耀記

Open Now

Now Closed

剛走入這間食店，鼻尖就撲鼻而來一陣陣香氣，街邊的攤檔真係將簡單嘅食材變成令人回味嘅美食，我今次就點咗幾樣必試嘅招牌。首先，椒鹽瀨尿蝦真係攞到手軟，大隻彈牙，椒鹽味剛好，唔會遮蓋咗蝦本身嘅鮮味，真係叫人食指大動🦐。跟住東星兩味－蒸魚頭同炒班球，都非常出彩。蒸魚頭肉質鮮嫩得嚟完全冇土腥味，而炒班球就香口得滯，啖啖肉嗰種，超級滿足。🐟但當中亮點非蟶子皇莫屬，大隻肥美，加咗蒜蓉粉絲蒸，味道豐富到爆煲，口感又香滑得嚟唔覺膩，啊噢～每一啖都好似躍進口嗰種，完全顧唔住形象啦！👑最後嗰美極蝦雖然細隻，但用嘅調味汁恰到好處，令普通蝦都變身成為有特色嘅一道菜。整體嚟講，今次嘅食體驗簡直係無得輸，每一樣海鮮都新鮮到不得了，再搭上店家手藝，真係想大聲叫天下知－呢度嘅海鮮，真係撈到寶！🍽️

一行人嘆住冷氣，揀咗間有啲本土feel既大排檔，環境舒服得點啱哂夏天。我哋點左幾款招牌菜，先講講嗰碟薑蔥炒蟹，手藝勁正！蟹肉新鮮彈牙好入味，薑蔥香味好突出，真係嗌得好過癮。至於另一道海鮮泡飯，湯底鮮啲啲，啖啖海鮮清甜爽口，而且飯粒吸晒啲湯汁，啖啖滋味。我地又試咗個蒸雞，皮脆肉嫩，多啲橙汁增加咗幾分新鮮感。食完覺得清清地，唔會好似食完炸雞咁油膩。一盅凍檸茶伴餐，檸香味好夠，酸酸甜甜咁，正！成個餐食落嚟氣氛輕鬆，飯後仲有杯疏肝解酒既凍五花茶，真係食飯小憩兩相宜。不如下次再約埋其他麻甩朋友，再黎開心過癮一轉！😋🍽️👌

試一次就夠😤環境非常惡劣，地面濕滑，枱同枱之間又窄，坐到背貼背🤯熟食中心我都有去過食飯，但係唔會好似咁既環境小炒冇味又多油，都冇心做，試埋個炸三寶真係離晒譜凍嘅服務就非常正常，但咁既價錢我有大把選擇

咁係熟食中心就唔好太講究環境同服務啦 同事們都係識食之人 我哋一行五人係樓下街市買咗625蚊海鮮 拎上樓 俾人煮 好他調 中秋前海鮮餐5款海鮮1碟椒絲腐乳通菜1碟炸餛飩+魚片頭雙拼1碟抄豉油王炒麵甜品係落另外一個肚 所以追加咗1碟 奶油多 3罐汽水最後埋單1210蚊 人均價242蚊 係咪抵先？不過扇貝蒸耐咗少少樓下街市有一檔係個白頭髮既婆婆+一位中女姊姊+個動作慢慢哋既伯伯(無貶義 純係為咗方便大家如果想買海鮮可以識別到佢哋嚟檔) 檔口細細但係啲海鮮好新鮮 而且好好人 洗海鮮 毫不馬虎毫不求其 好有愛 婆婆洗蟶子係得好乾淨 姊姊洗扇貝又係好有耐性 我哋同佢哋買咗50蚊蜆 姊姊特地幫我哋挑走2粒死既再俾返三隻生既我哋 係咪好得先？ 雖然無另外一檔咁多款海鮮揀 但係有heart有service

媽媽心血來潮想去鴨脷洲食海鮮係街市買海鮮其實都要諗定點煮有時店家推薦的煮法未必合心意*椒鹽爆膏瀨尿蝦好野味，俾膠剪我地自己搞，又唔怕佢偷工減料*香煎倉魚店家原來推薦豉汁蒸，但我地更多煎+點豉油不過店家煎得有點乾身*蒜蓉粉絲蒸象拔蚌粉絲一般，好淋唔爽，但調味ok*另外叫左椒絲腐乳通菜，大大碟！仲有玻璃可樂！一流！午飯時間，只有呢家係最多人食以前黎都係食呢家因為只係二人份，每碟加工費只係$70算係抵食！不過每個材料製作需時，唔能夠等埋一齊影張大合照

