素年 (福隆大廈)

Open Now

Now Closed

一直都好想黎試但係每次經過都好多人排隊今次一早係11點半黎到，就唔洗排隊了餐廳算大間，座位都寬落主食、小食選擇唔算多我地嗌咗日式咖哩吉列豬扒意大利飯同豆腐竹炭漢堡包日式咖哩吉列豬扒意大利飯基本上每枱食客都會食既豬扒香脆，食落同真肉係冇分別！配上蘋果食，感覺好fresh飯量又多仲有蘆筍、雞脾菇、車厘茄配料，咖哩好好味豆腐竹炭漢堡包豆腐超juicy，每切一下都好多燒汁係豆腐滲出黎，漢堡食落唔會乾爭爭，仲有紫蘇葉、生菜、醃蘿蔔，減輕油膩感除此之外，有份量好多既蕃薯條，炸得香脆飲品就燕麥奶咖啡同生薑檸檬茶咖啡拉花幾靚花茶真係成塊薑片係到，好重薑味本來以為會食唔飽，所以一早嗌定個甜品焦糖脆脆檸檬撻味道ok，不過又冇咩特別可以唔洗食

素食餐廳越開越多，基本上每區都數到幾間，但想試啲創新特別又好味既素食，不妨可以去深水埗福華街試下呢間成日都好多人排隊既素年。午餐時間大概一點去到素年，好彩入到最後一張二人枱，後面既人就已經要排隊。環境方面，餐廳主色調係灰、白同木色系，坐係入面感覺都幾舒服，枱細細但都夠擺。睇返午餐menu都好多款式同好特別，除左好多OL鐘意叫既日式定食，仲有沙律、意粉、意大利飯等等，其中最捉住我眼球既就係腐乳意大利粉同不可能漢堡包🍔飲品方面，跟餐有熱玄米茶同凍伯爵茶，想試咖啡或者其他飲品就加$24-$36。落完order就可以慢慢等驚喜到。第一樣驚喜既係食物同飲品既分量，無論係意大利粉定蕃薯條既份量都好大，如果唔想食太多記得要叫通知店員！第二樣驚喜係佢既味道，先講腐乳意大利粉，原本驚佢太鹹太重口味難入口，但一食就發覺其實係好creamy同白汁好夾，食落好似芝士甘，配料有茄子、豆乾、菠菜同火箭菜，食多啲都唔覺膩。另一個主菜就係不可能漢堡包，impossible meat煎出黎既口感加純素車打芝士同烘得啱啱好脆身既面包入口既口感好豐富，不過佢嘅洋蔥比較生有少少辣，配菜係蕃薯條，同薯條既綿密比，蕃薯條入口甜甜

而家潮流興素食，呢間素食成日經過都見有人排隊，咁就即管試下啦！朋友叫左個餐，一set嘢咁，感覺大堆頭，起碼好似好多選擇咁呀！而最緊要係有我最愛嘅蕨餅，我居然無叫到。朋友都話吸引，因為眼睛已覺得吸引先。後悔了，相比下太普通的一個意粉，仲要少辣添，太高估自己食開少辣的能力添。好免強食到，但真心好普通一個意粉，仲要係一個好“齋”嘅蕃茄仔青瓜等餸菜配，味道辣而淡，能造到束而淡，難以形容，唯一可取就係...素，食左真心覺得自己健康左。但以一個lunch黎講，少少貴左D，可能素菜嘅材料較貴，所以整體價格（80，90蚊）一個貴價lunch，咁間中一餐都要健康下嘅。

深水埗人氣小店🔥 當日去到都要等陣先入到~全個menu都係素食~ 估唔到素食都可以咁多變🤣食完有驚喜！特別係番薯條！超 級 好 食！*深水埗有兩間分店 荃灣就有一間~-🍛【日式咖喱吉列豬扒意大利飯】$108 (set)送熱黑豆茶/ 凍伯爵茶 //加錢飲其他人生第一次食新豬肉🤣 感覺都唔錯~新豬肉口感同真肉幾似!!! 比較林身 炸得香脆 唔油～咖喱意大利飯好味!!! 飯偏軟 咖喱味好香 但又唔會重口味仲有好多配料~ 菇 蘆筍 蕃茄🍅豬扒表面仲有兩塊薄切蘋果🍎 好fresh -🍟【黑松露蛋黃醬番薯條】$68✨推薦✨食素年 我嘅主要目標其實呢個🤣 食完覺得真心正!!!番薯條熱辣辣上枱 好香番薯味 甜甜地😍炸得好脆 又唔會乾！我我食過最好味嘅番薯條👍🏼黑松露蛋黃醬有啲似杰身版黑松露雜菌湯有黑松露味 但比菇味蓋過🙈個人覺得番薯條&黑松露蛋黃醬唔太夾 兩個味都好濃齋食番薯條最正😋*分量超級大!!! 可以當一個主食🤣-✨推薦指數：8/10💰 人均消費：$88⏳等候時間：~15mins (星四 2:00到)

