源興餐廳小廚 (Closed)

真係好餓, 所以就隨便行左入黎這間食店發現下午茶25元起, 有包飲品於是就叫了一個叉燒炒米, 我當時心諗一定好細碟,而且好難食(因為平嘛)我仲叫左一杯熱奶茶之後杯奶茶好快黎左, 味道唔錯, 奶同茶撞得好入味=)但等左好耐都冇碟野食, 大約等左十分鐘原來個侍應漏左單!!算啦, 等多五分鐘左加就有了真係出乎意料, 大大碟, 仲好香TIM雖然好油, 但係油得黎又好有入味叉燒都幾多,而且又唔會油到好淋, 岩岩好口感配埋D辣醬, 真係冇得頂!=))整體來說, 真係唔錯, 係TEA TIME的一個好選擇!=))補充一句, 佢下午茶25蚊仲有好多野選擇, 有焗飯, 焗麵TIM!

忽然心血來潮想食炸雞脾加薯條，就在灣仔找了這間茶餐廳進去。由於是星期天又已經是下午茶時間尾聲，還要是下雨時間，餐廳內只有小貓三四隻。我目標非常清晰，一份炸雞脾+薯條的下午茶餐，點餐後10-15分鍾後食物就來了。一向很喜歡茶餐廳特別扭紋形的薯條，這裡的薯條沒有令我失望，又沒有令我驚喜的地方，一般水準。炸雞脾就炸得很乾身，令我覺得有「炸過龍」的感覺，麻麻地。我跟餐叫了一杯熱檸茶，茶內的檸檬苦得我只送了一兩口進嘴就放棄了。總結來說，經過可以來食，不過沒有必要特意來吃。(我指的只是炸雞脾+薯條)

大約於一年前曾經惠顧此店的下午茶餐，服務好，加上食物不錯又抵食，今次轉食早餐，卻大失所望。食物：-沙嗲牛肉麵：個汁：無沙嗲味，只有少少咸味，無沙嗲味就唔好寫住是沙嗲啦；牛肉：無牛肉味；麵：太硬火腿煎蛋（熟蛋）：火腿：煎的時間太短，不香口；蛋：煎得過火凍奶茶少冰少甜：我知道熱奶茶好飲過凍奶茶的道理，所以我不會對凍奶茶有高的要求，我只要求放得入口便可以。奈何此杯凍奶茶實在苦澀味太勁，我勉強飲了三分一便放棄餐牌：-收據：-服務：-我坐於四人卡位的位置，對面無人坐。女店員揭開我對面坐位塊板取東西，只取了一轉東西後，未放回塊板，便於我的座位旁與疑似老闆的男士傾談，不停鬧其他店員，由我剛剛開始食鬧到我食完，期間那位男士不單不阻止女店員，加上又不時煽動女店員的情緒。（無理由於客人面前勁鬧其他店員，此其一。店員正在做緊嘢，突然走了去鬧人，是否有問題，此其二。身為老闆應該控制店員的情緒，而不是再去加劇店員的情緒，此其三。身為老闆見到員工情緒激動，應該叫店員離開顧客的服務範圍，此其四。）最後待女店員鬧完後，才繼續去我對面坐位塊板取東西環境：-地上舖滿垃圾，待我吃到一半時，才有人手持掃把清潔抵食：-十分抵食

又到食午飯時間，但又真係食到唔知食咩好，係條街行來行去，最後都係決定都係買外賣返公司食。見到源興餐廳小廚有雲耳蒸滑雞飯，於是就叫呢個食，天氣太熱關係加左三個大洋換左罐七喜汽水。個雲耳蒸滑雞飯預左D滑雞唔會係滑雞，但總算唔太鞋，至於D雲耳，只係食左好小，蒸飯的飯唔太腍亦唔會好干身，恰到好處，加埋D汁味道唔錯, 值得一讚。至於罐七喜汽水, 唔係好夠凍同無咩汽, 早知叫凍檸檬茶 or凍奶茶好過。

一早來到灣仔, 作是日返港外勤工作的第一個打點. 完成後, 過中環之前. 就地來一個早餐, 暖暖胃.入親黎茶餐廳, 我既選擇其實好悶. 來來去去都係果幾味. 說正確一點, 是果一味. 永恆的五香肉丁麵.奶茶. 新派的用呢一種隔熱的金屬杯裝, 好的是唔會辣親手, 而且能夠保溫. 不好的只有一樣野, 就係失去了傳統. 說回味道, 奶夠, 但感覺唔到佢滑. 茶鞋鞋的, 不是perfect的一杯茶.肉丁麵, 碎了的肉丁, 配上福麵底. 福麵的獨得湯底味, 同經炸過的麵餅, 食落同普通公仔麵係好唔同的, 多了些香味, 多點胡椒香. 呢個早晨麵餐, 實際上是三併麵. 因為另外配送了火腿煎蛋. 獨立食不好了, 放湯食, 才覺得像話. 火腿, 我喜歡煎香一點, 但一般茶餐廳都未必會煎咁香. 蛋, 算是煎得靚. 浸一浸麵湯, 去去油, 更味美. 簡單苦悶的一個茶餐廳早餐. 又是時候開始忙碌的一天啦.

