肉浦團火鍋放題

Open Now

Now Closed

这家旺角火鍋店绝对是一家非常值得一试的好店！从进店的第一眼，就会让人感到温馨和亲切，店内的各种火锅锅料摆放得相当齐备，总共有数十种肉类、海鲜以及鸟类等等，给人很大的选择空间，即使是挑剔的美食家也一定可以满意的找到自己所喜欢的口味。店家的服务态度非常周到细致，每道菜品都是现场点菜的，新鲜度很高，而且服务员也会根据客户喜好提供专业的菜品建议，让人觉得非常贴心。火锅肉质保持得相当新鲜，味道更是十分美味，无论是单吃还是搭配汤底都相得益彰，在口感和味道方面都是一流水平。与其他火锅店相比，这间店的价格相对非常公道高效，性价比是十分优越的，上菜速度还很快，无需等待太长时间即可就餐，同时店内的环境也非常整潔美觀，让人感到舒适和惬意。综合来看，这家旺角火鍋店的火锅味道极佳，服务态度也十分热情周到，环境卫生也非常好，而且卖点更在于它的性价比非常高，真可以说是物美价廉的好去处，推荐在旺角的朋友们都可以来尝试一下！

這家火鍋店的牛肉真的非常美味！肉質鮮嫩，口感絕佳，沾上店家特調的醬料後，更加口感倍增。餐廳的湯底也非常濃郁，補湯效果絕佳，非常適合冬天用餐。店家提供了各種不同種類的食材和佐料，讓消費者能夠根據自己的喜好來搭配，十分貼心。另外，店家的服務態度也非常好，讓人感到非常舒適和放心。總之，這家火鍋店的牛肉真是令人回味無窮，強烈推薦給所有喜愛火鍋和美食的朋友們！

食肉獸朋友一直都好推介呢間肉浦團火鍋放題，今日終於有機會一試😆！餐廳好有港式裝修風格，又有霓虹燈同唔少港產片Q版插圖😆我地叫左M5M8和牛set 跟壽喜燒湯底 $368每位，包左total 10款牛肉同2款豬肉，可以食個夠😍性價比好高！牛肉推介一定要叫澳洲M5和牛牛肩胛、薄切封門柳，食落嫩口得來又香牛味，油花靚！真係世一好食🤤如果鍾意食有啲咬口嘅牛肉，推介安格斯牛頸脊同牛板腱，好重牛味而且又彈牙😋豬肉推介鹿兒島黑豚肉💕肉質好有彈性，食落一啲都唔覺肥膩👍🏻餐廳丸同菜嘅選擇都好多，而且仲有炸物區域，有薯角、薯條、咖喱角同雞塊，每樣嘢都熱辣辣好脆口，忍唔住係咁食😆🤤！整體來講餐廳好啱一啲食肉獸朋友食😆肉類選擇好多，性價比又高🥹一定會再encore

突然好想食打邊爐，即刻搜尋下邊一間打邊爐又好食又抵食。搵到呢間喺旺角女人街旁邊嘅肉蒲團，除咗個名好得意，食物仲好新鮮，好高質素，而且服務仲好好我同老公點咗M5M8 和牛套餐，點左壽喜燒做鍋底，湯底甜甜地，好似食緊日式牛肉鍋咁我哋呢啲食肉獸，梗係第一時間點好多唔同嘅牛肉啦。我哋第一轉點咗封門柳，澳洲M5和牛牛肩胛，澳洲M8 臀腰肉心，澳洲穀飼牛臀尖，M5M8和牛，好食就唔駛講，原來澳洲穀飼牛臀尖都好有牛味，好正當然仲有食其他牛胸爽，豚肉，廣島號，石斑魚片，原隻魷魚仔，仲有水餃，雲吞可以點除咗QR code點嘢食之外，外面梗係仲有一啲丸，菜類仲有熟食添午餐肉係厚啲切㗎，真係忍唔住食咗幾件食完打邊爐，仲有甜品可以揀，就係哈根達斯嘅雪糕或者芝士蛋糕揀，我哋兩個都揀咗朱古力味嘅雪糕，正而且呢度啲服務態度真係好好，服務員主動清理枱面，加湯，而且上菜速度超快，一撳完QR code，轉頭就到了，少於1分鐘就上道菜，真係好難得，好抵讚仲有一樣嘢要讚，就係每碟肉佢都會有個肉嘅名稱上面，令到客人知道每一碟肉的部位，食完好食可以再叫同款的肉，唔使估估下

