裕記大飯店

Open Now

Now Closed

光顧過裕記很多次，可以說由細食到大。 燒鵝以往是皮很脆，現在食皮可以說不脆，沒有什麼特別。燒鵝也比以前不入味。另外也叫了椒鹽鮮魷，不好食，可以忽略。菜 就沒有什麼特別。服務就真的差，去到門口沒有接待，等了幾分鐘。坐低了，侍應先生先至聲明唔可以飲外帶飲品，否則有附加費，其實我只是岩岩在7仔口渴買了一枝涼茶，飲淨一半，我都沒有諗住在這餐廳飲，感覺餐廳有點低莊，我消費成千蚊隻燒鵝，真的會怕堂食叫飲品嗎？😂 況且我也在堂食叫了數罐可樂。感覺餐廳這位老侍應哥哥，真的未免太過小人之腹了。

感謝友人請客，深井其實有好多燒鵝，不過如果要食真係一定要食深井裕記燒鵝！燒鵝嘅皮非常之脆，肉質嫩，雖然每次嘅火候都會有啲唔同，不過整體非常之好食而我今次亦都食咗朋友推薦嘅酒釀鵝肝！食多幾次都嚟！

親友在外國回港，話好想食燒鵝，咁我哋當然要帶佢去深圳行下。揀左裕記燒鵝，提供著名的粵菜美食和招牌菜。🌟#滷水拼盤: 鵝腸、腎片、海蜇和鵝掌非常豐富多樣，每一樣食材都經過精心處理，口感鮮嫩彈牙，滷水味香濃，好開胃。🌟#鵝腸炒酸菜鵝腸完全唔腥，濃郁小炒風味和酸菜的清爽口感，鑊氣夠，好正。🌟#原隻燒鵝招牌菜，鵝烤得外酥內嫩，望住鵝皮金黃酥脆的外表，肉質鮮嫩多汁，入口即化。配上他們自製的特製醬汁，更加提升了整體的風味，讓我回味無窮。🌟#魚頭豆腐湯湯底清澈鮮美，魚頭肉質鮮嫩，豆腐綿密滑嫩，湯的整體口感非常順滑。作為主食，我選擇了瀨粉口感彈牙，非常入味，配燒鵝食一流。🌟#上湯菜苗和客家煎釀豆腐上湯菜苗綠意盎然，口感爽脆，與鮮甜的湯汁完美融合。豆腐裡面填滿了鮮嫩的肉餡，煎得金黃酥脆，外酥內軟。裕記燒鵝食材新鮮，味道美味，服務態度親切周到，鍾意食燒鵝的朋友不容錯過。

細細個成日睇電視見到裕記賣廣告,今日行山路經深井,就去試一試佢嘅燒鵝。點咗一份例牌燒鵝， 分到下莊， 有脾食，肉質又比較肥美，幾開心。 兩個人叫一份例牌，再點兩碗白飯，夠曬食。鵝肉入口熱辣辣，皮脆肉嫩。 鵝肉燒得啱啱好，唔會話好柴。 食落多汁帶有油脂香氣， 確實唔錯。 但又老實講句，食落就唔多覺有荔枝柴嘅香味， 未至於傳聞捧到上天咁好食。 如果路經開深井，都值得過嚟食下嘅@@

今日一行四日去裕記食lunch. 一坐低就比人趕住落order. 叫左半隻燒鵝(大），加三個小菜。食左半個鐘左右。店員聲稱廚房要 “搞衛生”，問我地仲需唔需要加單。 我地都答左唔洗 食左一個鐘左右，之後我去洗手間。幾個店員大大聲講我地呢張台仲未肯埋單。 講左幾次。去到樓梯返埋位又有另一批呀姐講張台仲食緊唔埋單 。如果你同我講 你地‘搞衛生’既時間，我咪最多唔食。或者比我地坐地下個層 唔阻你“搞衛生”既枱都得架。乜裕記變左快餐 食一個鐘都要比人趕走咩？唔係話要怕怕嘆茶唔願走。 其實同行有兩位老人家一齊食。至少都比個合理時間我地去消化咁呢幾樣野食。 真心無下次。 難受到

去深井當然要食深井名物-燒鵝，今次揀咗深井裕記燒鵝，他是一家位於深井的知名餐廳，以自家農場所培養的原隻燒鵝聞名。他們的燒鵝以炭火燒烤而成，外皮酥脆，內部肉質嫩滑多汁，散發著誘人的香氣。 除了燒鵝，深井裕記還提供其他美味的菜餚。蜆蚧鯪魚球是他們的招牌菜之一，以新鮮的蜆蚧和鯪魚肉製成，口感鮮嫩，味道鮮美。另外，他們還有鯪魚肉蒸釀豆腐，豆腐外層包裹著鯪魚肉，蒸煮後豆腐柔軟細滑，搭配鯪魚的鮮味，味道相得益彰。 如果你喜歡海鮮，不妨試試他們的椒鹽鮮魷，鮮嫩的鮮魷沾著香辣的椒鹽，口感酥脆，風味獨特。此外，還有蟹肉燴西蘭花，結合了鮮嫩的蟹肉和營養豐富的西蘭花，味道鮮美，營養豐富。 深井裕記燒鵝是一家以燒鵝聞名的餐廳，提供多種美味的菜餚，無論是燒鵝還是其他菜品，都能滿足你的味蕾享受。如果你喜歡傳統的中式美食，不妨去品嚐一下他們的招牌燒鵝和其他特色菜餚。

