素年 (福隆大廈)

Open Now

Now Closed

今次來到深水埗，到人氣素食餐廳食個brunch 🤤我們點了：🍽️ Impossible burger 🍔 素年經曲不可能漢堡 $138不可能漢堡扒的外型和調味做得相當好，我和朋友有一刻真的以為自己在牛肉(≧∇≦)配上青瓜、甜椒🫑、羽衣甘藍🥬、水瓜榴千島醬，整體感覺酸酸甜甜，很爽口！ 番薯條🍟真是不得了！ 炸得金黃香脆，番薯微甜，勁正🤤我個人喜歡返薯條多於薯條，感覺沒那麼油膩！ 🍽️ 生酮純素沙沙律碗🥗材料非常豐富：炸豆腐、合桃、牛油果、沙律菜、芝麻…所有食物的味道的剛剛好，感覺很天然，新鮮無添加！🥤兩杯飲品都選了凍伯爵茶，是最健康的無糖之選（跟餐）(⁎⁍̴̛ᴗ⁍̴̛⁎)🍽️整體而言，素食一向給人的沉悶、寡的印象，但是素年的餐點相對種類多，而且色彩繽紛，食物味道層次豐富!最重要的是，一餐能夠吃到不同的蔬菜和膳食纖維，對繁忙的都市人來說，吃一頓較輕盈的午餐，能讓身體放鬆，減低負擔。

痾到九彩第二日嚟食個飯補返啲氣🥲今次試吓個芫茜經典意大利飯一打開個盒就好強勁嘅芫茜味芫茜控應該會好鍾意但可能因為芫茜味佔據哂味覺同嗅覺入面嘅茄子粒食唔到佢獨有嘅草青味同埋蘆筍都冇乜味🤔啲飯都係咁好食 粒粒分明硬硬哋唔會淋哂好似食糊仔咁調味仍然好啱口味唔太淡又唔太濃但可能個腸胃未完全好返今次差啲食唔哂細食嘅女仔應該更加易食剩不過唞咗陣都係食埋粒附送嘅花生糯米糍😍軟綿綿到咁真係抵擋唔到呢個份量+價錢好抵食如果配料啲味出啲就好食落會再有層次啲

點左個二人餐，食材及烹調功夫有驚喜，估唔到素菜都可以整到咁嘅味。個甜品Brownie 最好食，切咗幾片細橙一齊焗，啲橙味同朱古力香味同食味都混為一體，再加一大羹厚忌廉俾你點，口感冇咁乾，簡直係神來之筆 👍🏼 個兩杯果汁飲品都好好味，我覺得淨係為呢三樣嘢，再入嚟食都值。個D Impossible mince meat，我覺得係噱頭嘢，大家唔好咁高期望。碟頭好大嘅，兩個人食唔晒。嗰個免治牛肉意粉，要成碟打包攞走。打包前趁熱，食咗兩啖，其實個汁煮得好好味，肉醬意粉高水平之作。個乳酪椰菜花，有新意。但係暖食Yogurt，真係唔係好慣～ 😄

難得平日放假約左個好耐冇見既朋友食lunch，勁有默契地揀左呢間大家都想試好耐既素年，下午兩點幾去到等兩三張枱就到我地，知道佢地主食既份量比較多，我地兩個人叫左一個Burger同兩杯飲品share夏日版不可能芝士漢堡包 ($138)新豬肉呢款食物聽就聽得多，都係第一次食呢個Impossible Burger，麵包好香夠鬆軟，漢堡扒用既係植物肉，口感同出面既漢堡扒冇太大分別仲要健康咁多，純素車打芝士燒至半溶既口感，加埋自家製純素青芒柚子蛋黃醬、羽衣甘藍同青芒漬，口感非常豐富，伴碟既係番薯條，新鮮炸起熱辣辣，健康之餘又夠飽肚燕麥奶咖啡 ($34; 套餐+$24)飲品方面我就揀左佢地既燕麥奶咖啡，口感清新唔太甜奇異果🥝羽衣甘藍富士蘋果燕麥奶 ($48)朋友就叫左呢杯奇異果🥝羽衣甘藍富士蘋果燕麥奶特飲，望落去好清新，酸酸甜甜夠哂開胃，解膩消暑一流

位於深水埗嘅新派素食cafe素年，都一段時間之前食㗎啦，最近先有時間寫返評論☺️呢間分店店舖唔算好大，不過坐得都幾舒服，而且呢度嘅店員服務真係100分，好有禮貌👍🏻今次試咗不可能漢堡包，係用Impossible Foods嘅素肉製成，口感好似食緊真肉咁，而且仲做到juicy富有肉汁嘅效果🤩配嘅番薯條亦都好好味，好出色。另外仲叫咗一個忌廉菠菜闊條麵，闊條麵嘅口感好煙韌，有咬口，我最鍾意。❤️配菜仲有三色椒，雞髀菇，整體感覺好健康，而且份量都幾多啱晒同朋友share一齊食。

