肉浦團火鍋放題

Open Now

Now Closed

哩間火鍋店真係睇得出佢唔同凡響啦！裝修走型格工業風，仲加入咗啲漫畫同霓虹燈裝飾，好多港產片主題嘅設計，啲座位間空間都係足夠，唔會擠擁嘅感覺。晚市套餐由$248起，我地揀咗M5和牛餐，每位$368，而最貴嘅A4和牛餐更係一路任食高級牛肉，實在抵食！首先上嚟嘅係牛肉拼盤，有牛五花、牛板腱、牛背峰同牛頸脊，仲有乾冰營造煙霧效果，打卡一流呀！牛肉選擇真係唔少，有澳洲M5和牛、M8臀腰肉心、美國安格斯牛頸脊、美國安格斯牛小排同牛五花腩等等，我個人最推薦美國安格斯牛小排同牛五花腩，油香豐腴，其他部位都比較瘦啲。🥩🤤唔單止牛肉選擇多，其他肉類都唔使擔心！有豬里脊肌、豬面頰肉、俄羅斯豬梅肉、俄羅斯豬五花腩，仲有鹿兒島黑豚肉同特選雞髀肉，應有盡有！海鮮方面亦唔會輸人，有北吉廣島蠔、日本帶子、石班魚片、越南虎蝦同原隻魷魚仔，真係新鮮美味！🍤🦑自助區仲有炸魚皮、炸蝦、炸薯角等小食，正！而且藥膳花雕醉雞湯、秘制麻辣湯、蕃茄豬骨濃湯、昆布清湯等八款湯底，我揀咗番茄豬骨濃湯，味道好香同埋好濃，啱啱好！🍲👌除咗肉類同海鮮，仲有好多蔬菜同配料，包括紹菜、翡翠苗、南瓜、白蘿蔔、山根等等，當然少不了啲墨汁墨魚丸、芝士魚腐

肉浦團火鍋放題早排又同中同打邊爐，今次去咗旺角一間叫肉浦團火鍋放題呢間火鍋店好大，好啱輪椅人士去食，不過出面要用共用鎖嘅升降機去到火鍋店果層，或者等保安員幫手，要預多少少時間提早去到，有少少煩（見圖10）。點野食就係用QR Code手機落單，出面自助吧就有熟食區、飲品區、丸類同蔬菜都係出面拎，今次我哋揀咗最貴價錢（星期六價錢$468，如果星期日至星期四就兩人同行，一人半價，like佢哋IG仲可以生啤任飲）嚟食，湯底揀咗清酒味噌卜卜蜆湯同藥膳花雕醉雞湯。必食推介：美國安格斯牛背峰、安格斯牛頸脊、美國安格斯牛板腱、薄切封門柳、牛骨髓、牛滑、手打豬肉滑、日本帶子、原隻魷魚仔、牛胸爽、雞腰子、北吉廣島蠔、越南虎蝦等......甜品有每人一件日本直送芝士蛋糕或抹茶芝士蛋糕。P.S：呢間火鍋店嘅牛肉牛味好濃，如果揀星期日至四嚟食真係好抵食，仲有就係呢度有牛骨髓、牛胸爽同雞腰子食，喺其他地方都好少有，鍾意食嘅你就唔好錯過啦！10人總共價錢$5148，有加一服務費！個人口味總評分：8.5/10@yukpothk地址：旺角通菜街1A-1L號威達商業大廈2樓A號舖#肉浦團火鍋放題 #任食打邊爐 #香港美食

呢間肉蒲團有唔同嘅套餐，我哋揀咗M5M8和牛套餐覺得性價比幾好。而且依家做緊星期日至四，兩人同行一人半價優惠，超級抵食。湯底方面，有好多選擇，我哋揀咗蕃茄豬骨湯。跟住落嚟肉類同海鮮用QR code自己落單，非常方便，叫完好快就有。肉類方面，我哋叫咗M5和牛牛肩胛，M8臀腰肉心，安格斯牛板腱，牛頸脊，鹿兒島黑豚肉。 和牛油花分布均勻，肉味濃郁，質素幾高。自助吧有好多蔬菜同丸類，特別推介台灣蒜味香腸同埋墨汁墨魚丸，夠特別，出面少見。呢度仲有熟食吧，有唔少炸物，例如脆薯格，咖哩魚蛋，炸魚皮。等緊上菜嘅時候可以食住先，唔會肚餓。飲品方面，雪櫃有好多選擇，比較特別嘅有韓國雪梨茶，橙汁，仲有忌廉溝鮮奶，同埋啤酒，無論大人定小朋友都可以滿足到。如果想養生d，呢度仲有特別茶包，可以自己沖茶。食飽飽之後餐廳仲會送甜品。甜品可以揀Häagen-Dazs雪糕，或者朱古力芝士蛋糕。我哋揀咗各一，朱古力芝士蛋糕朱古力味勁濃郁，配埋雲呢拿雪糕食，簡直係一絕。