裕記燒鵝 在電視上面的廣告 我想我反轉在背都可以了，不過就是都沒有試過。所以約埋屋企人試下！因為怕無位 早兩日就訂定位。幸好訂位還算容易，我見reception的訂位單還多的。因為我地有一架小小手推車，侍應竟然因此為由，安排一張近門口位置的桌給我們，我問原因，她說車不能拿上樓，我不禁要問，那車放下面就好了，天氣這麼熱，為什麼要坐門口位置呢？ 打擾了一會，才有其他員工帶我去其他房間放置車子，再上樓。小插曲都打擾了，不過都保持心情去食燒鵝。先叫了半隻特大燒鵝（其實特大唔特大我沒有比較，就單純一個信字）還有西蘭花炒蝦仁，滷水鵝翼，燻蹄。燒鵝是重點。皮沒有想像中般脆口，鵝也偏瘦。但是肉味相比其他燒臘檔是有所不同的。有鵝香，肉質也相對結實。相當唔錯。如果皮可以脆點加多點碳燒的香氣便更加完美了。另外，西蘭花炒蝦仁，滷水鵝翼，燻蹄都是水準之外不過不失，我的心思都放在燒鵝了。哈哈。

食物不潔 咕噜雞球含蒼蠅 噁心 没一句歉意家人之遊車河去到深井 走了一下 去到聞名不如見識下的裕記點菜 粟米鱼肚羹超咸 燒鹅真的不如尖東帝國的好彩其他菜不值一題 最重要是一碟咕噜雞 家人咬了一口 準備吃第二口時就看到禮物 真系不幸之中大幸向侍應反映就話可以重做一碟 没有不好意思 可能見怪不怪 非單一事件 吾系掛相信粉槳都是同一桶 咪搞 要求退款又話吾可以做吾到經理來了看看台面就話换另一款菜 也没有對食客説句人話 ok换個带子蒸豆腐 唉带子不新鲜 臭味 投訴都廢事了 以后以后以后没可能再來 食物不潔 咕噜雞含蒼蠅 噁心 没一句歉意完了仲敢去咩

第二次幫趁裕記，夜晚去食，嗌左半隻燒鵝，皮唔脆不單止，啲肉凍嘅，明顯唔係燒出黎，懷疑擺雪櫃拎出黎加熱，要求換左佢，店員唔肯換，話你碟鵝冇問題wor 擺得耐肯定肉質冇咁好啦⋯⋯我：你唔食點知冇問題，點知凍左，問題係凍嘅，點食落去，真係勁嬲咯，超級差嘅一次體驗，我唔係遊客已經咁嘅態度，仲話香港馳名燒鵝，呃人嘅，第一次食果陣味道仲OK呢次超級失望，環境又差，周圍好污糟，難食過街市普通燒味檔⋯⋯冇下次，black list 裕記

之前帶朋友行過大欖郊野公園由深井至屯門一段，雖然途程長，但易行，又有唔少觀景位，今次就詢眾要求，帶老婆嘅朋友行同一條路線，不過就由屯門起步，深井結束，目的就喺落深井食燒鵝。當中有朋友建議嚟「裕記」，稍為睇高一線，所以，就走咗入去幫襯佢。 其實，裡面嘅用餐區喺以好幾幢村屋嘅地下嗰層所組成，分晒房號，左穿右插，少少似迷宮咁，真喺要有職員帶。由於每區用餐區都喺村屋，所以地方唔會好大，但擺得啲枱就好密麻麻，已經無乜通道俾人行，裝修亦喺簡簡單單。而為方便管理，佢哋都將啲客人逼埋去同一幢村屋，所以入嚟嘅時候，我哋個房就坐滿人，其他房就空洞洞。 餐牌就大大本，有啲難影，不過，好彩臨尾喺接待處有堆單張攞，一次過掃描出嚟，就一目了然知道有咩食、價錢收幾多。 此外仲有啲唔同嘅套餐，我哋一行7人，得我一個男丁，加上今餐當喺下午茶，其實真喺唔會食得到好多嘢，但嗰個阿姐就不斷說我哋嗌套餐，成日講唔夠食，搞到我都有啲炆炆哋。 五福滷水拼盤 $190點個鹵水拼盤當前菜就最好不過，可以樣樣都試啲，當中包括鴨腎、鴨翼、鵝腸、豬腳仔、海蜇，陣鹵水味嚟得清香淡雅，唔好太嗆喉，沾上白醋確喺唔錯。 燒鵝例牌 $165侍應成日想