近排終於的起心肝想減肥💪🏻💪🏻同正視吓健康情況🩺💪🏻見朋友呢兩年清減咗唔少，決定試吓跟朋友減碳，買咗個血糖監測器睇吓自己食嘅野同血糖嘅反應，用黎警惕住自己🚨🚨今日就約咗去食放題，啱晒，就睇下食完放題，究竟血糖會點先～🤣🤣今日去旺角一間叫肉浦團嘅火鍋放題，地點係女人街街尾，入巷仔有一幢全部都係食肆嘅大廈，入𨋢去四樓，算易搵，喺旺角行完街上黎食野都算方便。入邊地方闊落，兩邊有卡位，環境算舒適Let’s meat and eat together👏🏻👏🏻👏🏻👏🏻啱晒肉食獸，有好多唔同嘅牛肉部位揀～我覺得個美國安格斯牛背峰好食，佢肥瘦均勻，正👍🏻另外澳洲M5和牛牛肩胛，美國安格斯牛板腱我都好鍾意，啖啖肉，牛味夠👍🏻👍🏻另外牛頸脊都係必叫，好食到無得頂～👍🏻👍🏻另外有啲未食過可以挑戰吓嘅部位，包括有牛骨髓，牛胸爽～咁大個女我真係未食過，第一次食，非常新奇😂淥完個牛胸爽變咗彎彎地唔同晒，點一點芝麻醬，爽爽地咁，幾特別～另外必叫佢嘅蝦滑同牛滑，彈牙好食👍🏻encore咗兩轉😋另外要忍忍口，所以魚皮，響鈴都只係淺嘗，費時個血糖爆升～仲有石斑片，蝦，魷魚，蠔～不過已經好飽～其實佢外邊仲有好多野食，又菜又

今日同朋友嚟到旺角打邊爐，放題120分鐘，打算食番餐勁嘅！選擇左M5M8和牛Set，有澳洲M5和牛牛肩胛、澳洲M8臀腰肉心、澳洲榖飼牛臂尖、美國安格斯牛板腱、美國安格斯牛頸脊、美國安格斯牛背峰、美國安格斯牛骨髓等多種靚牛肉！仲有海鮮北吉廣島蠔、石班魚片、越南虎蝦、原隻魷魚仔等！全部都係貴價靚食材！湯底方面選擇咗日式壽喜燒湯底，仲有兩隻生蛋奉送！日式傳統食法係將蛋白蛋黃撈勻，再將煮熟嘅牛肉沾上生蛋汁一齊食。落單方式係用app點餐，叫左無幾耐就送上枱，好有效率！叫左好多肉類，最推薦都係澳洲M5和牛牛肩胛、澳洲M8臀腰肉心，油花靚，入口軟嫩有牛味！豬肉方面推薦鹿兒島黑豚肉，肉質非常軟熟！除咗用app點餐之外，都可以係食材bar 自己挑選食材！有牛丸、墨魚丸、芝士腸、蟹柳等，菜嘅選擇都有好多！可以慢慢揀慢慢食！仲有調料bar，可以自己調配合適嘅醬汁，推薦黑蒜油醬油同芝麻醬！飲品吧，都有分凍同熱，因為身體因素唔太飲凍野，店員都好好咁拎咗支室溫飲品俾我！整體呢一餐食得非常之滿足！火鍋材料多，環境闊落，店員服務態度好！適合聚會一齊嚟！

