裕記大飯店

Open Now

Now Closed

前排同朋友去咗深井食燒鵝，諗咗好耐食邊間好，最後揀左呢間無任何分店，以前係電視賣廣告賣到入晒腦街知巷聞既裕記，果然冇令我哋失望😋❤️炭燒燒鵝 (例牌) 例牌份量都唔少，因為佢連底下鋪嘅都係燒鵝唔係其他配菜👍👍雖然好快嚟到唔熱，但係燒鵝皮香脆👏🏻食落真係有一種好特別坊間食唔到嘅炭燒味🤤肉質望落唔覺得咁嫩但食落係完全唔鞋口亦唔會黐牙😯朋友即刻話下個月要帶媽咪黎試吓😂⭐️雙菇粉絲什菜煲比我預期清淡😂蔬菜唔會過熟過淋，冬菇夠厚有香味👍正常發揮😅員工服務都唔錯😊連埋一個白飯，茶介同埋花生兩個人埋單大約三百幾，下次搵多兩個人去試吓四人餐，都幾抵食😆#荃灣美食 #深井美食 #深井裕記燒鵝 #裕記燒鵝 #燒鵝 #炭燒燒鵝 #yuekee #yuekeeroastgoose #roastgoose

唔會有下次，態度極差及感覺仲衰過出面茶記食既野，一坐低餐牌都未睇就問落單未，之後每格10幾秒就過黎問落未（態度已經極差），咁係佢係咁吹之下由坐低到叫哂野都唔夠5分鐘，完全係想你快叫快食快走，今日係星期五，但都見有好多吉台係到，完全唔爆棚，食完之後去拎車，車場職員態度串到爆，拎車埋黎啦依個盒係比貼士既，比完比番車匙你拎車，比完之後仲要掉番條車匙比人，我心諗我拎番車姐，唔係得罪你嘛，依間野越來越少人係有原因，唔會再有下次。

心血來潮入想食燒鵝，嘅然要食緊係食老字號「深井裕記」燒鵝🤤！其實入深井都好唔容易㗎，喺港島區要坐成個鐘搭巴士先入到去，去到裕記門口都有唔少人等緊位，好彩我同女朋友6點左右仲有得walk-in!咁我地2個人就叫左3樣菜「炭爐燒鵝」半隻，「XO西蘭花🥦帶子」，「黃金大蝦球🍤」！「炭爐燒鵝」半隻 + 瀨粉本身諗緊食1/4定半隻，諗諗下1/4隻一定到喉唔到肺，就叫左半隻。嗱要同大家講聲先，炭爐燒鵝都有分正常size同特大size ，姐姐話特大同大其實唔係差好遠，2個人正常size就夠，到上菜嘅時候就明點解，因為真係好大隻，比係出面食嘅大！食落口真係有鵝肉香味同埋鵝皮係脆香！每碟都有小量鵝頸，如果係會飲酒🍻咁就岩哂，送酒一洗！同埋要點酸梅醬，真係好好食！當然啦，食燒鵝點少得瀨粉，記得叫，可以中和返燒鵝嘅油膩！「XO西蘭花🥦帶子」喺餐牌上普通西蘭花帶子同XO西蘭花帶子係一樣價錢咁我梗係食XO西蘭花帶子，上菜見到嘅時候已經好大碟，食落嘅時候已經覺得好野味，女朋友叫左姐姐比碟蝦醬，原來加埋蝦醬一齊食真係更架好味，層次再增加！「黃金大蝦球🍤」呢個咪黃金大蝦球望落去隻蝦好大隻，食落去真係啖啖肉，唔多炸粉，

即係咁,細細個睇大台嘅洗腦廣告,成日都會聽到“深井裕記大飯店,馳名炭燒烤鵝……” 可能就係當時嘅宣傳效益,所以深井燒鵝這個名菜就變咗其中一個香港名物美食又好似印象中,唔知邊個同我講過,位於深井既幾間燒鵝食肆多年來明爭暗鬥, 但係好多人都話裕記係比較好食的, 所以今次難得同老豆👴出街,（不過佢只鍾情廣東菜, 古老人家唔試新嘢）,又見佢原來從來都未食過深井正宗燒鵝,咁就帶佢來試吓啦！ 不愧為老字號燒鵝,食完真心覺得今晚餐飯係水準之作,遠近馳名真的不是浪得虛名,如果之後無限聚令,真係好想約成班親戚朋友圍住食.今次同屋企人食四人餐 $888好食之餘份量比想像中多,一定會回頭食呀！ 🔮馳名古法炭燒烤鵝半隻傳統炭燒烤鵝,外面睇烤到色澤好靚,表皮脆,鵝味濃,食落有肉汁而入口鵝油味香,肥而不膩,上碟時有半隻鵝頭,唔洗擔心俾人誤會係鴨,老豆也說不錯呀！ 🔮粟米魚肚羹魚肚份量都都好多,啖啖魚肚,一大窩絕對夠每人兩碗,粟米甜又有蛋香,好味！ 🔮西蘭花帶子雖然係雪藏帶子,但係廚師用珍寶size,粒粒又大又厚,鍋氣夠又無雪味, 而且都好大碟呀！正！ 🔮原隻鮑魚扒鵝翼除咗烤鵝之外,成晚最開心食呢個餸,原隻鮑魚炆到