過去一年都蛋糕餅乾代替飯今次就叫個泰式青咖哩意大利飯補償吓啲青咖喱好香 唔會太辣太辣時食啲配菜可以平衡返菇嘅香味冇俾辣味影響所以特別夾黃豆乾有少少微妙 口感實實淨淨 但係唔太食得出係豆製品而飯嘅黏度同濕度都係理想中嘅意大利飯唔會太濕又唔會太漏粒粒分明得嚟又好咬口食完再飲埋個玄米茶就飽哂今次都有花生糯米糍😍軟綿綿好治癒

和朋友約在深水埗見面，在open rice的推薦下選擇了這間餐廳。鋪面很細，餐枱間距離少也坐得擠擁，但裝修雅緻。點了豆腐竹碳漢堡，有幸嘗到人生吃過最難吃的漢堡。竹碳包面就是普通的一片包沒有特別。豆腐炸得又乾又硬，臭豆腐的口感但完全沒有味道。最奇怪是醬汁，非常糊口和帶有淡淡酥味。簡單來說整個漢堡所有材料都是沒調味的，靠著酸瓜勉強配著吃了幾 口。朋友點了咖喱吉列豬扒飯，豬扒太乾身不像豬肉，只靠外層的炸粉和咖喱勉強充當一下吉列豬扒的樣子。吃完後開始肚痛，勉強走到西九政府合署便開始嘔，最後吃了藥才好點，痾了一整天..... 現在一邊搞肚一邊寫了人生第一個open rice comment....

唔知有無朋友同我一樣，都係超級茜迷❤️～有芫茜既食物一定要試一餐！如果你都係重度既茜迷，又喜愛食意大利飯，一定要去Years度試下佢個芫茜意大利飯！！！Lunch time 12點去到，遇著餐廳剛剛開門，唔洗等位so lucky ! 餐廳不大，只有8-10張枱，所以大家都坐得比較close😉。純白的裝修精緻整潔，入到黎先知餐廳原來係一間素食餐廳。身為肉食獸既我當下其實有點崩潰，因為無肉食🥲。好在見到有芫茜意大利飯，即刻開心了不少😆。雖然是午餐，又沒有肉食，但份量絕不能少看。滿滿一大碟意大利飯，上面加上勁多芫茜！看見就食慾大增！意大利飯由芫茜忌廉汁配上舞茸和牛蒡製作而成，飯米軟硬適中，粒粒分明，舞茸和牛蒡十分新鮮，味濃，沒有被芫茜蓋過香氣，相傅相承，各顯優點。配埋新鮮芫茜既爽脆，口感十足。鍾意芫茜既朋友一定會喜愛呢度菜！！

深水埗~素年。以前吃過一兩次，都不錯的🙂而家四間分店，做大咗，店大欺客lu~現在奉行趕客政策，有無位都要等(我真係見到得三枱客，唔畀入)，留電話，响出面都未知幾時有位，就叫你落定單，亞姐隊張餐牌過你五秒未決定到就立即西面走人。一坐底水又無茶又無(或者係女先有)隊D刀叉俾你，咁究竟食乜9慘過麥兜跟飯~跟住勁大冷氣吹住你(有錄視頻)，連防疫膠板都吹到發發聲呀大佬，怕你做麥難民賴死唔走咁。卒之我左邊嗰個阿叔頂唔順走咗，冇耐右邊嗰兩個女仔都走埋。啱嘅，香港地搵食，走多幾轉呀嘛？不過出面真係冇人等吖嘛...平日晏晝兩點幾三點鐘。剛食完9秒9隊張單叫你埋單，隊杯水畀你，轉個頭問你要唔要又收返走掂都未掂過呀，都未答佢，佢就隊咗張餐紙去杯水嗰度收走咗🙂我真係唔知咩原因呀？ 趕住落場？可能我唔好彩喇吓，冇下次~嘢食味道同分量都ok嘅，話時話。做人要公道啲，唔係老闆嘅錯，唔係廚師嘅錯，係樓面嘅錯🙂

