鴛鴦口味 (Closed)

在飲食界，Fusion不算新鮮事！但這間店老闆將香港人最愛的傳統西餐菜式加上精選中式食材變化成獨一無二的鴛鴦口味，就創意十足。所謂⎾鴛鴦⏌，即寓意和諧，愛與幸福的喜悅；代表着兩個不同的一半，結合而成完美的整合，將⎾新與舊⏌，⎾東西方融合，就是這個格調高雅的中西餐廳的特色。個人推介的有……阿華田雞蛋仔、鴛鴦卡柏千奴、蝦多士、鑊仔田螺、豬肋骨、軟雪糕，都係必試之選！還有，這兒的環境格局有點老香港情意結……鐵閘、大字牆身、閣樓雅座、以至夥計制服，但讓人想起80年代的老好日子！

It was lovely to visit this neighborhood cafe recently. Spacious restaurant and almost find-dining setting and warm staff, I've confused by this and thought I was not in a traditional local cafe (of course, it's not that traditional). Looking into their menu, it's full of fusion and invention. The items spread from Lobster Bisque & Shrimp Dumplings, Risotto & Fujian sauce, to the very "weird" Pop Rocks (candy) Milkshake. It's been enough to "induce" me to come back few times and try out those we

樓底都好高下，觀感都舒服嘅，至少冇嘈吵感覺，如果去開某啲適場裡面餐廳，樓底太低真係會好廳聲好嘈。睇餐牌啲菜名有少少似茶記，但係睇下價位同埋食物就知其實係一間餐廳，D野食都幾高檔下，黑毛豬鵝肝春雞基本上乜都有，都係order左碟高檔少少嘅豬肋骨。72小時慢煮話梅燒豚肋骨配炸薯條 $228價錢唔平，賣相不錯，食落質素好高，豬肋骨肉好大塊、配菜薯角、車厘茄。啖啖肉感覺好爽，話梅醬其實開頭真係好難想像，酸酸甜甜甘甘咁，都幾濃味又唔稀，入口咬落去食得出好係好入味，佢話72小時慢煮我諗唔會差太遠，皮有少少少少脆，肉就非常軟，但仍然有咬口(如果唔係煮得夠耐，或者貪快大火煮就會冇晒質感)，本身舊肉偏瘦，冇乜油唧出來，成碟水準真係好高，$228唔會話抵食，叫做合理啦，始終銅鑼灣灣仔一帶餐廳都唔會話好平，呢個價位OK，最緊要係好食就冇怨氣。

灣仔D野好似試極都試唔完咁，今次呢間人均$120左右，灣仔銅鑼灣來講算中中地啦。除左主菜鵝肝都OK唔錯，但係沙律同薯條更得我欣賞。鵝肝勁大塊，少見配無花果，唔食無花果都可以點啲無花果汁，成塊鵝肝會清新晒。另外先講碟沙律，份量都幾大碟，好多餐廳都好鐘意整到啲沙律濕立立，一係就水一係就油，呢碟除左有油醋之外，食落都算乾爽，配豆腐感覺都新鮮，我有諗過佢係專登配返唔同質感食材，脆嘅有瓜、淋嘅有豆腐同葉、彈牙嘅有車厘茄，配得好好，good。成個menu好似都係將好多local野或者大路嘅材料煮法mix & match，但都叫做成功，價位唔平，千祈唔好當茶記食，拍拖嘅話環境可以，一大班人嘅話應該最多6個，因為冇圓枱，又好似冇特長枱，op友要留意。

依家好興fusion野，通常都只得好貴果D先有，同埋D Fusion菜好多都未夠fu，點都估唔到中價平民餐廳會有得試。(其實我本身唔知哩度係Fusion野的) 兩個人來，唔多人，唔駛等位，可能都仲係新開，外面裝修好鬼靚以為係勁高級，俾佢呃左，menu好特別，大部份野食寫得清清楚楚，就好似我地order左哩兩碟咁，真係完全知道自己食緊咩lor。香煎鵝肝配無花果伴法式牛油麵包$108，我以前已經食過無花果，不過就咁食都係第一次，哩碟野有三個主角，鵝肝、無花果、法式麵包，鵝肝+麵包我覺得合理，但係加埋無花果就真係幾特別，本身鵝肝就出名香，有D人可能會覺得油香太重，所以就會配麵包，不過佢諗到加入無花果嘅清甜、果香豐富成個味道，係叻嘅，成件事好夾，好特別，好好食，份量算OK，一個人食晒都會飽。(話晒都咁大舊鵝肝)烤西班牙黑毛豬扒配新鮮菠蘿 $228，第一件事，好大舊…，睇相可能唔覺，其實係好大舊，如果有食過西班牙黑毛豬嘅應該知道其實係好難煮，本身肉好鬆化，但係要啱啱成舊熟會有D難度lor，咁哩度煮得都幾好，食落係啱啱好，唔係肥肉，但係勁軟，佢係值$228嘅！配菠蘿我估係因為食得多肉要配返少少酸野

