有囍 (Closed)

冬蔭功海鮮湯 - 湯底香料濃厚，酸辣度好夠，湯味豐富，香氣濃郁。各式各樣的海鮮令冬蔭功更有鮮味，令人越飲越開胃。星加坡海南雞 - 雞肉肉質鮮嫩唔肥膩。星加坡麥皮蝦 - 裡頭雙用小麥粉裹住 油炸酥脆的蝦，香甜入味的麥粉配埋大蝦，齒頰留香。油飯 -油飯淡黃有光澤，飯粒濕潤，沾上自調辣醬和甜醬油，份外惹味。串燒 - 牛肉、雞肉及豬肉各兩串。肉串燒得剛剛好，唔會柴，配埋醬汁，夠曬滋味。炒通菜 - 炒得夠火口，通菜乾而爽，夠惹味。

之前同同事去食午餐，覺得唔錯，今次就同同事食晚餐，感覺一樣非常良好🤩🤩餐牌上都有好多選擇，我地叫咗一個泰式生蝦，生蝦搭配着辣椒同蒜蓉片，辣辣地好開胃😋小食拼盤都好抵食，入面有好多款嘅小食，春卷同蝦餅都整得幾好食，春卷入面都有好多材料，咬落脆卜卜！大蝦肉質彈.牙👍🏻👍🏻魚餅幾重香茅味‼️生菜大塊爽脆，豬肉粒好香咖喱軟殻蟹好好味，咖喱汁香濃，軟殼蟹索左啲汁，更好食，金黃多膏！芒果糯米飯係點樣嘅推介，每一片嘅芒果都好甜，糯米飯有4款味，帶有淡淡嘅班蘭味，都算幾抵食！；）

又去太子食東南亞菜，上次食過星馬系列幾唔錯，今晚又返黎食泰菜，水準保持到，沒有令人失望。樓底高，空間廣闊，環境真係唔錯。香芒軟殼蟹米紙卷 ($108)見得到沙律菜很新鮮，放得很精美，芒果和軟殼蟹都很粗身，米紙好薄帶韌性，配泰式酸辣醬，味道清新。冬陰蝦湯($68)非常足料，有兩大隻大頭蝦，冬陰味濃郁，3人都夠飲。大頭蝦青木瓜沙律 ($110)，蝦子很大隻，師傅很貼心，先將蝦切開邊，方便食用。炒過的花生特別香，醬汁酸甜帶微辣，配爽脆的青瓜絲很開胃。椰青($35)肉很嫩，水很清甜。香草辣椒膏炒魷魚 ($108)，炸魷魚醬汁辣辣甜甜的，不會很辣，有九層塔的味道，很惹味，加了很多配菜炒，很好下飯，有如吃到炒蟹，是同一種醬汁，非常美味，感覺到師傅蠻厲害的。泰式肉碎生菜包 ($78)賣相吸引，豬肉碎加了不少香料，吃起來味道酸辣又清新，生菜新鮮爽脆，cp值很高！泰式鹹脆肉炒椰菜苗($88)，泰式醬汁濃，炒得好好吃，不會很鹹很油，豬肉份量都有唔少，加了蘿蔔和車厘茄，很健康。

同男朋友諗住買多盆盆栽放喺屋企，所以順便去咗太子附近覓食，去咗最多嘢食嗰條街搵下，行行下見到呢間外面貼住好多明星食過嘅相，同埋佢嘅裝修格局令我覺得幾舒服，所以就入左去試啦😅我地叫咗一個紅燒蟹肉魚肚羹， 鳳爪沙律，馬拉盞炒椰菜苗，泰式金邊粉同埋炸蝦餅～紅燒蟹肉魚肚羹叫咗細size都幾大窩，不到四碗左右， 好足料，魚肚爽口，味道適中唔會過咸😀👏鳳爪沙律同其他餐廳比都算辣，不過作為前菜都幾好👍馬拉盞炒椰菜苗炒得好香口惹味，唔錯～蝦餅比平時食到既較實，不過都炸得好香蝦味泰式金邊粉份量多，幾抵食，蝦爽口，金邊粉酸酸甜甜夠開胃👍我哋一坐低店員就幫我哋斟水叫我地慢慢睇menu，服務幾好，整體用餐經驗唔錯👏

