肉浦團火鍋放題

Open Now

Now Closed

本人十分鍾意打邊爐，見到任食火鍋就好想去食，今次喺午時嘅時候去食，諗住趁人少少去試下，點知發現原來中午都有好多人打邊爐🤣低估了香港人對打邊爐的熱誠！今次我哋揀選左「團」$298，揀咗一項比較多牛肉選擇嘅set，我揀選左蕃茄湯底，因為朋友唔食得辣，而選擇鴛鴦湯底要另加$501.四色牛肉拼盤 (一坐低職員即刻捧上嚟，啲煙好夢幻，好似食分子料理咁🤣打邊爐都有呢個效果影相一流！當然食物質素我覺得都很高質，咬落去好友牛肉味之餘仲好有口感，而唔係un嘅感覺)2.自選蔬菜/丸類別（鍾意佢蔬菜類有冬蟲草，個人幾喜歡冬蟲草打邊爐有啲似食金菇感覺🤣）3.少部份炸野（薯條/炸雞塊🍗）4.汽水飲品任飲（種類都多）

🤤盡情牛牛食到飽🥩千呼萬喚消費券又嚟喇～即刻去食返個邊爐開心下先！！@yukpothk 呢間火鍋店質素高得黎又可以任飲任食😝 真係好岩我呢個食肉獸😋 可以食唔停口😏🌟 團 set火鍋放題 ＄ 298/位 🌟火鍋套餐分咗幾款價錢 分別係肉、浦、團和盛因為我哋想有多D牛肉部位 所以揀左團 set而湯底選擇花多眼亂😍 我地揀左健康既昆布豆腐湯底！入座後會奉送牛肉拼盤，盤底放上了乾冰 啲煙係底飄出嚟 ～ 十分合適影相！仲可以一次過試曬多款唔同嘅牛牛～幾款肉味都好濃 一定係回本之選😍個人覺得安格斯牛板腱、安格斯牛小排都好正！仲有牛骨髓也是必叫的！ 簡直係一流！ 🦐海鮮類仲有海蝦😍非常新鮮 ～蔬菜類同丸類就係出面自己夾 選擇非常之多仲有烏冬出前一丁同埋辛辣麵俾你揀架飲品方面除了有多款汽水，亦有提供冷泡茶 好有驚喜💖整體來說是比較划算的火鍋 最後甜品係雪糕～

平時唔知食咩好就上OpenRice周圍碌 睇吓有冇團購平嘢食竟然真係比我搵到今次買左餐飲券可以大擦一餐 套餐包括任食🥩🐄美國安格斯牛板腱🐄英國牛肋骨條🐄蜂巢牛肚🐄牛五花腩🐖俄羅斯豬梅肉🐖俄羅斯豬五花腩🍗特選雞脾肉🐓雞腰子+自助吧(麥樂雞，炸魚皮，丸類，蔬菜，飯麵，飲品)完全食足90分鐘 坐低會即刻上一盤雜錦(即係可選種類裏面每款各一) 食完首輪之後全部都可以再encore但係後面每次落單最多只可以嗌4份 我哋兩個黑洞食肉獸超級唔好意思麻煩店員不停送肉過嚟食到夠鐘捧住個肥肚腩走 原來前後來回一共食左8 round 最後數返都嚇親由入咗都離座每次嚟到份量都一樣 唔似平時食嗰啲放題咁 一開頭嚟足後面就減半再變成三份一全部牛肉都好夠紅 唔係平時冰鮮嗰啲雪到粉色淡粉紅 每塊薄薄一片 幾乎掂水就可以即食 一啖一塊 正!!! 最鍾意係牛五花 全部都可以清楚睇到脂肪同肉完美比例1:1❤️講返個價錢先 原先每位$248再加一/每位 有次係Openrice再用埋DBS信用卡優惠滿$300-$150 埋單嘅時候俾返$20服務費 最後平均每位只需要$120嘻嘻係咪好抵先

肉浦團火鍋放題 (旺角)講咗成個月終於有時機會去到打邊爐了~之後經過見到呢間火鍋放題叫’肉’浦團 好搞笑即刻入去試下~套餐有分四個等級，我地叫左 【 團 】餐用QR code 主要order 牛類、豚肉、雞肉、海鮮而丸類、菜類、甜品及飲品就係出面自助區湯底方面我哋就揀咗 昆布清湯，有好多昆布及豆腐 肉類會先上一碟，有幾款肉~更用上乾冰效果，少女心爆發💕 打卡一流牛肉方面有安格斯牛小排、澳洲M5和牛牛肩胛、美國安格斯牛板腱等等牛肉油脂分布均勻 ~ 煮熟左牛味濃郁真係又香又好味😆果然係名不虛傳嘅肉浦團火鍋！ 呢個價錢咁多嘢食 抵啊！

