夜上海 (Closed)

今曰午餐試試米芝蓮推介的夜上海。本想散點，但又眼花瞭亂，都是點一個聖誕新年套餐作罷。 蟹粉釀蟹蓋：蟹蓋小小但蟹粉滿滿的，蟹肉十足，淡淡蟹肉鮮味。讚！ 菘子雞米鍋巴卷：有點新奇的配撘，脆脆鍋巴包住惹味雞粒，吃的時候有點狼狽，但又咸咸脆脆，不錯！ 菘子魚：做得相當出色，醬汁的甜酸度剛剛好，魚肉脆身肉滑又無骨，非常開胃！ 稻草扎肉：有點似東坡肉，無乜驚喜，配濃油赤醬，好惹味，唯肉不夠嫩滑。 清炒蝦仁：大路菜式，蝦仁非常爽脆帶鮮，炒的時間很准確。 冷菜拼盤：中上，無乜特別印象，唯燻旦呈半流心狀，隱約帶茶香。 雲呑雞湯：好鮮！唔同平曰一般的雞湯，唔知點解特別鮮甜。雲呑好滑索囇雞上湯的鮮味，話咁快就飲囇！推介！

翻看照片距上次去夜上海都快一年了，大概現在太少去海港城的緣故了餐廳算是貴價相比多數上海菜館， 冷盤價格除外，很美好，其中的脆鱔，簡直是業界良心，哈哈滿滿一碟只要六十幾塊，糖醋口味，夠脆，好評！熏魚也非常推薦，味道貌似撞了，但是上海菜最吸引人的不就是這糖醋口嘛^-^龍鬚桂魚絲，見功夫，也不是普通上海菜館可以吃到的，必點。 真的對得起這條桂魚，不知道師傅要花多久才可以做好，竊笑，覺得吃到了功夫菜。紅燒元蹄，本人上海菜館必點菜式，享受入口即化，甜而不膩，肥而不膩的感覺！夜上海的紅燒元蹄，很棒，肉食者必點哦。小籠包，我認為較之前面菜式不出彩，但都好過許多拉麵小籠包專門店。較之其他上海菜館，價錢稍貴，但味道環境，讓我覺得貴的很合理，我很願意給哈哈。 另外，路難找了一點^-^

挾著米芝蓮的夜上海，我期待的是食物的質素說它好的地方是每一樣都很精緻。味道來說也是好。反而甜品的種類有種fusion 感覺，花雕雪糕，柚子花旗參sorbet 比主菜更有驚喜。主菜的燒牛肋條很嫩很美味！其他的相比之下比較普通了。叫了一籠小籠包。。皮包得不好而且厚，一夾之下爆了。。這個真的要改善！個人覺得上海菜的口味來說，灣仔的老上海更好吃而且價錢比較便宜。不過環境服務當然是夜上海更好。

鎮江肴肉：入口即溶，好食。無錫脆膳：係炸左既膳淋上糖醋。食落有少少似糖醋炸魚皮。醉雞：雞夠滑而帶酒香，好食。紅燒蝦球：唔太好食。蝦球唔靚，同埋係辣。稻荷扎肉：類似東坡肉，加左荷葉整，有陣粽味。可以配饅頭點佢D汁食。

工後就出TST會合朋友R，跟住行左一陣街就去DINNER了今晚又係夜上海呀！HAHA我地兩個早去就坐下傾下計先啦酸菜~~~幾好味又醒胃喎！見佢地仲未到，我地就食個青瓜先喇蒜蓉青瓜~~~清清又爽爽咁囉終於都到齊可以飲杯LU齊人了當然可以叫野食喇！我好想食片皮DUCK呀！好吸引的片皮鴨~~~好味好好味，包住個塊皮又軟軟又唔厚GOOD師傅刀功真利害，個皮片得好薄，而且我皮仲脆脆的一鴨兩食，配叉子燒餅好好味百頁白菜~~~清清地，但又唔係冇味喎！涼拌木耳~~~爽爽脆脆，酸酸地，好味又醒胃的前菜生煎牛肉包~~~外皮煎得金黃，一口咬開充滿肉汁，好味乜乜豆腐~~~個豆腐好滑滑，面層淋上蟹肉，清得來又好好味喎！豆腐外皮係煎左的，但內裡依然軟滑LEE個餸係經理推介的排骨粗炒~~~個排骨好好味，炸得夠香脆又唔會令肉好乾，粗炒味道好又唔太油GOOD好開心的甜品時間八寶茶~~~香濃又好香酒釀丸子~~~好味好好味薑汁奶凍配柚子汁~~~個奶凍加入薑汁好MATCH，配上酸酸的柚子汁可以中和奶凍的甜GOOD柚子西洋參雪笆~~~好特別的味道，但味道真的好FRESH川貝燉雪梨~~~有味苦苦地，雪梨夠清又夠甜又是個愉快的晚上