朋友約我去太子食泰國野, 餐廳名叫"有囍", 睇個名真係估唔到係食泰國野架呢~店舖門面粉藍色, 超sharp啵! 內裏好光猛, 令人感覺好醒晨!有大枱, 細枱, 同CAR位...餐具好colorful, 好特別!用咁靚既餐具食野胃口都大D喔!!餐牌好多選擇, 有套餐或者散叫...仲有孖寶揀...串燒 (牛, 豬, 雞) 各2好有炭燒味, 好香!每款肉類肉質都好幼嫩, 面且大大串, 好底食呢!星加坡麥皮蝦第一次食麥皮蝦, 感覺新鮮特別!!麥皮蝦好大隻喔, 啖啖肉, 仲炸得好脆口!麥皮好多又脆卜卜~~呢味餸必食喔!! 馬拉盞炒通菜 好惹味喎，每條通菜都入晒味，正丫！菠蘿炒飯每次見到個菠蘿都覺得好吸引好有份量，配料幾多下，有蝦，青口等本來想食甜品，可惜8點叫已經咩都冇晒，想食既記得早d叫喇。

上次食過尼間有囍嘅午餐，覺得好有水準，今晚特意帶媽咪再來encore佢嘅晚餐，因為想飲冬蔭公湯，酸酸辣辣，真係諗起都流口水門面好有新加坡🇸🇬feel，喜歡佢用淺藍色作為主色，好sharp醒，店內擺設同抽畫亦非常別緻店面闊落，坐位舒適，服務員招呼周到餐碟非常吸睛，係龜龜同魚魚呀！好cute啊菜單亦有不少選擇，主要係泰菜同新加坡菜，仲有套餐提供新出嘅魚蝦蟹孖寶餐都好吸引，啱曬鍾意食海鮮嘅你特飲亦有多款選擇馬拉盞炒通菜，好有鑊氣，通菜非常幼嫩，味道調教都剛好，超惹味黃㗎喱牛肋條，大大碟，好多汁，餸飯一流，牛肋條好有牛味，但略嫌唔夠林，有進步空間，㗎喱汁好香濃但不會辣，小朋友食都無問題，薯仔都好入味，不錯海鮮冬蔭公湯，好香好足料，顏色又靚湯好鮮味，酸辣度剛好，調味掌握得好好，我同媽咪都好滿意鹽燒烏頭，好大條好厚肉，抵食，醬汁好惹味，烏頭非常新鮮大大舊肉白雪雪，鹽味已滲透魚肉，美味可口白飯同油飯各叫一碗share，油飯好香雞油味，滋味無窮椰青大大個好多水，非常冰凍清甜，無酸味

呢間餐廳無論食物質素同服務質素都每況愈下，一大班人叫早餐，上餐時成日漏單，D女侍應仲要意見接受，態度照舊，早餐叫左碗麵，個賣相好似人地食完拎過黎咁，跟住黎果個腸仔太陽蛋，但呢兩樣野都係似食緊冷盤咁，最後杯熱好立克，稀過杯豆漿，呢間野可一不可再..............................

同小丞哥見附近見學校，仲有時間就食個早餐。見門面不似茶餐廳，但入到都幾乎滿座。當然應該要試試。等了一陣位。入座。竟然有bb椅👍🏻👍🏻👍🏻。地方大。有圓檯，有四方形檯。望望餐牌。多款。叫了火腿包魚蜆殼粉。好小地方有蜆殼粉。火腿多，相對蜆殼粉唔算多。都不錯。bb都岩食👍🏻👍🏻👍🏻👍🏻。熱奶茶，就比較一般。唔駛滑同濃跟餐可配黑松露炒蛋。不另收費。早餐來說都幾特別。試一次無妨😃沙爹牛肉麵。牛肉名淋。沙爹味適中。滿意咖啡夠濃，比奶茶好。另加腸蛋。方包

趁本周工作沒有太忙，與友人相約出來，到了太子的有囍吃星馬菜。由於有人遲來，先點了燒豬頸肉及串燒三拼。兩者皆香口，肉厚份量足，兩個配醬(沙嗲醬及泰式酸辣汁)出色，令味道更多元。之後再點了泰式辣肉碎炒飯及二人餐，包括肉骨茶、半隻海南雞、麥皮蝦等。麥皮蝦是炸香中蝦，蝦肉不多但算是新鮮有彈性，加上甜甜的麥皮，送飯不錯。肉骨茶為馬來西亞的藥材版，藥材味重但未算香，肉排則不肥較柴。海南雞份量不少，肉滑嫩。泰式辣肉碎炒飯夠辣，夠醒胃。友人逗得侍應哥哥開心，獲他送上湯碗版南瓜露，還要她吃畢才准離開，生怕她吃不飽。最後埋單平均每人$200，吃得非常飽，非常滿足。惟這裡的冷氣太冷，愈吃愈想盡快離座取䁔。

