肉浦團火鍋放題

Open Now

Now Closed

肉浦團是一家專門提供高級肉類和海鮮的餐廳，位於旺角的一個熱鬧街區。這裡的裝修非常乾淨且有現代感，讓人感到非常舒適。星期日至四M5 M8和牛任食套餐更有二人同行一人半價的優惠！我們選了清酒味噌卜卜蜆湯。讓我們先來談談這裡的肉類選擇。這家餐廳提供的澳洲M5和牛牛肩胛，安格斯牛頸脊，美國安格斯牛板腱，澳洲M8臀腰肉心，俄羅斯豬梅肉，鹿兒島黑豚肉和特選雞脾肉等選擇非常豐富。而我最喜歡的是他們的澳洲M5和牛牛肩胛，肉質非常嫩滑，入口即化，並且配上自己調制的醬汁，味道非常美味。其他的肉類也都很精緻，而且每種肉類都有自己獨特的風味和口感。除了肉類，這裡的海鮮選擇也非常豐富。他們提供的北吉廣島蠔，原隻魷魚仔，越南虎蝦和石斑魚片都非常新鮮，而且味道也非常好。我最喜歡的是他們的越南虎蝦，口感鮮嫩，並且每隻用竹簽串著，非常方便及容易入口，而且味道非常鮮美。最後，他們還提供了一個人一杯的Haagen-Dazs曲奇雪糕，甜度適中，搭配上曲奇餅乾，味道非常美味。總體而言，肉浦團是一家非常值得一試的餐廳。他們的肉類和海鮮選擇非常豐富，而且味道都非常美味。此外，他們的裝修也非常漂亮，讓人感到非常舒適。如果您想要品嚐高

今次Lunch 揀左120分鐘M5 & M8和牛套餐❇️湯底：麻辣湯同藥膳醉雞鍋麻辣湯：越食越麻，不過不失醉雞鍋：開頭酒味都好重幾好味而且醉雞醃得好入味，肉質好滑但係湯底最後就越食越甜❇️肉食呢個set 包括了澳洲M5和牛牛肩胛、澳洲M8臀腰肉心、美國安格斯牛板腱、牛頸脊及牛背峰！個人最喜愛牛頸脊❇️其他配料有小量海鮮選擇、少見既牛滑（大推），連牛骨髓，牛胸爽，雞子，都有！❇️自助吧自助吧有多款新鮮蔬菜、丸類、菇類，炸魚皮、香脆響鈴，出前一丁、辛辣面添！❇️飲品凍熱飲，無糖，任君選擇❇️最後仲有Häagen-Dazs雪糕用手機落單，每一次order 只可以四碟有少少麻煩每一碟肉只有3塊薄薄的不過呢度食物選擇多而且新鮮，絕對係旺角一帶高質任食之選❗

朋友約打邊爐就想搵間可以多啲牛嘅選擇嘅放題，就黎左呢間位於旺角通菜街嘅肉蒲團火鍋放題。初頭聽到個名都以為純粹食下字，但原來裝修都好圍繞港產片主題，好多對白都係童年回憶，同一班舊朋友特別有feelM5M8和牛set 配藥膳花雕醉雞湯底醉雞腌得好入味，藥膳材料都好足所以食落感覺好濃烈，另外花雕酒亦可以隨自己喜好加多加少，所以酒味可以自己調教，好貼心。牛肉嘅選擇真係好多，唔同國家，唔同部位都有，我覺得最好食嘅有澳洲M5和牛牛肩胛同安格斯牛板腱，肉味最濃同肉質爽脆。鍾意食牛嘅朋友真係啱哂。除咗牛肉都仲有好多選擇雞肉就有雞髀肉，雞髀肉真係正過雞件好多，另外海鮮都有好多選擇，有虎蝦，廣島蠔，魷魚同石班魚。每樣嘅質素以放題嚟講真係算係出色。起碼每樣都係新鮮靚仔。其他嘅火鍋料同蔬菜類就可以係自助櫃自己拎，自助區乾淨企理。飲品都係任飲。最後仲有得揀抹茶芝士蛋糕或者雪糕。相當抵食！