中秋節趕頭趕命返深水埗收件於是又嗌咗外賣自取今次臨急臨忙食咗好少嘢就出門口所以叫咗個日式定食諗住食多啲碳水減吓壓雖然落單落得有啲急但出餐出得好準時👍🏼個紙袋拎上手都幾重上面寫咗大大隻中秋節快樂裡面仲附送粒好好味嘅花生糯米糍😍所有配菜都好啱口味最鍾意個番薯波 個shape好完美 脆皮下面好足料淋上秋葵嘅醬有剩多少少俾我用咗嚟沾落枝豆食個烏冬湯可能鹹咗少少 但有咁多甜味配菜都平衡到食完大部分已經飽咗差啲唔記得仲有個麵豉湯同玄米茶🤣總括而言係身心非常滿足嘅一餐

一間位於深水埗嘅素食cafe，裝修以木色同白色為主調，空間舒服，而且設有室外座位，所以我就帶咗我家「艾草」一齊去high tea。——————焦糖脆脆檸檬撻 HKD$58Menu上寫住自家製甜品，估唔到有驚喜❤️甜品賣相精緻，擺盤亦有心思。甜甜酸酸，非常開胃，好快就比我食曬🤣小窩心事件🐶當日職員都好細心，見我帶咗狗狗，安排咗一個水兜比我家艾草❤️我家艾草表示很感動。——————評價：🌆 環境舒服👩🏻 適合傾偈🐶 可帶狗狗（室外）🥗 食物不錯推介指數：❤️❤️❤️❤️（5個心心為滿分）

我久唔久又會回訪這間素食café，因為佢哋個餐牌時不時會轉新菜式。今次回訪，去咗總店食，被佢個豆腐漢堡吸引住🤤日式燒汁豆腐竹炭漢堡包 (HK$108)．漢堡麵包一般是圓形，呢個竹炭包是長方形的，厚身，脆口偏乾一啲，味道幾好，是微微甜．包餡有多層食材，最頂層有脆口嘅紫菜絲和自家製醃蘿萄，酸酸甜甜的，口感好爽脆．下一層有紫蘇葉、炸豆腐和自家製燒汁，這個配搭好特別，炸豆腐炸得乾身，不油膩，配燒汁好美味．最下層有爽脆鮮甜的生菜片和自家製純素蛋黃醬，同一般嘅蛋黃醬一樣好味．伴菜有炸番薯條，脆口、多薯肉，甜蜜味道，是澱粉質，用嚟填飽個肚😄凍伯爵茶 (跟餐 +HK$0)．上面個包已經好邪惡所以揀選咗近乎零卡路里的凍伯爵茶．呢杯伯爵茶，茶味非常濃郁，也非常夠凍，飲完好涼爽呀～

第一次食呢個餐時太肚餓冇影相就食晒今次再食終於記得影 都係咁好味😋豆腐同啲酸酸地嘅醃蘿蔔同紫蘇葉好夾個竹炭包烘到有啲脆脆地同塊外脆內軟嘅豆腐一齊咬落去個口感好super中間嘅燒汁唔會太濃但又令成個包更完整襯托哂各種餡嘅味又令成件事冇咁乾另外個包嘅線條好smooth有莫名嘅治癒感🤣番薯條好香無論點唔點茄汁都好好味不過唔知係咪我遲咗食所以有啲淋加埋杯香口嘅玄米茶成為好滿足嘅一餐唔算非常飽但每一part都好好味下次試埋啲飯同意粉

素年@深水埗打完風返工，餓到好似放監咁！望到餐牌，發現原來呢間係素食店，內心有點恐懼食唔飽。日式定食🍱食材新鮮，使用嘅調味料非常夾，略嫌份量有點少，而且烏冬湯有點少，烏冬吃到後期會出現不夠湯的情況。整體來說還不錯。突然，我旁邊的食客非常極度超級雀躍地指着這個便當說，我之前食過非常極度好味。環境舒適，座位闊落，而且職員沒有給予食客壓力。#我係咪生得太冷淡#素年 #素年years 黎明決定唔日落住！#深水埗美食 #深水埗cafe #文青cafe #素食 #素cafe

話說而家素食文化越嚟越流行😚大家都漸漸意識到食齋嘅好處🤓所以餐廳推出越來越多唔同嘅菜式去迎合客人 今次試呢間素食餐廳款式幾多下價錢中上水平💕👍🏻試咗最出名嘅吉列豬扒意大利飯同埋不可能漢堡 吉列豬扒的確幾似真肉🥩不過始終唐僧肉嘅口感差少少同埋味道偏酸咗啲🙈個意大利飯就好好食😋仲試咗幾款小食同甜品🍮番薯芋頭波波嗰個幾好食煙煙韌韌 ，容易入口🤩墨西哥脆餅同埋source嘅味道偏淡少少 係健康嘅感覺🤣甜品食咗個菠蘿撻 忌廉好似用芋頭蓉代替左所以食落個感覺清新啲 味道還可以😌📍 深水埗福華街191-199號福隆大廈1號地舖