今日食飽行下灣仔消化下，點知俾呢間餐廳門面吸引住，控制唔住又坐低食tea! 阿華田雞蛋仔，好濃阿華田味呀！梗係要叫杯鴛鴦試下，又香又滑下次有機會試下D主菜先。有一樣要讚下，就係D侍應全部笑笑口，好禮貌，喺而家嘅環境下，真係唔係咁多餐廳有咁嘅服務。

一般茶餐廳的鴛鴦很難飲，主要是咖啡在茶飧廳㷛的太久變質。但這里確是和招牌一樣，咖啡很好和茶一對，確是好飲。另外，食品甚有創意，中菜西煮，其中皮蛋煆多士，中式沙律都很好。由於走另類格調，侍應並沒有和其他茶餐廳的趕人走文化。

外貌裝修幾好, 諗住入去試下, 望下餐牌, HK$70-HK$80一個set lunch.... OK, 灣仔區, 可以接受. 當日叫o左個"咖喱雞飯", 飲品要"熱奶茶", order完唔夠30秒, 就有湯, 沙律, 同正餐, 勁快...........即係整定晒....... 算啦, 照食, 當日係凍沙, 有D期望, 飲落口, 足料, 可惜凍湯完全唔凍........... OK, 到食沙律, 油醋汁+沙律菜+菠蘿, 菠蘿一食就知唔係用罐頭, 因為又酸又苦, 本身油醋汁已經有D酸, 加埋菠蘿酸到苦.....  D沙律菜都係, 苦苦地......到正餐, 好香, 但一食......D咖哩好似水咁, D雞還可以, 但薯仔得一細粒.......  而且賣相好似茶記, 一大隻碟, 一大舊白飯, 再一碗咖哩, 擺得好Hea, 個廚之前應該茶記出身......最後估唔到連熱奶荼都出事.....  飲落似奶水, 無乜茶味, 同酒店叫o既荼包奶茶一樣..... 以價錢o黎講唔算好貴, 但個廚煮D食物真係唔值, 似快餐店多D....... 唔會有下次, BYE!!!!

灣仔★鴛鴦口味長週又係星期六過海黎到灣仔，一於又去利東街搵食。今次既目標係一間門面望落都幾高檔既fusion茶餐廳室內環境光猛，樓底高又有大玻璃窗感覺舒適無壓迫感。如果唔係牆上同餐具上既可愛old school小朋友仔加入中國原素，真係以為自己入左間西餐廳。搵食時間宮保雞丁酥皮盒（$68+10%）：★★★★★ ☆☆☆☆☆好“精緻”既fusion小點呀下，上枱第一時間唔係試食，而係打開menu睇下要追加d乜…個宮保雞丁食落酸酸甜甜，可惜唔夠麻辣亦唔夠惹味 ，仲要搵唔到腰果/花生既蹤影！酥皮就幾香脆又唔油膩既，只係好似一口酥咁未試真就食完喇除番十幾蚊一粒，定價真係偏高…蒜香西班牙辣肉腸冬菇煙肉意大利粉（$108+10%）：★★★★★ ★★★☆☆又來一個fufu地sion既菜式，材料多得黎望落有點雜亂，咩都炒埋一碟既感覺味道有驚喜意粉煙煙unun又炒得乾身唔油膩，好彩蒜香唔會過度濃郁食到成陣味辣肉腸口感略為扎實左d但辣辣地好惹味～不過…最深刻都係好鬼香既冬菇..............................食完主菜可以進攻滿心期待既甜品喇！阿華田雞蛋仔配香蕉士多啤梨（$68+10%

迷路, 餓了, 午巿時間 遇上呢間唔使等位 o既企理裝修茶餐廳~梗係即入啦~ ;)侍應們友善懇勤, 好 nice 呀~ 沙律菜唔苦 (我好怕食落帶苦澀的, 會立即投降... 哈哈...)~呢個餐湯, 好飲得意料之外!!!扒就中規中矩啦~配菜都認真丫~ ;)肉質軟淋的, okok~呢個 pasta 好味呀~鐘意佢配菠菜, 健康 d d~麵條口感唔錯, 鐘意呢個質感~粗幼不一, 手造感好強~ 嘻嘻~會再黎食的~