呢間餐廳主打牛呀，淨係牛都有六至七款選擇另外，海鮮方面都有兩款選擇，有蝦和蠔，啲蠔都肥肥地，脹卜卜㗎，咬落去食得出有蠔嘅鮮味。另外啲蝦都唔細隻，比一般嘅酒樓大隻少少間餐廳由於係新裝修，餐廳環境坐得都係比較舒服，兩個人去食，都可以有一張四個人嘅卡位，活動嘅空間唔會話好迫夾.嘢食方面出面有好多丸和蔬菜係自助形式，如果想叫啲肉同埋海鮮，就用手機嚟落單.呢兩款牛丸一款辛辣脆牛丸，一款芝心牛肉丸，咬落去係彈牙，而且裏面係有肉汁

朋友係要見嘅！難得平日day off同friend子約定食肉浦團嘅lunch 邊爐！我地揀左”團”湯底就揀咗藥膳醉雞湯啲雞肉倒落去滾完之後吸晒啲花雕味食落好香同都幾嫩滑滾到咁上下加完湯之後仲可以自己加返啲花雕落去等湯底個味保持住一上枱個煙霧效果滿分牛肉種類都幾多有安格斯牛小排扒、澳洲M5和牛、牛肋條肉、牛板腱、牛頸脊、牛五花牛肉薄一薄一片滾一滾就即刻食得入口有一股甜香的牛油味道 入口即化 食落有豐富嘅油脂同濃濃嘅牛味肉質口感嫩滑 完全冇筋膜同個醉雞湯底好夾完全唔會覺得油膩不停encore左唔同嘅牛鹿兒島黑豚肉都係我哋嘅encore必選黑豚肉肉質緊緻多汁 口感柔軟得嚟又有彈性味道醇厚 入口有一股淡淡嘅滋味甘甜自助區又有熟食、蔬菜同各種打邊爐必備嘅丸類芥末貢丸都幾特別食落仲會爆汁原隻魷魚切成一個個魷魚圈 鮮味肉厚咬落非常彈牙鮮味墨魚滑份量十足逐點逐點用匙羹將蝦滑放落湯到好快就食得手打的果然係唔同啲食落彈牙爽口最後仲有個甜品作結非常之滿足午餐$198 一個人真係抵食！

今日同朋友黎肉浦團食lunch, 揀左性價比最高既”團” （$198/位）要左限定既紅菜頭湯底，清清地可以試真d牛既味道☺️“團”有牛肉好多不同既部位同種類。安格斯牛頸脊、牛小排、牛板腱、牛骨髓、封門柳、澳洲M5和牛牛肩胛、牛肋條肉、牛滑、越南虎蝦、廣東蠔、原隻魷魚仔，質素亦都唔錯！當中牛肉肉質最嫩既係牛板腱，牛味最重既係牛頸脊，而油花分布最靚既係牛小排，牛滑都好彈牙同滑！海鮮種類雖然唔算多，但全部都好新鮮，encore左2次！😜自助吧有好多丸類同蔬菜，香芋貢丸、芥末貢丸、茜芫雞肉丸、芝士流心魚蛋都好特別同好味！蔬菜都新鮮！飲品之中，竟然有齊OOHA三種味，好正！😍😍😍最後仲有送忌廉蛋捲添！😋😋總結：性價比高！尤其適合牛魔王😝

平日放假，就是 要一邊嘆冷氣，一邊打邊爐，享受一下。地方都幾大，坐位舒服，抽氣好，最緊要冷氣勁。肉、浦、團、盛，四款套餐可揀。要左個中位價既套餐～團$198/位湯底揀左壽喜燒，愛佢既甜味同時又可以中和油膩感。頭盤鮮牛送上來時好震撼，感覺尤如牛間仙景，仙氣飄逸。頭盤：牌~牛肋條肉、生板腱、牛脛脊、牛五花肉、安格司牛小排。每份鮮牛還附有名牌，就像讓仙女用作點燈之用。仲可以知自己食緊咩，好貼心。最喜歡食安格斯牛小排，小小肥肉，特別香。澳洲M5和牛牛肩胛，好大塊，差唔多有手掌咁大。之後用QRcode落單，有唔同部位嘅牛，豬，雞⋯海鮮有海蝦、原隻魷魚仔和廣島蠔。無限落單，Yeah!!!北吉廣島蠔，都幾大隻，乾淨無海水味牛滑和蝦滑，爽口彈牙出面仲有自取配料，丸類高質，貢丸都有數款，芫茜貢丸、香芋貢丸、芥未貢丸、黑椒馬碲貢丸。芥末貢丸最刺激，好食。蔬菜好新鮮，最驚喜係有貴價冰菜，仲有我愛吃既鮮准山，蟲草花、萵筍。出面飲品櫃自取，有汽氺和花茶，凍涼解渴。整體食物質素都唔錯。尤其是牛，款式多又新鮮。而佢哋嘅服務都好好，上菜和收盆子都快手。最後仲會送上窩心既卷蛋作甜品。我同朋友都坐得舒服，食得好開心。