預祝旅行計劃順利，開心岀發前夕相約朋友傾行程，懶妹簡左太子呢間泰國菜館食晚飯。椒鹽魷魚🦑88炸得金黃香口，椒鹽充分均勻裹上魷魚面層，味道外脆內軟，魷魚啖啖肉富彈性，十分惹味。馬拉盞炒椰菜苗78一上桌已經香噴噴，椰菜苗的份量相當多，落得恰好的油令菜更翠綠，馬拉盞跟配料蝦米等味濃芬芳，令有嚼勁的菜蔬更具獨特滋味。冬陰海鮮湯68有青口魷魚香菇蝦蕃茄香葉洋蔥等材料豐富，酸辣味較温和，椰味較大，如果味道更突岀就更好，食材尤其魷魚爽口，新鮮喔！紅燒蟹肉翅298(細)足夠二人吃飽的氣勢，蟹肉拆後女生吃得很方便，蟹味重，魚翅天生本身味道欠奉，有高湯紅燒後，味道立刻提升，加入香菇芽菜瑤柱，吃到一滴不剩，大滿足。白飯12食後感：地方新淨，裝修年輕，有種潮食後生泰國菜的感覺，好啱後生仔女傾計呀。P.S.店員超有禮貌，另外，很貼心，餐廳提供暖水侍客，感覺窩心。

太子高質泰國菜-有囍前兩日路經花墟，因為有一段時間都冇行過太子，發覺嗰邊啲店舖有好多都面目全非了。仲記得n年前呢個舖位應該係新發茶餐廳，依家就變咗呢間裝修幾靚下嘅「有囍」，門口貼左好多明星嘅合照，相信應該有啲保證，好，一於入去醫下肚先。肉骨茶-呢個中規中矩，個人應為味道有少少偏鹹，鍾意濃味嘅應該會幾like沙嗲串燒 - 我哋豬牛雞各點左兩串，較為驚喜係個牛，好腍亦都好重黑椒味，正！帕能咖喱牛肉 - 雖然佢Menu上面寫嘅係牛肉，但是上到嚟我哋發現原來佢係用牛小排，咖喱非常香濃但又唔算太辣，椰奶嘅份量亦都控制得啱啱好，配埋薄餅一齊食，冇得彈！蟹肉炒飯配軟殼蟹 - 個炒飯入面嘅蟹肉非常足料！可以話係啖啖蟹肉，非常超值。最後嚟杯菠蘿冰，用嘅係新鮮切粒菠蘿，解渴又解膩～!估唔到太子都有咁高質嘅泰國菜食到，以後想食泰國嘢都唔一定要去九龍城嗰邊lu~

東南亞菜式是不少人的至愛，不論是青木瓜沙律、咖哩蟹抑或是芒果糯米飯，由頭盤到甜點，總會有數道琅琅上口的菜式。除了九龍城外，小編最近發現太子也有一間挺別緻的東南亞Fusion菜。因此，小編決定來太子的 有囍 嘗嘗喔！先説説環境，餐廳很闊落，枱的空間相當大，非常適合一家大細、三五知己點不同種類的菜式一邊暢談一邊享受東南亞美食。另外，餐廳的佈置也十分有心思，一走進餐廳已有濃厚的東南亞餐館氣氛，其中一面牆身有小塗鴉和一系列東南亞小擺設，相當過癮！現在説説食物，以下有幾項是小編認為必點的：1. 柚子沙律一道好的前菜往往能令整頓飯生色不少，這個柚子沙律大大份，份量絕對夠數人食用。味道方面，柚子沙律清新美味，辣味和酸味剛好取得平衡，大大啖的柚子肉新鮮，沒有任何苦澀味，十分開胃。2. 香芒米紙卷薄薄的米紙煙煙韌韌有咬口，近看晶瑩剔透，非常漂亮。芒果酸酸甜甜，配以蟹柳的鮮味，十分絕配。另外，醬汁亦酸亦辣，又帶有芒果甜味，絕對是一道醒胃菜式。3. 瑪莎曼咖哩燒牛肉這道菜牛肉燒得剛好，不會過老過韌，但肉質相當淋，每一口牛肉都帶有適量脂肪，增加口感。此外，配菜如薯仔等夠入味，咖哩不算辣，而且椰奶味十足，夠椰香

