有間本舖 (Closed)

今日路過旺角見到有間新開的古早味蛋糕，見到呢間台灣古祖味蛋糕專賣店，岩岩新鮮出爐蛋糕🍰諗起之前係台灣旅行時會買返黎香港做手信🤗就算去完旅行返到香港都食到台灣美食👍👍每人限買兩件咁就簡左岩岩下午2:30新鮮出爐的「經典原味」同「黃金芝士」 好香噴噴喔👍店員仲好好咁話我聽食唔哂可以放係雪櫃保存，而想食返暖笠笠的話可以放係微波爐度叮10秒左右🥰好細心的服務態度💋返到屋企試左原味先，好軟棉棉同埋好重蛋味，因為佢岩岩出爐，我返到屋企個蛋糕仲暖笠笠好正👍👍佢唔算好甜，係好重蛋味！而且好鬆軟🥰另外重量介紹大家唔太鐘意食甜的買呢個「黃金芝士」，四個字形容「鹹香芝濃」芝士粒粒好好食，蛋味底，我男朋友唔太好甜佢表示呢個蛋糕好正好岩佢口味😘😘

之前係屋企整過古早味蛋糕，但就一直都未食過街買既，宜家好似好多地方都有，今次番屋企經過見到呢間有間古舖有新鮮出爐，所以買左兩條同人share試下！咁岩有原味同芝士味，我就係想試下芝士味～原來都幾大條幾重，可以分到6-8件厚切咁上下！蛋糕好鬆軟，密度好靚！芝士半溶好吸引，咸咸地真係幾好食！！之後再試放入氣炸鍋，整到脆皮好似仲好食！另外原味就係食佢蛋香味，都係好濕潤好香，唔錯！見佢仲有好多其他味道，希望下次遇到南瓜乳酪味，好似好好味咁！

係旺角行行下街聞到好香嘅蛋糕味，就係比呢間「有間本舖」吸引左～！行到過去就見到有好多蛋糕新鮮熱辣，岩岩出爐，咁緊係買返兩個返去試下啦！見到流心芝士味同綠茶紅豆味都勁吸引，就兩隻味都買晒！可以拎返屋企慢慢食！拎到返屋企仲暖暖地，即刻試下流心芝士味，入面d芝士仲係流心，同個蛋糕好夾，不知不覺食左大半個🙈🙈蛋糕上面仲有d芝士粒，都好好味呢！另外綠茶紅豆味，外表都好綠色，味道都有幾濃嘅綠茶味，入面仲有d紅豆，味道夾之餘仲加強口感！下次行過再買其他味試下先！

前幾日放學經過旺角，見到旺角開左一間台式古早味蛋糕店 🍰屋企人之前嚮灣仔分店買過原味，味道同質感都相當唔錯，所以二話不說就買左兩盒翻屋企🏡門口會住蛋糕既出爐時間，蛋糕係現場即製，新鮮出爐。圖左就係抹茶紅豆口味，而圖右就係黃金芝士口味。個人就較為喜歡後者，除左面頭有芝士粒粒，鬆軟既蛋糕入面仲會有鹹鹹香香既芝士。芝士既份量幾多，頗為慷慨。而且本身蛋糕味道微甜，再加上鹹鹹哋既芝士，整體味道又幾夾。蛋糕食落唔會涸喉同 哽住條頸，幾有驚喜😋😋。抹茶紅豆味都幾好味，食到抹茶味，而且唔會太過甜，底下會有粒粒紅豆，令蛋糕既口感更豐富。蛋糕大約可以切成七至八大片，可以同屋企人開心Share 😛個人鐘意切一小片，之後擺入微波爐叮15秒，蛋糕擺入口既感覺暖暖地，好幸福呀☺️有間本舖 - 台式古早味蛋糕地址：旺角彌敦道720號家樂樓地下C號舖

行過見到有間古早味蛋糕，見到都有人排隊就八卦下，原來係來自台灣高雄的古早味蛋糕，見到有現貨就買俾屋企人一齊食我是芝士控就買黃金芝士，面層有粒粒芝士，蛋糕皮有氣孔，真係古早feel。切開都見到車打芝士，少少咸香，蛋糕質感鬆軟，凍食都唔錯，濕潤度高。店員話可以整返熱叮十秒，可能我雪櫃偏凍，所以睇下爐火數，我叮足廿秒，熱食唔錯，佢唔係拉絲，係好creamy 感覺，熔熔地甘。蔓越莓第一次呢種食法，貪新鮮就去買，蛋糕皮花紋唔錯，有心思，切開去食都有好多蔓越莓，分佈不同位置，微微酸甜，加上蔓越莓對女人好，所以女士食多的，唔算好甜，唔錯。

