苑記粉麵茶餐廳

Open Now

Now Closed

其實因為開正正喺我樓下而且開到三點對於收工完全唔定時嘅我實在係一個福氣收工妝又未落，個人又攰冬天收工凌晨，真係好驚自己煮完嘢食又要洗碗可以有一碗熱辣辣嘅粉面叫到外賣，送上樓已經實在太完美其實佢啲牛腩同牛雜真係幾出色牛雜嘅牛腸次次都好肥好正又重滷水味今次要嘅係牛筋牛腩撈麵牛腩有陣時仲會比坑腩我，又有脂香又重牛腩味面煮得爽口又彈牙雖然湯底係味精重左少少，不過都不失為好面炸四寶呢叫外賣就真係差左少少因為淋左嘅不過試過喺鋪頭食就真係相當唔錯

魚蛋牛筋伊走蔥，超巨形潮州板魚蛋，世界知名，魚味特濃特香，咸香四溢，回香處處重口味！呎碼亦特大，吃不消的感覺，就算血盤大口的我原粒啪入口都有點壓力，塞得滿滿啊！彈彈、爽爽的震動，閉上眼睛說愛您！魚蛋牛筋伊走蔥，膠膠黏黏的牛筋，漿住您的嘴，親親您的舌尖，十分舒服。骨膠原助您成長，滑彈微笑著品嚐。湯底清徹見底，淺嚐幾口，雖淡但帶香，給嚥韌香口伊麵牽著啜入口，仲有大量辣汁伴隨，刺激感輕柔，已沒有第一次那麼辣了！當辣變成習慣，辣椒伊麵好似福麵味啊，湧上無止境的幸福感！膀腸腩撈粗走蔥，何解近來探訪麵檔食撈都會剪到麵一段段呢？碎濕濕無得一氣呵成啜晒落肚唔夠暢快啊！疾住疾住唔夠爽，莫非近排有人食撈麵哽親？粗麵爽滑，係散左少少。蠔油香甜不咸不嗆，我喜歡。清湯居然係牛清湯，牛腩味濃而霸道，餘香久久的。我唔客氣喇，全部飲晒，正！膀腸腩撈粗好味到震！香噴噴滷水牛雜，先續一擊破！香甜牛腸滑外嫩內而極富彈性，沒有半點苦澀。牛腩腍中帶勁，肉汁飛射，越趙越有味道，肉汁閃亮。鬆化棉棉牛膀，我最愛的質地與味道。膀腸腩撈粗走蔥，不要再剪我的麵了！捲不起我最愛的牛雜攬住食呢。勁辣辣椒渣已對我無效果了，習慣了您您的溫柔。大注

清明兒童節登高日，適逢佳節齊齊行山郊遊樂啦，上山前嘆個靚早餐先，我琴晚都飲左好多酒，有點 hangover，食碗熱辣辣湯麵舒服一點，但又唔可以食太多，係山度肚痛或要便便就陰功喇！太陽蛋牛扒出前一丁，勁多早餐囉，有成 15 個以上呢！成日都沙嗲牛好悶，見到 M 餐有牛扒，試試先。何解牛扒要碎上呢？您切碎攞去炸已經唔係牛扒啦！心裡有數係港式重醃乸牛扒架喇，奇怪喎？好味喎！雖然乸牛扒質地怪怪滑嘟嘟，但醃味出眾，惹味甜美，腍中帶點嚼勁，而且熱辣辣，有料到！太陽蛋一係拮穿撈麵食，一係留到最尾浸夠湯暖笠笠成粒啪入口，我選後者。甘香味濃蛋黃口裡爆，跟嫩滑蛋白混和，一粒鹽都唔洗落，天然純正蛋香已夠好味！出前一丁居然係滾水煮再落湯粉，跟紅磡郵票餐廳一樣，但苑記熱好多。麵質平平算合格啦，唔係特別好又無過腍，但唔係跟湯粉一齊煮，麵條始終較淡無咩味。縱使一陣行山都話之佢啦，落羹辣椒渣醒醒神先。嘩，勁辣！幾時轉左辣椒油架？咩牌子呀？一食飊汗！香辣無比非常刺激，我話晒都做左辣民幾十年，居然會係苑記遇到對手！一羹夠晒皮，辣味非凡，good！如果配潮州粉麵一定更夾更好味！