呢排想食泰國菜，openrice見到間餐廳個名幾得意。黎到門店，裝飾顏色很特別，連餐牌都說tiffany blue色的，想必店家好鍾意呢隻顏色。D22二人套餐 $398肉骨茶放到嘴邊聞到超濃郁的「養生」味，飲落又香又滑，鹹度把握得剛剛好。排骨超大舊，份量很多，瘦肉居多，完全不油膩。星加坡海南雞 配白飯油飯雞肉超滑，肉質鮮嫩，沾著甜酸醬，泰式風味十足。送油飯一流！星加坡麥皮蝦蝦的大隻，表皮炸的酥脆，非常香口，內裡的蝦肉肥美，啖啖都係蝦肉，超滿足~馬拉盞通菜通菜爽脆，口感極佳。搭配上馬拉盞醬非常惹味，每啖濃濃的蝦味，絕對是一味經典的泰國菜。串燒 $108雞肉、豬肉、牛肉各兩串，肉質鮮嫩，有嚼勁。另外配有叻沙醬，食完一陣椰奶味香味充斥著在嘴邊。紅豆冰 $28走了糖水，紅豆本身已有甜味，粒粒飽滿，有咀嚼感，搭配椰奶，味蕾另一番享受！

新一個月開始，11月來到。放工會合老公，佢話要帶我食好野！來左太子哩間-有囍（太子），食我鍾意泰國菜，哩度仲有新加玻菜😄一入去餐廳，環境好靚，坐底見到d餐具都好別緻，增加我食野胃口！哩度餐牌可以散叫又得，又有套餐揀，價錢唔貴！睇左餐牌一陣，已經有好多野想食😋😋老公叫左個大蝦粉絲、牛肋條、冬陰公海鮮湯❤️我就揀左蟹肉炒飯伴軟殻蟹、炒通菜❤️大蝦粉絲都足料、粉絲多，蝦又多肉，而且好重黑胡椒味，岩晒鍾意食黑胡椒朋友😆牛肋條煮得好入味👍🏻老公話好好食。我就最鍾意個蟹肉炒飯伴軟殻蟹，個飯份量夠兩個食，蟹肉又多，軟殻蟹又正😋😋😋哩度通菜都好好味，炒得好有穫氣！飲品方面叫左椰青同檸檬可樂🍹食完埋單，5送兩飲品先六百幾蚊，真係好抵食，最重要哩度侍應都好好服務，又多笑容👍🏻👍🏻上菜又快👍🏻食完離開先發現哩間餐廳原來好多藝員來食飯，餐廳外面貼住相⋯有王祖藍、李克勤、劉文龍夫婦⋯⋯😍

窮遊香港-太子名人飯堂.今次呢間店勁多名人都去食連魔鬼魚都有得食就試下呢間啦 .今日叫左⭐️香草辣椒膏炒魔鬼魚$158⭐️瑪莎曼咖喱燒牛肉$188👍🏻菠蘿炒飯$88👍🏻冬陰海鮮湯$68.⭐️香草辣椒膏炒魔鬼魚叫呢個係因為 唔係到到都有得食 同埋想食辣野 但佢麻度係bb辣...什至係唔辣怕辣既都食得‼️呢個魔鬼魚 煮到連骨都食得驚喜 魚肉口感勁滑 骨口感似細條偏軟既豬軟骨香草味十足.⭐️瑪莎曼咖喱燒牛肉呢個個汁先係重點 勁送飯味道類似沙嗲王既白咖哩但呢個更濃 更野味同加姐去食都話勁正仲要配埋 一塊幫你切好左既原塊牛排😇我升左天啦.👍🏻菠蘿炒飯菠蘿炒飯就四圍都有得食 冇驚喜但呢個炒飯都係高質既炒飯粒粒分明係基本上面配上肉鬆 腰果 海鮮 午餐肉口感配合 有層次呢到睇得出廚師既心機再加埋上一碟個汁爽多多都食埋佢.👍🏻冬陰海鮮湯辣比bb辣多小小但都係岩唔食得辣既飲香矛味突出海鮮都勁足料魷魚 蝦肉都彈牙青口一般.....（或者係我未食我特別好食既青口）.⭐️推介.#有囍 地址：太子花園街232-242號禮賢大廈地下K-M舖.⭐️評分：味道：4.5/5 環境：4.5/5 幾鐘意呢到裝修 舒服服務：5/5 食物種類