今日特登帶屋企人，一行6個，黎豪食海鮮午餐，因為大排檔夜晚唔開，所以只好下午黎。11.30到街市，買好海鮮就去加工。椒鹽白飯魚，九肚魚，送酒一流。雜魚湯係必叫既，濃郁，好飲。薑蔥蠔，香口，鑊氣夠。日本元貝，南非鮑魚，豉椒炒蜆，合格有餘。蒸老鼠斑，蒸得岩岩好，肉滑。避風塘瀨尿蝦，油鹽焗奄仔蟹，每次都一定食。最後叫個西多士做甜品，飽到傻既一餐。我覺得海鮮本身新鮮，已經有80分，耀記係好稱職將食材發揮到101%。買料大概$2000，十樣餸加工$800。超值。****************評分 : 9/10簡評 : 靚食材配好廚師

平時午飯及下午茶就食得多，而且一般都係餐點。每次到來鄰枱饕客都有一盤充滿香氣海鮮。不要小看這店子只開早上到午後，食客一般都係漁民，街坊，小家庭及辦公室員工，無論聚會或團餐每日都爆滿。只可惜一直沒有時間享用。一直奇怪為何餐牌沒有銷售，一問下原來都係饕客們加工海鮮。今日假期帶著一家遊覽鴨脷洲順道一試那出名加工海鮮，首先樓下市政買了蝦及蜆都係一般市價但新鮮程度直迫現場海釣，真係新鮮好味。午餐時間一到樓上，未到12點現場爆滿，幸好姐姐們見到我哋一家大細即時騰空位子給我們。加工海鮮有白灼蝦及油鹽水蜆肉。及後再加一碟蝦醬通菜，淡淡蝦醬香味一直迴盪我的味蕾。賣相一流，湯頭鮮甜，油監分量剛好(我哋比較喜歡清淡)，可惜有點鑊焦略嫌美中不足。

今日同事帶隊lunch海鮮團。去到鴨脷洲，先去街市買海鮮，😆好有西貢feel, 行晒咁多檔漁檔，買左鮑魚，蜆，扇貝 同蝦。原來喺海邊嘅鴨脷洲市政大樓內有熟食市場，同西貢一樣，可以攞海鮮去煮，調味都做得好好。果皮蒸鮑魚 - 鮑魚彈牙加上果皮香👍🏻白灼蝦 - 灼得剛剛好，一D都無過火，點辣椒豉油食真係好鮮味粉絲扇貝 - 粉絲吸晒扇貝嘅海鮮味，加埋蒜茸真係好味，扇貝就正正常豉椒炒蜆 - 唔會炒到過熟甩晒殼，雖然蜆肉唔太肥但豉椒汁野味補數後加 通菜 - 正常炒麵 - 乾身且條條分明，推

午飯時候去到鴨脷洲街市買海鮮 再拎上去熟食中心耀記加工 你想點煮都得 交俾廚師omakase又得🦐🐟🦞🐠🦑食材夠新鮮 加上師傅經驗老到嘅烹飪手法難怪好多YouTuber 都話呢度係海鮮愛好者嘅天堂! 除咗代煮海鮮之外 耀記嘅小炒同粒粒西多都好出名 今次我哋一行五人就食咗:椒鹽瀨尿蝦 薑蔥炒蟹 蒜蓉粉絲蟶子皇 豉椒炒蜆 香脆煎封馬友豉油王吊桶仔 乾炒牛河 大肚婆炒飯 柱侯蘿蔔炆牛筋腩粒粒西多士 Total $1500 咋！好食又抵食🤤 屋企人表示滿意🦥P.S. 每朝11點就會有船運送新鮮海鮮到鴨脷洲街市 所以想食最新鮮嘅就記得早啲去啦🙆🏻‍♀️Weekend 嚟基本上都座無虛席 好熱鬧呢😗

放假同家姐入左鴨脷洲行下， 去左鴨脷洲街市買海鮮再拎上去熟食中心加工。我地買左鮮魷同蜆去上面耀記加工。椒鹽鮮魷：炸到好嫩滑，1d都唔韌或者老，但有少少咸， 可能要配啤酒就會岩岩好。豉椒炒蜆：冇沙而且大大隻蜆， 食得出好有鑊氣， 而且有酒香。炒麵：食落少油唔會食到尾碟底好多油，而且夠香口，係好食。多士：炸到金黃色， 配牛油同練奶， 係一好正既飯後甜品。埋單要300幾蚊連料（100蚊到）同加工， 我地有叫野飲但冇影出黎，唔算貴， 都好合理價。下次會同老公再黎