之前在電視機聽到廣告話來深井緊係要食開心裕記燒鵝，仲教我們點搭車黎食😊今日經過深井工作，我與一班同事們吃了一個$390午市套餐，包一碟燒鵝(例牌)，包粟米羹(例牌)，有4碗，包2款小菜，我們叫左一個魚香茄子煲和一個豆腐火腩煲。再每人另叫一碗湯瀨粉$20/碗送燒鵝，完美。燒鵝它是有汁灑上面，所以燒鵝d皮是淋的，想食脆皮的朋友們會較為失望😭不過，它的汁灑在燒鵝上就非常濃味，入味，燒鵝也瘦不多肥肉，可以吧🤭🥳我們再散叫多一碟五福拼盤$190，有鵝皮，海蜇，鵝腎片，鵝翼，鵝掌，不錯吧，幾爽口😁😁📍裕記大飯店📍深井深康路9號地舖

因為探望住汀九的朋友，特地入深井食燒鵝。深井有好多間食燒鵝的食店，因朋友特別推介，所以選擇裕記。雖然在旁邊大大隻招牌，都需要經特別小街，轉入窄巷，才找到正門。我哋叫咗例牌燒鵝，雙菇雜菜煲，咕嚕肉。普通的菜式，比出邊嘅食店貴五成，但係味道一般。咕嚕肉OK，多肉少份，但係酸甜度不夠。將菇雜菜煲，冬菇非常大隻，但係味道非常非常普通，賣相非常雜亂。至於極度期待的燒鵝，皮很趣，但係超級鹹，又冇乜肉，又貴。特別一提，我哋叫咗瀨粉，反而有驚喜。總括而言，性價比低，燒鵝質素今非昔比。

屋企人話好耐無食，專登修左去深井食燒鵝。叫了一隻燒鵝份量都好大碟，切開咗分了兩碟上。鵝肉好多食得好開心，但脂肪層比較厚連橡皮食落去有少少油膩，一隻食唔晒仲打包左一盒走鵝肝粉嫩單定價比較貴，份量得嗰幾片，上枱賣相差了些叫得燒鵝當然不能欠缺瀨粉，自製燒鵝瀨份就係咁簡單，夾幾舊燒鵝入去，遇上熱湯逼出脂肪，一層油浮在湯上最滋味當日沒有足夠鵝腸供應，變了炒鵝雜，加入了腎呀肝呀同腸，但味道唔平均，有好多都沾唔到醬油，同芽菜太多，鵝雜份量其實好小金銀蛋時菜，大碟正常水準小炒皇，沒有韭菜花根本就是西芹炒蝦滷水鵝翼鵝掌，因為做特價所以都幾抵食，嘅啱晒鍾意啜野嘅人呢餐唔算貴叫咗咁多嘢都係1000尾價錢

深井燒鵝係香港都幾出名，講到用炭火烤制，色香味俱全，專登入去。去到岩岩過左午餐時段唔算太多人，門口阿姐好熱情。兩個人點咗半隻招牌燒鵝，都幾大隻，燒鵝色澤紅潤，烤味濃郁。食落鵝皮鬆脆，忍唔住要連皮食，肉質比較細滑，雖然係燒鵝，但仲好鬼多肉汁，比起面外燒味店係好食好多，可能又係堂食即叫即斬，熱辣辣好好味！除咗燒鵝，仲叫咗個豉油王炒鵝腸，無腥味，食落濃味爽口，送飯一流！全餐飯最好食當然係燒鵝，有水準，兩個人食半隻燒鵝有D多，最好叫1/4隻，份量岩岩好，見隔離枱叫一隻燒鵝，店員好好話叫半隻夠食，抵讚！未食過嘅都值得推介，價錢就見人見智啦！

亞婆死之前講過好想試一次裕記燒鵝所以出殯果日特登去深井咁遠買我哋平時都好少食燒鵝，唔敢話自己好識食，不過平時就鐘意食啲脆口嘅嘢咁要原隻要揀一隻我亞媽只係問吓脆唔脆，個老闆娘已經粗聲粗氣，仲要係門口係我地屋企人同其他食客夥計面前不斷「依個女人」前「依個女人」後指着我亞媽嚟罵去靈堂嘅製品都有啲規矩，講多一兩句例如提佢唔好斬頭都不斷咁鬧如果唔係想圓亞婆嘅心願，真係寧願唔比錢唔買走人今次隻燒鵝因為係比亞婆嘅祭品所以就冇食隻燒鵝有幾好食真係唔知不過憑比咗六百幾蚊我阿媽俾人係自己亞媽出殯果日當街當巷咁樣鬧我呢世都唔會係依度食，寧願去隔離陳記