打唔成風，好想同朋友去食餐好，就提意去打邊爐。因為大家都比較鍾意食肉，朋友就提意去旺角既肉浦團火鍋放題。上到去見到門口已好有趣，好多港產片主題既設計。見佢既湯底，冇諗過有咁多選擇，有成8款。最後簡左M5M8和牛set, 睇落都好豐富。個湯黎到已好香，雞件係自己落，不過好大件。我首先試左個湯先，好鮮味，藥膳同酒既比例好夾，唔會太濃太嗆，可以先飲湯再打。而且雞都好嫩滑，就算煲耐左都唔會硬。呢個set主打和牛，更係要叫左先。 片得好薄好靚，仲好新鮮，放落湯都唔會痴到一舊舊，仲係成塊成塊夾得返。而佢既蔬菜區，丸類都有好多選擇。最緊要佢連漿料區都好乾淨，好抵讚。由於大家一坐底就勁點野食，到最後，店員竟問我地要唔要甜品，有雪糕同芝士蛋糕。因之前冇為意唔知有甜品，然後雪糕竟然仲係haagen Dazs, 真係超surprise, 真係食得好開心。

120分鐘火鍋任食食到飽😍！任飲任食港式火鍋店，有分4個放題套餐，共有8個湯底可選，個個香濃足料，配上任點高質肉類、丸類、菜類、麵類、海鮮類、飲品及甜品。部分食材用QR code落單，上菜速度好快，自助區有熟食、飲料及醬汁😚 火鍋店裝潢時尚，氣氛熱鬧，人流多 記得提早預約！💖💖💖食評💖💖💖🥘「日式壽喜燒」湯底十分濃郁鮮美，加入了豆腐和香菇🤤🐮M5M8和牛套餐🐮 $368/位包括多款肉類：澳洲M5和牛牛肩胛、澳洲M8臀腰肉心、美國安格斯牛板腱、美國安格斯牛頸脊肉類厚度適中，肉質好鮮嫩，食唔停口🤤 推介澳洲M8臀腰肉心，肉質鮮嫩多汁，入口即化，口感滿分。此外，澳洲M5和牛牛肩胛也非常值得一試，肉質細嫩，油花分佈均勻。店內的特選雞脾肉口感鮮嫩，味道清甜，非常適合火鍋食用店家還提供多款海鮮食材，其中北吉廣島蠔和越南虎蝦口感鮮美，非常新鮮飲品推薦：韓式飲料（雪梨汁，橙汁）內含果肉 好高質😍最後甜品環節：每人可選一杯Häagen-Dazs草莓雪糕扇芝士蛋糕😚

📍肉浦團火鍋放題 (旺角)旺角通菜街1A-1L號威達商業大廈2樓A號舖同朋友食生日飯， book咗呢間試吓，見到佢做緊優惠幾抵。1. 以＄20由 M5和牛套餐升級至A4和牛套餐(原價468)。2. M5和牛套餐，二人同行一人半價。同朋友揀咗二人同行優惠。買單加一後都係$6xx。都有好多種牛揀，個人認為牛頸脊最好食。黃牛同埋海鮮都係可以喺Online自己落單加。m5呢個套餐嘅海鮮包左廣島蠔，蝦，魷魚，仲有魚片，但當日售罄。另外出邊有好多丸，菜可以自己夾。佢仲有牛柏葉可以夾，好爽口。

今日同個friend去行旺角，行完之後大家都想打邊爐，知道我個朋友系食肉獸，又知旺角有間叫做肉蒲團火鍋放題一定啱佢。安格斯牛小排：肉質鮮嫩，好有牛味，有咬口。牛板腱：肉質結實，牛味更加濃厚，我自己總供食左4碟。封門柳：可算系入口即溶，放入湯底十多秒就可以食。自助醬料起碼有20多款新鮮疏菜：腐皮，芋絲，唐生菜，菠菜，粟米等等打邊爐一定要有可樂食埋雪糕就完美了如果大家去的話，真係要訂位長期爆滿因為性價比非常高