🍰🍰🍰Cake Delivery🤩🤩🤩無論外界情況如何變化，都要保持好心情！因為只有這樣才會充滿愛❤️和正能量😘 面對挑戰，就有了100分的勇氣和決心。Love yourself and love 💓 the one in your heart 💓 .旺角古早味新鮮出爐蛋糕🍰現烤現賣，柔軟細膩入心裡面。無論是送禮還是自己吃，當早餐和飯後甜品，都是絕對的最佳選擇。.口味的選擇也是多種多樣，有濃情朱古力🍫，抹茶🍵紅豆，蜂蜜蔓越莓，南瓜🎃乳酪，黃金芝士...... 猜猜我今晚買了哪兩個味道🤓🤓.對了，就是原味和芝士味。原味蛋糕柔軟，蛋香甜美，芝士蛋糕味道濃郁，粒粒芝士香脆可口。一不小心就吃多了的節奏。...有間本舖 (旺角)旺角彌敦道720-722號家樂樓地下C號舖

依家🥧古早味蛋糕做到成行成市，🤤每經過一間我都好想買來試，但係要夾啱時間，新鮮出爐就最好！🤔自己都試過好幾間，呢一間我直情要回購！😍買咗返去屋企人大讚好食！今日經過嘅時候，喺門口已經傳出陣陣香氣！🤤咁岩新鮮出爐原味同芝士味！所以我就一次過買晒！🤪⭐️原味古早蛋糕👍🏼本身佢個古早蛋糕質感做得好好，水份充足又軟熟，🥚食落蛋味都好濃郁！所以本身佢個原味都好好味！⭐️芝士味古早蛋糕🧀而呢一個芝士味就仲正，上面鋪滿芝士粒，而中間就有一啲溶咗嘅芝士😋，芝士本身有鹹味，蛋糕就甜，所以食落好正！🌟餅店仲同我講話可以放入微波爐叮10至20秒，熱食又會有另一番感覺！🌟返咗屋企叮完試吓，😳佢中間嘅芝士會有少少溶，但係亦都冇攞走蛋糕嘅水份，依然保持鬆軟！🤩佢真係冇介紹錯！用黎做早餐或者下午茶一流！😤下次我睇埋時間，試埋佢個綠茶紅豆同雜莓味道！😝

旺角最近發現一間很有人氣的古早味蛋糕店, 原來是來自台灣高雄, 來到香港開分店, 每次經過都被香噴噴的蛋糕味道吸引, 今天忍不住買兩款口味, 和家人及同事分享。店內有4款口味選擇, 包括經典原味、黃金芝士、蜂蜜蔓越莓、抹茶紅豆, 每一個都好有份量, 大夥兒吃就最開心。我就選了芝士和蔓越莓, 買回家放雪櫃, 可以吃三天。蛋糕第二天早上品嚐, 仍然很香很新鮮。黃金芝士$75冷過的蛋糕也不失柔軟, 它有綿密的口感, 沒有餡料的部分也有蛋香, 有飽肚感不會像吃了空氣, 面層有粒粒芝士, 裡層芝士有些古早蛋糕只有薄薄一條線的, 它的芝士多到爆出來, 完全不省, 鹹香芝味勢不可擋。蜂蜜蔓越莓$75這款古早味蛋糕口味比較特別，吸引我嘗試，它內裡包覆許多酸甜的蔓越莓粒粒，不會乾硬，仍很juicy，蛋糕在嘴裡慢慢化開除了蛋香外充滿獨特蜂蜜滋味。第一次品嚐台灣古早味蛋糕, 果然很有質素, 滿心滿足, 非一般普通的麵包蛋糕店可相比。兩種口味給我選, 我也分不到高低, 因為各有的美味, 如果能一盒裡有齊四款口味, 就最開心了。