旺角· 高性價比玩味放題火鍋肉浦團📍旺角通菜街1A-1L號威達商業大廈2樓A號舖➰餐廳坐落旺角市中心，地點非常方便，座位尚算寬敞，裝潢佈置非常有趣，用上不同電影風格的金句改圖。.食物主要分為4個套餐全部都可以任飲任食120分鐘，4款套餐分別是肉的種類不同，而肉類主要是QR CODE點單，個人最喜歡不停落單的牛頸脊是368的套餐，同款套餐還有M5和牛牛肩胛同M8臀腰肉心，同樣肉味濃郁，油脂分佈一流，不容錯過。.另外醬料區除了平時常見的醬料外，最特別有花椒油，取其麻而不辣的香氣，亦很推介。蔬菜丸類等採取自助模式夾取，其中魚皮及響玲等香口食物餐廳很貼心的用射燈照射保持新鮮爽脆度，值得一讚，最後飲品方面亦有10數款飲品，而且亦包含啤酒，還有自家制洛神花茶亦不錯，最後還附送甜品，可以選擇芝士蛋糕或Haagen-Dazs雪糕。.總體餐廳地段方便，用餐時間長，食物種類亦很多，在旺角想打邊爐的朋友又多一個好選擇。

M5M8和牛任飲任食放題🤩🤩🤩主角當然係M5和牛喇…第一 round食落口已經感到大大滿足，佢地嘅鹿兒島黑豚肉都好好味😋其實牛肉都好多款可以選擇，仲有雞肉、海鮮、蠔、雲吞等等…自助區都有好多款蔬菜、丸、菇類等等…炸魚皮、響鈴就必有，最正係有辛辣麵，麵條粗粗地加埋打完邊爐個個精華湯底一定冇得輸，我本身就點左胡椒豬肚湯，夠晒濃味👍🏻👍🏻👍🏻飲品都係任飲，最後有杯名牌雪糕做總結✌🏽✌🏽✌🏽

餐廳位於旺角通菜街1A-1L號威達商業大廈2樓A號舖 😛餐廳位置位於通菜街，非常容易搵，去到威達商業大廈2樓就係，夜晚時間非常多人，大家如果你食嘅話記得早啲打去俾餐廳訂位，餐廳同我哋確認咗定位之後我哋好快就可以入去！今日我哋就叫咗呢個M5M8和牛set😀 ！每人$368加一，可以食足一百二十分鐘！🤍封門柳，冇諗過呢個價錢可以任食到封門柳，封門柳食落柔嫩，肉質亦充滿牛肉香味，牛肉𤀼熟後亦有豐富既肉汁，非常juicy！最後我哋encore左兩次，性價比真係好高！！！🤍日本廣島蠔，廣島蠔 熟左之後都唔細隻，食得出新鮮既味道😀好少有火煱放題提供日本廣島蠔，餐廳係挑選食材方面絕對唔會姑寒，正！🤍手打豬肉滑，非常爽口彈牙，再加埋少少到佢本身嘅配料，食得出有馬蹄的味道，我哋用咗壽喜燒湯，味道非常夾，最後亦都再叫多咗一份！🤍鹿兒島黑豚肉，味道都唔錯，肥瘦非常平均，唔會有太肥嘅情況出現，壽喜燒湯同佢嘅味道非常襯！餐廳出邊仲有自助嘅食物區，有好多唔同嘅熟食，例如炸魚皮炸薯格咖喱魚蛋，自助配料火鍋，佢就有唔同嘅蔬菜同丸，仲有牛柏葉豬血！飲品亦都有酒精類，同埋好多唔同韓國式嘅飲品！總括嚟講CP值都幾高！😄正！