肉浦團火鍋放題 (旺角)旺角通菜街1A-1L號威達商業大廈2樓A號舖今日同女友去旺角行街買野，係OP見到肉浦團逢星期日至四，二人同行一人半價，即刻吸引眼球來試吓啦～環境寬敞，每張枱都有一定距離，走廊夠哂闊落，拎住一盤二盤野食都唔驚撞到人😆剩係湯底都有8款，我地心大心細最後揀左好少見的清酒味噌卜卜蜆湯底。清酒係額外分開送一壺來，幾時落，落幾多，全由你話事，掂喎👍蜆的份量都好足夠～今次我地揀左M5M8和牛set ～🌟澳洲M5和牛牛肩胛薄切再加上油花分佈均勻，淥兩淥就食得，牛味濃郁，encore左幾次🤭🌟澳洲 M8臀腰肉心 - 好食🤤但我最推薦和牛牛肩胛🌟薄切封門柳 試過食厚切既，打邊爐不了見佢寫明薄切，來到一睇真係薄切，岩哂打邊爐，呢個牛味都好出啊～～除了和牛，仲有廣島蠔、牛骨髓、雞腰子🤣種類夠哂多自助區除了有好多款菜&丸，仲有非常香口的薯格薯條，連炸魚皮&響鈴都有用熱燈warm住，保持脆口😍除了凍飲選擇多，連熱飲都有3款茶包可以揀，白桃烏龍好香～～～女友打邊爐咁熱都忍唔住要沖杯熱茶飲下😉最後送上雪糕&朱古力芝士蛋糕作為甜品，畫上完美句號😆

香港人最鐘意打邊爐~~夏天都唔例外去完日本之後，總係心思思想食返和牛，於是就係OPENRICE搵左喱間肉浦團火鍋放題，有和牛火鍋放題食。價錢仲唔貴~四百蚊一位有找。入場時係8點幾見到仲有唔少食客，餐廳提供免費飲品，有自家製既茶飲，睇落同飲落味道都似筆者喜歡既一間連鎖火鍋店湯底方面都有唔少選擇，今次我就叫左醉雞湯底，醉雞件係生上既，份量好夠火鍋料方面係自己用手機落單既，基本上叫幾多都會黎幾多，唔存在落多黎少既問題~當日同朋友兩人都非常肚餓，將餐單上每一樣野食都幾乎叫左一次。食物種類太多講唔哂，但我最喜歡M8臂腰肉心﹑封門柳同埋澳洲M5和牛~餐廳將牛肉切得比較薄，落湯即熟，牛肉非常嫩口有牛肉味可以試好多種類都唔覺得膩配料方面亦有好多，客人可以自己出去夾，單係菜款都有十幾種，更加唔少得丸類滿足哂唔同人既胃口總括而言，肉浦團都係抵食，有空可以試一試。

星期日至四M5 M8和牛任食套餐有二人同行一人半價的優惠。2023年7月4日 至 2023年9月30日嘅週五,週六仲可以用$20由M5和牛套餐升級至A4和牛套餐。A4和牛套餐呢款套餐嘅主打當然係四款A4鹿兒島和牛，分別係：A4鹿兒島泰元和牛後腿肉A4鹿兒島泰元和牛肩胛肉眼A4鹿兒島泰元和牛牛五花A4鹿兒島泰元和牛牛胸片呢四款入面脂肪最少嘅係肩胛肉眼，食多幾碟都唔會覺得油膩。但係如果講到肉質最軟嫩，咁一定係牛五花。如果想食瘦少少嘅牛肉，牛背峰同埋牛頸脊都唔錯。海鮮方面推薦蝦同埋魷魚。我哋揀咗胡椒豬肚湯底，味道唔係好辣，豬肚都幾多。蔬菜、丸類都係自助區。比較驚喜係自助區仲有唔少炸物小食，咖喱魚蛋質素唔錯。最後仲有甜品，當晚可以揀抹茶芝士蛋糕又或者係Häagen-Dazs。

📍 肉浦團火鍋放題 (旺角)打邊爐對牛肉有要求既朋友🐂可以試下呢間牛肉有質素既火鍋店😋 任食120分鐘🤤有唔同級數既牛套餐選擇🤓餐廳裝修玩味十足, 加入左香港電影元素🎬我地今次叫左M5M8和牛Set😋好滿足🌟M5M8和牛Set $368pp (120mins)✨湯底湯底有8款選擇🍲我地揀左藥膳花雕醉雞湯🐓感覺比較養生既鍋底😆 藥膳味香, 酒會分開上,自己倒入鍋🫖酒量可自行調校份量, 雞肉嫩滑👍🏻✨牛肉, 海鮮等等有好多牛既不同部位選擇🐂必食澳洲M5和牛牛肩胛同埋澳洲M8臀腰肉心🤤牛脂肪比例平均, 肉牛肉味濃👍🏻海鮮方面,有廣島蠔, 海蝦等等, 蝦肉爽口彈牙😁✨自助吧有多款不同丸類選擇🤩蔬菜新鮮🥬另有港式熟食提供, 炸魚皮, 咖喱魚蛋等等😋✨飲品飲品選擇多📍 肉浦團火鍋放題 (旺角)旺角通菜街1A-1L號威達商業大廈2樓A號舖