四月上旬．晴 又繼續「麥皮早餐」的行程，雖說麥皮難吃，但難吃中總也有好吃一點的，就是這裡。 店子不大，只有一個舖位。座位頗多，雖然有卡位，但也甚淺窄。 餐牌中的早餐選擇真多，要了G餐，麥皮以外，還有火腿奄列。 這裡的麥皮煮得不錯，不稀也不會太杰身，吃起來口感剛好。當然味道方面，下了點糖，會好吃一點。火腿奄列甚好吃，蛋不是全熟的，火腿味道夠，有水準。 連熱咖啡一杯，20元，是質素不錯的早餐。

下午有事到灣仔，因無事忙還未曾吃過午飯，下車後路經源興正藉肚皮打鼓，便走入去先吃個茶餐，茶餐有很多份量較大的Late Lunch選擇，近日天氣潮熱胃口大減，要了一碟㗎喱鷄飯刺激一下食慾，跟一杯凍啡消暑，效率算幾高，下單片刻便送到枱面。㗎喱鷄飯首先鷄肉浸在大量而稠身的㗎喱汁當中，沒有椰汁香味也沒有辣味，鷄肉入口味如嚼蠟，完全沒有味道，二來餸多飯少，吃完飯後還剩下很多鷄件；凍咖啡是用一般咖啡粉來冲，沒甚麽話可說。整體食物真是乏善可陳，是一處只求飽肚不求質素的地方，難怪評分低過三分，幫襯過一次便算了，應該不會再來。

$41有大大塊肉眼扒, 大大碗餐湯, 仲要係鐵板上, 可以0係邊度搵?質素都唔差喎, 起碼塊扒唔算太熟同太韌肉質都可以, 不過塊扒熟得唔均勻, 有d太生, 生到係茹毛飲血, 同埋呢個部分都幾韌整體來說, $41仲想點?

12/3同他去完街後, 想同他食dinner, 本來想去隔離的茶餐廳, 不過太多人, 所以去了"源興"食個飯, 他order了個芝士焗海鮮飯, 而我就order個叉燒切雞飯芝士焗海鮮飯真是好差了, 雖然有好多芝士去焗, 不過材料是d日本魚旦, 蟹柳, 假帶子, 一兩塊魚, 主要都是魚的材料, 這叫做海鮮飯咩??都會$38, 真是搵了笨最好食的都是燒味, "叉燒切雞飯"半肥瘦的叉燒真是令人垂涎三尺, 切雞都好靚, 起碼不是頭頭尾尾, d雞都不是好肥,個飯的份量剛剛好, 好好食凍奶茶d茶味都好夠, 不會太淡, 也不會太濃, ok環境方面茶餐廳來說已經是好好, 又有電視睇,光線又充足服務方面都好有效率, 不過不失啦, 對客都好熱誠

這裏的師傅可能愛上甜，菜遠牛河和焗海鮮飯本來好地地，卻被偏甜的茨汁影響了。牛河其實幾有鑊氣，雖然是軟腍得有點過分的梳打牛，不過配上嫩綠的芥蘭，還不錯的。焗飯則通常不會差得去邊，但今次的飯底又實在頗乾硬，所謂海鮮原來包括兩舊我倆最不喜的粉團偽帶子。大交叉！縱使奶茶咖啡尚有水準，也挽回不了。

今日無去”喜喜”, 又無去”得成”, 不過又係向左行, 去左”得成”隔離既”源興”, 佢地個午餐得四項而且極廢, 甚麼牛扒豬扒飯, 最後落單”肥义鵝飯, 好味喎, 不過唔係全碟, 而係三份二碟, 全碟有五件义燒, 六件燒鵝, 同時加送小白菜數條, 燒鵝部分只有三件見得人, 其餘三件都不合, 有兩件明顯隔夜, 呈極深啡色, 兼又實又硬, 另外一件則肥兼無肉, 算數, 橫掂都食唔晒, 但佢地的肥义就好好味, 雖然我唔都唔會食晒的肥既部分, 但連著瘦與肥十分香, 另外這裡環境不太差, 起碼好過"喜喜"好多, 可能時間早, 十二時左右, 無人崔埋單!

經過尋日慘痛嘅教訓, 師傅今日決定的起心肝, 搵番d穩陣少少嘅食店先, 費事又貴又唔抵, 不過一貫懶開嘅師傅, 今日都依舊冇睇到食評就去搵野食, 皆因今日目標清晰, 就係去茶餐廳!喺條街度行左一陣, 最後見到呢間食店門口寫左午餐有咩食, 就係咁比個A餐吸引住, 所以決定入去一試! 入到去伙計招呼坐底, 師傅發覺環境都幾逼, 加上燈光唔算光猛, 感覺就有少少污漕; 算啦, 唔理咁多叫個A餐先, A餐係蒜蓉雞扒, 師傅就要左飯配多杯凍檸檬茶! 等左一陣凍檸檬茶先到, 師傅即刻篤下d檸檬, 再飲一啖, 發覺都幾鬼甜, 茶味唔夠, 一般啫; 再等多幾分鐘, 蒜蓉雞扒飯就擺左喺師傅面前, 師傅聞到佢個蒜蓉汁好香, 而且都幾多汁, 味道唔差, 撈飯一流; 雞扒就一大塊, 個皮都煎得幾香, 幾吸引, 可惜個肉質唔夠滑, 幾鞋口下, 不過好彩唔韌, 都可以啦!總括黎講食物質素係可以接受, 環境就麻麻, 不過耐唔耐就有昆蟲黎爭食, 好鬼麻煩; 服務就一如以往茶餐廳質素, 無甚特別, 價錢就三十四蚊個午餐, 不平不貴, 可以啦; 食完呢個午餐後, 師傅真係覺得昨日真係冇咩點食過野咁, 呢一刻先有個飽嘅