以下內容是我和男朋友的主觀感覺：我們order了日本和牛餐，但食落唔多似，佢標榜係日本和牛，但我們食落似係美國澳洲和牛（我們理解可能是肉的批次或供應商問題，但我們叫了三至四碟，和牛味勁淡。唔似其他餐廳日本和牛級數，我覺得伏）唯一覺得正常係鹿兒島豬肉和俄羅斯豬肉，好好笑，人均400幾和牛餐食豬肉，食到我同男朋友一肚氣。（當然有可能係我哋唔識欣賞）有隻所謂靚韓牛完全我咬唔到，可能我牙力唔夠。我男友就覺得靭，唔好食，食2片就冇食了。或者抑或係我哋黑仔，次次都比到碟差。雪糕得一款薑味雪糕，先唔講得一款選擇，單憑味道都知距地認真夠薑，翻屋企仲要齊齊肚痛，無眼睇，唔會有下次。雖然服務態度都ok但肉質素我覺得真係令我哋不滿。或者因為佢個名叫肉蒲團，佢哋啲平面廣告有錶磅到到好似幾好食，心理落差極大。我重申強調，我哋只陳述當日食後感覺。當中可能牽涉有好多原因，例如和牛的部位/批次/冷藏是否過長/等等。或者係我哋黑仔，次次都比到碟差。

動漫展開鑼啦🥳宅宅嘅me同朋友第一日就出動啦🤣兵馬未動 糧草先行！梗係醫飽個肚先再發殺個片甲不留啦😎肉浦團一聽個名就知道勁多肉啦😋補助滿滿嘅蛋白質💪🏻同埋腳骨力🦶🏻岩晒我哋為作戰做準備🤤一於搭直出會展嘅東鐵線中途站- 旺角站開餐先！大堂冠冕堂皇 格局開放而且寬敞！場內佈置細心👍🏻有特別設計嘅搞笑海報帶有舊式大排檔嘅感覺😋大廳中間寫住“打邊爐 最緊要係朋友呀！”我同朋友望到哩句都不約而同地點頭👯經過自助吧區見到林林總總嘅配料同食物🤤我哋個肚皮未開餐已經進入戰鬥格狀態啦！飲品櫃有各式各樣飲料🧃見到有自家製洛神花茶😳即刻有策略地入手一樽👍🏻為接落嚟嘅肉肉之旅開開胃口😋團set火鍋放題 $298/位湯底選擇花多眼亂😍我哋揀咗個平時外面火鍋放題少見嘅清酒卜卜蜆湯底！蜆肉都幾多而且湯底真材實料而且冇沙🤩加上每啖都帶有清酒味道🍶貼心嘅係火鍋滾耐咗揮發晒啲酒味😆仲有一壺清酒可以額外加落湯底👍🏻加咗清酒嘅湯底唔會太濃郁😍正好可以清楚地品嚐接落嚟嘅牛肉盛宴🥳首先上場嘅係牛肉仙境🤤有安格斯牛小扒、牛板腱、牛五花腩同埋牛頸脊！配上源源不絕嘅乾冰效果 絕對係相機食先嘅時候📸影到我哋少女心爆發💕勁靚呀真係🥰除左可

最近雖然天氣好熱，但仍然無損我打邊爐既興致，今日就相約左朋友去旺角既肉浦團開餐一去到門口已經相當醒神我地簡左團，睇落都好多選擇壽喜燒湯底超濃郁，通常我都吾會再攞其他醬汁，因為已經好夠味好驚喜既係，會配兩隻日本雞蛋，燒喜燒湯底再配雞蛋，未食已經好期待店員先上一盤肉，每樣都有少少，啲乾冰出煙既效果好吸睛，每塊肉油花分佈都好均勻飲品方面就係以自助形式其他丸類菜類都係自助，丸類方面都幾特別，有幾款係包心丸，我最鐘意既係香芋貢丸，兩隻味道係十分配合，我食左幾粒呢款澳洲M5和牛肉都encore 左幾次，肉質好鮮嫩，食落去牛味十足安格斯牛小排係我同朋友都一致認為係最好食的，肥瘦好均勻，食落軟淋，牛味好香，一入口就係口中溶化，呢款係食極都唔會厭沾上蛋醬，令成舊牛肉既味道再昇華，諗起都回味無窮除左火鍋，仲有啲熟食可以自己攞，呢款炸雞塊炸得好好，火喉剛好，食落仲有少少芝士味，如果吾係好飽，一定會再攞多點最後會有甜品送上，呢舊卷蛋個cream 奶香味夠重，好岩我食最後我地都食到捧住個肚走，每一款食物都好滿意，而且座位闊落，坐得舒適，下次會再幫襯