每次同朋友都會好想食放題，今次就食肉浦火鍋放題，因為好鍾意多選擇咩都有，呢度服務仲好好仲有M5M8和牛食😍今次選擇咗M5M8和牛set🌟湯底我哋選擇咗清酒味噌卜卜蜆湯，湯底好味仲可以食埋卜卜蜆非常之吸引我哋最鍾意食牛肉所以第一時間每一款叫幾碟先😂M8臀腰肉心，澳洲M5和牛牛肩胛，美國安格斯牛板腱，美國安格斯牛背峰，薄切封門柳，呢度每一款都好有質素仲可以食到每一款牛肉嘅層次呢度幾款啲牛味都好濃烈好好味😋呢度仲有牛骨爽食非常之爽口又好味蔬菜類仲有10幾廿款選擇，可以自助式我就鍾意食菠菜同油麥菜，仲有響鈴，蕃茄墨魚丸蘿蔔都係我最鍾意食👍呢度我最欣賞就係有出前一丁任拎任食😂呢度仲有啲炸嘢食物可以俾你開頭頂住肚先🫢呢度飲品就有一個大雪櫃俾你任君選擇🥳

👍🏻M5M8和牛Set (120分鐘任飲任食) (優惠後) $276套餐原價成人$368/位，而家做緊優惠，星期日至四晚市二人同行一人半價，為返每位$276，CP值幾高🤓-🔸湯底湯底一共有八款可揀，我地嗌咗清酒味噌卜卜蜆湯拼藥膳花雕醉雞湯，鴛鴦鍋加$50另外附上清酒同花雕酒，按個人喜好自己加入湯底，用晒可以叫店員refill卜卜蜆湯目測有近廿隻蜆，可以當味噌湯咁飲，淡淡酒香清清地唔會太鹹醉雞湯跟一份雞髀肉，肉質嫩滑醉雞湯花雕酒香幾明顯，用嚟淥牛肉好食，蜆湯就同海鮮夾啲😛-🔸肉類呢度肉類都幾多花款，$368套餐主打澳洲M5和牛牛肩胛、澳洲M8臀腰肉心仲有啲比較少見，例如澳洲穀飼牛臂尖、安格斯牛骨髓、安格斯牛背峰大路啲嘅牛板腱、牛頸脊、封門柳等等都有，款式好多當中我地最鍾意M5和牛牛肩胛、安格斯牛頸脊、封門柳，牛味夠濃🤤！用QR Code自己落單，上菜速度好快，encore狂食咗幾輪😈-🔸其他配料自助區仲有多款火鍋配料、炸物小食丸類有啲都幾特別，例如芥末貢丸、香芋貢丸、芝心牛丸、流心芝士魚蛋、墨魚腐皮卷、墨汁墨魚丸等當中最推薦芥末貢丸同香芋貢丸，一咬超爆汁🤪！廣東雲吞同鳯城雲吞皮薄餡靚，蝦

雖然呢排好熱，但冇阻我想打邊爐嘅心😂 上次食隔離發現呢度都有間任食邊爐，咁梗係同朋友試下佢😎有4款set可以揀，我哋就嗌咗M5M8和牛set，因為見到佢有啲肉平時出面好少會有，例如係臂腰肉心同牛臂尖心☺️湯底我哋揀咗麻辣同胡椒豬肚湯，一滾已經聞到好香，都幾足料真係會豬肚，不過呢度嘅湯底相對比較清，所以好易入口🔥 自選區都幾多選擇，除咗邊爐配料，仲有啲熟食，咖哩魚蛋、薯格、薯條等等飲品都有啲係第一次見，朋友強力推薦韓國橙汁，唔會好甜幾好👍🏻打邊爐梗係瘋狂食牛，個人最中意M8 臂腰肉心同牛臂尖心，雖然比較瘦但唔會覺得韌，而且牛味幾重，仲有黑豚肉都超正，不停係咁encore😂🤭仲有呢個牛肉滑，推推推！似食緊好重牛味嘅牛丸咁，幾好食👍🏻海鮮方面，蠔同魷魚都非常好食，前者鮮甜後者爽口！重點係宜家做緊星期日至四，二人同行一人半價，即刻好抵食！