過年前公私兩忙，搞到完全冇預備開年飯。年廿九先上OP search 尖沙咀飲茶逐間打去問，啱心水時間又有位嘅情況下揀咗“夜上海”。7個大人1個細路，叫咗15樣點心小吃加1飯1年糕，啲嘢嚟得好快，加上冇乜特別，有幾款冇影相。大家一致認為炸春卷熱辣辣又香脆最好味；煙鴨有好香嘅燻味、黃橋燒餅外皮鬆化內裡肉鬆軟熟、牛肉餡餅外皮脆裡面牛肉多汁帶微辣都係水準以上。其餘美極炒腸粉(2歲嘅姪女自己另外食咗一碟)、燻魚、蝦餃、燒賣、蟹粉餃、牛肉球、叉燒包、福建炒飯、上海炒年糕都唔錯。花彫醉雞冇酒味、海蜇蘿白非常普通、高力豆沙唔夠熱蛋白唔夠鬆就爭啲啲。部分服務員有啲游魂咁。不過冇折嘅情況下都係$220一個人(姪女當半個計)幾抵食。

除了美食能引我回來外，老妹也可以啦～趁著妹回香港短短的３週裡，我當然要留待在家中等候啊這晚先跟好朋友吃飯，嗯...常說３個女人１個ｘ只因有聊不完的話題嘛在前陣子好像有裝潢過，但不明顯啊細問下...原來是招待區那邊的地板換上新裝了來得比較早，可以在不打擾的情況下拍拍照～每次來的前菜都不同，自家製的泡菜(?)酸甜帶辣雙O都很喜歡這味道，吃個沒停呢～！作為前菜真的很清爽刺激你的味蕾瘦巴巴的 鎮江肴肉 ﹝HKD$55﹞像果凍般的質感，清爽很滑溜只是肉質偏柴不甘香肥美，沾些偏酸的醋來提味才可以多吃幾件呢到最後還留下不少件呢～燻蛋﹝HKD$20 /隻﹞焦糖色的外皮，鮮嫩滿足的溏心狀像加添了魔法般有股迷人的魔力，一口半件～ 我還想獨吃多一隻呢百頁海帶苗﹝忘了價格﹞是推介的前菜，冰冰涼涼的很醒胃嫩嫩的海帶 爽爽的百頁，調味上以麻油為主～ 油香滿滿稻草扎肉 ﹝HKD$30 / 件﹞拍了很多張都還是黑黑的，肥美豐腴的腩肉做得很鬆化腍滑上頭有一小片鬆軟的夾包，喜歡那香甜的醬汁 多想點碗飯伴著吃啊寧波肋骨﹝HKD$108﹞酸甜酸甜的香氣 每根骨頭連肉都肥瘦適中瘦的部份很扎實帶彈 肥美的則帶爽，吃起來清爽不油膩

是夜跟孖O往夜上海晚餐可惜我中午一不小心吃錯牛肉吐了多次後變得食慾不振真掃興吧兩位美人見我食不下讌更決心不讓我付款真係不好意思呢!!但都跟大家分享下啦^0^約得比較早6:30PM還未天黑喔 吐了多次後真須要一點甜叫了杯庶汁可惜甜味虛偽呢 百葉海帶苗香濃麻油味爽爽哋唔錯嘅涼菜鎮江肴肉$55一點都不像我太瘦了變得乾乾的 燻蛋$20/隻明明叫了兩隻但得一隻上檯既然我冇胃口試少少算吧亦冇再追加,蛋黃溏心盪漾好吃~ 稻草扎肉$30/件這個我沒試不過好友都讚做得鬆化美味上海炒年糕$120從來都係年糕嘅Fans煙韌軟糯味道剛好冇胃口都吃了幾件 寧波肋骨$108呢個骨酸甜度平衡得好好大家有機會要試呀 香煎八寶飯$52伴著美美粉紅色砂糖看著孖O吃光光便知好吃啦茉莉花雪糕,西柚花旗蔘雪葩各$28/球芝麻布甸伴雪糕我只試了點點西柚花旗蔘雪葩入口西柚味好出但那苦苦的花旗蔘就有點煞風景了