大埔★苑記粉麵茶餐廳作為1個口味崇尚異地（總之就non-中菜）既麻煩為食仔，今日中午竟然心血來潮好想食碗雲吞麵 啤酒肚聽到都嚇一跳～哈哈，女人好難估嫁ね。。可能前幾日去對面間陳漢記坐得太擠擁，今日覺得同樣係茶餐廳既苑記好闊落 食都食得開心ｄ～本身諗住食雲吞麵算，不過竟然發現午餐有豬仔包（無錯又係包 ），即刻"鼓勵"啤酒肚揀午餐，一舉２得 heeeee...午餐（$31）- 火腿奄列拼半隻奶油豬隻包：唔好講咁多第１時間拎個包黎咬啖先～～豬仔包係外面有１層粉果種，烘到金黃色好吸引，食落都幾鬆軟，叫左少奶油份量岩岩好 只係如果再脆少少好好啦...個奄列睇落平平無奇，食落先原來好香蛋味 - 沙嗲牛肉湯意粉：ｄ意粉粗到唔講我真係以為係烏東 （不過啤酒肚話佢食開都係依種好鐘意）意粉煮到好林身幾易上汁，連埋ｄ沙嘜汁食好惹味喎又～- 咖啡：咖啡粉應該落得好重手呀下，勁香濃苦苦地 不過唔太鐘意佢微微帶酸 雲吞麵（$27）：登登登登，今日既主角黎喇！正呀似尋寶咁越搵越多雲吞原來有成５大粒鮮蝦豬肉雲吞皮薄餡靚，啖啖肉幼麵份量都好多，食落無嘜鹼水味之餘好彈牙，加少少醋食仲開胃芥蘭（粉麵＋$

趕住去一田買餸今晚招呼同事們食飯，路經苑記求其食個麵算喇 ﹗以前係大埔墟間苑記牛什撈麵勁好食，最衰依家唔肯做咖哩牛腩撈伊麵比我，佢地既牛腩加咖哩加伊麵勁好食架麻﹗牛什麵走蔥，質數依然，湯底非常清香濃郁，忍唔到口連飲幾大啖，好味啊！爽彈幼麵掛上美味湯汁，撈埋辣椒油唔洗幾分鐘全部索晒落肚，正！牛腸外皮嚥韌裡面棉滑、毛肚軟棉棉又入味、金錢肚爽爽的、牛膀甘香軟棉！樣樣都好，無投訴。

因想食西餐，但無位要轉食茶記。去了附近一間苑記點了芙蓉蛋飯，加杯凍茶。地方唔算大，環境乾淨。呢度食芙蓉蛋飯都係第一次。碟飯等咗5分鐘。碟飯個賣相唔錯。個餡造得唔錯。蛋、火腿同個牙菜個比例好正。牙菜好鮮。火腿絲好幼細。增加口感。入口好爽。碟飯多咗份量。叫咗要少飯都係要俾咁多飯。杯凍茶一般。不過不失。

前陣子天氣冷，想到吃的，除了火鍋、蛇羹、羊腩煲之外，就是熱騰騰的煲仔飯。眾所周知就大埔區來說，煲仔飯最為有名的是陳漢記吧！可是這晚來到的時間是18:30，明顯的晚了一點，因為門外一條廿人左右的人龍等候，肚子餓得不得了，亦沒什麼耐性等候，於是到另外的地方覓食去了。從舊墟來到超級城這邊，跟E先生在超級城附近轉了一圈，終於發現有煲仔飯供應的苑記粉麵茶餐廳；茶餐廳裡坐滿客人，室外亦開了不少木檯，但我們怕坐在室外會很冷，於是就等侯室內的座位。我們站在茶餐廳門外等位期間，一邊看著門外的伯伯不停地忙碌著精心炮製出一煲又一煲熱騰騰、香噴噴的煲仔飯。等了五分鐘左右就有位了，是茶餐廳最入的二人圓檯位置，沒人搭檯坐得較舒服，亦食得更輕鬆。我們點好各自心水的煲仔飯後，店員不忘告知即叫即製的煲仔飯大約要二十分鐘，於是就先來兩支可樂一邊喝、一邊等。果然二十分鐘以後，店員就送來兩個熱騰騰的砂煲了，我們亦急不及待要打開煲蓋準備開餐了。窩蛋鮮牛煲仔飯+臘腸 $47先把雞蛋打在上面，加上煲仔飯豉油，拌勻就可以吃了。可是由於砂煲內溫度很高，雞蛋打下去以後，很快就熟透了，如果想吃滑蛋的話，宜待上一會才打雞蛋，效果及味道應該會

下午茶時間同朋友食，一碗雲吞麵，一碗魚蛋麵，加碟菜。麵正常，但失望的是魚蛋同雲吞都好鹹，是一陣"死鹹"的味道，應該落了好多好重手ge調味加上材料不新鮮，鹹到我和朋友要飲哂餐廳個杯茶來解渴... p.s. 相比之下，杯茶ge味道最正常！麵是正常的，但配上極鹹的雲吞跟魚蛋，實在不好吃！