想同三五知己打邊爐之餘，又可以一齊打咭吹水！我今天到訪了旺角一間主打玩味火鍋放題的「肉浦團」與友人共享豐盛火鍋晚餐❗餐廳人員工殷勤有禮，食客自助掃描點餐，送餐迅速！座位舒適寬敞，裝修玩味十足，有霓虹光管特式打咭牆！今次惠顧了120分鐘M5M8和牛套餐 $368🍲湯底：胡椒豬肚鍋湯底採用了小小辣既胡椒豬肚，刺激我既味蕾，豬肚煮得非常淋滑，湯底配合唔同既食材都非常匹配！🥩肉食呢個set 肉食方面好豐富當然包括了澳洲M5和牛牛肩胛、澳洲M8臀腰肉心、美國安格斯牛板腱、牛頸脊及牛背峰！種類繁多，每種質感不同但同樣牛肉汁豐盛！🥟其他配料及小食其他火鍋配料同樣豐富如北吉廣島蠔、石班魚片、越南虎蝦、少見既牛滑及廣東雲吞等，樣樣新鮮美味。🌱自助吧自助吧有多款新鮮蔬菜、魚蛋丸類、金茹蟹柳、即食小食如咖哩魚蛋，波浪薯條及咖哩角等，還有炸魚皮、香脆響鈴及即食麵包括有小見既辛辣面添！🥤飲品及雪糕有不同種類的清新飲品如竹蔗茅根海底椰以及汽水等任君選擇，還有自家桂花烏龍茶等，而甜品方面有哈根大師雪糕及自家製芝士蛋糕俾你揀！總括而言，這間火鍋店的食物種類䌓多而且新鮮，絕對是旺角一帶高質火鍋之選❗

今晚又出旺角食飯，openrice見到呢間有特價，M5澳洲和牛套餐星期日至星期四，2人同行1人半價，即刻入去試吓。點了鴛鴦鍋，麻辣湯及胡椒豬肚湯。麻辣湯味道剛好，唔會太嗆辣；胡椒豬肚湯好有驚喜，豬肚都幾多，煲到好淋好夠味。醬料區有多款選擇，推介日本黑蒜豉油及花椒油，配肉類真係一絕！調配醬料後用QR code落單，店員好快手送上食物。主打M5和牛真係無得輸，油花靚，入口啖啖牛香。另一款澳洲穀飼牛臀尖心，外面比較少見，值得叫多幾碟！除咗牛肉之外，鹿兒島黑豚肉都好正，完全無豬腥味，連平時打邊爐少食豬肉嘅朋友都覺得好好食。海鮮類都有唔少選擇，試左日本北吉廣島蠔，鮮甜爽口而且煮完唔會縮細；原隻魷魚仔大大隻，有鮮味唔係普通嘅水魷！店內自助區都有多款蔬菜選擇，推介菠菜及西洋菜，夠新鮮。炸物區有我打邊爐最愛嘅炸魚皮同響鈴🔔，2款都脆口，超正！除肉類外，都好推介牛滑，雲吞及水餃。食得出2款用料都有鮮蝦，我哋encore咗好多次～飲品都幾多款，選擇了冷泡茶，及外面少見韓國罐裝橙汁，友人就試左樽裝果醋，酸酸甜甜幾開胃。另外要讚一讚環境乾淨整潔，店員服務十分好，加熱湯時會用手擋一擋，提醒我地唔好靠近。而且態度

二人同行 一人免費好抵食 所以係入正題講左先！！！呢間餐廳主打4個set a至d 由平至貴 種類都係由少至多雖然今次就揀左set c 但佢set d既有既種類會唔會太誇張🤣🤣可能叫晒全部一round都飽晒湯底有8款 鴛鴦湯加50蚊比較特別既湯底有清酒味噌卜卜蜆同泰式冬陰公呢排成日唔想食辣 最後我就揀左卜卜蜆同壽喜燒 呢到加湯有樣好 職員會根據你既湯底加番同樣 咁就會一直都係咁濃郁咁出面有雪櫃 俾客夾蔬菜類同丸類熟食都有一小部分 炸魚皮同響玲任夾超新鮮超脆牛板健 個人一向最愛呢部分 薄得黎夠大塊 熟左都唔會縮細好多 一係夾埋蔥一齊食 一係可以包住其他餸 例如蝦滑 金菇又得牛胸爽 新鮮係唔同d 滾極都係咁爽 不過佢會標油 所以控制份量 唔係食唔到其他野牛骨髓 識食既人一定會為之瘋狂 出面好多火鍋店都無得食 白雪雪 又大條 誇張d講可以當麵食亦都試左牛臀尖 係咪pat pat位 咁多部位 反而佢先最重牛味 仲有黑豚肉估你唔到咁好食 有驚喜食到最尾 仲有雪糕送 飽晒