呢間位於旺角嘅肉浦團火鍋放題真係好受歡迎，平日7點幾嚟到已經差唔多滿咗😳 由於比較鍾意食海鮮，湯底揀咗蜆湯，店員會另外俾啲清酒我哋加入湯入面。😝出面有自助區，可以自己拎小食，丸同蔬菜類，另外仲有飲品區茶、啤酒、汽水等等都應有盡有！😍 呢度採用電子下單，上菜速度都好快，佢嘅牛肩胛係特別出色😳牛味夠重，油脂比例分明，食完唔會覺得膩。另外佢嘅黑豚肉都非常值得推介😝至於海鮮類非常推薦佢嘅廣島蠔，大大隻，好肥美☺️另外店員收碟速度都好快，整體服務好好，環境又舒適，肉類選擇又夠多，值得再去☺️

放假梗係要約埋朋友去打邊爐聚下🫶🏻今次為大家來一間位於旺角既火鍋放題店🍽️餐廳以多款牛肉作為賣點，鐘意食牛肉嘅朋友仔有福了🐮可以食到唔同級數及部位，以家只要惠顧M5M8和牛Set，即享2️⃣人同行1️⃣人半價優惠，CP值高👍🏻_🐮A4和牛Set $368+$20 (升級)▪️ 特色湯底湯底有8款選擇，有胡椒豬肚湯、清酒味噌トト蜆湯、藥膳花雕醉雞湯、秘製麻辣湯等🌶️今次試既清酒味噌トト蜆湯味道鮮甜，蜆肉食落冇沙🥘另外仲配有一壺清酒，加少少落湯到更加鮮味🤓▫️牛肉 A4鹿兒島泰元和牛後腿肉A4鹿兒島泰元和牛肩胛肉眼 A4鹿兒島泰元和牛牛五花 A4鹿兒島泰元和牛牛胸片 1++韓牛後腿肉 澳洲M5和牛牛肩胛 澳洲M8臀腰肉心牛肉種類多達🔟幾款，一次過讓大家食均唔同部位🇯🇵A4和牛脂肪比例平均，入口軟滑甘香🇰🇷1++韓牛後腿肉牛肉味濃，有咬口▪️海鮮有北吉廣島蠔、日本帶子 、石班魚片、越南虎蝦、原隻魷魚仔等🦪越南虎蝦彈牙爽口，日本帶子粒粒晶瑩飽滿，肉質厚實，鮮味十足🥰▫️其他配料有蝦滑、牛滑、雲吞、餃子、麻辣雞腎、雞脾肉、鹿兒島黑豚肉等🐷麻辣雞腎爽口開胃，蝦滑食落Q彈唔鬆散，雞脾肉亦夠嫩滑▪️自助區有蔬菜、丸類腸仔、

🍽️A4和牛set $468/2hrs (小童/長者 $348)+$50升級鴛鴦鍋 (日式壽喜燒, 番茄豬骨濃湯)今餐放題我哋食咗好多樣嘢😋當中我哋覺得A4鹿兒島泰元和牛肩胛肉眼、牛胸片、後腿肉、牛胸爽、廣島蠔、帶子同虎蝦都係必點🤤🤤牛肩胛肉眼油脂分佈均勻，食落嫩滑之餘牛味亦相當濃郁👍🏻海鮮都好鮮甜，兩個人total叫咗6份廣島蠔🙈非常之滿足味道😋 7/10性價比💰 7/10環境🔎 7/10服務🫶🏻 8/10打卡指數📸 6/10٩(˃̶͈̀௰˂̶͈́)و 推薦指數🥰 7/10

今日下午同朋友去旺角行街食LUNCH 見到呢間出名的肉浦團火鍋放題唔洗排隊立即入去拎位食野 我地選左90分鐘任食M5和牛SET ($258每位)+藥膳花雕醉雞湯位置好舒服 俾左個卡位我地 四周的裝修都富有香港地的特色無論是蔬菜類 丸類 炸物熟食都好多款式同十分新鮮醬料吧有超過十款的選擇飲品亦有不同種類 新鮮的冷泡茶都有好幾款我地選了桂花烏龍和菊花杞子非常香的茶味等左約10分鐘 鍋底和牛肉SET都送到 好高效率牛板腱 牛五花 牛頸脊 牛小排各款都上左黎每款都好好食 牛味好濃牛小排尤其出色 質感比較有咬口隨後都叫左其他牛款食 例如封門柳 都係好優質豬肉的選擇較少 不過鹿兒島黑豚肉已經夠食另外 仲有不少海鮮可以點虎蝦 廣島蠔 魷魚仔 魚片蝦滑全部都好新鮮總括來講 二百幾蚊食到個勁多款色的火鍋放題 座位又咁舒適 十分超值下次行街再去過