素年，係人都識唔洗介紹。入到去我諗十個食客有九個都唔係茹素者，菜式素肉偏多又唔太健康，所以自己茹素都好少去。晚市禁堂食前最後一日，放工後眼見好多間都爆場或賣晒，見在撐黃店又冇咩野揀下就幫襯佢總店，試下係咪正如一般人所講，總店好食過分店。走素肉之下可以揀嘅野唔太多，版主就特別去試啲新menu, 結果試咗兩個fusion main dish。照燒茄子茶漬意大利飯 茹素後基本上冇咩機會食茶漬飯，因為日本茶漬、醬油漬等等通常有魚以意大利飯代替珍珠米，西日fusion起初都驚會好唔夾。上碟時睇到意大利飯有啲泡沫，食落口感略帶creamy, 似有植物奶一同煮飯，純用茶漬廚該做唔到咁白色🍚飯底混合茶葉，茶香唔算好濃，不過食起嚟個飯帶甜甜地，無論係賣相同口感，都似豆漿煮飯多過茶飯輕微茶香令到個飯整體都唔算太膩，不過食嗰陣要吐茶葉就唔太方便。茄子賣相都唔錯，上碟仲呈現紫色🍆燒茄子個皮好脆，茄子juicy帶煙韌唔會一pat野，不過以佢個充滿醬油嘅色澤，但食落淡而無味就有啲sad伴菜灑上大量炸牛蒡同紫菜碎，牛蒡炸成脆片口感幾好食。此外，茶漬飯裏面亦有加牛蒡一齊煮，牛蒡嘅爽甜令個飯昇華咗，牛蒡兩食呢個idea

📍素年素年呢間餐廳喺深水埗來講都係一間經常會大排長龍嘅餐廳，聽聞佢哋開業兩年已經有四間分店到底有咩咁吸引呢？今日我終於黎潮聖‼️🤣🍔不可能TM漢堡包 $128我見好多人都讚佢個不可能漢堡包，唔知加咗TM唔知加咗呢兩個英文字又有咩分別呢？首先呢個漢堡包仲配左蕃薯條🍟，包嘅內餡有火箭菜、純素車打芝士、意大利黑醋、仲有不可能漢堡肉排🥩呢個不可多得漢堡肉牌有咩咁特別呢？佢係素肉黎架👍🏻從大豆豆根的血紅蛋白萃取出「血紅素」，仿照真實牛肉的血紅素，在烹煮後會「出血」，並具有濃郁的牛肉風味😋肉類都唔會好似以前咁話好假 好難食，新豬肉可能就聽得多，但餐廳就用咗不可能 依隻牌子 其實食落口感同正常肉類都冇咩大分別🙌🏻蕃薯條超好食！好脆🤤蕃薯好甜，素食越嚟越流行、而我自己就係第一次食我覺得個味道好特別，簡直就可以稱之為一試就愛上👅🍛泰式青咖哩意大利飯 $88意大利飯入邊有車厘茄、豆乾、茄子、金不換、草菇等唔同嘅材料。令到食落去嘅層次感覺豐富😉青咖哩有少少辣，非常惹味🌶意大利飯軟硬適中，加埋啲醬都唔會太笠👍🏻反而旁邊嘅茄子好好食🍆，唔係煮到一pat嘢太淋，同時我覺得食材都好新鮮，好好食🤤☕️焦糖脆脆咖啡 $44

同朋友約左嚟食嘢吹水。閒日lunch去唔多人，即刻有位坐，而環境都算舒適。我叫左impossible burger 🍔,食落認真feel會覺得唔似牛 但整體感覺都似肉 似食真牛burger 啲蕃薯條都正常 幾好食，但又未算出類拔萃。可以叫的我朋友叫左日式set 入面烏冬有塊藍色膠😂😂同左店員講 佢話係手套 即刻say左sorry都俾我哋免費換左份小食 我都覺得合理。食物方面都ok 但又未去到我想回頭再食服務方面都正正常常 有認自己不足並補償返。整體而言 不過不失的cafe

人氣素食Cafe，這次去了深水埗本店，店內裝修以白色為主，走文青簡約風，店內雖不大但舒適🥰 平日午餐時段人流不絕👉🏻日式咖哩吉列豬扒意大利飯 （素）一道色香味俱全的咖哩飯，單憑外表絕對看不出是素😎炸豬扒香脆不油膩，口感真的不輸真肉！只是略嫌調味太淡，不過配著香濃咖哩汁還是一道高分數的美食❤️👉🏻黑松露蛋黃醬蕃薯條份量超大😳！！蕃薯條非常香脆，內裡不乾保留應有的軟熟，而且蕃薯味濃甜度超足，超好吃‼️🥰 只是它們跟黑松露真的不合…. 黑松露還是應該配咸的薯條～所以甜的蕃薯條單吃就好了❤️👉🏻純素沙律碗就是所有蔬菜集於一碗的料理😂🙈🎈總歸一句：這店真心推給喜歡吃素or想要吃素的朋友～絕對不會失望🥰🥰