又暴露年齡 🙈 細個成日都睇電視見到深井燒鵝廣告，正宗由細識到佢大 😂 今次趁工作之便就去試下啦～炭烤燒鵝瀨粉 個皮燒得又香又脆，仲有陣陣炭烤香味！肉嫩得黎唔算太肥，鵝油好香好邪惡，配瀨粉好滿足 😋 係好食嘅，但就因為遠左少少所以扣左少少分 🙈

山長水遠入嚟深井為咗食碗炭烤燒鵝瀨粉 🍜裕記歷史悠久，屹立左咁多年絕對不無道理。依度嘅燒鵝皮脆肉嫩，豐腴不膩，無疑是燒鵝中的佼佼者！深井燒鵝一般會選用七至八斤重嘅廣東清遠黑鬃鵝。衣款鵝生長期較為短，體型適中，肉厚骨小，燒出來肉質嫩滑亦有鵝香。燒鵝皮也是一大精華，鵝皮被烤得出奇地酥脆，帶有微甜的醬香。皮上嘅醬汁加上皮下嘅鵝油，食落非常痛快！📍 深井老字號裕記燒鵝飯店 新界深井深康路九號

唔係第一次黎，叫個例牌燒鵝，面頭有隻少少肉既脾，但下面真係一d 肉都無，叫個經理黎睇，答案，係咁架無比錯，$165 比d 咁既野，真係嬲到無下次。 疫情聽到d 員工已經話唔駛番工，好心做好少少留番住d 客

很久沒有去了，今次專程揸車入……十分後悔！燒鵝質素差了很多，很瘦，沒有什麼肥膏，還有點燒焦了，失望…………份量也少了很多，半隻和而前1/4隻份量差不多，更失望…………..店員服務態度不錯，但泊車場男人態度極差，不知所謂!!!!!!!!!!!!!!!!!!!!!!!!!!!!!!真的配不上米芝連，極其量只是很普通的燒味店………. 之前店內外都擠滿人，現在大把空位…….這次體驗過完全明白…….

睇廣告睇得多 但一直未有機會去今次難得有朋友揸車就入去試吓呢個裕記大飯店廣告見得多今次終於有機會親身試吓果然名不虛傳佢嘅燒鵝真係不得了🤩皮薄餡靚😋😋另外再叫咗其他小菜 全部都好有水準下次有機會全家人一齊食飯一定會再嚟🤩

裕記大飯店真係細細個就已經喺電視聽過呢個名，但始終深井都比較隔涉，一直都未有機會嘗試。前排同朋友燒鵝癮起，決定入嚟預期試一試。1. 燒鵝叫咗半隻燒鵝，燒鵝油香好足，而且肉非常之口同埋入味。美中不足係燒鵝皮比較淋，皮既脆度一般。2. 滷水拼盤滷水拼盤份量非常足，每件嘅size入口都令人十分滿足。值得一讚係海蜇同埋鵝腸，做到非常之爽脆，值得推介！3. 酒釀鵝肝全晚最令人驚艷嘅菜式，淡淡酒香唔會搶口，亦都好完美地癖咗鵝肝嘅羶味。以鵝肝浸嘅時間非常之精準，入口面畫，完全冇渣，全晚最值得推介既菜式！4. 辣炒蝦球蝦球查粉厚薄適中，而蝦球炸得非常彈牙，調味以辣味為主，但唔會太過辣，亦都保留到蝦嘅鮮味，呢個做得唔錯。5. 豉椒炒蟶子聖子大小令人滿意，炒嘅時間剛剛好，入口彈牙嫩滑，豉椒味亦都調得非常適中，唔會過鹹或者過濃烈，值得一讚。

深井裕記燒鵝講起深井大家一定係諗起燒鵝，對上一次黎依個地方應該係細細個個時阿爸揸車車我哋嚟食，今日放假又好天，就等長大左嘅我地出車同阿爸回憶下個種味道啦~去到停車場見泊滿曬車，估唔到大家放假都咁鍾意去食燒鵝🤣入到餐廳仲有好多本地旅行團嚟食添，真係勁熱鬧~隻燒鵝熱辣辣咁分兩碟拎上枱， 皮脆肉嫩係幾好食嘅，再加埋個汁真係幾惹味，唔使15分鐘就已經畀我哋清曬，大家都食到 Lam lam脷😋深井裕記燒鵝飯店#天天飲食 #天天飲食_深井評分：7/10#裕記燒鵝 #裕記 #金牌燒鵝 #深井 #深井燒鵝 #燒鵝 #hkig #ilovesharefood #hkfoodblogger #foodblogger #foodphotography #hkstyle #foodphotos #相機食先 #一路食一路post #手機食先 #全力食 #日日食 #instafood #hkfoodies #yummy #delicious