難得放假，與朋友相約到附近行山，出發前當然要補充一下體力。💪🏻💪🏻💪🏻午飯時段來到鴨脷洲市政大廈的頂層，人流比想像中多，差不多有七成爆滿我們最後選擇了在中間這間耀記咖啡。🧐🧐🧐未知是否太耐沒有吃過乾炒牛河星洲炒米，😅乾炒牛河出色，不會太油而且有鑊氣，牛肉份量比想像中多，另外星洲炒米亦是爽口帶點辛辣，兩款都值得再食。😋😋😋另外還點了蘿蔔牛腩飯，牛腩份量不多但煮得非常林，味道一般😚炸雲吞皮比較硬鹼水味重🙂🙂🙂奶茶屬正常茶餐廳水準，不錯👍🏻👍🏻👍🏻

每個月起碼黎食一次，耀記喺我媽媽最愛，喜歡夠人氣熱鬧，好食又夠鑊氣。我哋多數會到樓下買海鮮再俾耀記師父整，不過今次只點小菜食炒飯。今次不得不提*椒鹽豬扒*👍🏼濃濃炸蒜味夠哂入味，每一件都痴上少少辣椒粉同胡椒粉，豬排又炸得剛剛好，外面金黃，入口肉質鬆軟又唔算太油，真係好好味👍🏼我哋食哂啲豬排之後，都忍唔住用埋炸蒜同椒絲撈埋落個炒飯到食！至於*大肚婆炒飯* 因為炒到喺佢哋鍾意嘅粒粒飯，仲要不太油又不太鹹，所以差不多每次都會點！但我開始悶了，下次轉食炒河先～

星期日約左3位朋友仔去鴨脷洲大街街市熟食中心食過中午海鮮餐🦐我地大概11:30am 去到街市樓下睇下有咩海鮮～買完就可以上去加工食海鮮餐😋我地買左8隻鮑魚、1斤蝦同埋1斤黃聖子😋海鮮加工：椒鹽鮑魚：好夠味，外脆內軟～煮得剛好又唔會太老豉椒炒黃聖子：微辣，汁料好正，聖子無沙，啖啖肉👍白灼蝦：好鮮甜，無過火。保持都蝦既甜同埋彈性我地仲叫左炸雲吞同魚片頭雙拼、西多士～ 去大排檔好處係可以周圍叫其他食物過黎食都得，朋友仔仲係隔離叫左碗粥同埋豬扒飯 👍得閒三五知己食下吹下水都係唔錯選擇😋🥳

上次太晏佢哋已經唔做生意，今日早啲仲幫襯唔到你？銀牙炒肉絲，其實我本身對肉絲炒米都冇乜大興趣，所以我不能評價這一道。好啦，其實我覺得有點水得滯。椒鹽賴尿蝦，蒜香椒鹽味剛好，拆咗口口嘅學之後，都仲食到其香味。蒸咁大條藍瓜子斑，都冇話蒸到個肉質差，不過我覺得豉汁少咗少少痛，同埋淡左啲。清蒸本地龍蝦仔，沒有特別評價，因為係我哋自己買嘅。要講就係時間冇錯吧？要既嘅辣酒煮花螺味道真係唔錯，又濃又香，小小辣好醒神。是朝炒聖子仔都好夠味，唔會炒到聖子韌哂。不過今日嘅雜魚湯就爭啲啦，明明係魚仔剪得唔夠香，同蕃茄薯仔湯底未夠味。佢再攞入去煲淨係變得咸咗啲。炒飯普普通通甜點小西多就冇得頂啦。

冰凍可樂，太甜的鴛鴦紅豆冰樓下買完海鮮，樓上加工。清蒸班仔時間啱啱好，魚肉滑一滑。蔥多芫茜多又夠薑，今次係豉油汁少啲，唔夠送飯。鼓椒炒蜆，蜆我地自己買楝係新鮮鮮甜，講下個汁啦。個汁第一個感覺係甜咗啲，咸味醬味都足夠，豆豉味都唔夠。涼瓜菜蒲煎蛋，涼瓜好足料，蛋亦煎得香。係唔明啲菜蒲做咩成粒方糖咁大粒，好咸。胡椒豬肚湯，夠哂胡椒味，湯底有陣鮮味，仲有粉絲。炸桶蠔熱辣辣脆卜卜，點啲喼汁，酸尾尾，我食飽啦。