雲桂香米線專門店 (新都城中心一期)

Open Now

Now Closed

昨天經過寶琳，有好多食肆，花多眼亂 ，食個lunch便飯，隨便搵入咗一間米線食店，食lunch。order咗湯底是小鍋米線唔加辣，湯底嘅配餸有多芽菜、韭菜、和酸菜。餸方面就order咗腩肉和豬皮各樣都有一條辣椒。腩肉肥瘦適中，薄片味道恰到好處唔太辣。豬皮好乾淨沒有豬毛，軟硬度有啲咬口和彈牙，唔太軟熟。米線一般軟硬適中都ok。食完個米線湯底唔口渴。另一款係小鍋米線小辣，湯底有肉碎，小芽菜，韭菜和酸菜。餸方面就係order咗豬軟骨。辣度適中，但係嚿豬軟骨只有豬肉排，沒有豬軟骨。舊肉好嚡。飲品方面order咗一杯凍菊花蜜，ok呀唔係太甜。整體嚟講都食物都ok嘅。環境都乾淨，不過坐位比較迫夾啲。

食過幾間品質一向都唔錯都多料嘅，整體都唔錯嘅特別鍾意食佢嘅小窩米線同埋涼拌米線，味道真係令人一試想再試，見到新都城呢間新開當然要幫襯下不過感覺上整體質素係差過出面其他分店嘅都好正常嘅唔同廚，工作人員亦都唔同，希望將來會好返啲。但呢間個辣真係次次都唔同，雖然我每次都叫微辣，唯獨呢間叫微辣都辣到飛起，遮蓋晒本來涼拌米線嘅味道。同埋外賣要加$3真係有啲貴。好多連鎖快餐店外賣基本上唔使加錢茶餐廳可能最多一兩蚊，所以係真係偏貴嘅除此之外其實米線成本唔係特別高基本上你叫埋嘢飲如果唔係下午茶優惠叫多個兩個餸好大機會都超過$50價格以米線來講都算頗高嘅。奈何呢間分店味道上有待改善如果可以睇齊其他分店我相信呢$50我會比得更值得。

今日打電話去叫外賣......打左好多次都無員工聽電話.....因為住係附近......咁就落左街去到店內買外賣.....叫左半個鐘.....一直在外面等....其間見到店員一直數錢唔接電話....但企在收銀枱度電話就在旁邊.....之後等等下發現唔對路.....叫左個米線有咩理由半個鐘都無人出來叫外賣號碼....後來入去問原來店員一早在店內叫左一次...但係無出過門口叫號碼...成堆外賣放在收銀處無人知道叫左號碼

員工服務態度極差...所有人都買左外賣在外面等...員工半小時都無出過黎...原來員工勁hea只在店內輕輕一聲叫外賣號碼...所有在外面等的人無一個知道原來外賣一早整好...員工8個外賣放在收銀處就行左去hea...8個外賣無人認領都無話出門口叫一聲外賣號碼...如果係店內叫外賣號碼..洗鬼同你買外賣...定係要8個人企係店內阻住條路...買完今次一定無下次...以後都唔會幫襯呢間店........

呢個星期日食早飯，五點幾就到咗，女友話要試，一見辣野佢就開心😝 我就無咩感覺嘅，通常仲要叫清湯添🤭不過，有啲我都會叫小辣嘅⋯⋯睇咗一陣，女友都係揀小鍋米線中辣，不過一試都一定試呢個先嘅，我就揀港式米線嘅胡辣，有$7、$9同$15蚊嘅餸，我哋兩個都係揀咗兩款餸，分別$7蚊同$9蚊。 不過想食蘿蔔居然無，五點幾咋喎🙄最後要魚肉春卷、豆卜。 女友要鮮竹龍蝦卷、黑木耳。大家叫唔同款，可以 share 食😁食物都好快到，呢個女友嘅，明明叫走青同芽菜，全部俾晒，已經唔係繁忙時間，廚房都要睇漏，激死🙄 女友話麻麻地，唔係叫好味嘅小鍋米線🧐 至於我個碗，正常啦，但無咩胡麻味，但我鐘意食嘅腐竹居然俾好多😛總結，應該唔會再來了😝