提起深井，香港人一定會諗起燒鵝。燒鵝新鮮，皮脆多汁，就一定好食。但係我自己覺得裕記最好食嘅並唔係燒鵝，而係雞煲翅，同埋酒釀鵝肝。裕記嘅雞煲翅雞味濃郁，好足料，但係收費好合理，一煲四位用都係HK$700左右。個煲上到嚟熱辣辣，仲滾緊，睇返相都覺得正。至於酒釀鵝肝，價錢仲相宜，一碟只係HK$88。我自己唔鍾意食內臟，裕記嘅酒釀鵝肝比較重酒味，所以冇乜內臟嘅味道，而且入口即溶，我每次去到都一定要叫，仲想買多碟打包。但係餐廳係唔會俾你攞走酒釀鵝肝嘅，佢哋話因為酒釀鵝肝唔係全熟，外賣嘅話有衛生問題，所以只可以堂食。裕記歷史悠久，屹立到咁多年不無道理。餐廳環境方面，當然有歷史痕跡，做街坊生意，唔會話好似貴價中餐廳咁靚，反而地下長期都係油油地濕濕地嘅，仲試過食食吓飯發現茶壺裏面有隻曱甴，當然職員知道都有即刻處理。所以如果你有潔癖，又或者係想搵個坐得好舒服，去打卡嘅地方嘅話裕記就唔係好適合你喇。💰: HK$300 pp (Dinner)💝: 7/10

因為做野 所以入左深井 早排都入過 但食左陳記雙拼飯 燒鵝拼叉燒 十分普通 禁今日就去左食裕記 行過去心諗有冇行錯 禁多垃圾房 但去到門口就環境算係禁啦不過我一心只係想一個人食個雙拼飯。。。點知係冇的 其實呢刻好想走 不過好快就放低左個醬。。但我咩都未叫 同一黎一直sell我叫個例牌 禁我都有叫。。雖然好肉痛 再加個瀨粉。。同一黎有講俾茶我。。我話唔洗 。。。跟住就同我講 都係要茶錢（不過有禮貌的）最後都是但俾左茶我 黎到食隻鵝 其實就真係唔錯 仲俾左脾位我 不過都係$165個價錢冇加錢 但個$20瀨粉。。就真係完全唔掂。。細碗到爆 同冇昧 禁到最後有送糖水 不過我太飽 冇要到最後連加1茶錢 $214相當肉痛 因為我真係打算食個普通中午飯。。冇預要用成2百幾。。不過個侍應呀姐就好好禮貌 食服務其實都值ga可能我中午 冇咩人呱 整體如果唔係得我一個 我會認為係值得食

一開始無咁期望因為啲人話陳記好食啲…但朋友好堅持咁咪即管試下囉又真係幾好食！ 我覺得個燒鵝係肥瘦適中嘅 而個西蘭花都好好食 感覺上其實佢哋所有餸都有咁上下質素！一定要試一試！

唔知點解越忙越想出去玩, 今日忙裏偷閑, 去咗深井食燒鵝一講到深井燒鵝大家一定會諗起呢間遠近聞名嘅裕記大飯店<馳名燒鵝>事不宜遲直接入主題, 先黎半隻馳名燒鵝想食燒鵝就要等一陣, 因為每台客人都最少會嗌半隻燒鵝今日我哋嚟得啱啱好係時候, 燒鵝新鮮熱辣辣, 外皮又脆又香口中間嘅油脂入口即溶, 鵝肉半肥瘦非常完美<酒釀鵝肝>除咗食燒鵝以外, 可以試試佢嘅鵝肝同平時嘅煎鵝肝好唔同, 酒釀鵝肝帶有酒嘅清香, 鵝肝肥美<酥炸生蠔>鍾意食煎炸野嘅朋友可以試吓酥炸生蠔, 估唔到賣燒鵝嘅地方生蠔亦幾新鮮酥炸生蠔炸粉略嫌有啲太厚, 但食落好脆, 帶有少少嘅海水味<香煎琵琶豆腐>好多年冇食過香煎琵琶豆腐啦見到就嗌咗份, 份量好大, 一家人share啱啱好<上湯雲腿津菜煲>食咗咁多煎炸野, 不免覺得有啲油膩食返份上湯雲腿津菜煲中和一下先至得但係素食同肉食一樣價錢, 大食妹唔知點解覺得唔係好抵