又同IT吃飯磨時間，做埋秘書幫佢買會藉送比客拎埋，臨時打去餐廳訂枱，居然有張近窗口位枱，望到北京道一號嘅繁華燈光在夜晚鬧市發出耀眼光芒。雖然係冷菜點心，但兩個人叫10碟嘢其實有啲誇張，不過我最鍾意眼闊肚窄叫到成枱嘢食到好飽😂。無錫脆鱔幾香脆冇過火燶味、拌馬蘭頭青草味一向是我至愛、花雕酒醉雞好香酒味雞滑、涼拌海參幾爽口、煙燻小黃魚其實唔算小外皮脆肉嫩滑、生煎包熱辣辣多汁、菜肉雲吞幾薄皮菜多肉少幾清新、稻草扎肉好香稻草味肥膏肉入口即溶、龍井蝦仁蝦肉爽、蔥油開洋拌麵有我最愛嘅爆蔥味。

不知由何時開始，已養成西方節日吃中餐，東方節日吃西餐的習慣，以迴避索價過高的特色節日套餐。今夜，聖誕節正日，便與七號來到尖沙咀的夜上海晚膳。夜上海在香港島及九龍半島各有一店。打從2009年米芝蓮登陸香港開始，夜上海已是米芝蓮常客。而九龍區的夜上海更是從2010年開始連續每年奪星至今，水準應當有一定水平。我們對它的要求少不免要苛刻一點。單從食店入口估不到室內環境是那麼大，不過桌與桌之間頗為狹窄，尤其是聖誕這日高朋滿座，感覺擁擠。OR網上刋登的資料說食店的座位數目是50個。我看應是筆誤吧？目測當晚至少有十百個座位以上，莫非是因為假期時日食店刻意加位令環境變擠迫了?可能要另找一個普通日子再來印證一下。餐前小吃是上海泡菜($25)。同樣以白菜醃製，但沒有韓式泡菜那種隱辣，甜甜酸酸很是開胃。茗茶每位$20。茶杯不是中菜館常見的瓷杯，是刻有自家品牌的玻璃杯。餐碟及餐牌都印有蟹的標記，說明食店以蟹類菜式聞名？今夜和七號就決定點一道蟹類菜式，一試斤兩。(值得一提是，餐牌最近更新過。食物價錢跟數月前相比漲幅頗驚人，大家可以比對一下。)點了的兩道頭盤差不多五分鐘便已上桌，效率真是快得可怕！(加價前$75)

今日初中班長邀請了我們六位女同學一齊食午飯, 他選了米芝蓮餐廳 - 夜上海雞絲粉皮雞肉嫩滑, 配麻醬, 好香燻鴨每塊鴨有陣陣燻煙味雪菜毛豆淡淡的雞丁配夾餅夾餅夠脆香, 雞丁伴上松子好香口香煎腸粉腸粉夠滑伴上蛋絲芽菜豆腐煮津白豆腐, 滑口又有香濃豆味; 津白煮到軟身鮮肉小籠包小籠包皮薄又有肉汁毛豆醬炒年糕煙煙韌靭年糕上海粗炒麵炒得夠乾身, 而味道濃生煎鍋貼鍋貼底脆,鮮肉欠缺了肉汁高力豆沙熱辣辣的高力豆沙, 內有香蕉多謝班長請客! 我又可以品嚐到米芝蓮餐廳!夜上海 總結: 值得一試!

My luncheon companion found this place a natural choice as we were in the vicinity. As usual, fellow gluttons thought alike and over-ordered (apologies to the starving Ethiopian children 🙏). We started on the appetizers - the stir fry greens ("malantau") were tender and not too greasy. The smoked fish was slightly too heavy in flavour and would go well with rice/pasta, it was also too bony and the care to avoid swallowing a fishbone took the fun out of eating. The smoked preserved egg was sinful