肉浦團位於旺角，距離地鐵站只有幾分鐘步行距離，地點方便食物高質，任飲任食兩個鐘保證你食到夠皮~菜單分咗四個價錢，豐儉由人，想食好啲當然就要比多少少錢啦！今次試咗$368嘅M5 M8和牛set，已經非常好食！當中嘅牛背峰、牛臀腰肉心同埋牛頸脊真係又滑又彈牙😍淥一淥即起保證唔會韌，而且有成10款不同部位嘅牛肉，一個價錢多重享受喎😋湯底叫咗一個藥膳雞鍋，啲雞超級嫩滑，湯底都有好香濃嘅藥膳味，啱晒最鍾意養生嘅女仔，非常醒胃～作為一個海鮮控，仲有好多海鮮選擇，叫咗海蝦、石斑魚片好香魚味，仲有魷魚等，全部都好新鮮，包有一款啱你心水～總括而言，肉浦團食物質素高，款式選擇多，環境都幾寬敞幾好坐，而且地點就腳，邊爐控快啲約朋友嚟試吓啦～

餐廳現時做緊一個幾抵嘅優惠，逢星期一至四，晚市放題二人同行，一人半價，計返二人即係原價七五折。今晚揀選左原價$368/位嘅M5M8和牛Set，有八款湯底供選擇，最重要梗係有澳洲M5和牛牛肩胛、澳洲M8臀腰心肉，另外仲有其他八款牛肉，另有豚肉、虎蝦、蠔、石斑魚片、蝦滑、原隻魷魚、牛滑、雞子、各式丸類及蔬菜等等，基本上多到唔會試得曬。炸物有魚皮、響鈴、炸雞塊及炸薯條；丸類及蔬菜多達數十款，如有選擇困難症真係搞唔掂......湯底揀左秘製麻辣鍋，辣又唔係好辣，大概譚仔小辣咁，小麻小辣，花椒都幾多，食落口有少少麻香，但咁都好，唔會辣到搶曬肉嘅鮮味。十款牛肉當中，「澳洲M5和牛牛肩胛」質素最高，牛味與油香相對平衡，肉質亦夠滑；「牛頸脊」肉味較重，油脂較低，但肉質都夠嫩；「封門柳」肉味適中，但肉質較為軟嫩，同樣美味。「牛胸爽」都有得任食真係不得了，其為牛胸前肋骨上的筋膜，質感爽脆，油香重而不膩，唔係咁多火鍋放題有Offer另外仲有原隻魷魚及雞子等任點任食，魷魚新鮮，非常爽滑鮮味，我與友人每人食左一條

朋友介紹，旺角肉浦團逢星期日至星期四，二人同行一人半價，非常抵食。今晚又係無飯日，一於約埋個仔去涮番餐，今晚二人order 左$368任飲任食120分鐘，仲有一人半價添😋。一入門口側邊已經見倒兩大個凍櫃，分別整齊排列蔬菜、什菌、什丸… 等等新鮮火鍋配料；對面就係醬料區，種種料頭、醬汁都好齊備；再行過些小，見倒炸魚皮同響鈴同一些炸物小吃；最後就係飲品櫃，同埋順帶一提，只要follow餐廳IG Yukpothk 就可以免費暢飲生啤放題☝🏼，真係可以放膽飲飽食醉啦😆。先order左個蕃茄豬骨湯底，味道都好濃郁，再黎緊用QR code爽點肉類啦🤣⋯⋯薄切封門柳、澳洲M5和牛牛肩胛、牛頸脊、澳洲M8臀腰肉心、黑䐁肉係我今晚重點出擊，不停refill，封門柳最有咬口、牛肩胛重牛味、黑豚肉好鮮美，總括黎講，肉類我都覺得水準唔錯👍🏻。蝦滑都係重點推介比大家，爽彈夾鮮味；水餃🥟同雲吞都好出色。最後緊係攞啲芝士腸、午餐肉、什丸，什蔬菜、韓國辛辣麵，全部放晒入個鍋，整番個港式部隊鍋啦🤣⋯⋯好滿足嘅一餐，食埋個Haagen-Daz士多啤梨雪糕做結尾，真係好滿足😋。值得一讚，全晚不但冇漏單情況，而且上菜非常之快