新囍帖街餐廳逐一開張，人流愈來愈旺，連外圍也有新餐廳加入戰團。這天我們就被這摩登復古的裝修吸引進來。餐廳特設「樓上雅座」，我們剛好坐在玻璃窗邊，可以俯視整間餐廳。小妹很喜歡水吧上的鎮閘，是街鋪舊式模樣，現在已經很少見到。午飯時間有lunch set，很西餐的presentation。價錢$88-$128不等，包前菜、湯、餐飲。前菜比預期驚喜。沙律菜新鮮、爽口。還有一小串臘腸般的咸肉，齋食有點過咸。但配哈蜜瓜就味道剛好，是中式的parma ham + melon吧？ 餐湯質地濃稠、蠻有質感。每口都嚐到粒粒打成蓉的西蘭花，材料豐富又有口感。濃淡剛好，淡淡西蘭花味又味道天然。主菜回到茶記的碟頭飯。微辣的墨西哥汁頗惹味，可惜香苗不夠香，不夠飯味。雞胸肉不滑已是預料之事，但這舊肉又硬又鞋，切都切都手軟。小妹一向自稱為環保小先鋒，不主張浪費食物。但這舊雞，吃了不到四份一，我放棄了⋯⋯ 朋友叫了貴價的煎鱈魚，貴嘢果然不同，賣相吸引十倍。(但其實我的也不平啊 /_\)...小妹試了一點鱈魚。外表煎得香脆，肉質嫩滑。真心好吃，但價錢就有點貴啦⋯⋯ Lunch set 包熱咖啡／奶茶／檸茶／檸水，但

係灣仔經過幾次，以西式格調的茶餐廳，裝修都很舒服，見到餐牌滿有創意所以約了朋友一試！餐牌仍是試菜中，有點可惜的是咖哩雞$88 但是用雞扒⋯⋯還有點雪味黃姜粉下重了，叫了個燒春雞$148 很失望，如果這個價錢用中式煮法我真的會去正式西餐廳食，炒飯不過不失，唯一點贊是那兩個意粉，不錯的，幾好吃！人流教少是因為中西fusion 菜不是每人都會去嘗試而價格定$150-$200 人頭的時候會選擇其他西餐廳的！沒有set dinner ,所以凍檸茶都$38 一杯的時候我真的滴汗🙄 因為飲品價格set 太高令人覺得只是一間高級茶餐廳為什麼飲品價格太高吧？如果要跟附近的鬼佬餐廳比較已經輸了。希望繼續努力吧！請見諒因為有空間改善的。

昔日的喜帖街大變身、是好是壞見仁見智。進駐餐廳陸陸續續開幕、相信要花一個星期才能試過所有。今天試了間高級茶記、装潢比一般茶餐廳高擋、當然價錢相對較高、羊毛出自羊身上、定律。午餐限定特色套餐、價錢由＄88至＄128、包括　：前菜　+　湯　+　主菜　+　飲品前菜香辣吞拿魚伴生菜只二片香辣吞拿魚、味道怪怪、過於濃郁的香草味蓋過了吞拿魚原味、有點抗拒、難以入口。湯俄羅斯紅菜頭濃菜湯材料豐富、湯味濃稠、不錯。主菜咖喱牛腩配香苗咖喱汁辣度適中、香味誘人、只可惜牛腩肉質太靱、難以咀嚼、有點失敗。飲品冰凍奶茶沒想像中香滑、可能凍飲原固、一般茶記品質。講真以這樣質素、普通茶餐廳可找到、價錢亦平一半、幫襯一次夠了。

這間餐廳新開於此所以午飯時間約了兩位朋友共三人一起去試試。 灣仔區午飯時間大部份餐廳都會人山人海所以叫朋友先去等位，不用等即時有位，餐廳裝修比茶餐廳高級，以為是其特點，餐牌價錢反映質素，最平$88最貴$138仲要收加一服務費，所以明顯不是茶餐廳吧！我們點了三個不同食物種類的餐，有飯、牛扒同通粉。上菜速度快，但食物份量就非常迷你，男生一定不夠飽。前菜可選湯或沙律，先講湯，三個字「金寶湯」，但就沙律一般。終於到正餐，通粉味道還可以但蝦沒有去腸，有雪味；飯的口感不錯，但「金寶湯」的白汁不夠味； 牛扒才是最失望的，它的價錢是最貴最不值得食，面積比一張十元紙幣還要細塊，厚簿約iPhone5的厚度，質感還可以但無味；餐茶奶茶有奶味，茶走得茶味。埋單約$390。貴，不會再光顧。不會推薦朋友試。失望。

公司附近最近開了一間中西合璧的Cafe, 個名好中式叫鴛鴦，但菜式很西式，部分菜式卻加入左中式元素，感覺很新穎。門面裝修是用 double layer, 由於我做設計，餐廳很少用這種設計，所以非常立體顯眼，在一條老街感覺做成很強烈對比。入到泥水色為主點綴了玫瑰金的元素，非常有時代感。設計人總是喜歡先討論裝修，至於食物方面，中午有5個選擇，但沒有單點，好像略為選擇不算多，我點了一個黑松露豆豉汁三文魚$138，三文魚7成熟，剛好是我的口味，黑松露豆豉汁卻豆豉味比較重，引致黑松露味道比下去，份量不算多，但午餐還覺得可以，另外點了一份紅酒春雞 Polenta$98（唔係好記得），除了正宗意大利餐廳或 fine dining 外，很少其他餐廳會有，味道亦很到位。總體來說，除了座位真的有點窄，是一間不錯的餐廳，還是搵日試試晚餐。