其實2人同行一人半價係幾抵嘅，但係啲牛仲薄過張紙甘真係唔太掂。食完都唔知係牛嚟。仲要下下個服務員放個碗都打交甘，姐我明多人多野做好忙，但輕手少少都得掛。只可以講同一個價錢一定好更好嘅選擇。

Set B 放題邊爐 自助吧任選 $318 🍴藥膳花雕醉雞湯 (5/10)個湯偏甜，冇乜藥膳味，冇酒香，一般，雪雞髀冇異味，都滑同偏甜有酒味。🐮美國安格斯牛背峰 (6/10)所有肉片都切到勁薄，薄過紙😂比較瘦啲，正常。🐮美國安格斯牛板腱 (7/10)有牛肉味，軟腍，比較好食。🐮薄切封門柳 (7/10)有咬口，有少少牛香。🦐越南虎蝦 (6/10)爽口唔會梅，正常。🦑原隻魷魚仔 (7/10)好彈牙，比較好食。🐷鹿兒島黑豚肉正常，薄到唔太食得出。🍴雲吞 (6/10)正常有蝦，急凍嗰種。🍴牛滑 (8/10)冇諗咁咁好食，好有牛味又彈牙，油脂好香。🐷手打豬肉滑 (7/10)幾彈牙，ok的。推薦指數: 7/10通常都book到位，星期五唔full，嘢食正常唔伏，可能叫左平餐冇乜選擇。

香港人一年四季都最鍾意打邊爐，今日放工去咗旺角嘅「肉浦團」刷餐勁😆而家M5M8和牛Set $368/位星期日至四，二人同行一人半價，超抵👍🏻我地點咗清酒味噌卜卜蜆湯，裏面有大量嘅卜卜蜆，蜆肉冇沙，再加上豆腐去熬製，湯底非常鮮味個餐有9款牛肉🐮牛五花腩肥瘦相間，口感層次豐富🐮美國安格斯牛板腱脂肪較少，肉質比較爽脆🐮牛腱肉有咬口，肉質結實，脂肪亦比較少🐮薄切封門柳肉味最濃，口感軟稔🐮澳洲M5和牛牛肩胛帶有點牛筋，入口爽彈，口感豐富🐮安格斯牛頸脊肉味濃，肉質較粗，亦係較有咬口的一種🐮美國安格斯牛背峰油脂均勻分佈，肉質細嫩🐮澳洲M8臀腰肉心脂肪比較少，肉質軟滑而多汁🐮澳洲穀飼牛臀尖肉質偏瘦，但較為彈牙爽身仲有牛滑、牛胸爽同牛骨髓呢度嘅牛滑同牛胸爽真心讚，牛滑彈牙爆汁，牛胸爽油脂味濃，爽口美味，我都encore咗5碟👍🏻👍🏻👍🏻最特別嘅係有原隻魷魚同麻辣雞腎，麻辣雞腎爽口，魷魚新鮮爽脆，只需要輕輕一淥點上辣椒豉油非常惹味🌶️除咗牛肉之外，自助區嘅種類亦好多有魚腐、午餐肉、台灣腸、墨汁丸、芝士白魚蛋、豬皮、牛柏葉、八爪魚丸、貢丸、豬肉丸等等素菜區方面有冬菇、雞髀菇、芋絲、萵筍、蓮藕、蘿蔔、冬瓜、金菇