其實大埔區有許多出名的面店，不過都集中在大埔墟廣福道一帶，如果到了市中心，來到昌運中心的一角，會發現這間隱密的面店。叫了個粉面餐，送汽水和油菜都是三十幾蚊，牛腩河，一看就知到河粉量很多，再看牛腩的色澤，淺色而帶微紅，看似相當新鮮，而肉邊紋理沒有多餘的肥膏，咬下去淋而有牛味，真是不錯的瘦腩！吃完一大碗粉後還不夠飽，叫多一碟炸牛丸，不消一會即炸的牛丸便來到，侍應哥哥還拿來了一支沙律醬，想不到牛丸十分外脆內軟，配上沙律醬味道相當融洽，好吃！如果下次在市中心想吃一碗面，不妨到此一試！

又是上班前在大埔中心尋食的時間，喜歡尋尋覓覓的我，幾乎把大埔中心一帶的茶餐廳返轉了。這一天的早上，我翻出了苑記這一間麵檔同茶餐廳的混合體。這一家雖然是一個以粉麵為主打的茶餐廳，但在早上這一個時段，複雜的粉麵原來只是處於準備中的狀態。早餐時段，只好叫苦悶的公仔麵，食返傳統茶餐廳的名物。只好來一個簡單的豬扒蛋，配上了一個清澈見底的麵湯，一片已切散的豬扒，再加一塊普通的煎蛋，這一切都來得非常之簡單，沒有味的大光麵湯底，豉油味的豬扒，這一切都是如常。吃了一個普通的公仔麵，又要踏上漫長的車程，上班去。

食宵夜唔食咁多喇。腐乳通菜，熱騰騰上枱又爽又嫩，烚得顏色翠綠，滿意 ﹗淨水餃，第一次試苑記，口感實淨又足料，蝦肉爽口、豬肉味香濃好好味，唔錯。加上鮮甜上湯，相得益章啦 ﹗

今晚要食自己，食完買料返屋企煲個靚湯飲先。 蠔油菜芯，新鮮夠腍、甜美多汁，完全無渣噃，難得難得，好正呀 ﹗牛腩河走蔥，熱騰騰出晒煙送到，濃郁既湯底、滑溜軟棉既河粉，夾到不得了 ﹗炆得入味又軟棉既牛腩，好味道 ﹗

北菇雞煲仔飯，飯煲得夠乾身、有飯燋又香口，好好味 ﹗雞件骨多過肉，全部都係背脊同雞翼雞翼尖，無肉食，好可憐。甜豉油好味道，但食完頸渴足一整晚 ﹗仲係嚴重嗰隻呀 ﹗ 嘩，好多配菜喎，又菜芯又白菜又北菇，都好鮮嫩多汁。 豉椒排骨煲仔飯，飯乾爽有飯燋，都香噴噴，配埋甜豉油好好味 ﹗但食完好頸渴呢 ﹗排骨真係得骨無肉囉，斬得太細粒無咩口感，味道還可以，白菜都好食。淨牛腩走蔥，有三四棵芥蘭墊底呢，爽甜多汁，連腩汁同吃好好食喎。眼睇已見牛腩真係好靚，食落炆得入味，牛味濃郁，肉質又棉又滑，真係比起當年有超水準表現，勁好食 ﹗

近來好似上左癮咁，成日都掛住食苑記牛腩，食埋今次要休息吓先得呀 ﹗腐乳通菜，突然想食通菜呀 ﹗最近去苑記啦 ﹗烚得夠熱又爽口多汁，好食噃。牛腩河，牛腩真係好好味，機乎每次都係食牛腩。滷水牛腩炆得好入味，質感軟棉無渣，湯底濃郁配上滑溜河粉，正呀 ﹗牛腩撈粗走蔥，牛腩炆得入味又夠晒腍，真係進步不少，好好味 ﹗不過對我黎講肥膏太多了。粗麵烚得彈牙又滑溜，滿意。

好多年無黎幫襯喇 ﹗四眼仔仲係度做喎，真長情。剛去完韓國速閃旅行返黎，諗住一落機就飛的返屋企瞓覺，明日晨早起身返工。最後返到屋企放低行李，都係忍唔住要走落街食碗熱辣辣既潮州湯麵，係韓國真係無啖好食 ﹗ 牛腩麵走蔥，牛腩炆得入味，口感軟棉鬆化，食左多年，今次最好味，比超以前又乾又硬又有渣既牛腩進步不少呢 ﹗湯底香甜濃郁，要飲多幾啖先得。