食肉獸天堂😆 火鍋放題限時優惠第2位半價，仲可以任食和牛🐮—————M5M8和牛set ( $368 )120分鐘任飲任食😆 回本之選點睇都一定係瘋狂食牛啦😛 咪以為任食質素一定差，呢度啲除咗選擇多，仲好軟嫩～尤其係A4和牛肥瘦均勻，食落唔會成口油🤤 個人覺得2、3塊疊埋一齊食，口感更好🤣 宜家仲做緊第二位半價同+$20就可以升級任食A4和牛( 原價$468 )！-簡單講下有咩回本之選🐮🌟A4鹿兒島泰元和牛後腿肉🌟A4鹿兒島泰元和牛肩胛肉眼🌟A4鹿兒島泰元和牛牛五花🌟A4鹿兒島泰元和牛牛胸片🌟1++韓牛後腿肉🌟澳洲M5和牛牛肩胛🌟澳州M8臀腰肉心🌟牛胸爽 ( 期間限定❗️ )仲有大量牛肉、豬肉雞肉、菜類、丸類任你揀，真係抵到爛🤣 menu可以睇圖😋-優惠詳情 ( 只限星期日至四 )1. M5M8和牛set二人同行一人半價 ( 原價$368，第二位半價$184 )2. M5M8和牛set升級至A4和牛set ( +$20 )-甜品方面呢度就唔係任食嘅，每人可以揀一款，港🐷呢日就係日本芝士蛋糕同Haagen Dazs 雲呢拿雪糕🍦

天氣開始熱，但作為一個火鍋控，天氣熱係阻止唔到我打邊爐嘅決心今日去咗呢間肉蒲團試佢既嘅M5M8和牛set收工去到餐廳已經坐滿客人，好彩有book位餐廳裝修幾特別，而且枱與枱空間較大，唔會好逼夾，幾好坐同其他放題邊爐操作模式差唔多，飲品，蔬菜，丸類，炸物，都係自己出去拎，只有肉類，餃子，海鮮等既食物就用QR code落單，呢度嘅炸魚皮同響鈴都有保溫燈照住，拎到埋位仲暖笠笠好香脆蔬菜同丸類嘅選擇都有好多，我最鍾意嘅就係墨魚腐皮卷同流心芝士魚蛋，呢兩款喺出面都比較少見到，而且味道都好好墨魚腐皮卷食到有墨魚粒，流心芝士魚蛋嘅芝士亦都好香濃，加上魚蛋嘅彈牙同魚味，真係唔錯泰式冬陰功湯底呢個湯底都好足料，有好多香料同蜆，味道同平時泰國餐廳飲到嘅冬陰公湯差唔多味道💫肉類呢度嘅牛肉質素幾好，重複落單都維持到質素而且款式都幾多，有澳洲M5 & M8和牛，美國安格斯牛頸脊，牛背峰，牛板腱，封門柳，牛胸爽等我比較鍾意封門柳同牛頸脊，雖然呢兩款肉既油脂唔太多，但肉味香濃，鍾意食牛肉味嘅朋友應該好鍾意海鮮呢度嘅海鮮款式唔算太多，但其本款式都會有，例如虎蝦，生蠔，原隻魷魚仔，石斑魚片