等小朋友跳舞咁有成個幾鐘突然之間好想食魚呀又想食煎魚😋咁新都城將軍澳有好多嘢食㗎嘛♥️睇咗好幾間，呢間最正啱我心水又有我鍾意嘅米線又有魚，仲要係原條煎倉魚喎都係六十零蚊真係好抵喎👍👍咁米線湯底可以揀辣同埋唔辣，咁我當然揀唔辣啦😁 因為呢一個係魚湯嚟㗎個湯係可以飲㗎 😋😋個米線已經有好多餸好多料㗎喇👍有芽菜、豆腐卜、啦肉、娃娃菜woo仲要係魚湯最正係佢啦👍至勁係原條煎倉魚好大條脆卜卜，😁倉魚冇乜骨真係好好味滑捋捋😅係差少少就係佢條魚真係冇乜味😅😅但係就冇腥味嘅係好有鮮味👍👍咁如果加d辣醬或者醬油點嚟食就好喇😅😅不過我就鍾意原條咁樣食清清地加埋啲湯一啖肉一啖菜一啖湯一啖米線就真係好正囉👍👍你睇米線幾大兜其實都食唔曬😅但係條魚真係值得一讚係好好味好大條抵食呀 👍👍💯 我仲叫多咗個蠔油菜心菜心好爽好脆㗎👍#katkatfoodies 雲桂香米線專門店將軍澳新都城一期

如果你喺將軍澳返工，但係又唔知食咩嘅話，雲貴香就係最好嘅選擇。呢間雲貴香就有少少特別，而且佢係喺商場入面，由外面望入去，有少少似西式餐廳咁，而唔係一陣間茶餐廳。而且冷氣好充足，好舒服，啱晒係食到勁辣，又唔會流勁多汗。🥲🥲今次，我就嗌咗秘製豬頸肉小窩米線，超好味，可能太耐冇食辣野啦，今次一食落口，哇！正啊！個湯底好濃郁，酸酸辣辣好開胃😌😌仲有呀，小窩米線個份量超級多，食飽之後真係要托住個肚行，男仔都唔使驚唔夠飽☺️☺️無限次再去😋😋

系尼間野叫過3次外賣 2次都出問題第1次叫外賣等左半個鐘都無 其間見到號碼比我後既客人都已經拎左外賣走晒 每隔一陣去問下佢就每次答覆都只系話整緊 隔左差吾多40分鐘先有個姐姐出黎同我話無芫茜話轉第2個餸 當下真系嬲到叫佢取消張單 當刻個姐姐重系到話已經整好左話我浪費 搞左一輪先肯取消隔左一排諗住比次機會佢 第2次就正正常常無意外 好快就出左餐 亦無漏任何餸菜 但今日第3次就叫完個外賣番到屋企打開先發現比漏左個餸 對番張單都有收到漏左既雞翼錢 當下真系無言到極致如果吾系寶琳10.00後無乜其他外賣選擇真系吾會再考慮叫尼間 失望

呢幾日去食，撞啱25周年優惠，有八折，以前小時後已紅在荃灣第一店度食，一直都係雲桂香米線的忠實fans，食足25年，除左旺角分店，第一次食將軍澳新分店，同樣要排隊，一樣咁受歡迎～每次離食都係會點小鍋米線～碗麵大大碗，通常一麵三餸，我都唔係好食唔哂！我叫左小辣小鍋米線，湯底冇荃灣分店咁濃味和滋味，不過同樣好足料，芽菜、肉碎、韭菜、蔥、芫荽加埋辣湯好味道～今日我點左必定必定要點的腩肉，薄薄一片片，帶有辣味，唔叫腩肉唔好話離過食雲桂香～ 另外點左豬皮和蝦卷～淨雲吞真係第一次叫，一碗有六隻，再配有生菜，原本諗住當小食，點知每一隻雲吞都超大隻，足料菜肉，結果兩個人都食唔哂～

中午去賣兩份外賣自取，從拿回家的過程和吃面的過程都讓我一肚子火。麵同湯同菜一齊裝，回到家麵已經冧曬，菜已經黑曬，冇錯每條都黑噶，另外一碗面d菜仲好地地。而且個湯狂漏，外賣包裝真係好差買咗兩份人氣王，一份清湯一份麻辣，清湯係甜酸噶，麻辣係甜酸鹹辣，腩肉有股怪怪噶甜味，我………？？？？

今日同屋企人去咗#雲桂香(新都城)其實個人覺得都Ok…但服務態度好差！！！(一定要改善！！)今次叫咗 #小鍋紅薯粉餸：#芝士腸#豬皮#竹苼(d竹苼索哂d湯嘅味！)仲有 #麻辣雲耳#麻辣皮蛋#魚肉春卷Tips；如果要去，就一定要記得帶紙巾！(因為如果要，就要畀$2㗎…！)