約左朋友去旺角行街，大家都想坐奈D傾奈D😂就決定左黎*肉蒲團*食午市火鍋放題餐廳位於女人街 放便就腳👍我地簡左*團* $298一位，時限90分鐘坐低一陣店員就拎湯底同一盆仙氣牛黎，牛肉色澤好靚🤩打卡位好在我有朋友🤣🤣出面既自助區有一系列火鍋食材，除左一般芝心丸、蟹籽丸、海膽丸.仲有我未食過既丸 例如：日式芥末牛丸、馬蹄貢丸 👍其他食物就用QR落單，好多選擇🤗封門柳，牛板腱，A5和牛 叫左幾次🤭食左超多 其中最愛係封門柳，牛味好重又唔多油脂🙌🏻打邊爐又驚熱氣又怕邪惡，飲品緊係簡0糖、0卡、0脂汽水同菊花杞子啦👏🏻最後有件雪糕蛋糕仔甜品做結尾👏🏻食飽飽真滿足❤️

喺旺角通菜街有一間火鍋店，佢哋嘅午市推出60分鐘定量肉食放題，意思就係肉類有一定嘅份量，然後配菜、遠慮、麵食等等都係任食🤤今次我同個同事一齊去食，我哋叫咗個藥膳醉雞火鍋湯底，成個湯底都有濃郁嘅藥膳味道，帶有花雕走嘅香味，入面仲有¼隻雞🐓🐓午市相對來講真係好抵食😂😂我哋分別叫咗牛五花及安格斯牛板腱🥩🥩🍲🍲肉嘅質素都唔差，同牛大人差唔多，可惜個份量係定左嘅，不過少食多滋味，即是限定左都夠食嘅🤤🤤講到明係放題，佢哋嘅丸類，蔬菜，烏冬公仔麵等等都係任食，而菜個方面，令我好意外嘅係有冰菜🤣我未見過有任食嘅打邊爐放題係有冰菜嘅選擇🥬🥬🥬冰茶打邊爐真係好好食👍🏻夠爽脆😋🫶🏻⭐️藥膳醉雞火鍋湯底⭐️牛五花 💰$78⭐️安格斯牛板腱 💰$98

今次揀左呢間肉浦團火鍋放題，同好姊妹一齊食晏，放題任食由 ＄198起，可以食足90分鐘。餐廳內環境寬敞又夠開揚，食客坐得舒服。我哋揀咗清酒味噌卜卜蜆湯底，鍋底一上枱已經聞到淡淡嘅味噌香。仲可以食埋啲蜆添。一黎首先會有夢幻牛肉拼盤，入面有牛肋條、牛頸脊、牛板腱、安格斯牛小排同牛五花，另外我地仲叫左澳洲M5和牛牛肩胛同封門柳，封門夠滑又有肉味，我地encore咗好多次。自助區有好多唔同嘅選擇，仲要係屬比較高質嘅貨色，例如墨汁魚丸同黑椒台灣腸，我朋友就好鍾意食午餐肉，我自己就鍾意牛栢葉。出前一丁屬基本嘢，而最正係有辛辣麵！記住要記得拎埋旁邊既炸魚皮呀。素菜類都有好豊富嘅選擇，有南瓜，蘿蔔，粟米，枝竹，金菇我推介比較少見嘅冰菜同蟲草花，啲蟲草花大條又鮮甜。飲品選擇亦都豊富，有教主代言既0糖0卡飲品，啤酒等等，我就揀左自家製嘅冷泡茶，大熱天時又打邊爐，最好就係飲菊花杞子茶，清熱又明目。調味料區亦都一應俱全，我自己好鍾意佢有花椒油，香得黎唔會掩蓋食物原味道。

正如裝飾所講打邊爐最緊要係朋友🤭🤭今日同兩個鐵胆邊爐friend嚟咗食肉浦團。我都第二次嚟食。試咗壽喜燒同醉雞湯底。食298嗰個餐（團）。其實都好足夠佢啲肉確係幾好食。任食邊爐係算好好。雖然都係味精湯，但係啲肉食物不錯就得。依家出去食嘢有邊度冇味精㗎🤭如果佢有啲熟食可以叫就更好啦。佢個甜品係芝麻雪糕個人覺得好似食緊芝麻糊咁苦咗啲。又好似火麻仁味咁🤭😂飲品多多選擇。可以間中大刷一餐。做食肉獸都唔錯。