同朋友食飯約旺角真係好方便，打俾路放題就唔使諗，食足兩個鐘乜都有得食，呢間肉浦團絕對係好好嘅選擇揀咗M5M8和牛餐，有多款澳洲同美國和牛同安格斯牛肉，當然唔少得海鮮同其他肉類，另外好欣賞佢個醬料區，黑蒜甜豉油超正QR code落單，每一款肉類同配料都有詳細介紹，唔怕盲舂舂亂咁揀，可以揀返自己心水食物見到隔籬枱有兩個哥哥一次過嚟咗30幾碟🤣 同埋用咗會員優惠有啤酒任飲，真係回晒本，我哋戰鬥力冇咁高，不過以下幾款都encore左幾次🤭M5和牛牛肩胛 - 肉質彈牙肉味又夠濃超正牛滑 - 蝦滑墨魚滑就見得多，牛嘅真係第一次，牛筋牛肉牛脂肪都齊，爆汁 juicy麻辣雞腎 - 雖然薄身，但都好爽口，打完邊爐都不減佢嘅麻辣香味牛胸爽同牛骨髓 - 呢啲特別部位估唔到任食邊爐都有得食個蕃茄湯真係太正，落咗個辛辣麵填滿個胃最後嘅空間甜品同雪糕雖然唔係音色，而係每人一份，不過食肉都夠晒飽，有雪糕或者芝士蛋糕揀，好味😋

想打邊爐，見OpenRice訂座有優惠，就試吓啦！打邊爐有四個價錢，優惠就係可以用第三個價錢$368(M5M8和牛set)加$20 upgrade去第四個價錢（原本$468)(A4和牛set), 又或者用第三個價錢第二位就有半價。我哋揀咗前者，朋友話想試吓佢啲A4和牛。朋友唔食辣，所以揀咗胡椒豬肚湯。湯底胡椒味就唔算好出，反而好有豬肚味。而牛嘅款式真係好多，基本上試晒咁多款牛已經飽晒😂😂我哋叫咗10幾款（好似仲未點齊😂）推介胛肉眼，脂肪分布均勻，牛味唔算好出，但入口即溶，正👍🏼另外餐廳仲有提供幾款熟食小食，飲品任飲，甜品就最後會提供一杯雪糕或者一件蛋糕。三百零蚊食到咁多牛真係唔錯嘅選擇！

一直都bookmark住呢間邊爐任食感覺好似好港式咁我地揀左M5M8和牛Set每位$368～呢個價錢都offer左好多種類嘅食物揀左壽喜燒湯底湯底鹹甜適中預先已經擺左冬菇落去一齊煮自助區好豐富除左常見嘅蔬菜同丸類仲有辛拉麵同炸物估唔到辛拉麵咁適合打邊爐！因為肉嘅種類真係好多餐廳好好 所有肉類都有個牌仔講佢係咩肉而且每種肉都係薄片好方便淥兩下就食嘢飲除左凍飲仲可以自己沖茶！估唔到仲有個甜品收尾！呢個價位居然係Hagazen！自家製嘅芝士蛋糕都非常好味

好耐無打邊爐啦～聽朋友介紹依間位於旺角既火鍋放題～有和牛任食咁吸引當然拉埋男朋友黎試試啦ＸＤ座位非常闊,  一大班朋友都坐得落呢!逢星期日至四M5M8和牛Set仲有2人同行1人半價優惠/加20蚊升級做A4和牛Set真係超抵呀！！而我地就簡左加20蚊升級做A4和牛Set～介紹下自助區啦～菜同其他配料既選擇都非常之多，唔會淨係肉咁單調仲有D炸物可以拎~都炸得幾脆架！飲品亦都係免費任飲,果汁茶啤酒都無缺少由於我地係叫A4和牛Set, 所以係每一款和牛都可以任叫的A4和牛後腿肉，油脂較豐富，油香味十足！A4和牛肩胛肉眼，肉質非常嫩滑，一口一塊十分滿足！A4和牛牛五花，霜降的脂肪，成塊牛都擁有濃厚的風味！A4和牛牛胸片，很嫩滑～很好味ＸＤ韓牛後腿肉，韓牛的水準真的越黎越好！另外我地亦都有叫Ｍ５Ｍ８和牛Set的牛肉！澳洲Ｍ５和牛牛肩胛澳洲Ｍ８腎腰肉心美國安格斯牛頸脊薄切封門柳其實依幾款牛都已經非常之好味，肉類質素已經完勝坊間眾多火鍋放題！全部肉味都好濃郁，無雪藏味～除左和牛，打邊爐當然要食埋其他配料啦。依度有個好特別既牛骨髓，我都係第一次食估唔到非常之不錯，口感軟軟地好得意，有少少似食棉花糖！已經