Nice to go meatless from time to time and this is a good place to try vegetarian. Did not miss the meat at allOrdered the popular dishes:Impossible Burger - really enjoyed this dish and the 'Impossible' patty tasted just like a beefburger, not dry either. The sweet potato fries that came with it were so addictive, super crunchy and flavoursomeKatsu Curry Rissoto - liked how the risotto had a nice serving of vegetables cooked in it making the whole dish less stodgy (mushroom & asparagus). The 'Om

❣️ 日式咖喱吉列豬扒意大利飯 $108蘆筍+雞脾菇+車厘茄 營造唔同口感👅 又脆 又爽 又軟 😝估唔到雞脾菇同咖哩又幾夾Impossible Meat 炸得好脆口❣️熱情果檸檬梳打 $36 清爽 夏日清熱之選整體唔錯 但價格較高對窮L唔友好 係偶然放肆之選😋

最近同朋友吃辣吃肉吃得多 想轉下口味又唔想吃🉐️太隨便搵左幾間餐廳 最後決定左素年事實證明 我們的選擇是正確的好吃之餘仲俾到驚喜我們首先👉🏻日式定食👈🏻配一碗味增湯 6碟小菜紫薯好甜 秋葵好脆 蕃薯波外脆內甜烏冬味道比較淡 腐皮就好好吃👉🏻日式咖喱吉列豬扒意大利飯👈🏻如果唔講 真係以為自己吃緊豬扒熱辣辣 脆卜卜 自己本身係唔鍾意吃菇🍄同車厘茄🍅但咖喱汁撈埋啲菜同飯一起吃又覺得幾好味 好驚喜😋平時唔鍾意吃菜的人 真的可以一試👉🏻豆腐竹炭漢堡包👈🏻包好脆 豆腐好脆 但不突出 醬汁偏少可能主打健康 所以唔多醬🤣薯條是蕃薯條 不是薯仔 好甜非常好吃👉🏻純素沙律👈🏻中間的核桃又脆又甜牛油果岩岩好醬汁都好特別只是覺得豆腐好似多餘了😂最後係一杯咖啡☕️兩杯熱情果檸檬蘇打下次經過 還會再過來吃確實是健康又美味

店舖裝修簡約，以白色及木系設計為主，俾人一種好舒適嘅感覺。而食物質素好高，🍔不可能漢堡包 ，植物肉由植物蛋白、椰子油等多種成分組成，無論賣相、口感和味道都同真牛肉好相似。配上嘅蕃薯條真係好好味，香脆鮮甜，非常出色！

係深水埗、荃灣、紅磡有幾間分店嘅素年一直都不乏捧場客，憑住創新嘅素食菜式🥬吸引好多人就算排住隊都要去試下。今次我都去咗深水埗其中一間分店，未夠夜晚六點已經好爆場。呢度嘅素食選擇都唔少，小食、主菜、甜品、飲品全部都係素，但份量同食材配搭就令到人覺得好似食咗肉咁飽足，扭轉咗唔少人對素食=犧牲味道／唔夠飽肚嘅印象。為咗照顧唔同素食人士需要，呢度部份菜式仲可以走五辛添👍🏻黑松露蛋黃醬番薯條份量極大嘅「小食」，食食下已經好飽肚。番薯條好香脆香甜香口，配埋creamy好香黑松露味嘅蛋黃醬，令人忍唔住係咁啪🤪🤪芥籽香蒜烤大啡菇大啡菇上面釀咗菇粒、洋蔥、香蒜同芥末籽混合而成嘅餡料，仲有合桃同羽衣甘藍做配菜。大啡菇幾juicy，餡料好重蒜同芥末嘅辣味，比較適合重口味人士，我自己就麻麻地😂腐乳意大利粉就咁聞都聞到好香腐乳味，幾惹味咁😗😗配料有茄子、豆腐乾同火箭菜，令到個意粉食落豐富啲有飽足感。醬汁幾creamy，不過略嫌意粉煮得偏腍。冬蔭意大利飯香辣惹味嘅意大利飯，加上番茄仔同豆，真係幾有冬蔭功風味，不過啲飯都係偏腍，如果煙靭啲會好啲。奇異果羽衣甘藍富士蘋果燕麥奶非常健康又有營養嘅smoothie，飲落草

一定會再嚟食‼️ Staff態度好，環境又坐得舒服，全素冇雞蛋冇芝士冇牛奶真係好好，仲要啲嘢食整得好出色，好好食，食得出完全唔係靠味精，係天然食材，例如蒜頭🧄，Staff態度好nice，一定會再嚟食‼️‼️好鍾意依間嘢真係‼️‼️😙😙

其實真係唔覺得自己食緊素，每次食都自我感覺良好，好似好健康只係無得訂位，星期一至五，如果12:30前趕唔到，就好大機會要等一段時間，熱天會較辛苦，唔想等位平日早啲去