又食古早蛋糕喇 每次經過聞到陣香味真係好難抗拒🥺咁啱撞正新鮮出爐 點可以唔買🔥呢間店係新開冇耐嘅高雄過江龍 夠晒正宗台灣味🇹🇼 蛋糕冇落防腐劑 所以放雪櫃都係最多擺三日‼️.經典原味💛 $60成日覺得食咩都係要食最classic最普通嘅味先試到廚師嘅手勢🤫呢到嘅古早蛋糕真係相當出色❣️古早蛋糕外表係其次 最重要一定係夠蛋香口感夠軟綿 呢間我比滿分💯蛋糕面頭仲印咗佢地嘅logo 好qq賣相加分😎嗰日試咗四個方法食 1.即食 2.翻焗 3.雪凍 4.急凍🤩.個人唔建議翻焗 雖然底面嘅表皮都會脆脆地 口感係豐富左 但係就會冇咗咁濕潤😣最驚喜係雪完之後蛋糕都keep住好鬆軟綿密 仲一啲都冇乾到😍急凍食好有蛋糕雪條嘅感覺 呢個口感好特別好難形容 不過超正🧊兩個凍食版蛋香味仲會變得更加濃郁 值得一試😚所以如果即日食唔晒都唔緊要 呢間嘅蛋糕係絕對擺得過🤣同埋好鐘意佢甜度啱啱好😋唔會甜到冇晒蛋味 仲食到淡淡嘅奶味🥚🥛💓

有間本舖 #旺角❗️又有古早味蛋糕新店 台灣高雄過江龍❗️近嚟越來越多古早味蛋糕🍰喺旺角T.O.P對面見到呢間新開香噴噴嘅蛋糕店，咁啱仲有現貨正所以就買咗個😚因為係新店未見好多人講，本身冇抱好大期望，點知食落又幾唔錯，發現喺台灣都有唔少分店！同大部份古早味蛋糕店一樣，每日喺唔同時間新鮮出爐，門口會寫明幾時有咩味嘅蛋糕。黃金芝士🧀$75呢度只係三分之二個蛋糕，三分之一係影相之前已經食咗落肚🙈有數粒芝士粒喺面，內裏雖然唔係流心芝士，但都夾住左幾塊香濃嘅車打芝士片🧀用微波爐叮10秒後，芝士變軟更加好食！而且蛋糕鬆軟，蛋香幾足，比我預期中好味🥰唯一係表面嗰層同底下嗰層啡色蛋糕邊比較硬身🙈。味道: 4.1/5性價比: 4/5當日店主非常熱誠地同我哋推介蛋糕🥰同我地講蛋糕可以擺喺雪櫃三日，就咁喺雪櫃直接攞出嚟食都好好味，不過我就覺得用微波爐翻熱返10秒會更正💕！

今晚同阿女係旺角開完餐，行行下聞倒一陣蛋糕香味，原來*有間本鋪*嘅芝士蛋糕剛出爐，已經有人排緊隊比錢攞蛋糕。因為阿女鍾意食古早原味，所以我地就要等多5分鐘。鋪頭好貼心，係門口寫住咩味嘅蛋糕幾點會出爐。嘩，原味蛋糕終於出爐啦，香噴噴，店員好小心翼翼度好位，張舊蛋糕均等分成10份，件件大細一樣。返到屋企第一時間趁蛋糕仲係暖暖地，拿拿聲攞出黎食，打開個蛋糕盒，個蛋糕仲係咁靚仔，仍然香噴噴，入口鬆軟濕潤，甜度剛剛好，蛋味平平，唔會太濃郁，下次再經過一定會買其他味試下😋

見到雜誌介紹新鋪，剛好係附近就去八卦下！那時5點幾未到放工時間！心想不會等好耐，但我錯了，等左差唔多30mins,不過算正常，一般古早味蛋糕等候時間都係咁！我就買左黃金芝士$75，佢內裡會有芝士溶，面層有芝士粒，好香！佢面層及底層都比較硬身有𡁻口，與其他不同在佢鬆軟多啲，似蛋糕質地！如凍左可微波爐10多秒芝士變軟會好味返！睇雜誌介紹會有個鋪頭公仔印上面，可能黃金芝士有芝士粒係面做唔到，沒有效果有些失望！但有讚係佢會派籌給客人亦會不時向人龍大叫什麼時候出蛋糕什麼蛋糕已經排曬籌！👍🏻👍🏻