力水溝得太多咁食到一半發現有啲濃既跟住攪一攪個底同啲豆腐花即刻濃味左個心情都靚返今次試左呢2樣整體黎講覺得唔錯店面座位比較窄For短暫坐食下小食ok而服務方面老闆娘同啲姨姨都好急一坐式就問食咩跟住好趕咁問每個客我明既 為左提高翻桌率

食過好多次啦！不過今次先寫食評，係想大家有個參考。豆腐花有好多種類，但無論揀邊款，都係在原味豆腐花上加嘢，例如杏仁汁，朱古力汁，薑汁等，我食過呢三款，全部都偏甜，味道蓋過原本的豆花香味，所以之後我都係只會食原味的豆腐花！夠豆香及滑！豆漿都幾好飲，有甜或冇糖選擇！煎釀豆腐，我就覺得一般，釀的肉唔多，豆腐煎至外層脆脆地，其實冇咩特別。至於炒麵($16), 除了芽菜及兩小塊豆卜，冇其他餸㗎啦，又係唔覺有咩咁吸引。(可以隨心意點豆瓣醬)柴魚花生粥，淡而無味，敢講，任何一間粥店都比佢好食，只係俾咗錢唔想浪費。總括除了原味豆花及豆漿，真心覺得其他都不值得付金錢去食。

去到銅鑼灣食嘢，貴就一定，但想不到可以食到一餐超值又抵食又好味的下午茶，魚肉煎豆腐，簡直是超好味，不可錯過甜豉油辣醬甜醬這個混醬可以帶起豆腐香味，雖然呢魚肉只是薄薄一片但都充滿魚的鮮味，柴魚花生粥，非常足料，粥身軟滑可感受到是老火煲出來，豆漿更加是靈魂所在，可選甜或不甜，豆香味似是即磨非常新鮮，豉油炒麵味道一般，這食店又平又好食，最重要是非常傳統，但非常整潔，這一點是最值得我欣賞同埋加分，這些小店要多加支持。味道: 即磨豆品，新鮮好吃環境: 非常擠迫衛生: 不好太要求服務: 都是不好太要求抵食: 簡直超值

去到銅鑼灣行街諗住食個下午茶但係又唔算好肚餓見到人和豆品於是就入去試吓啦佢人氣一向都好高嘅。估唔到已經係下晝五點鐘，餐廳建議係充滿着人客而且人流係滔滔不絕侍應做到踢晒腳。我哋叫咗一碗豆腐花少甜同埋一個魚肉煎豆腐。豆腐花非常之香豆味而且入口即溶非常之滑溜希望食完皮膚都可以好似佢咁滑溜溜魚肉豆腐方面係啱啱新鮮煎起嘅所以非常之香口，我反而認為呢一個豆腐嘅豆味唔算太重但係配上魚肉同埋餐廳特製嘅醬汁食落去都不錯。最後臨走我哋仲買咗支無糖豆漿豆味非常非常非常之濃，飲落去係飲得出冇溝其他化學物質嘅值得一試。

同朋友傾開計，話今日去銅鑼灣想食清淡啲，跟住佢就介紹咗我呢一間粥品店。佢連個名都唔係記得好清楚，我只係憑佢一啲形容: 佢話店入面只有一款粥品，柴魚花生粥和要食煎釀豆腐，就摸到嚟。由我入去食嘢到我離開的時候，間店舖都係滿座。柴魚花生粥好足料，有啲魚乾、豬骨、花生、蠔豉， 粥都好綿。豉油王炒麵比較乾身，但係唔鯁頸。魚肉煎釀豆腐豆腐好滑，加啲甜醬辣醬同埋秘製豉油好惹味。豆漿， 豆漿我覺得比較甜，不過原來佢有一款無糖豆漿。

🧑🏻:食飽飯⋯不如吃個甜品吧！👩🏻:但甜品有點肥，不如食豆腐花！？(我心想：豆腐花是不甜的嗎？)👩🏻: gogogo 🤣去了人和豆品，我當然叫了豆腐花，但另一位朋友叫了芋頭西米露。豆腐花，我想著加黃糖，看見入面的黃糖一團團... 所以我去了另一張枱拿另一瓶，都是一樣～唯有用吧。😕過了一陣，我見我的朋友沒有再吃他的芋頭西米露，我問他為什麼不吃，他沒有答我⋯⋯⋯😟希望此店可以改善一下衛生。🤭