今日一行4人行開新都城，見到有間 雲桂香 就入去試吓….樓面得幾個無呢神氣既呀姐，難怪有枱都執唔切，門口要企一堆人…两張枱拍埋坐4個人，正常吖，但中間就有塊膠板隔住，分享食物時就會覺得好唔方便…叫咗小鍋米線+豬大腸+豬皮 - 中辣，湯底味道跟酸辣度個人感覺滿意，豬大腸不韌，但肥膏多咗少少; 豬皮較硬身，唔入味，失敗…小食叫咗麻辣皮蛋、麻辣雲耳、魚肉春卷:皮蛋、雲耳跟麻辣完全唔溶入; 春卷不過不失，但睇番個價錢，都唔可以有太多挑剔…整體食物味道唔錯，唯一批評係 d 呀姐工作態度，下次行開想食唔使等或會再光顧……😏

呢間雲貴香係新開嘅，原舖呢個位置好似係食台式嘢食，咁既然新開就一於試吓佢嘅味道點樣啦。餐廳嘅入口只得一個就係喺商場出面嘅入口，所以即使有啲枱係擺咗入商場入面，你都唔可以就咁行入去，對於食客來講就有少少唔方便啦，希望餐廳可以改善一下出入口嘅位置。講返雲貴香嘅餐牌咁其實佢都有好多款選擇嘅，大概有12種唔同嘅湯底俾你選擇，比較少見嘅係有黃花魚米線，倉魚米線，海鱸魚米線咁樣嘅，不過價錢就有少少貴要60幾蚊。咁我今次就嗌左一碗小窩米線再加腩肉，豬軟骨同埋嗌咗小辣。上到嚟，碗麵嘅份量都唔少，配料亦都唔算好孤寒豬軟骨同埋腩肉都有幾舊左右，佢仲有啲芽菜蔥韭菜咁樣所以嚟到碗麵都係幾香嘅，講返味道先，碗面嘅湯底唔算好鹹，因為我帶咗小辣，其實都有啲辛辣嘅味道嘅，佢以香為主，但又唔算太濃，所以食完之後都唔係太頸渴。米線嘅質感其實都幾好嘅，唔太林又唔太硬。所以整體來講碗米線都係可以接受嘅，算係喺平均以上啦。咁餐廳呢其實都有下午茶優惠嘅係2:30開始去到六點就話可以以優惠價加一杯嘢飲，但我哋今次嚟到係午市時間咁所以就冇得用呢個優惠價嗌多杯嘢飲啦。佢亦都有自助水吧比你自己去斟水嘅，服務員嘅態度都好好，所以整體來講呢

雲桂香📍 雲桂香米線專門店 (新都城中心) (將軍澳)將軍澳貿業路8號新都城中心1期地下G105-G106號舖下雨天個人都系會比較懶，食飯時間見到屋企樓下間雲桂香無咩人排隊就沖左入去。店舖入邊會有分兩邊嘅座位 所以都容納到幾多台客人 湯底方面會有好多個唔同選擇，今次小編就揀左No.1 既小鍋米線湯底 (我印象中仲會有蕃茄湯底、麻辣湯底等等）揀完湯底之後就可以選擇不同既餸 小編今次就叫咗豬紅、唐生菜、竹笙三個餸也不過不失啦！👉🏻食米線既店舖雖然有好多選擇 但是雲桂香都算唔差 大家都可以經過去食溫馨小提示：呢度唔會有紙巾提供，記得帶紙巾呀！

用家感受，不是打手！6️⃣0️⃣CP值，3人埋單$290免加一，平均每人$97。星期六晚餐時段，算多人，味道尚可，但坐得唔舒服，整體可以一試。8️⃣5️⃣位置，方便易搵嘅，寶林地鐵站出，行過斜對面商埸。6️⃣5️⃣環境，開放式枱，坐在商場內舖頭外面，比行商場嘅人望住你食嘢，個人唔鐘意幸好冷氣算足，坐位算迫。5️⃣0️⃣招呼，算友善及快，落單快，上菜係慢小小但可接受，收錢個位就好似收$收到炆咁，同埋久唔久啲員工會大聲叫大聲笑。7️⃣5️⃣鱸魚紅薯物$65，魚湯底一般，條炸鱸魚好味。凍檸七跟餐加$10。7️⃣0️⃣肥牛豬大腸中辣重慶紅暮粉$52，好味，唔夠辣。豆漿跟餐加$8。6️⃣8️⃣腩肉豬大腸小辣重慶紅薯粉$46，都係唔夠辣，大腸好味，腩肉老左小小。豆漿跟餐加$8。6️⃣0️⃣秘掣豬頸肉$42，偏乾左小小。7️⃣5️⃣炸春卷$22，好味。4️⃣5️⃣蒜泥白肉$37，中間夾住青瓜，同譚仔個啲唔同，又唔辣又唔夠蒜，個人覺得唔好食。