夜上海，已吃過好幾遍，但印象最深的，卻是四年前的一頓Farewell宴。不是食物特別好或過份差，只是這次一別，就真的是各散東西，斷絕聯絡，即使現今有偉大的「面書」，也再找不回我們當年的友誼。唔知係咪呢個原因，今次同外國的親戚朋友食飯，臨時臨急要找餐廳吃晚飯，我又想起這裡。幾年間，環境從沒有改變，依然是滿有特色，加上小籠包此類食品，外國人特別喜歡，所以是晚也不乏老外捧場客，每檯至少一籠，吃得歡喜。當然，多外國食客，並不等於是呃鬼佬的地方，這裡也不是浪得虛名。大家顧著傾計，話題寧舍多，點菜就由我來操刀，可以專揀我的心水食物，實在太好了。冷盤兩款，其一是醉雞，賣相靚仔，皮爽而肉嫩，滲出輕怡的酒香，不會太濃和搶喉，唔錯。另一款冷盤，係脆鱔。條條長短相約，不會來得太碎，咬落酥脆香口，甜甜的又隱約有點薑味，很合心。即使放耐了亦能保持一定口感，相當不俗。突然想食片皮鴨，雖然不是上海菜的項目，但想食就叫吧，隨心一點有時也是好事。單是鴨皮的色澤，以及片得薄薄的淨皮，已教人興奮。以軟熟可口的外皮，包裹著極脆的鴨皮，連同京蔥和醬汁同食，是好吃得停不了口的。要清碟，確實完全沒有難度，我甚至想再追加一隻。片皮鴨

身邊的朋友們對中菜的印象都普普，但我呢...最近卻很喜歡喔這家 夜上海 想來吃好久了，不過每次都總是有事而要延遲終於要來了，心情卻很興奮～在酒店裡而且訂座率極高，感覺很貴的樣子不過在門外就有放出他們家完整的菜單了不怕進去後結果走不出來啊，不過仔細看會發現不貴可愛的滕編小椅子，專用來放女生的包包平常見到的都是普通的椅子，這個超精美的啦不知道每桌的前菜是否一樣而我拿到的是爽爽的榨菜，調味來得很輕但跟以下的菜沒有很搭！～這晚喝香片，最近幾次的高水準飲茶記把我的咀巴都要寵壞了茶好不好喝原來很容易就分辨出來的，喝那種我都無所謂都以朋友的口味為主朋友要遲到，而我卻給滿室香氛誘得肚子都要抗議了先點了 蒜泥白肉 ﹝HKD$55﹞ 跟 無錫脆鱔 ﹝HKD$65﹞ 來邊吃邊等待脂肪的部份很雪白豐腴，吃起來很滑順油潤，瘦肉不柴 配上 辛香的蒜末吃很惹味香酥的脆鱔，特別喜愛它的香味但過於碎屑了，一夾就掉下偏偏吃不進咀巴裡 (氣)香糟豬手 ﹝HKD$68﹞它不在主餐牌上冰冰涼涼的很適合來振奮食慾，酒味香醇都滲透進豬手裡爽滑的質感，彈性彈性，滿滿的膠原蛋白～重點是沒附有骨頭喔想回味 蜜汁火方 ﹝HKD$70 /

今日我同家人一起為男朋友慶祝生日, 因為幾年前公司ANNUAL DINNER食過呢間, 所以今次特意選了這間俾daddy, mummy 試下, 一行5人, 早3個星期已經book左7點, 當日都十分之full, 環境偏吵, 有不少外國同日本遊客.為了唔想煩同可以食曬佢出名的食物, 所以叫左$495一位的套餐.拼盤內的蛋同肴肉好食, 其他的冇咩特別, 只係一般水準, 食完都唔記得咩味.雲吞雞湯不錯, 冇味精, 料好足蟹蓋好味, 加上佢地的醋, 真係好食到唔停得, 不過..個蟹蓋得3隻手指咁細....呢個龍井蝦仁係全餐最差的一d都唔好食, 冇蝦味, d蝦又細粒呢個扎肉係我的最愛, 肥瘦平均, 又唔會有太肥膩的感覺, 難得難得!窩巴牛肉, 不過不失, 老人家一定唔鐘意....糖醋魚塊不錯...不過出面都唔難食到小籠包都好好味, 皮好薄....汁好味道 個餐仲有個金華火腿+菜.....太淋太咸....反而個甜品好正, 係jasmine ice-cream +布丁整體來說是不錯的一餐，家人和男朋友对呢度的食物也很滿意，不過下次來可以散叫，唔洗叫套餐，因為唔係樣樣都好食。